1 Tesalonikɛ̀n anmàn-bɔ̀ 2:16 - Ɛmɛẅi ankà ankrànkràn 2003

¹⁶ Yɔ ji yɔ sɩ́ bɔ̀, ô bɔ́ bɩ́ dɔ́ fɛcüè nyàntɛn hɔ̀n Ɛmɛẅi ankà Ankrànkràn léyi ke le bɩ́ yɔ kè die nɔn. Ɔmu lɔ de ɛgbàn bobrebe ndɔ hɔ̀n léyi yɔ hán nɔn, yɔ sán hán kɛ́n nɛ̀n ɛwú. Tɛ́n ɔtrɔmɛ̀n lɔ, Ɔwɔ mɛ̀nhyì dú yɔ ɛwú.

1 Tesalonikɛ̀n anmàn-bɔ̀ 2:16 Iomraidhean Croise

Matie 12:45

Zɛtɛn nɛ hɔ̀n ne bɩ́ anhɛ́n gbàngbàn hɔ̀n ɔbɔɛ̀n léyi krɛ́ ɛgbàn vrán nɛ̀n nɔn; yɔ vru ɛmɛẅi yɔ và kɩ yɔ yɛ́ ɔwɔn lɔ mɛ̀n. Ɔtrɔmɛ̀n lɔ, ɔwrɔn ndɔ lɔ wúvà kɛ sán krɛ́ ɛgbàn vrán ɛnkrubɔmɛ̀n lɔ. Kɩ ɔmu lɔ de ke le dú tán anwrɔn gbàngbàn hɔ̀n léyi dú ɛnvra ndɔ lɔ mɛ̀n bɔ̀ nɔn.”

Matie 23:32

Zɛtɛn, nyɛ́n dú ɛmɛ̀n nyɛ́n hán, ô nyɛ́n trɔ ɛhán, eci léyi nyɛ́n nancüì hɔ̀n bukru nɔn!

Matie 24:14

Anhobɩ́ Nɛ̀ncüì-dúyri mɛẅi ankà ankrànkràn ndɔ lɔ ke le bonyí ɛnhibù mumù lɔ wú, ô fɛcüè lɔ fɛn kè di nɛ́n dalɛfuɛ. Kɩ zɛtɛn ɛnhibù trɔ vra kɛ lɛ cɔ̀.”

Matie 24:6

Nyɛ lɛ yá anhà-kɔ́n bobo ɛtɛ̀sɛ̀n mán esù-she anhà-kɔ̀n mɛẅi ankà; nyɛ́n bɩ́ tán ɛnjansù kɛ ẅɛn nyɛ̀n: ke ji le ndɔ lɔ kɛ hán, tɛ́n ke sɩ̀ dù ɛnhibù trɔ vra.

Matie 3:12

Eci-kua-ci dú nɛ̀n antamɛ̀n kɩ nɛ lɛ kua ɛci ankrànkràn mán ɛci gbàngbàn. Ɛci ankrànkràn hɔ̀n lɔ nɛ lɛ sɩ́ yɔ ɛbemɛ̀n, tɛ́n ne le ku ɛci gbàngbàn hɔ̀n lɔ ɛnhyà léyi ke sɩ́ zɛ́n mrìmrì nɔn mɛ̀n.”

Markɛ̀n 16:16

Ɔwrɔn léyi ke bùtan ankàẅì, hɩ yɛ wá ɛnshi ɛnkru nɔn nɛ lɛ cɔ́ ebɩdie. Tɛ́n, ɔwrɔn léyi ke sɩ̀ ẅɛ̀n ankàẅì-bùtan nɔn nɛ́n sɩ̀ cɔ́ ebɩdie.

Ɔkɔ̀hɔ̀n-wá-bɔ̀ kɔ̀hɔ̀n hán 13:45

Ɛnvra léyi Zhüifɛ̀n-bɔ̀ kán fɛcüè ndɔ lɔ nɔn, yɔ dú ɛcüìhi-kɔ́n mɛ̀n; Yɔ kɛ́n ankà wá Pɔlɛ̀n kɩ yɔ wora nɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 13:50

Tɛ́n Zhüifɛ̀n-bɔ̀ kɛ wá anmàn wúyɔ̀ hɔ̀n léyi ẅɛn ɛwúvà ankrankran, hɩ kɛ sɛ́n Ɔwɔ nɔn ankà, yɔ mán anmàn kpàmán-bɔ̀ mɛhi; yɔ hán Pɔlɛ̀n mán Barnabasɛ̀n ejüezì mán ɛgbànkán-ci, kɩ yɔ wrɔ́ yɔ y'ɛnhi-nan lɔ wú.

Ɔkɔ̀hɔ̀n-wá-bɔ̀ kɔ̀hɔ̀n hán 14:19

Zhüifɛ̀n-bɔ̀ dú Antiɔshɛ̀n anmàn Pisidi kpɔsɔ wú mán Ikoniɔmɛ̀n anmàn nvà kɩ fɛcüè dú yɔ ɛmɛẅi. Yɔ kɔ́n ɛbù srɔan Pɔlɛ̀n, ô ye wri nɛ̀n, zɛtɛn yɔ wán Pɔlɛ̀n ɛnhibɩ́ yɔ sɩ́ anmàn kru, kɩ ye tro le nɛ́n wúɛ.

Ɔkɔ̀hɔ̀n-wá-bɔ̀ kɔ̀hɔ̀n hán 14:2

Tɛ́n Zhüifɛ̀n-bɔ̀ léyi krɔ, kè sɩ̀ bù tàn ankaẅì nɔn, kɛ wá anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, ankà, ô yɔ ẅɛn Pɔlɛ̀n mán Barnabasɛ̀n ankà-tro gbangbàn.

Ɔkɔ̀hɔ̀n-wá-bɔ̀ kɔ̀hɔ̀n hán 14:5

Zhüifɛ̀n-bɔ̀ mán anwrɔn hɔ̀n léyi kè sɩ̀ dù Zhüifɛ̀n-bɔ̀, mán y'ɛcüìcüì-bɔ̀ mɛhi kɛ wá kɛ̀ hán Pɔlɛ̀n mán Barnabasɛ̀n anbɔrɛci, ô yɔ soran yɔ ɛbù yɔ wri yɔ.

Ɔkɔ̀hɔ̀n-wá-bɔ̀ kɔ̀hɔ̀n hán 17:13

Tɛ́n ɛnvra léyi Zhüifɛ̀n-bɔ̀ léyi dú Tɛsalonikɛ̀n anmàn yá le Pɔlɛ̀n kɛ dɔ́ Ɔwɔ ankà Bere anmàn nɔn, yɔ vá Bere anmàn, yɔ wá gbɔ̀gbɔ̀ ɛyri, kɩ yɔ wá fɛcüè ankà.

Ɔkɔ̀hɔ̀n-wá-bɔ̀ kɔ̀hɔ̀n hán 19:9

Tɛ́n anwrɔn bobrebe kɛ hán ɛnkru shishi ci, kɛ krɔ, ke sɩ́ ji kè bù tán ankaẅì kɩ yɔ hán Ɛẅɛnwrɔn levri bɩ lɔ ɛnhyürɛ̀ fɛcüè zìwú. Zɛtɛn Pɔlɛ̀n teze yɔ, nɛ́n bɩ́ Krisi-sɛ̀nkɛn-bɔ̀ mɛhi yɔ hɔ̀n kɩ ɛnbì lɔ fɛn nɛ dɔ́ yɔ Ɔwɔ ankà Tirannüsɛ̀n wrú-wɔn lɔ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 21:21

Zɛtɛn nyàn ankà léyi yɛ dɔ́ yɔ nɔn: e yé Zhüifɛ̀n-bɔ̀ lɔ fɛn léyi dú fɛcüè nyantɛn mɛ̀n nɔn, kè teze Mohizɛ̀n nyànmàn lɔ; ɛ dɔ́ yɔ, yɔ bɩ́ wí y'ɛẅì hɔ̀n wúcɔ̀ domɛ̀n, ô yɔ bɩ́ hán Zhüifɛ̀n nyànmàn ci-hán-ci.

Ɔkɔ̀hɔ̀n-wá-bɔ̀ kɔ̀hɔ̀n hán 23:12

Ɛnvra léyi ɛcɛ̀n cüe, Zhüifɛ̀n janbɔ̀ ẅɛn ɔmùankrɔn: Yɔ wá ɔmùan le, yɔ sɩ̀ zî ɛci, yɔ sɩ̀ mi ɛnshi ke dú kɛ yɔ sɩ̀ wrì Pɔlɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 24:9

Zhüifɛ̀n-bɔ̀ shri tán le ankà léyi yɛ dɔ̀ nɔn, dú annanwɔrɛ.

Ɔkɔ̀hɔ̀n-wá-bɔ̀ kɔ̀hɔ̀n hán 25:2

Ɔwɔ-cice-bɔ̀ cüìcüì hɔ̀n mán Zhüifɛ̀n-kpaman-bɔ̀ vá vrá anẅiɛ̀ tán Pɔlɛ̀n. Yɔ sán

Ɔkɔ̀hɔ̀n-wá-bɔ̀ kɔ̀hɔ̀n hán 25:7

Ɛnvra léyi ye sɩ́ Pɔlɛ̀n nɔn, Zhüifɛ̀n-bɔ̀ léyi dú Zherüzalɛmɛ̀n anmàn nvà nɔn, gbrɛnkɛn nɛ̀n ɔmùan, kɩ vrá anẅiɛ̀ bobrebe, dɔ́ ɛyɔ̀n ankà vri léyi yɔ duku mán yɔ sɩ̀ cɔ́ n'ɛdɔ́-yri rɔ́ nɔn, ku nɛ̀n ɛwú.

Ɔkɔ̀hɔ̀n-wá-bɔ̀ kɔ̀hɔ̀n hán 4:12

Ɛnkru-kɔrɛ̀ dú ne yri, ɔmuhi ɛyri zriɛmɛ́n ɛnhibù mumù lɔ fɛn wú, Ɔwɔ kè sɩ̀ tàn anwrɔnẅì ɔwrɔn nyantɛn zriɛmɛ́n léyi ke le bɩ́ bɔ̀ ke die nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 9:23

Ɛnvra buriemɛ̀n, Zhüifɛ̀n-bɔ̀ krɔn ɔmùan, ô yɔ wri Solɛ̀n,

1 Korɛntɛ̀n anmàn-bɔ̀ 10:33

Nyɛ́n hán eci kɛ̀ hán mɛ̀n hɔ́: mɛ hán kèkrèmɛ̀n mɛ̀n cüɛn anwrɔn lɔ fɛn ɛvɛ̀ eci lɔ fɛn hán mɛ̀n; mɛ́n sɩ́ ji mɛ́n dùku m'anvrɛn, tɛ́n anwrɔn bobrebe hɔ̀n tɛn, ô yɔ cɔ́ ebɩdie.

Galasi anmàn-bɔ̀ 5:11

Mɛ tɛn tɛ́n, anwrɔn-nɛ́n-muan-ẅì hɔ̀n, ke dú kɛ, ke dú annanwɔrɛ le mɛ̀n vru mɛ dɔ́ wúcɔ̀-dɔmɛ̀n-wi ankà, cɛci kruhú kɛ ye vru yɛ kɔ́n mɛ̀n anhàa? Ndɔ lɔ wú, ke dú kɛ yɛ dɔ́ Krisì gbàn-hán-tɛ̀ domɛ̀n gɔ̀n brɛ́ ankà hô, ke sɩ̀ vru dù ɛnkruemɛ̀n-jrɛ́ ankà kɛ̀ tán ɔwrɔn zriɛmɛ́n.

Efɛzɛ̀n anmàn-bɔ̀ 3:13

Hɩ kruhú de mɛ dɔ́ nyɛ̀n le, nyɛ́n bɩ́ teze ny'edomɛ̀n edùwúemɛ̀n ɛgbàn léyi mɛ kán ny'ɛkruhú: ɛgbànkàn ndɔ hɔ̀n lɔ kɛ tán nyɛ̀n vɔ̀nshɛ́ ci-zrɔ tɔ̀n.

Efɛzɛ̀n anmàn-bɔ̀ 3:8

Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà.

1 Tesalonikɛ̀n anmàn-bɔ̀ 1:10

Nyɛ vrá Zhezü léyi dú n'Ɛnẅì, kè dú anhobɩ́ kɛ̀ và. Nɛ́n de Ɔwɔ bɩ́ nɛ̀n owú-bɔ̀ mɛ̀n sɩ́ ɔkɔrɛ-bɔ̀ mɛ̀n; nɛ mrɛ́n bɔ̀ nɛ̀n sɔhɔ́ Ɔwɔ mrɛ̀ncì léyi kɛ́n eburi nɔn mɛ̀n.

2 Tesalonikɛ̀n anmàn-bɔ̀ 2:10

ne le bɩ́ eci gbàngbàn ci-hán lɔ fɛn nɛ̀n frɛ́n anwrɔn hɔ̀n léyi kɛ hɔ́n y'ɛzrɛ́n mɛ̀n nɔn ɛnkruemɛ̀n. Yɔ lɛ zrɛ́n ɔmuhi yɔ sɩ̀ bɩ, kɩ yɔ sɩ̀ cüɛn annanwɔrɛ ankà léyi ke le bɩ́ yɔ kè die nɔn.

Kpàkpà timote 2:4

léyi ke ji le anwrɔnẅì lɔ fɛn kɛ̀ cɔ́ ebɩ̀die, ô yɔ nyri eci léyi dú ankà annanwɔrɛ nɔn.

Ebre-bɔ̀ 6:8

Tɛ́n ke dú kɛ ɛnhi lɔ kɛ hán ɔwi-tɛ̀ mán anhɛ́ ke dì, ɛnhi lɔ kè sɩ̀ zrɔ̀a; Ɛnvra bruemɛ̀n Ɔwɔ kɛ lɛ dà nɛ̀n ɛẅìɛ kɩ ɔtrɔmɛ̀n lɔ yɛ lɛ wá nɛ̀n ɛnhyà.

Ɔwɔ-mɛ̀n-yrikàn 22:11

Kɩ ɔwrɔn léyi dú eci-gbàngbàn-hán-wrɔn nɔn, nɛ̀n dù ɛmɛ̀n nɛ̀n hán eci-gbàngbàn, kɩ ɔwrɔn léyi dú nbrá mɛ̀n nɔn, nɛ̀n yɛ́ nbrá mɛ̀n; ɔwrɔn léyi dú prɔnprɔn nɔn, nɛ̀n nán esù nɛ́n hɔ́n ezì nɛ́n prɔnprɔn dù lɔ mɛ̀n.”