1 Tesalonikɛ̀n anmàn-bɔ̀ 2:14 - Ɛmɛẅi ankà ankrànkràn 2003

¹⁴ Anwrɔn-nɛ́n-muan-ẅì hɔ̀n, nyɛ́n ci eci-hán zri lɔ wú hán Zhüde kpɔsɔ wú Ɔwɔ-fɛcüè-bɔ̀ léyi dú Ɔwɔ tɛ́n, kɩ bú Zhezü Krisì ankà tán ankaẅì nɔn. Nyɛ́n kán ɛgbàn nyɛ́n muan-ẅì hɔ̀n anmàn-zri-bɔ̀ tamɛ̀n, hán ɔmu le yɔ mán yɔ kán ɛgbàn Zhüifɛ̀n-bɔ̀ tamɛ̀n nɔn hɔ́.

1 Tesalonikɛ̀n anmàn-bɔ̀ 2:14 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 11:19

Owù-gbànkàn léyi srɔ ɛnvra léyi ye wri Etiɛnɛ̀n nɔn, hán tán kɩ ankaẅì-bùtan-ẅɛn-bɔ̀ lɔ bonyì. Y'ɛmɛ̀n lɔ ɛnjanbɔ̀ hɔ́n Fenisi kpɔsɔ wú, Shiprɛ̀n mán Antiɔshɛ̀n anmàn, tɛ́n Zhüifɛ̀n-bɔ̀ kɩ yɔ dɔ́ Ɔwɔ ankà.

Ɔkɔ̀hɔ̀n-wá-bɔ̀ kɔ̀hɔ̀n hán 13:50

Tɛ́n Zhüifɛ̀n-bɔ̀ kɛ wá anmàn wúyɔ̀ hɔ̀n léyi ẅɛn ɛwúvà ankrankran, hɩ kɛ sɛ́n Ɔwɔ nɔn ankà, yɔ mán anmàn kpàmán-bɔ̀ mɛhi; yɔ hán Pɔlɛ̀n mán Barnabasɛ̀n ejüezì mán ɛgbànkán-ci, kɩ yɔ wrɔ́ yɔ y'ɛnhi-nan lɔ wú.

Ɔkɔ̀hɔ̀n-wá-bɔ̀ kɔ̀hɔ̀n hán 14:19

Zhüifɛ̀n-bɔ̀ dú Antiɔshɛ̀n anmàn Pisidi kpɔsɔ wú mán Ikoniɔmɛ̀n anmàn nvà kɩ fɛcüè dú yɔ ɛmɛẅi. Yɔ kɔ́n ɛbù srɔan Pɔlɛ̀n, ô ye wri nɛ̀n, zɛtɛn yɔ wán Pɔlɛ̀n ɛnhibɩ́ yɔ sɩ́ anmàn kru, kɩ ye tro le nɛ́n wúɛ.

Ɔkɔ̀hɔ̀n-wá-bɔ̀ kɔ̀hɔ̀n hán 14:2

Tɛ́n Zhüifɛ̀n-bɔ̀ léyi krɔ, kè sɩ̀ bù tàn ankaẅì nɔn, kɛ wá anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, ankà, ô yɔ ẅɛn Pɔlɛ̀n mán Barnabasɛ̀n ankà-tro gbangbàn.

Ɔkɔ̀hɔ̀n-wá-bɔ̀ kɔ̀hɔ̀n hán 14:4

Anmàn-bɔ̀ vɔ́n y'edomɛ̀n anhyrɛ̀: ɛnjanbɔ̀ dú Zhüifɛ̀n-bɔ̀ ɛmɛẅi kɩ ndɔ hɔ̀n dú ɔkɔ̀hɔ̀n-wá-bɔ̀ tɛn.

Ɔkɔ̀hɔ̀n-wá-bɔ̀ kɔ̀hɔ̀n hán 14:5

Zhüifɛ̀n-bɔ̀ mán anwrɔn hɔ̀n léyi kè sɩ̀ dù Zhüifɛ̀n-bɔ̀, mán y'ɛcüìcüì-bɔ̀ mɛhi kɛ wá kɛ̀ hán Pɔlɛ̀n mán Barnabasɛ̀n anbɔrɛci, ô yɔ soran yɔ ɛbù yɔ wri yɔ.

Ɔkɔ̀hɔ̀n-wá-bɔ̀ kɔ̀hɔ̀n hán 17:13

Tɛ́n ɛnvra léyi Zhüifɛ̀n-bɔ̀ léyi dú Tɛsalonikɛ̀n anmàn yá le Pɔlɛ̀n kɛ dɔ́ Ɔwɔ ankà Bere anmàn nɔn, yɔ vá Bere anmàn, yɔ wá gbɔ̀gbɔ̀ ɛyri, kɩ yɔ wá fɛcüè ankà.

Ɔkɔ̀hɔ̀n-wá-bɔ̀ kɔ̀hɔ̀n hán 18:12

Ɛnvra léyi Galiɔn dú Romɛ̀n govràn Ashahi kpɔsɔ wú nɔn, Zhüifɛ̀n-bɔ̀ ẅɛn ɔmùan-krɔn, ô yɔ kɛ́n Pɔlɛ̀n ezì. Yɔ sɩ́ nɛ̀n ɛmrɛ̀nci-bɔ̀ zìwú

Ɔkɔ̀hɔ̀n-wá-bɔ̀ kɔ̀hɔ̀n hán 8:1

Kɩ Sɔlɛ̀n cüɛn ɔmu le ye wri Etiɛnɛ̀n. Ɛnbì zri léyi Etiɛnɛ̀n nwù nɔn, ɛgbànkàn vri bukru tán Zherüzalɛmɛ̀n Wɔ fɛcüè-bɔ̀. Ankaẅì-bùtan-ẅɛn-bɔ̀ lɔ fɛn, bonyi y'edomɛ̀n Zhüde mán Samari kpɔsɔ wú, ɔkɔ̀hɔ̀n-wá-bɔ̀ lɔ kɩ badà yɔ ɛmɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 8:3

Sɔlɛ̀n tɛn, kɛ hán kekremɛ̀n, ô kɛ̀ jrɛ́ Ɔwɔ fɛcüè-bɔ̀ lɔ; ne ci ebɩ́bɩ́, nɛ ẅɛn ankaẅì-bùtan-ẅɛn-bɔ̀ lɔ, wúcɔ̀ mán wúyɔ̀ kɩ ne ku yɔ anwɔn-mɛ̀n-wá-wɔn mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 9:1

Ɛnvra ndɔ lɔ mɛ̀n, Sɔlɛ̀n ke sɩ́ teze Ɛẅɛnwrɔn sɛ̀nkɛn-bɔ̀ lɔ y'owù gbàn hán. Nɛ́n hɔ̀n cɔ́ Ɔwɔ-cice-wrɔn cüìcüì

Ɔkɔ̀hɔ̀n-wá-bɔ̀ kɔ̀hɔ̀n hán 9:13

Ananiasɛ̀n mrɛ́n ɔmùan le: “Ɛẅɛnwrɔn, anwrɔn bobrebe dɔ́ mɛ̀n ɔwrɔn ndɔ lɔ ankà kɩ dɔ́ mɛ̀n ɛgbàn lɔ fɛn léyi nɛ̀n hán v'ɛsɛ̀nkɛn-bɔ̀ Zherüzalɛmɛ̀n anmàn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 9:31

Zɛtɛn Ɔwɔ fɛcüè dú anwɔwɔmɛ̀n, Zhüde, Galile mán Samari kpɔsɔ wú; fɛcüè ndɔ lɔ kɛ ẅɛn ecüì kɩ dú edomɛ̀n ɛnhi-sɩemɛ̀n Ɛẅɛmwrɔn zìwú, nɛ sán sevri Ɛnhɛ́n Prɔnprɔn cüiemɛ̀n.

1 Korɛntɛ̀n anmàn-bɔ̀ 10:32

Ny'ɛwúvà-ẅɛ̀n ke bɩ́ jrɛ́ anwrɔn hɔ̀n léyi dú Zhüifɛ̀n-bɔ̀, anwrɔn hɔ̀n léyi kè sɩ̀ dù Zhüifɛ̀n-bɔ̀ mán Ɔwɔ-fɛcüè-bɔ̀ nɔn ɛnkruemɛ̀n.

1 Korɛntɛ̀n anmàn-bɔ̀ 7:17

Ankà ndɔ lɔ dú ɔhɔnan, kɩ ke ji le ɔwrɔnwrɔn kè dú ɛwúvà léyi Ɛẅɛnwrɔn tán nɛ̀n ecüì nɛ̀n dú ɛmɛ̀n nɔn, ô nɛ̀n dù kɛ̀ hán ɔmu le nɛ̀n dú ɛnvra léyi Ɔwɔ bi nɛ̀n nɔn. Ndɔ lɔ de dú ɛnyànmàn léyi mɛ wá tán Ɔwɔ-fɛcüè-bɔ̀ lɔ fɛn nɔn.

Galasi anmàn-bɔ̀ 1:22

Zhüde kpɔsɔ wú Wɔ-fɛcüè-bɔ̀ lɔ kè sɩ̀ nyri mɛ̀n antà-dùwrúemɛ̀n.

1 Tesalonikɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n, Silasɛ̀n mán Timote yri kɛ và. Tɛsalonikɛ̀n wɔ-fɛcüè léyi dú Ɔwɔ Zi mán Ɛẅɛnwrɔn Zhezü Krisì tɛn nɔn: nboafɔ̀n mán anwɔwɔ kè dú nyɛ tɛn.

1 Tesalonikɛ̀n anmàn-bɔ̀ 1:6

Nyɛ́n bɩ́ bɔ́ sɛnpò mán Ɛẅɛnwrɔn tɛn lɔ; nyɛ́n kán ɛgbàn bobrebe, ɔmu tɛ̀kɩ nyɛ́n bɩ́ Ɔwɔ mùan-ankà-dɔ̀ lɔ pɔpüɛ̀ mɛ̀n, pɔpüɛ̀ léyi Ɛnhɛ́n Prɔnprɔn kɛ tán nɔn.

1 Tesalonikɛ̀n anmàn-bɔ̀ 3:4

Annanwɔrɛ mɛ̀n lɔ, ɛnvra léyi bɔ̀ dú nyɛ̀n ɛtɛ̀sɛ̀n nɔn, bɔ́ gɔ̀ dɔ́ nyɛ̀n le, bɔ́ lɛ srɔ́n owú-gbànkàn ɛsù; hɩ vra lɔ de ncɔ̀ nɔn, nyɛ́n nyri anvrɛnvrɛn.

2 Tesalonikɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n, Silasɛ̀n mán Timote yri kɛ và. Ɔwɔ-fɛcüè-bɔ̀ léyi dú Tɛsalonikɛ̀n anmàn hɩ dú bɔ Zi Ɔwɔ mán Ɛẅɛnwrɔn Zhezü Krisì tɛn nɔn:

2 Tesalonikɛ̀n anmàn-bɔ̀ 1:4

Hɩ le kruhú de bɔ́ dɔ́ ny'ankà ɔmùan-gbuemɛ̀n Ɔwɔ-fɛcüè hɔ̀n lɔ mɛ̀n, ɔmuhi nyɛ ẅɛn nɛ̀n ɛshishiemɛ̀n ankaẅì-bùtan mɛ̀n, kɩ ɛgbànkàn mán obòtò hɔ̀n léyi nyɛ srɔ́n ɛsù nɔn ke sɩ́ ẅɛn nyɛ̀n kɛ hɛ́n hán.