1 Tesalonikɛ̀n anmàn-bɔ̀ 2:19 - Ɛmɛẅi ankà ankrànkràn 2003

¹⁹ Annanwɔrɛ mɛ̀n lɔ, nyɛ́n kɩ, kè sɩ̀ dù ɔwrɔn nyàntɛn zriɛmɛ́n, de nyɛ́n dú bɔ́ esɛ́, bɔ́ pɔpüɛ̀ mán bɔ́ ɛkɔ̀nkà ci-woroan-ci léyi kɛ lɛ tán bɔ̀ ɔmùan-gbù, bɔ́ Ɛẅɛnwrɔn Zhezü zìwú ɛnvra léyi nɛ lɛ và nɔn.

1 Tesalonikɛ̀n anmàn-bɔ̀ 2:19 Iomraidhean Croise

Matie 16:27

Annànwɔrɛ mɛ̀n, ɔwrɔnẅì Ẅì kɛ lɛ vá nɛ́n Zi ci-zrɔ lɔ mɛ̀n, nɛ́n mán Ɔwɔ-kùyüre-bɔ̀ mɛhi, kɩ zɛtɛn, ne le ci ɔwrɔn wrɔn ɛmrɛ̀n, n'eci léyi nɛ̀n hán nɔn yi wú.

Markɛ̀n 8:38

Ke dú kɛ mɛ kruhú mán m'ankà-dɔ̀ kruhú ɔwrɔn anvɛvrà kɛ ẅɛ̀n, ɛgbàn-hán-bɔ̀ wanzi, ke ji le nɛ̀n nyrì le Ɔwrɔnẅì ẅì mán anvɛvrà kɛ lɛ ẅɛn n'ɛkruhú, ɛnvra léyi nɛ lɛ vá nɛ́n Zi ci-zrɔ lɔ mɛ̀n nɛ́n mán Ɔwɔ-kùyüre-bɔ̀ prɔnprɔn hɔ̀n mɛhi.”

Zhan 21:22

Zhezü mrɛ́n nɛ̀n ɔmùan le: “Ke dú kɛ me ji le nɛ̀n dù hàn kɩ mɛ̀n vru mɛ̀n và hô, kɛ crɛ nyan mɛ́n hán? Vɛ tɛn ɛ̀ kɛ́n mɛ̀n ɛsɛ̀n!”

1 Korɛntɛ̀n anmàn-bɔ̀ 15:23

tɛ́n ɔwrɔnwrɔn ẅɛn nɛ́n dùku n'ɛyɛ́-yri: Krisì dú kpàkpà-wrɔn anwrɔnẅì lɔ fɛn mɛ̀n, zɛtɛn anwrɔn hɔ̀n léyi dú Krisì tɛ́n nɔn ɛnvra léyi nɛ lɛ và nɔn.

1 Korɛntɛ̀n anmàn-bɔ̀ 4:5

Hɩ le kruhú de ke sɩ́ ji le nyɛ́n ci ɔwrɔn zriɛmɛ́n ɛ̀mrɛ̀n, ke dú kɛ ɛnvra léyi yɛ wá nɔn kɛ vá cɔ̀. Nyɛ́n vrá Ɛẅɛnwrɔn kɛ̀ và: ne le sɩ́ ɛyri-kán mɛ̀n, eci léyi bán ɛyri-yɔwɔ mɛ̀n, kɩ ne le sɩ́ anwrɔnẅì ankà-tro ci-bán-ci hɔ̀n lɔ fɛn ɛntrɛ. Zɛtɛn ɔwrɔnwrɔn kɛ lɛ cɔ́ Ɔwɔ yri, ɛmrɛ́n léyi dú nɛ tɛn nɔn.

2 Korɛntɛ̀n anmàn-bɔ̀ 1:14

nyɛ yá zɛtɛ̀ lɔ ɛcá mán ɛcá mɛ̀n: bɔ́ Ɛẅɛnwrɔn Zhezü vá bì lɔ, ɛkɔrɛ̀-levri dù nye le gbú ɔmùan bɔ́ ɛwú kɩ bɔ́ mán bɔ́ le gbú ɔmùan ny'ɛwú.

Filipɛ̀n anmàn-bɔ̀ 2:16

ô nyɛ́n yé yɔ ɛwúvà mɛẅi ankà. Ɔmu lɔ de, me le gbú ɔmùan ny'ɛwú ɛnbì léyi Krisì kɛ lɛ và nɔn, ɔmuhi m'ɔkɔ̀hɔ̀n mán m'ɛgbànkàn ke sɩ̀ dú eci woro nɔn.

Filipɛ̀n anmàn-bɔ̀ 4:1

Anwrɔn-nɛ́n-muan-ẅì hɔ̀n anvrɛnvrɛn, mɛ wá kpankpan mɛ̀n vru mɛ̀n kán nyɛ̀n! Nyɛ́n dú mɛ́n pɔpüɛ̀ mán m'ɛnkru-sɔ́n-kɔ̀nka-ci! Zɛtɛ́n, annyran-anvrɛn hɔ̀n, nyàn ɔmu le ke ji le nyɛ́n nyɔn ɛnshishiemɛ̀n ny'ɛwúvà lɔ mɛ̀n, nyɛ́n mán Ɛẅɛnwrɔn mɛhi.

1 Tesalonikɛ̀n anmàn-bɔ̀ 2:20

Hɛ̀ɛ̀, nyɛ́n dú bɔ́ eci-zrɔ mán bɔ́ pɔ̀püɛ̀-brà!

1 Tesalonikɛ̀n anmàn-bɔ̀ 3:13

Nɛ̀n tán ny'ɛnbɔrɛ hɔ̀n lɔ ecüì, ô nyɛ́n srɔ prɔnprɔn, ô Ɔwɔ bɔ́ Zi zìwú lɔ, bɔ̀ fì, ɛnvra léyi bɔ́ Ɛẅɛnwrɔn Zhezü kɛ lɛ và, nɛ́n mán anwrɔnẅì lɔ fɛn léyi dú nɛ tɛn nɔn. Kè dú ɔmu lɔ.

1 Tesalonikɛ̀n anmàn-bɔ̀ 4:15

Annanwɔrɛ mɛ̀n lɔ, nyàn ankà léyi bɔ́ dɔ́ Ɛẅɛnwrɔn ankà-yé tɔ̀n wú nɔn: bɔ́ ɛmɛ̀n lɔ, anwrɔn hɔ̀n léyi ke le dú ɔkɔrɛ-bɔ̀ mɛ̀n ɛnvra léyi Ɛẅɛnwrɔn kɛ lɛ và nɔn, yɔ sɩ̀ ẅɛn vɔ̀nshɛ́ kɛ̀ vrán yɔ hɔ̀n léyi nwù nɔn.

1 Tesalonikɛ̀n anmàn-bɔ̀ 5:23

Ɔwɔ léyi dú anwɔwɔ shi-bɛ́ kɛ̀ hán tán nyɛ́n dú nɛ tɛn kokroho; nɛ̀n bɩ́ nyɛ́n mumù lɔ fɛn, ɛnhɛ́n, wàwuyɛ mán edùwrú, kè dú ɛfifiemɛ̀n kɛ̀ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ và nɔn.

2 Tesalonikɛ̀n anmàn-bɔ̀ 1:4

Hɩ le kruhú de bɔ́ dɔ́ ny'ankà ɔmùan-gbuemɛ̀n Ɔwɔ-fɛcüè hɔ̀n lɔ mɛ̀n, ɔmuhi nyɛ ẅɛn nɛ̀n ɛshishiemɛ̀n ankaẅì-bùtan mɛ̀n, kɩ ɛgbànkàn mán obòtò hɔ̀n léyi nyɛ srɔ́n ɛsù nɔn ke sɩ́ ẅɛn nyɛ̀n kɛ hɛ́n hán.

2 Tesalonikɛ̀n anmàn-bɔ̀ 1:7

kɩ nɛ lɛ tán nyɛ̀n anwɔwɔ, nyɛ́n léyi nyɛ kán ɛgbàn mán bɔ́ mɛhi. Ndɔ lɔ kɛ lɛ wɔɛ̀n ɛnvra léyi Ɛẅɛnwrɔn Zhezü ke le dú anhobɩ́ kɛ̀ srɔ nɛ́n mán n'ɛkɔrɛ̀-srɔn wɔ-kùyüre-bɔ̀ mɛhi;

2 Tesalonikɛ̀n anmàn-bɔ̀ 2:1

Bɔ́ Ɛẅɛnwrɔn Zhezü Krisì vá ankà lɔ, mán bɔ́ ɛkrubɔrɛ n'ɛtɛ̀sɛ̀n, bɔ́ sán nyɛ̀n eci zri, anwrɔn-nɛ́n-muan-ẅì hɔ̀n:

Titɛ̀n 2:13

Ɔmu lɔ de ke ji le bɔ̀ vrá ɛnbɔrɛbru léyi bɔ̀ ẅɛn esɛ́ n'ɛwú ɛnbì léyi Zhezü Krisì léyi dú b'Ɔwɔ vri mán bɔ́ Ebɩdie-wrɔn ci-zrɔ kɛ lɛ srɔ nɔn.

Zhakɛ̀n 5:7

Nyɛ́n ẅɛn ɛnbɔrɛ nyɛ́n hɛ́n anwrɔn-nɛ́n-muan-ẅì hɔ̀n, hàn kɩ kɛ̀ cɔ́ ɛnvra léyi Ɛẅɛnwrɔn kɛ lɛ và nɔn. Nyɛ́n kán ɔmu le ovú kɔ̀hɔ̀n-hán-wrɔn kɛ ẅɛn ɛnbɔrɛ kɛ hɛ́n kɩ kɛ vrá ɛnhi kɛ̀ hán ɛci kɛ̀ sɔ́, ke shi ɛẅì anvrɛvrɛn: nɛ̀n nyri ɔmu le ke ji le ɛbanshi mán ɔkùan kɛ̀ nàn kɛ̀ trɔ.

Zhakɛ̀n 5:8

Nyɛ́n mán nyɛ́n ẅɛn ɛnbɔrɛ nyɛ́n hɛ́n, nyɛ́n bɩ́ edùyì, ɔmuhi Ɛẅɛnwrɔn vá bì lɔ bá ɛtɛ̀sɛ̀n nɔn.

1 Piɛrɛ̀n 5:4

Kɩ ɛnvra léyi annɔn-kua-bɔ̀ fra-wrɔn lɔ kɛ lɛ srɔ nɔn, nyɛ lɛ cɔ́ eci-zrɔ krusɔ́n-ci léyi n'ɛgbrɛ́n ke sɩ̀ zrɛ́n mrìmrì nɔn.

2 Piɛrɛ̀n 1:16

Annanwɔrɛ mɛ̀n lɔ, bɔ́ sɩ̀ nyɔ̀n ɛyɔ̀n-dùgɔ́n ankà wú, bɔ̀ yé nyɛ̀n bɔ́ Ɛẅɛnwrɔn Zhezü Krisì kɔrɛ̀srɔn và lɔ: bɔ́ dùku b'anvɛmɛ̀n de bɔ̀ kán n'evrisì lɔ nɔn.

2 Piɛrɛ̀n 3:4

kɩ yɔ lɛ dɔ̀ le: “Nɛ̀n wá ɔmùan le, nɛ lɛ và, kè sɩ̀ dù yiɛ? Zɛtɛn, tɛyri nɛ́n dùɛ? Bó zi hɔ̀n gɔ́ wù, tɛ́n eci lɔ fɛn hɛ́n ɔmu zri lɔ ɛnhibù krubɔmɛ̀n anhɛ́n!”

1 Zhan 2:28

Hɛ̀ɛ̀, m'ɛẅì hɔ̀n, nyɛ́n yɛ́ Krisì bɔ̀sɔ̀ lɔ mɛ̀n, ô bɔ̀ ẅɛn esɛ́ vri kè dú bɔ́ ɛmɛ̀n ɛnvra léyi nɛ lɛ srɔ, ô anvɛvrà ke bɩ́ cɔ́ bɔ̀ n'ezìwú, n'ɛvá bì lɔ.

Zhüdɛ̀n 1:24

Ɔwrɔn léyi kɛ lɛ wá nyɛ̀n ɛkɔrɛ̀ ebore mɛ̀n, ô kɛ̀ hán nyɛ̀n nyɛ́n dú ɛfifiemɛ̀n nyɛ́n srɔ pɔpüɛ̀ vriemɛ̀n n'eci-zrɔ zìwú nɔn,

Ɔwɔ-mɛ̀n-yrikàn 1:7

Nyɛ́n nyan, nɛ̀n dú ɛwì-gbuemɛ̀n nɛ và! Yɔ lɛ fɛn yɔ lɛ kán nɛ̀n, yɔ hɔ̀n léyi sɔ́n nɛ̀n ebisɛn nɔn mán. Ɛnhibù wú fɛcüè hɔ̀n ke le dú obòtomɛ̀n n'ɛkruhú. Hɛ̀ɛ̀, ɔmu lɔ de ke le dù nɔn! Kè dú ɔmu lɔ.

Ɔwɔ-mɛ̀n-yrikàn 22:12

“Zhezü kɛ dɔ̀ le, è die nukùɛ, mɛ vá ɛnvra buriemɛ̀n! Me le sɩ́ anjakpà léyi mɛ lɛ tán ɔwrɔnwrɔn n'eci léyi nɛ̀n hán nɔn hɩ wú.