1 Tesalonikɛ̀n anmàn-bɔ̀ 2:15 - Ɛmɛẅi ankà ankrànkràn 2003

¹⁵ Anwrɔn ndɔ hɔ̀n lɔ di Ɛẅɛnwrɔn Zhezü mán Ɔwɔ-mùanwú-ankà-dɔ́-bɔ̀ owúemɛ̀n, kɩ yɔ kɔ́n bɔ̀ anhà. Ɔwɔ kè sɩ̀ ẅɛ̀n y'ɛcüɛ̀n kɩ yɔ dú anwrɔn lɔ fɛn gbri-bɔ̀!

1 Tesalonikɛ̀n anmàn-bɔ̀ 2:15 Iomraidhean Croise

Matie 23:37

“Zherüzalɛmɛ̀n, Zherüzalɛmɛ̀n, vɛ́n léyi e di Ɔwɔ-mùanwú-ankà-dɔ́-bɔ̀ owúemɛ̀n kɩ e wri ɛbùemɛ̀n anwrɔn hɔ̀n léyi Ɔwɔ ke yüre mɛ́n nɔn! Andɛ̀n ɛ̀bɛ de mɛ̀n ji v'ɛẅì hɔ̀n ɛkruborɛ m'ɛtɛ̀sɛ̀n hán ɔmu le ɔkɔ̀sɔ̀-sɛ̀n kɛ wá n'ɛẅì hɔ̀n ɛtùvà-kɔrɛ̀ krùgbɛ̀n, tɛ́n nyɛ́n sɩ́ ji ɔmu lɔ!

Matie 27:25

Fɛcüè lɔ fɛn mrɛ́n ɔmùan le: “Ke ji le n'owú-gbàn lɔ fɛn, ke ku bɔ́ mán bɔ́ ɛẅì hɔ̀n mɛhi ɛwú!”

Matie 5:12

Pɔ̀püɛ̀ kɛ̀ brá nyɛ̀n, nyɛ́n dú ɛnbɔrɛbruemɛ̀n, ɔmuhi anjakpà vri dú anhobɩ́ kɛ vrá nyɛ̀n nɔn. Ɔmu lɔ de annànwɔrɛ mɛ̀n, yɛ hán Ɔwɔ-mùanwú-ankà-dɔ́-bɔ̀ lɔ di ejüe yakɛ cɔ́ ny'ɛnvra lɔ nɔn.”

Lükɛ̀n 24:20

B'Ɔwɔ-cice-bɔ̀ cüìcüì mán anmàn-cüìcüì-bɔ̀ ẅɛn nɛ̀n tán yɔ, yɔ dí nɛ̀n owúemɛ̀n, kɩ yɔ gɔ́n nɛ̀n brɛ́ ɛgbàn-hán-tɛ̀ tɔ̀n domɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 12:3

Zɛtɛn, ɛnvra léyi Herɔdɛ̀n kán ɔmu le eci léyi nɛ́n hán nɔn kɛ zrɔ Zhüifɛ̀n-bɔ̀ nɔn, nɛ̀n vru nɛ̀n hán yɛ ẅɛn Piɛrɛ̀n, abùtùkumɛ́n-kɔ́ nyanmàn-bì lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 2:23

Ɔwrɔn ndɔ lɔ ye bɩ́ nɛ̀n yɛ tán nyɛ̀n hán ɔmu le Ɔwɔ wá tán n'ankɔnda ci-hán lɔ mɛ̀n hɩ gɔ́ tro hɛ́n nɔn. Nyɛ́n hán anwrɔn hɔ̀n léyi ke sɩ́ di ɔmùan-zri nɔn, gɔ́n nɛ̀n brɛ́ ɛgbàn-han-tɛ̀ tɔ̀n domɛ̀n, nɛ́n wù.

Ɔkɔ̀hɔ̀n-wá-bɔ̀ kɔ̀hɔ̀n hán 3:15

Ɔmu lɔ de nyɛ́n hán ɛwúvà nɛ́n zi nwù nɔn. Tɛ́n Ɔwɔ bɩ́ nɛ̀n sɩ́ ɔkɔrɛ-bɔ̀ mɛ̀n, kɩ bɔ́ dú nɛ́n dalɛfuɛ-di-bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 4:10

Hi tɛ̀, ke ji le nyɛ́n nyrì le, nyɛ́n lɔ fɛn mán Izraɛlɛ̀n fɛcüè lɔ fɛn: ke dú kɛ ɔwrɔn ndɔ lɔ nyɔn nyɛ̀n ezìwú edùsɔmɛ̀n hô, Nazàrɛtɛ̀n-wrɔn Zhezü Krisì bɩ́ kɔrɛ̀srɔn mɛ̀n, nɛ́n léyi nyɛ́n gɔ́n nɛ̀n brɛ́ ɛgbàn-hán-tɛ̀ domɛ̀n kɩ Ɔwɔ hán nɛ̀n nɛ́n vru nɛ̀n vá ɔkɔrɛ-bɔ̀ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 5:30

Bɔ́ nancüì hɔ̀n Wɔ, frɔ́ Zhezü ndɔ lɔ, hɩ nyɛ́n hán wú ɛgbàn-hán-tɛ̀ domɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 7:52

Ɔwɔ-mùanwú-ankà-dɔ́-wrɔn tán de nyɛ́n nancüì hɔ̀n ke sɩ̀ hán ɛgbàn nɛ́n? Yɔ wri anwrɔn hɔ̀n léyi dɔ́ ɛnyrɔnnan-wrɔn zri lɔ n'ɛvá ankà nɔn; kɩ zɛtɛ̀ lɔ, nɛ́n de nyɛ́n hɛ́ nɛ̀n kɩ nyɛ́n wri nɛ̀n nɔn.

1 Korɛntɛ̀n anmàn-bɔ̀ 10:5

Tɛn, y'ɛmɛ̀n lɔ anwrɔn janbɔ̀ kè sɩ̀ cüɛ̀n Ɔwɔ ɛvɛ̀, kɩ hɩ le kruhú de yɔ bore kɩ yɔ wú ɛnnùwì nɔn.

2 Korɛntɛ̀n anmàn-bɔ̀ 11:26

M'ɛyri hɔ̀n bobrebe mɛ̀n lɔ, mɛ̀n srɔ́n ɛgbànkàn ɛsù; yɔ hɔ̀n léyi dú ɛnshi léyi ke yɩ̀ kɛ gbɛ́ nɔn mɛ̀n, mán ɛci-gbangbàn-hán-bɔ̀ tamɛ̀n, ɛgbànkàn hɔ̀n léyi nmàn-ẅì hɔ̀n Zhüifɛ̀n-bɔ̀ mán yɔ léyi yɔ sɩ̀ dù Zhüifɛ̀n-bɔ̀ kɛ hán mɛ̀n mɛ kàn, mɛ̀n dú ɛgbànkán mɛ̀n anmàn mán ɛyri-tra mɛ̀n, mɛ̀n dú ɛgbànkán mɛ̀n ecüe wú mán anwrɔn-nén-muan-ẅì hɔ̀n ɛyɔ̀n-bɔ̀ granmɛ̀n.