1 Tesalonikɛ̀n anmàn-bɔ̀ 2:17 - Ɛmɛẅi ankà ankrànkràn 2003

¹⁷ Bɔ́ tɛn, anwrɔn-nɛ́n-muan-ẅì hɔ̀n, bɔ̀ cɔhɔ́ nyɛ̀n ɛmɛ̀n edùwrú-ẅia mɛ̀n ɛnvra cá mɛ̀n tɛ̀kɩ, kɩ annànwɔrɛ mɛ̀n lɔ kè sɩ̀ dù ɛnbɔrɛmɛ̀n annànwɔrɛ mɛ̀n. Tɛ́n bɔ̀ ẅɛn ny'ankà-tro, kɩ bɔ̀ bɩ́ edùyì, ô bɔ̀ vru bɔ̀ kán nyɛ̀n.

1 Tesalonikɛ̀n anmàn-bɔ̀ 2:17 Iomraidhean Croise

Lükɛ̀n 12:58

Ke dú kɛ ɔwrɔn kɛ dɔ́ ankà gbangbàn ku mɛ́n ɛwú, kɩ nyɛ hɔ́n ɛmrɛ̀n-ci-bɔ̀ zìwú, ɛ̀ hán kekremɛ̀n ô ɔmùan kɛ̀ krɔn nyɛ̀n ɛnlevri wanzi léyi nyɛ́n dù nyɛ hɔ̀n nɔn, ô ke bɩ́ hán tán, ye sɩ́ mɛ́n ɛmrɛ̀nci-wrɔn zìwú, ke bɩ́ mɛ́n kɛ tán gɔliɛ-bɔ̀ ke di mɛ́n anwɔn-mɛ̀n-wá-wɔn mɛ̀n.

Lükɛ̀n 22:15

Nɛ dɔ́ yɔ le: “Andɛ̀n ɛbɛ de mɛ̀n wá kpankpan le nyɛ́n mán mɛ̀n mɛhi bɔ̀ zî ɛnyanmán-bì ci-zî ndɔ lɔ yakɛ mɛ̀n kán ɛgbàn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 17:10

Ɛnvra léyi ɛnnyran gɔ̀n nɔn, anwrɔn-nɛ́n-muan-ẅì hɔ̀n hán Pɔlɛ̀n mán Silasɛ̀n hɔ́n Bere anmàn. Ɛnvra léyi yɔ cɔ́ nanvrɛn lɔ nɔn, yɔ hɔ́n Zhüifɛ̀n-bɔ̀ Wɔ-sɛ́n-wɔn lɔ mɛ̀n.

Rɔmɛ̀n-anmàn-bɔ̀ 1:13

Anwrɔn-nɛ́n-muan-ẅì hɔ̀n, me ji le nyɛ́n nyrì le, ɛnvra zrizri mɛ wá mɛ̀n vá ɛyri léyi nyɛ́n dù nɔn, tɛ́n ankà kɛ ẅɛn mɛ̀n hɛ́n hàn kɩ cɔ́ zɛtɛ̀ lɔ. Mɛ ẅɛn esɛ́ le m'ɔkɔ̀hɔ̀n lɔ kè shi ɛẅì ny'ɛmɛ̀n mán, kɛ̀ hán ɔmu le nɛ̀n shi ɛẅì ɛnhi wú nyantɛn wú ɛnhibù wú nɔn.

Rɔmɛ̀n-anmàn-bɔ̀ 15:23

Tɛ́n zɛtɛ̀ lɔ, mɛ̀n hán m'ɔkɔ̀hɔ̀n trɔ ɛyri ndɔ hɔ̀n lɔ wú. Ɛnnànwàn bobrebe mɛ̀n de mɛ̀n wá, ô mɛ̀n và kán nyɛ̀n

1 Korɛntɛ̀n anmàn-bɔ̀ 5:3

Tɛ́n mɛ tɛn, ke dú kɛ mɛ̀n sɩ̀ dú nyɛ̀n ɛmɛ̀n dùku mán, mɛ̀n dú nyɛ̀n ɛtɛ̀sɛ̀n ɛnhɛ́n mɛ̀n; kɩ bɔ́ Ɛẅɛnwrɔn Zhezü bɩmɛ̀n lɔ, eci-gbàngbàn-hán-wrɔn ndɔ lɔ, mɛ̀n ci nɛ̀n ɛmrɛ̀n, hán le mɛ̀n dú nyɛ̀n ɛmɛ̀n hɔ́. Ɛnvra léyi nyɛ lɛ borɛkru, me le dú nyɛ̀n ɛmɛ̀n ɛnhɛ́n mɛ̀n kɩ bɔ́ Ɛẅɛnwrɔn Zhezü kɔrɛ̀-srɔn lɔ ke le yé n'edomɛ̀n;

Kɔlɔsèn anmàn-bɔ̀ 2:5

Hɩ mán, ke dú kɛ, mɛ̀n sɩ̀ dú nyɛ̀n ɛmɛ̀n antà-dùwrúemɛ̀n hô, mɛ̀n dú nyɛ̀n ɛtɛ̀sɛ̀n ɛnhɛ́n mɛ̀n, kɩ mɛ̀n dú ɛnbɔrɛ-bruemɛ̀n, hɩ le mɛ kán nyɛ̀n nyɛ nyɔn ɛshishiemɛ̀n ny'ankaẅì-bùtan-ẅɛ̀n Krisì mɛ̀n nɔn.

1 Tesalonikɛ̀n anmàn-bɔ̀ 3:6

Tɛ́n zɛtɛ̀ lɔ, Timote dú ny'eyri vru vá bɔ̀ ɛmɛ̀n, kɩ tán bɔ̀ ɛmɛẅi ankà ankrankran ny'ankaẅì-bùtan-ẅɛ̀n mán ny'ɛcüɛ̀n wú. Nɛ̀n dɔ́ bɔ̀ le nye tro ɛnvra lɔ fɛn bɔ́ ɛcüɛn-ankà kɩ nye ji le nyɛ́n vru nyɛ́n kán bɔ̀, hán ɔmu le, bɔ́ mán bɔ́ ji bɔ̀ vru bɔ̀ kán nyɛ̀n nɔn.