1 Tesalonikɛ̀n anmàn-bɔ̀ 2:10 - Ɛmɛẅi ankà ankrànkràn 2003

¹⁰ Hɩ wú lɔ, nyɛ́n mán Ɔwɔ mɛhi nyɛ́n dú bɔ́ dalɛfuɛ-di-bɔ̀: bɔ́ esùnàn ny'ɛtɛ̀sɛ̀n, ankaẅì-bùtan-ẅɛn-bɔ̀, dú ɛfifi mán ɛnyrɔnnan léyi ye sɩ̀ cɔ́ eci-gbàbgbàn n'ɛwú nɔn mɛ̀n.

1 Tesalonikɛ̀n anmàn-bɔ̀ 2:10 Iomraidhean Croise

Lükɛ̀n 23:41

Bɔ́ tɛ́n, ɛgbàn-hán ndɔ lɔ vɛ́n bɔ̀, ɔmuhi bɔ́ eci gbangbàn hɔ̀n léyi bɔ̀ hán nɔn, hɩ gbàn wɔɛ̀n de bɔ́ dì nɔn; nɛ tɛn, nɛ̀n sɩ̀ hàn eci gbangbàn zriɛmɛ́n.”

Ɔkɔ̀hɔ̀n-wá-bɔ̀ kɔ̀hɔ̀n hán 20:18

Ɛnvra léyi yɔ vá nɛ̀n ɛtɛ̀sɛ̀n nɔn, nɛ dɔ́ yɔ le: “Nyɛ́n nyri eci léyi mɛ hán ny'ɛtɛ̀sɛ̀n ɛnbì lɔ fɛn, ɛnvra léyi mɛ́n và dú nyɛ̀n ɛmɛ̀n bukru ɛnbì zri bì lɔ, ɛnu Azi kpɔsɔ lɔ wú.

Ɔkɔ̀hɔ̀n-wá-bɔ̀ kɔ̀hɔ̀n hán 20:26

Hɩ le kruhú de, ɛnyɔncì lɔ mɛ dɔ́ nyɛ̀n: ke dú kɛ ny'ɛmɛ̀n lɔ, ɛnzri kɛ zrɛ́n, ke sɩ́ vru crɛ nyan mɛ̀n hàn.

Ɔkɔ̀hɔ̀n-wá-bɔ̀ kɔ̀hɔ̀n hán 24:16

Hɩ le kruhú de mɛ hán kekremɛ̀n, ô mɛ̀n ẅɛn wàwúyɛ fifi Ɔwɔ zìwú mán anwrɔnẅì zìwú nɔn.

2 Korɛntɛ̀n anmàn-bɔ̀ 1:12

Nyàn eci le kruhú léyi ke ji le bɔ̀ gbú ɔmùan nɔn: hán ɔmu le bɔ́ wàwúyɛ lɔ ke yé nɔn, bɔ́ nyrɔn bɔ́ edomɛ̀n ɛnhibù wú, annannan le ny'ɛtɛ̀sɛ̀n, sɔ̀hɔ̀ mɛ̀n mán annanwɔrɛ léyi dú Ɔwɔ yri kɛ và nɔn mɛ̀n, kɩ bɔ́ dú ɛnyrɔn mɛ̀n Ɔwɔ boafɔ̀n mɛ̀n, kɩ kè sɩ̀ dù ɔwrɔnẅì ankà-nyriemɛ̀n.

2 Korɛntɛ̀n anmàn-bɔ̀ 11:11

Cɛci kruhú kɛ mɛ̀n dɔ́ ankà ndɔ lɔa? Ke le dù tán le mɛ́n sɩ́ cüɛ̀n nyɛ̀n hàn? Ɔwɔ nyri anvrɛnvrɛn le mɛ cüɛn nyɛ̀n!

2 Korɛntɛ̀n anmàn-bɔ̀ 11:31

Ɔwɔ, Ɛẅɛnwrɔn Zhezü nɛ́n Zi (kè dú ɛmrɛ́n mɛ̀n ɛnvra lɔ fɛn!) nyri ɔmu le mɛ́n sɩ́ ẅɛn ɛyɔ̀n.

2 Korɛntɛ̀n anmàn-bɔ̀ 4:2

Bɔ́ krɔ eci-hán lɔ fɛn léyi dú ɛbán mɛ̀n mán anvɛvrà mɛ̀n; bɔ́ sɩ́ hán eci ɛfrɛ́n mɛ̀n kɩ bɔ́ sɩ́ crɔn Ɔwɔ mùan-ankà-dɔ̀ lɔ. Tɛ́n, bɔ́ hán ye nyri kpetemɛ̀n annanwɔrɛ ankà, kɩ ɔmu lɔ, bɔ́ srɔ ɛmrɛ̀nci-bɔ̀ anvrɛnvrɛn bɔ́ tán ɔwrɔn totɔtɔ̀n lɔ fɛn, Ɔwɔ zìwú.

2 Korɛntɛ̀n anmàn-bɔ̀ 5:11

Bɔ́ nyri eci léyi dú Ɛẅɛnwrɔn wá, kɩ bɔ́ ji ɛyri bɔ̀ crɔn anwrɔnẅì bɔrɛ. Ɔwɔ nyri bɔ̀ anvrɛnvrɛn kɩ mɛ̀n ẅɛn esɛ́ le nyɛ́n dùku ny'ɛnbɔrɛ lɔ mɛ̀n, nyɛ́n mán nyɛ́n nyri mɛ̀n.

2 Korɛntɛ̀n anmàn-bɔ̀ 7:2

Nyɛ́n tán bɔ̀ ɛyri tɔ̀n ny'ɛnbɔrɛ lɔ mɛ̀n! Bɔ́ sɩ̀ hàn ɔwrɔn zriɛmɛ́n ɛgbàn, bɔ́ sɩ̀ jrɛ̀ ɔwrɔn zriɛmɛ́n eci, bɔ́ sɩ̀ frɛ̀n ɔwrɔn zriɛmɛ́n.

1 Tesalonikɛ̀n anmàn-bɔ̀ 1:5

Annanwɔrɛ mɛ̀n lɔ, ɛnvra léyi bɔ̀ dɔ́ nyɛ̀n Ɛmɛẅi ankà ankrankran lɔ nɔn, kè sɩ̀ dù anmùan mɛ̀n ankà-dɔ̀ tɛ̀-kɩ, tɛ́n Ɛnhɛ́n Prɔnprɔn kɔrɛ̀-srɔn, n'ɛkɔrɛ̀-wá mán n'esɛ́ annanwɔrɛ mɛ̀n mɛhi. Nyɛ́n nyri ɔmu le bɔ̀ hán bɔ̀ ẅɛn bɔ́ edomɛ̀n ny'ɛmɛ̀n, ny'anvrɛn kruhú.

1 Tesalonikɛ̀n anmàn-bɔ̀ 2:5

Nyɛ́n nyri anvrɛnvrɛn le, ɛnbì zriɛmɛ́n bɔ́ vá dɔ́ ɛfrɛ́n ankà; bɔ́ ankà-dɔ́ mɛ̀n lɔ, bɔ́ sɩ́ bán ɔkùa-cɔ́ ankà-dɔ̀, Ɔwɔ dú bɔ́ dalɛfuɛ-di-wrɔn.

2 Tesalonikɛ̀n anmàn-bɔ̀ 3:7

Nyɛ́n dùku mán nyɛ́n nyri ɔmu le, ke ji le nyɛ́n bɩ́ bɔ́ sɛnpò lɔ. Ɔmuhi bɔ̀ sɩ̀ yɛ̀ ɛjɛmɛ̀n ny'anmàn lɔ nɔn.

Kpàkpà timote 4:12

Ke sɩ́ ji le ɔwrɔn zriɛmɛ́n kɛ ẅɛn v'egbrì ɔmuhi è dú sùgban-wrɔn nɔn; tɛ́n è dú sɛnpò ɛ̀ tán ankaẅì-bùtan-ẅɛn-bɔ̀, v'ankà-dɔ́ mɛ̀n, v'esùnan mɛ̀n, v'ɛcüɛ̀n ci-hán mɛ̀n, v'ankaẅì-bùtan-ẅɛn mɛ̀n mán v'efifiemɛ̀n dù.

Anhyrɛmɛ̀n timote 3:10

Tɛ́n vɛ́n, ɛ̀ kɛ́n mɛ̀n ɛsɛ̀n m'ankà-yé kɔ̀hɔ̀n lɔ mɛ̀n, m'esùnàn, m'ankà-tro hɔ̀n, m'ankaẅìbùtan, m'ɛnbɔrɛ-ẅɛ̀n-hɛ́n, m'ɛcüɛ̀n, m'ɛnbɔrɛ-zri ci-hán,

1 Piɛrɛ̀n 5:3

Anwrɔn hɔ̀n léyi yɛ wá nyɛ̀n antamɛ̀n nɔn, nyɛ́n bɩ́ sɩ́ ny'edomɛ̀n ɛwú nyɛ́n tán yɔ, tɛ́n nyɛ́n dú kɔ̀kɔ̀sɛ̀-kà lɔ yɔ sɛnpò.