1 Tesalonikɛ̀n anmàn-bɔ̀ 1:8 - Ɛmɛẅi ankà ankrànkràn 2003

⁸ Annanwɔrɛ mɛ̀n lɔ, kè sɩ̀ dù Maseduhanɛ̀n mán Akahi kpɔsɔ wú tɛ̀kɩ Ɛẅɛnwrɔn ankà-dɔ̀ lɔ kè bonyì hɛ̀n, tɛ́n ɛyri lɔ fɛn de ny'Ɔwɔ mɛ̀n ankaẅì-bùtan lɔ bonyì nɔn. Bɔ́ sɩ̀ ẅɛ̀n ankà b'á dɔ́ hɩ wú lɔ.

1 Tesalonikɛ̀n anmàn-bɔ̀ 1:8 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 18:12

Ɛnvra léyi Galiɔn dú Romɛ̀n govràn Ashahi kpɔsɔ wú nɔn, Zhüifɛ̀n-bɔ̀ ẅɛn ɔmùan-krɔn, ô yɔ kɛ́n Pɔlɛ̀n ezì. Yɔ sɩ́ nɛ̀n ɛmrɛ̀nci-bɔ̀ zìwú

Rɔmɛ̀n-anmàn-bɔ̀ 1:8

Eci lɔ fɛn mɛ̀n, mɛ tán m'Ɔwɔ ɔkùɛn Zhezü Krisì bɩmɛ̀n, nyɛ́n lɔ fɛn ny'ɛkruhú, ɔmuhi yɛ dɔ́ ny'ankaẅì-bùtan-ẅɛn-ankà ɛnhibù mumù lɔ fɛn wú nɔn.

Rɔmɛ̀n-anmàn-bɔ̀ 15:26

Annanwɔrɛ mɛ̀n lɔ, Maseduhanɛ̀n mán Akahi Krisì-sɛ̀nkɛn-bɔ̀ wá le, yɔ lɛ fɔ́n eci yɔ tán ɛmian-bɔ̀ fɛcüè léyi dú Zherüzalɛmɛ̀n anmàn nɔn.

Rɔmɛ̀n-anmàn-bɔ̀ 16:19

Anwrɔnẅì lɔ fɛn nyri ny'Ɛẅɛnwrɔn wá. Mɛ brá pɔpüɛ̀ ny'ɛwú, tɛ́n mɛ cüɛ̀n le, nyɛ́n dú ankà-nyri-bɔ̀, ô nyɛ́n hán anvrɛn nyɛ́n dú ɛfifi, ô nyɛ́n yrá ɛgbàn.

1 Korɛntɛ̀n anmàn-bɔ̀ 14:36

Kale nye yri de Ɔwɔ ankà-dɔ̀ lɔ ndù kɛ và nɛ́n? Kɩ kale nyɛ́n zri kɩ ankà-dɔ̀ lɔ vá cɔ́ nyɛ̀n nɛ́n?

2 Korɛntɛ̀n anmàn-bɔ̀ 2:14

Tɛ́n ɛmrɛ́n kè dú Ɔwɔ tɛn, Ɔmuhi ɛnvra lɔ fɛn ne sɩ́ bɔ̀ Krisì kɔ̀nkà fɛcüè lɔ mɛ̀n. Ne ci bɔ́ ɛmɛ̀n nɛ hán ye nyri Krisì ɛyri lɔ fɛn, hán ɛnshi-bánbán léyi nɛ́n ndɔ̀ ke bɩ́ ɛyri lɔ fɛn nɔn.

2 Korɛntɛ̀n anmàn-bɔ̀ 3:4

Bɔ́ dɔ́ ɔmu lɔ, esɛ́ léyi bɔ̀ ẅɛn Ɔwɔ mɛ̀n Krisì bɩmɛ̀n nɔn hɩ wú.

Kɔlɔsèn anmàn-bɔ̀ 3:16

Ke ji le Krisì mùan-ankà-dɔ̀ mán n'ecüì-nɛ̀ncüì-dì lɔ fɛn, kɛ̀ sɔ́n ebɩ́ ny'ɛmɛ̀n. Nyɛ́n yé ny'edomɛ̀n ankà, ô nyɛ́n bi-dɔ́ ny'edomɛ̀n ankà-nyrì anvrɛnvrɛn mɛ̀n. Nyɛ́n bɩ́ ny'ɛnbɔrɛ lɔ fɛn mán ny'enyri-kùɛn-tán, nyɛ́n krɛ́ ɛmrɛ́n cɔ̀ mán eci-zrɔ cɔ̀ hɔ̀n léyi Ɛnhɛ́n Prɔnprɔn wá nyɛ̀n ɛnbɔrɛ mɛ̀n nɔn, nyɛ́n tán Ɔwɔ.

2 Tesalonikɛ̀n anmàn-bɔ̀ 1:4

Hɩ le kruhú de bɔ́ dɔ́ ny'ankà ɔmùan-gbuemɛ̀n Ɔwɔ-fɛcüè hɔ̀n lɔ mɛ̀n, ɔmuhi nyɛ ẅɛn nɛ̀n ɛshishiemɛ̀n ankaẅì-bùtan mɛ̀n, kɩ ɛgbànkàn mán obòtò hɔ̀n léyi nyɛ srɔ́n ɛsù nɔn ke sɩ́ ẅɛn nyɛ̀n kɛ hɛ́n hán.

2 Tesalonikɛ̀n anmàn-bɔ̀ 3:1

Ɔtrɔmɛ̀n lɔ, anwrɔn-nɛ́n-muan-ẅì hɔ̀n, nyɛ́n sɛ̀n nyɛ́n tán bɔ̀, ô Ɛẅɛnwrɔn mùan-ankà-dɔ̀ lɔ ke bonyi kpràkprà, ô kɛ̀ cɔ́ ɛmrɛ́n, hán ɔmu le eci-hán ndɔ lɔ dú nyɛ̀n ɛmɛ̀n nɔn.

Kpàkpà timote 2:8

Me ji le eci lɔ fɛn mɛ̀n, anwrɔnẅì kɛ̀ sɛ̀n, yɔ sɩ́ ɛmàn fifi hɔ̀n ɛwú, ɛmɛ̀nhyì mán ecüìwrɔn hɛ́n ke bɩ́ dú ɛmɛ̀n.

Anhyrɛmɛ̀n timote 2:9

Ɛmɛẅi ankà Ankrankran ndɔ lɔ kruhú de mɛ̀n dú ɛgbànkán mɛ̀n, kɩ yɛ wá mɛ̀n angán hán eci gbàngbàn-hán-wrɔn hɔ́. Tɛ́n Ɔwɔ mùan ankà-dɔ̀ lɔ, kè sɩ̀ dù angán mɛ̀n!

3 Zhan 1:12

Anwrɔn lɔ fɛn kɛ dɔ́ Demetrihüsɛ̀n ankà anvrɛnvrɛn, kɩ annanwɔrɛ léyi dú nɛ̀n ɛmɛ̀n nɔn, ke di nɛ̀n dalɛfuɛ. Bɔ́ mán, bo di nɛ̀n dalɛfüɛ ankrankran, kɩ e nyrì le, dalɛfuɛ-dì ndɔ lɔ dú annanwɔrɛ.

Ɔwɔ-mɛ̀n-yrikàn 14:6

Zɛtɛn mɛ̀n kán Ɔwɔ-kùyüre-wrɔn tɔ̀n nyantɛn ke tú ɔwràn mɛ̀n ɛwú-hɛ́n; nɛ̀n ẅɛn Ɛmɛẅi ankà Ankrankran tɔ̀n léyi ke sɩ́ trɔa nɔn, ne ji nɛ̀n dɔ́ tán ɛnhi-wú-anmàn-bɔ̀ lɔ fɛn, ɛmɛ̀n lɔ fɛn, ɛnbrɛ̀ lɔ fɛn mán fɛcüè lɔ fɛn.

Ɔwɔ-mɛ̀n-yrikàn 22:17

Ɛnhɛ́n mán eyiri-hi kɛ dɔ̀ le: “Và!” Ɔwrɔn léyi kɛ yá ankà ndɔ lɔ nɔn, nɛ́n mán nɛ̀n dɔ̀ le: “Và!” Ɔwrɔn léyi ɛnshi mùan-wù kɛ ẅɛ̀n nɔn, nɛ̀n và; Ɔwrɔn léyi ke ji ɔkɔrɛ shi nɔn, kɛ̀ cɔ́ ɔkɔrɛ shi lɔ ankora.