1 Tesalonikɛ̀n anmàn-bɔ̀ 2:7 - Ɛmɛẅi ankà ankrànkràn 2003

⁷ ɔmu lɔ kɩ bɔ́ lɛ wá ɛkɔrɛ̀levri-ci tɛ̀ bɔ̀ tán nyɛ̀n ɔmuhi bɔ́ dú Krisì kɔ̀hɔ̀n-wá-bɔ̀ nɔn. Tɛ́n, bɔ̀ ẅɛn ɛnbɔrɛ-wɔ̀ ny'ɛwú, hán ɛnẅì-nɛ́n-muan léyi kɛ wá n'ɛẅì hɔ̀n esùva nɔn.

1 Tesalonikɛ̀n anmàn-bɔ̀ 2:7 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 13:18

Ɔwɔ wá fɛcüè ndɔ lɔ ɛkɔrɛ̀ ɛnnànwàn kru ɛkoẅi-anhyrɛ̀, ɛnvra léyi yɔ dú ɛnnùwì nɔn.

1 Korɛntɛ̀n anmàn-bɔ̀ 2:3

Hɩ le kruhú de ɛjɛmɛ̀n mán ɛnjansuemɛ̀n, mɛ̀n srɔ ny'ezìwú;

1 Korɛntɛ̀n anmàn-bɔ̀ 9:22

Ɛnvra léyi mɛ̀n mán anwrɔn hɔ̀n léyi ẅɛn ɛjɛ̀ ankaẅì-bùtan mɛ̀n mɛhi bɔ́ dù nɔn, mɛ́n mumù mán mɛ ẅɛn ɛjɛ̀ m'ɛwúvà lɔ mɛ̀n, ô mɛ̀n cɔ́ yɔ. Ɔmu lɔ, mɛ srɔ yɔ lɔ fɛn, yɔ tɛn, ô mɛ̀n cɔ́ ɛyri mɛ̀n bɩ́ ɛnjanbɔ̀ mɛ̀n die.

2 Korɛntɛ̀n anmàn-bɔ̀ 10:1

Mɛ̀n Pɔlɛ̀n, mɛ́n dùku me bi nyɛ̀n: mɛ̀n léyi mɛ̀n dú, edomɛ̀n-ɛnhi-sɩemɛ̀n ɛnvra léyi me dú nyɛ̀n ɛmɛ̀n, hán ɔmu le yɛ dɔ̀ nɔn, tɛ́n mɛ ẅɛn ɛnkru shishi ɛnvra léyi mɛ́n sɩ́ dú nyɛ̀n ɛmɛ̀n nɔn. Krisì bɔrɛ-wɔ̀ mán n'ɛzrɔ lɔ mɛ̀n,

2 Korɛntɛ̀n anmàn-bɔ̀ 13:4

Annanwɔrɛ mɛ̀n lɔ, ɛnvra léyi yɛ gɔ́n nɛ̀n brɛ́ ɛgbàn-hán-tɛ̀ tɔ̀n wú nɔn, nɛ̀n dú ɛjɛ mɛ̀n, tɛ́n zɛtɛ̀ lɔ nɛ̀n dú ɛkɔrɛ mɛ̀n Ɔwɔ kɔrɛ̀-srɔn mɛ̀n. Bɔ́ mán bɔ̀ dú ɛjɛ mɛ̀n bɔ́ mán Krisi mɛhi b'ɔbɔ̀sɔ̀ lɔ mɛ̀n; tɛ́n, bɔ́ le yé tán le, bɔ́ mán nɛ́n mɛhi bɔ̀ dú ɛkɔrɛ mɛ̀n Ɔwɔ kɔrɛ̀-srɔn mɛ̀n.

Galasi anmàn-bɔ̀ 4:19

M'ɛẅì hɔ̀n, mɛ̀n vru me di ejüe ny'ɛkruhú hán ɛnnyɔnwrɔn tɔ̀n léyi ke bî ɛnẅì nɔn, hàn kɩ nyɛ́n nyri kpete mɛ̀n le Krisì dú nyɛ̀n ɛmɛ̀n.

1 Tesalonikɛ̀n anmàn-bɔ̀ 2:11

Nyɛ́n nyri ɔmu le bɔ́ mán nyɛ́n mɛhi bɔ́ eci-hán ndù hán ɛnẅì-nɛ́n-zi mán n'ɛẅì hɔ̀n mɛhi hɔ́.

Zhakɛ̀n 3:17

Tɛ́n ankà-nyrì léyi dú ɛwú và nɔn, nfì, kɩ zɛtɛn dú anwɔwɔ, sɔhɔ̀ mán ɔwrɔn ɛnhyɔ̀bɔ̀-nyriemɛ̀n; ɛcüɛ̀n yɩ́ nɛ̀n ɛmɛ̀n kɩ nɛ hán eci ankrankran mán ankà-nyrì; nɛ̀n di ɛnnɛ̀ncüì ɛzrɔ mɛ̀n mán eci-hán ankrànkràn mɛ̀n: nɛ̀n sɩ̀ ẅɛ̀n ɛmɛ̀n-grɔ mán anbrá-dì.