1 Tesalonikɛ̀n anmàn-bɔ̀ 2:2 - Ɛmɛẅi ankà ankrànkràn 2003

² Nyɛ́n vru nyɛ́n nyrì le, ɛnvra cá mɛ̀n yɛ wora bɔ̀ kɩ yɛ hán bɔ̀ ɛgbàn Filipɛ̀n anmàn. Tɛ́n Ɔwɔ tán bɔ̀ edùyì bɔ̀ dɔ́ nyɛ̀n n'Ɛmɛẅi ankà Ankrankran lɔ, ezìkɛ̀n shishiemɛ̀n.

1 Tesalonikɛ̀n anmàn-bɔ̀ 2:2 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 14:3

Ɔmu tɛ̀kɩ Pɔlɛ̀n mán Barnabasɛ̀n yɛ́ Ikoniɔmɛ̀n anmàn ɛnvra sheshe. Yɔ dɔ́ ankà ankaẅìbùtan mɛ̀n mán Ɛẅɛnwrɔn sɛ́ mɛ̀n. Ɛẅɛnwrɔn kɛ tán yɔ ɛkɔrɛ-srɔn ô yɔ hán anvɛmɛ̀n-frɛ́n-ci mán eci-woroan-ci, ô kè yé tán le ankà léyi yɔ dɔ́ Ɔwɔ boafɔ̀n mɛ̀n nɔn dú annanwɔrɛ.

Ɔkɔ̀hɔ̀n-wá-bɔ̀ kɔ̀hɔ̀n hán 14:5

Zhüifɛ̀n-bɔ̀ mán anwrɔn hɔ̀n léyi kè sɩ̀ dù Zhüifɛ̀n-bɔ̀, mán y'ɛcüìcüì-bɔ̀ mɛhi kɛ wá kɛ̀ hán Pɔlɛ̀n mán Barnabasɛ̀n anbɔrɛci, ô yɔ soran yɔ ɛbù yɔ wri yɔ.

Ɔkɔ̀hɔ̀n-wá-bɔ̀ kɔ̀hɔ̀n hán 16:12

Nanvrɛn lɔ, bɔ́ dù bɔ́ hɔ́n Filipɛ̀n anmàn léyi dú Masedúhanɛ̀n kpàkpà hinan wú mán Rɔmɛ̀n-bɔ̀ kruborɛ yri nɔn. Bɔ̀ yɛ́ ɛnvra bobrebe anmàn ndɔ lɔ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 16:19

Ɛnvra léyi eci-bɩ̀tan-hi lɔ, n'ankà-yé-bɔ̀ kán ɔmu le yɔ sɩ̀ vru cɔ́ ɔkùa eci léyi ɛnnyɔwrɔn lɔ kɛ hán nɔn mɛ̀n nɔn, yɔ ẅɛn Pɔlɛ̀n mán Silasɛ̀n, kɩ yɔ sɩ́ yɔ anmàn drɛ́nmɔɛ́n mɛ̀n ɛcüìcüì-bɔ̀ zìwú.

Ɔkɔ̀hɔ̀n-wá-bɔ̀ kɔ̀hɔ̀n hán 16:37

Tɛ́n Pɔlɛ̀n kɛ dɔ́ gɔliɛ-bɔ̀ lɔ le: “Yɔ hán yɔ ye gorɛ bɔ̀ fɛcüè wanzi, kɩ yɔ sɩ̀ cí bɔ̀ ɛmrɛ̀n hán ɔmu le dú edùci nɔn hɔ́, bɔ́ léyi bɔ̀ dú Rɔmɛ̀n anmàn ɛnhi wú bɔ̀ nɔn! Zɛtɛn yɔ kɔ́n bɔ̀ ku anwɔn-mɛ̀n-wá-wɔn mɛ̀n. Kɩ zɛtɛ̀ lɔ, yɔ ji yɔ hán bɔ̀ bɔ̀ srɔ ɛntrɛ ɛbanmɛ̀n hàn? Hɔ̂, bɔ̀ krɔ! Ke ji le yɔ dùku yɔ và yɔ mrɛ́n bɔ̀!”

Ɔkɔ̀hɔ̀n-wá-bɔ̀ kɔ̀hɔ̀n hán 17:1

Yɔ ci Anfipolisɛ̀n anmàn mán Apoloni anmàn kɩ yɔ cɔ́ Tɛsalonikɛ̀n anmàn, nanvrɛn lɔ Zhüifɛ̀n-bɔ̀ ẅɛn Ɔwɔ-sɛ́n-wɔn tɔ̀n ndù.

Ɔkɔ̀hɔ̀n-wá-bɔ̀ kɔ̀hɔ̀n hán 17:17

Pɔlɛ̀n mán Zhüifɛ̀n-bɔ̀, mán yɔ léyi yɔ sɩ̀ dù Zhüifɛ̀n-bɔ̀, hɩ yɔ sɛ́n Ɔwɔ nɔn, yɔ mɛhi yɔ wrɔ́n ecüì Ɔwɔ-sɛ́n-wɔn lɔ mɛ̀n, mán anmàn drɛ́nmɔɛn mɛ̀n, ɛnbì lɔ fɛn, yɔ mán anwrɔn hɔ̀n léyi yɔ cɔ́ nanvrɛn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 19:8

Pɔlɛ̀n kɛ hɔ́n Ɔwɔ-sɛ́n-wɔn lɔ mɛ̀n kɩ okù anhɔ̀n granmɛ̀n, nɛ̀n dɔ́ ankà esɛ́ mɛ̀n. Nɛ dɔ́ Anhobɩ́ Nɛ̀ncüì-dúyri ankà kɩ ne ji ɛyri, ô anwrɔn hɔ̀n léyi ke die nɛ̀n nukùɛ nɔn, kɛ̀ yá n'ankà lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 4:13

Ankà-dɔ̀-trɔ-bɔ̀ dú anvɛmɛ̀n-frɛ́n mɛ̀n, ɔmuhi yɔ kán Piɛrɛ̀n mán Zhan, ankà-dɔ̀ ke wole anmùan mɛ̀n, kɩ yɔ nyri ɔmu le, yɔ dú anwrɔn kora hɔ̀n, kɩ owrú mán yɔ sɩ̀ kàn. Yɔ nyri ɔmu le Zhezü sɛnkɛ̀n-bɔ̀ dú yɔ.

Ɔkɔ̀hɔ̀n-wá-bɔ̀ kɔ̀hɔ̀n hán 4:20

Bɔ́ tɛn, bɔ́ sɩ̀ kɛ́n ɔmùan bɔ̀ hɛ́n rɔ́, eci léyi bɔ́ kàn hɩ bɔ̀ yá nɔn n'ɛwú.”

Ɔkɔ̀hɔ̀n-wá-bɔ̀ kɔ̀hɔ̀n hán 4:31

Ɛnvra léyi yɔ sɛ́n Ɔwɔ trɔ nɔn, ɛyri léyi yɔ bɔrɛkru yɔ nyɔn nɔn jɔkɔ̀. Yɔ lɛ fɛn, yɔ cɔ́ Ɛnhɛ́n Prɔnprɔn kɩ yɔ bukru yɔ dɔ́ Ɔwɔ ankà esɛ́ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 5:41

Ɔkɔ̀hɔ̀n-wá-bɔ̀ lɔ cɔhɔ́ ankà-dɔ̀-trɔ-bɔ̀ mrɛ̀ncì zìwú, yɔ dú pɔpüɛ̀-brá mɛ̀n, ɔmuhi Ɔwɔ ci yɔ ɛmrɛ̀n le, yɔ kán ɛgbàn Zhezü bɩmɛ̀n nɔn.

Rɔmɛ̀n-anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ́n dú Zhezü Krisì ci-bɩ̀tan-wrɔn léyi ye bi, ô kè dú ɔkɔ̀hɔ̀n-wá-wrɔn léyi Ɔwɔ mrɛ́n bɩ, ô kɛ̀ dɔ́ Ɛmɛẅi ankà Ankrankran lɔ nɔn.

2 Korɛntɛ̀n anmàn-bɔ̀ 3:12

Ɔmuhi bɔ̀ ẅɛn esɛ́ ɔmu lɔ de esɛ́ yɩ́ bɔ̀ ɛmɛ̀n nɔn.

Kɔlɔsèn anmàn-bɔ̀ 2:1

Me ji mɛ̀n tán nyɛ̀n nyɛ́n nyri ɛgbànkàn shishi léyi mɛ kán ny'ɛwú, nyɛ́n mán Laodise anmàn-bɔ̀ mɛhi mán anwrɔn nyàntɛn hɔ̀n léyi kè sɩ̀ nyri mɛ̀n antà-dùwrú mɛ̀n nɔn.

1 Tesalonikɛ̀n anmàn-bɔ̀ 1:5

Annanwɔrɛ mɛ̀n lɔ, ɛnvra léyi bɔ̀ dɔ́ nyɛ̀n Ɛmɛẅi ankà ankrankran lɔ nɔn, kè sɩ̀ dù anmùan mɛ̀n ankà-dɔ̀ tɛ̀-kɩ, tɛ́n Ɛnhɛ́n Prɔnprɔn kɔrɛ̀-srɔn, n'ɛkɔrɛ̀-wá mán n'esɛ́ annanwɔrɛ mɛ̀n mɛhi. Nyɛ́n nyri ɔmu le bɔ̀ hán bɔ̀ ẅɛn bɔ́ edomɛ̀n ny'ɛmɛ̀n, ny'anvrɛn kruhú.

Anhyrɛmɛ̀n timote 1:12

kɩ ndɔ lɔ kruhú de mɛ kán ɛgbàn ndɔ hɔ̀n lɔ nɔn. Tɛ́n ɛnjansù ke sɩ́ ẅɛn mɛ̀n, ɔmuhi mɛ̀n nyri ɔwrɔn léyi mɛ̀n ẅɛn esɛ́ n'ɛwú kɩ mɛ̀n nyri ɔmu le nɛ̀n ẅɛn ɛkɔrɛ̀srɔn nɛ lɛ hɛ́n eci léyi nɛ̀n wá mɛ̀n antamɛ̀n, hàn kɩ kɛ lɛ cɔ́ ɛmrɛ̀nci bì lɔ nɔn.

Zhüdɛ̀n 1:3

Annyran anvrɛn hɔ̀n, mɛ̀n ẅɛn ny'owrú merɛ́n ankà dú mɛ̀n ɛnkruemɛ̀n kpankpan, ô mɛ̀n dɔ́ nyɛ̀n ɛnkrukɔrɛ̀ ankà léyi dú bɔ́ tɛn nɔn. Tɛ́n, mɛ kàn le, ke ji le mɛ̀n hán kèkrèmɛ̀n mɛ̀n yüre nyɛ̀n owrú ndɔ lɔ, ô mɛ̀n yɩ́ nyɛ̀n edù, nyɛ́n kɔ́n anhà nyɛ́n tán ankaẅìbùtan léyi Ɔwɔ tán n'anwrɔn hɔ̀n léyi nɛ̀n mrɛ́n nɛ̀n bɩ́ brɛzri nɔn.