1 Tesalonikɛ̀n anmàn-bɔ̀ 2:3 - Ɛmɛẅi ankà ankrànkràn 2003

³ Annanwɔrɛ mɛ̀n lɔ, ebi léyi bɔ́ bi anwrɔn lɔ fɛn nɔn, kè sɩ̀ dù ɛzɛ̀n mán ɛnbrá mɛ̀n ci-hán kruhú, kɩ bɔ́ sɩ́ ji bɔ̀ frɛ́n ɔwrɔn zriɛmɛ́n.

1 Tesalonikɛ̀n anmàn-bɔ̀ 2:3 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 13:15

Ɛnvra léyi yɛ krɛ́ Ɔwɔ-nyanmàn mán Ɔwɔ-mùanwú-ankà-dɔ́-bɔ̀ wrú hɔ̀n lɔ trɔ nɔn, Ɔwɔ-sɛ́n-wɔn-cüìcüì-bɔ̀ wá anwrɔn ɔkɔ̀hɔ̀n kɛ̀ dɔ́ yɔ le: “Anwrɔn-nɛ́n-muan-ẅì hɔ̀n ke dú kɛ nyɛ́n ẅɛn edùyi-ankà nyɛ lɛ dɔ́ fɛcüè hô, zɛtɛn nyɛ́n dɔ̀.”

Ɔkɔ̀hɔ̀n-wá-bɔ̀ kɔ̀hɔ̀n hán 4:36

Nyàn sɛnpò tɔ̀n; ɔwrɔn tɔ̀n léyi ye bi Zhozɛfɛ̀n, nɛ̀n dú Ɔwɔ-cɔ̀-krɛ́-wrɔn, ye bî nɛ̀n Shiprɛ̀n anmàn, nɛ́n de ɔkɔ̀hɔ̀n-wá-bɔ̀ ke bi nɛ̀n Barnabasɛ̀n (hɩ mɛ̀n kɛ dɔ̀ le “ɔwrɔn léyi ke yɩ́ anwrɔn edù nɔn”),

2 Korɛntɛ̀n anmàn-bɔ̀ 11:13

Anwrɔn ɔmu hɔ̀n lɔ yɔ dú ɛyɔ̀n kɔ̀hɔ̀n-wá-bɔ̀, ɛfrɛ́n-bɔ̀ léyi kɛ srɔ y'edomɛ̀n Krisì kɔ̀hɔ̀n-wá-bɔ̀ nɔn.

2 Korɛntɛ̀n anmàn-bɔ̀ 2:17

Bɔ̀ sɩ̀ dù kɛ̀ hàn anwrɔn bobrebe ndɔ hɔ̀n léyi ke bɩ́ Ɔwɔ mùan-ankà-dɔ̀ kɛ zhrɛ́ anhàn; tɛ́n, ɔmuhi dú Ɔwɔ de wá bɔ̀ ɔkɔ̀hɔ̀n bɔ̀ và nɔn, bɔ́ dɔ́ ankà annanwɔrɛ mɛ̀n n'ezìwú, bɔ́ mán Krisì mɛhi b'ɔbɔ̀sɔ̀ lɔ mɛ̀n.

2 Korɛntɛ̀n anmàn-bɔ̀ 4:2

Bɔ́ krɔ eci-hán lɔ fɛn léyi dú ɛbán mɛ̀n mán anvɛvrà mɛ̀n; bɔ́ sɩ́ hán eci ɛfrɛ́n mɛ̀n kɩ bɔ́ sɩ́ crɔn Ɔwɔ mùan-ankà-dɔ̀ lɔ. Tɛ́n, bɔ́ hán ye nyri kpetemɛ̀n annanwɔrɛ ankà, kɩ ɔmu lɔ, bɔ́ srɔ ɛmrɛ̀nci-bɔ̀ anvrɛnvrɛn bɔ́ tán ɔwrɔn totɔtɔ̀n lɔ fɛn, Ɔwɔ zìwú.

2 Korɛntɛ̀n anmàn-bɔ̀ 4:5

Annànwɔrɛ mɛ̀n, b'ankà-dɔ́ mɛ̀n lɔ, kè sɩ̀ dù bɔ́ dùku de bɔ́ dɔ́ bɔ́ edomɛ̀n ankà, tɛ́n Zhezü Krisì léyi dú Ɛẅɛnwrɔn, n'ankà de bɔ́ dɔ̀ nɔn; bɔ́ tɛn tɛ́n, bɔ́ dɔ̀ le, bɔ̀ dú ny'eci-bɩ̀tan-bɔ̀ Zhezü kruhú.

2 Korɛntɛ̀n anmàn-bɔ̀ 6:8

Yɛ mrɛ́n bɔ̀, kɩ ɛnvra tɔ̀n yɛ ẅɛn bɔ́ egbrì; yɛ wora bɔ̀ kɩ ɛnvra tɔ̀n yɛ wá bɔ̀, yɛ nyan bɔ̀ kɛ hán anhyɔ̀n-bɔ̀ hɔ́, tɛ́n bɔ́ dɔ́ ankà annanwɔrɛ,

2 Korɛntɛ̀n anmàn-bɔ̀ 7:2

Nyɛ́n tán bɔ̀ ɛyri tɔ̀n ny'ɛnbɔrɛ lɔ mɛ̀n! Bɔ́ sɩ̀ hàn ɔwrɔn zriɛmɛ́n ɛgbàn, bɔ́ sɩ̀ jrɛ̀ ɔwrɔn zriɛmɛ́n eci, bɔ́ sɩ̀ frɛ̀n ɔwrɔn zriɛmɛ́n.

1 Tesalonikɛ̀n anmàn-bɔ̀ 2:11

Nyɛ́n nyri ɔmu le bɔ́ mán nyɛ́n mɛhi bɔ́ eci-hán ndù hán ɛnẅì-nɛ́n-zi mán n'ɛẅì hɔ̀n mɛhi hɔ́.

1 Tesalonikɛ̀n anmàn-bɔ̀ 4:7

Ɔwɔ kè sɩ̀ bi bɔ̀, ô bɔ̀ dú ɛwúvà gbàngbàn-ẅɛn mɛ̀n, tɛ́n bɔ̀ dú prɔnprɔn mɛ̀n.

2 Tesalonikɛ̀n anmàn-bɔ̀ 2:11

Nyàn eci lɔ kruhú léyi Ɔwɔ ke yüre yɔ ɛzɛ̀n kɔrɛ̀-srɔn tɔ̀n léyi kɛ hán yɔ yɔ bú ɛyɔ̀n ankà yɔ tán ankaẅì nɔn.

2 Piɛrɛ̀n 1:16

Annanwɔrɛ mɛ̀n lɔ, bɔ́ sɩ̀ nyɔ̀n ɛyɔ̀n-dùgɔ́n ankà wú, bɔ̀ yé nyɛ̀n bɔ́ Ɛẅɛnwrɔn Zhezü Krisì kɔrɛ̀srɔn và lɔ: bɔ́ dùku b'anvɛmɛ̀n de bɔ̀ kán n'evrisì lɔ nɔn.