1 Tesalonikɛ̀n anmàn-bɔ̀ 1:6 - Ɛmɛẅi ankà ankrànkràn 2003

⁶ Nyɛ́n bɩ́ bɔ́ sɛnpò mán Ɛẅɛnwrɔn tɛn lɔ; nyɛ́n kán ɛgbàn bobrebe, ɔmu tɛ̀kɩ nyɛ́n bɩ́ Ɔwɔ mùan-ankà-dɔ̀ lɔ pɔpüɛ̀ mɛ̀n, pɔpüɛ̀ léyi Ɛnhɛ́n Prɔnprɔn kɛ tán nɔn.

1 Tesalonikɛ̀n anmàn-bɔ̀ 1:6 Iomraidhean Croise

Matie 16:24

Zɛtɛn Zhezü kɛ dɔ́ n'ɛsɛ̀nkɛn-bɔ̀ le: “Ke dú kɛ ɔwrɔn ke ji kɛ và cɔ́ mɛ̀n hô, nɛ́n bɩ́ vru tro n'edomɛ̀n ankà, nɛ̀n shri n'ɛgbànkàn nɛ̀n bɩ, ô nɛ̀n kɛ́n mɛ̀n ɛsɛ̀n.

Zhan 8:12

Zhezü vru bɩ́ ankà-dɔ̀ kɩ kɛ dɔ́ fɛcüè le: “Mɛ̀n dú ɛnhibù yri-kàn. Ɔwrɔn léyi kɛ kɛ́n mɛ̀n ɛsɛ̀n nɔn, kɛ lɛ cɔ́ ɔkɔrɛ̀ yri-kàn kɩ nɛ́n sɩ̀ nán esù ɛyri yɔwɔ mɛ̀n mrìmrì.”

Ɔkɔ̀hɔ̀n-wá-bɔ̀ kɔ̀hɔ̀n hán 13:52

Ɛsɛ̀nkɛn-bɔ̀ léyi dú Antiɔshɛ̀n anmàn nɔn, yɔ tɛn, pɔpüɛ̀-brà mán Ɛnhɛ́n Prɔnprɔn yɩ́ yɔ edomɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 5:41

Ɔkɔ̀hɔ̀n-wá-bɔ̀ lɔ cɔhɔ́ ankà-dɔ̀-trɔ-bɔ̀ mrɛ̀ncì zìwú, yɔ dú pɔpüɛ̀-brá mɛ̀n, ɔmuhi Ɔwɔ ci yɔ ɛmrɛ̀n le, yɔ kán ɛgbàn Zhezü bɩmɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 9:31

Zɛtɛn Ɔwɔ fɛcüè dú anwɔwɔmɛ̀n, Zhüde, Galile mán Samari kpɔsɔ wú; fɛcüè ndɔ lɔ kɛ ẅɛn ecüì kɩ dú edomɛ̀n ɛnhi-sɩemɛ̀n Ɛẅɛmwrɔn zìwú, nɛ sán sevri Ɛnhɛ́n Prɔnprɔn cüiemɛ̀n.

Rɔmɛ̀n-anmàn-bɔ̀ 15:13

Ke ji le Ɔwɔ léyi dú esɛ́ shi-bɛ́ nɔn ke hán pɔpüɛ̀ mán anwɔwɔ ke dú nyɛ̀n ɛmɛ̀n, ny'ankaẅì-bùtan léyi nyɛ́n ẅɛn n'ɛwú nɔn, ô nyɛ́n di ɛnnɛ̀ncüì esɛ́ mɛ̀n, Ɛhɛ́n Prɔnprɔn kɔrɛ̀-srɔn mɛ̀n.

1 Korɛntɛ̀n anmàn-bɔ̀ 11:1

Nyɛ́n bɩ́ mɛ́n sɛnpò lɔ, hán ɔmu le me bɩ́ Krisì tɛn lɔ nɔn.

1 Korɛntɛ̀n anmàn-bɔ̀ 11:2

Mɛ mrɛ́n nyɛ̀n: m'ankà ke bru nyɛ̀n eci lɔ fɛn hán mɛ̀n kɩ nyɛ ẅɛn m'ankà-yé hɔ̀n lɔ nyɛ hɛ́n.

1 Korɛntɛ̀n anmàn-bɔ̀ 4:16

Zɛtɛn mɛ sɛ́n nyɛ̀n, nyɛ́n nán esù mɛ́n sɛnpò lɔ wú.

2 Korɛntɛ̀n anmàn-bɔ̀ 6:10

Yɛ wá bɔ̀ gbɔ̀gbɔ̀ edù, ɔmu tɛ̀kɩ bɔ́ dú ɛnvra lɔ fɛn pɔpüɛ̀-brá mɛ̀n; bɔ̀ dú ɛmian-bɔ̀, tɛ́n bɔ́ wá anwrɔn bobrebe ɛnnɛ̀ncüì; bɔ́ yé bɔ́ edomɛ̀n kɛ hán anwrɔn hɔ̀n léyi kè sɩ̀ ẅɛ̀n eci zriɛmɛ́n nɔn, bɔ́ léyi annanwɔrɛ mɛ̀n lɔ, bɔ̀ ẅɛn eci lɔ fɛn nɔn.

2 Korɛntɛ̀n anmàn-bɔ̀ 8:5

Yɔ hán vrán hɩ léyi bɔ̀ sɩ̀ sɛ̀ nɔn: yɔ gɔ́ bɩ́ y'edomɛ̀n yɔ tán Ɛẅɛnwrɔn kɩ zɛtɛn Ɔwɔ kɔrɛ̀levri mɛ̀n lɔ, yɔ bɩ́ y'edomɛ̀n yɔ tán bɔ̀.

Galasi anmàn-bɔ̀ 5:22

Tɛ́n eci léyi Ɛnhɛ́n Prɔnprɔn kɛ tán nɔn, dú ɛcüɛ̀n, pɔpüɛ̀, anwɔwɔ, ɛnbɔrɛ-ẅɛ̀n-hɛ́n, anvrɛn-ci-hán, ɛnbɔrɛ-wɔ-ci-hán, ɔmùan-zri-dì,

Efɛzɛ̀n anmàn-bɔ̀ 5:1

Ɔmuhi nyɛ́n dú ɛẅì hɔ̀n léyi Ɔwɔ kɛ cüɛ̀n nɔn, nyɛ́n hán kèkrèmɛ̀n nyɛ́n dù kɛ̀ hán nɛ́n hɔ́.

Filipɛ̀n anmàn-bɔ̀ 3:17

Anwrɔn-nɛ́n-muan-ẅì hɔ̀n, nyɛ lɛ fɛn nyɛ́n hán kɛ̀ hán mɛ̀n hɔ́. Bɔ̀ tán sɛnpò; zɛtɛn nyɛ́n crɛ̀ nyan anwrɔn hɔ̀n léyi kɛ hán sɛnpò ndɔ lɔ ne ci nɔn.

2 Tesalonikɛ̀n anmàn-bɔ̀ 1:4

Hɩ le kruhú de bɔ́ dɔ́ ny'ankà ɔmùan-gbuemɛ̀n Ɔwɔ-fɛcüè hɔ̀n lɔ mɛ̀n, ɔmuhi nyɛ ẅɛn nɛ̀n ɛshishiemɛ̀n ankaẅì-bùtan mɛ̀n, kɩ ɛgbànkàn mán obòtò hɔ̀n léyi nyɛ srɔ́n ɛsù nɔn ke sɩ́ ẅɛn nyɛ̀n kɛ hɛ́n hán.

2 Tesalonikɛ̀n anmàn-bɔ̀ 3:7

Nyɛ́n dùku mán nyɛ́n nyri ɔmu le, ke ji le nyɛ́n bɩ́ bɔ́ sɛnpò lɔ. Ɔmuhi bɔ̀ sɩ̀ yɛ̀ ɛjɛmɛ̀n ny'anmàn lɔ nɔn.

2 Tesalonikɛ̀n anmàn-bɔ̀ 3:9

Bɔ̀ hán eci ndɔ lɔ, kè sɩ̀ dù hɩ le bɔ́ sɩ̀ ẅɛ̀n ny'ɛkɔrɛ̀-wá kɔrɛ̀levri, tɛ́n bɔ́ ji bɔ̀ tán nyɛ̀n sɛnpò léyi nyɛ lɛ nán esù ɛwú nɔn.

Anhyrɛmɛ̀n timote 4:2

ɛ̀ dɔ́ Ɔwɔ mùan ankà lɔ edù ke bɩ́ ká mɛ́n, ɛnvra totɔtɔ̀n lɔ fɛn mɛ̀n; ɛnkruemɛ̀n kè cüe mɛ́n, ke dú kɛ ɛkɔrɛ̀levri ke dù, kɩ badà mán, ɛ̀ dɔ́ ebrè di ankà mán edùyi ankà ɛ̀ tán anwrɔn, ô è yé ankà ɛnbɔrɛ-ẅɛ̀n-hɛ́n mɛ̀n anvrɛnvrɛn.

Ebre-bɔ̀ 10:34

Nyɛ́n mán anwɔn-mɛ̀n-wá-bɔ̀ mɛhi nyɛ́n kán ɛgbàn, kɩ ɛnvra léyi ye bɩ́ nyɛ̀n ɛci yɛ sɔhɔ́ nɔn, nyɛ́n shri pɔpüɛ mɛ̀n nyɛ́n tán yɔ, ɔmuhi nyɛ́n nyri ɔmu le nyɛ́n ẅɛn ɛnnɛncüì-di-ci anvrɛnvrɛn léyi dú ɛnvra lɔ fɛn nɔn.

1 Piɛrɛ̀n 1:6

Pɔ̀püɛ̀ kɛ̀ brá nyɛ̀n ɛnkrukɔrɛ̀ lɔ kruhú, ke dú kɛ zɛtɛ̀ lɔ ke ji le nyɛ́n dú obòto mɛ̀n ɛnvra jan ejüedì mɛ̀ntɛ mɛ̀ntɛ mɛ̀n.

1 Piɛrɛ̀n 1:8

Nyɛ́n cüɛn nɛ̀n ke dú kɛ nyɛ́n sɩ́ kán nɛ̀n mán; nye bú n'ankà nyɛ tán ankaẅì kɩ nyɛ vá kán nɛ̀n; hɩ le kruhú de ecizrɔ pɔpüɛ̀ vri kɛ brá nyɛ̀n, ye sɩ́ cɔ́ n'ɛdɔ́-yri,

1 Piɛrɛ̀n 3:13

Antɔ̀n de kɛ lɛ hán nyɛ̀n ɛgbàn ke dú kɛ nyɛ́n dú edùyiemɛ̀n nyɛ hán anvrɛn nɛ́n?

3 Zhan 1:11

Annyran anvrɛn, e bɩ́ ji ɛci gbangbàn-hán yri, tɛ́n ɛ̀ hán eci léyi zrɔ nɔn. Ɔwrɔn léyi kɛ hán anvrɛn kɔ̀hɔ̀n nɔn, nɛ̀n dú Ɔwɔ tɛn; ɔwrɔn léyi kɛ hán ɛgbàn nɔn, nɛ̀n sɩ̀ nyrì Ɔwɔ.