1 Tesalonikɛ̀n anmàn-bɔ̀ 1:5 - Ɛmɛẅi ankà ankrànkràn 2003

⁵ Annanwɔrɛ mɛ̀n lɔ, ɛnvra léyi bɔ̀ dɔ́ nyɛ̀n Ɛmɛẅi ankà ankrankran lɔ nɔn, kè sɩ̀ dù anmùan mɛ̀n ankà-dɔ̀ tɛ̀-kɩ, tɛ́n Ɛnhɛ́n Prɔnprɔn kɔrɛ̀-srɔn, n'ɛkɔrɛ̀-wá mán n'esɛ́ annanwɔrɛ mɛ̀n mɛhi. Nyɛ́n nyri ɔmu le bɔ̀ hán bɔ̀ ẅɛn bɔ́ edomɛ̀n ny'ɛmɛ̀n, ny'anvrɛn kruhú.

1 Tesalonikɛ̀n anmàn-bɔ̀ 1:5 Iomraidhean Croise

Markɛ̀n 16:20

N'ɛsɛ̀nkɛn-bɔ̀ hɔ́n ɛyri lɔ fɛn kɛ dɔ́ yɔ Ɛmɛẅi ankà Ankrànkràn lɔ. Ɛẅɛnwrɔn kɛ wá yɔ ɛkɔrɛ̀ y'ɔkɔ̀hɔ̀n-hán-mɛ̀n kɩ ke yé yɔ le y'Ɔwɔ ankà-dɔ̀ lɔ dú annànwɔrɛ, ɔmuhi yɔ hán anvɛmɛ̀n-frɛ́n-ci nɔn.]

Lükɛ̀n 1:1

Brɛ̀su Teofilɛ̀n, Anwrɔn bobrebe de ji ɛyri ô kè merɛ́n ɛci hɔ̀n léyi vá bɔ̀ ɛmɛ̀n nɔn y'owrú.

Ɔkɔ̀hɔ̀n-wá-bɔ̀ kɔ̀hɔ̀n hán 11:21

Ɛẅɛnwrɔn kɔrɛ̀-srɔn dú yɔ ɛmɛ̀n kɩ anwrɔn bobrebe bú Ɛẅɛnwrɔn ankà tán ankaẅì, kɩ yɔ crɔn ɛnkru.

Ɔkɔ̀hɔ̀n-wá-bɔ̀ kɔ̀hɔ̀n hán 16:14

Y'ɛmɛ̀n lɔ, ɛnnyɔnwrɔn tɔ̀n ye bi Lidi, nɛ̀n dú anhàn-zhrɛ-hi léyi dú Tiatirɛ̀n anmàn nvà, nɛ hɛ́ ebɩ́di càsa wɔnsɛn ankrankran, kɩ nɛ sɛ́n Ɔwɔ. Ne die bɔ̀ nukùɛ, kɩ Ɛẅɛnwrɔn tán nɛ̀n ankà-die nukù, ô nɛ̀n yá Pɔlɛ̀n ankà léyi kɛ dɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:33

Ye sɩ́ nɛ̀n ɛwú, nɛ̀n yɛ́ Ɔwɔ zì-kɔrɛ̀ kɔrɛ̀a, kɩ nɛ̀n cɔ́ Ɔwɔ tamɛ̀n Ɛnhɛ́n Prɔnprɔn léyi yɛ wá ɔmùan nɔn; nɛ́n bonyi Ɛnhɛ́n Prɔnprɔn ndɔ lɔ bɔ́ ɛwú, kɩ hɩ de dú eci léyi nyɛ kàn kɩ nyɛ yá zɛtɛ̀ lɔ nɔn.

Rɔmɛ̀n-anmàn-bɔ̀ 1:16

Ɛnbɔrɛ shishiemɛ̀n de mɛ dɔ́ Ɛmɛẅi ankà Ankrankran lɔ nɔn: annanwrɔrɛ mɛ̀n lɔ, nɛ̀n dú ecüì léyi Ɔwɔ ke bɩ ke bi ɔwrɔn hɔ̀n léyi ẅɛn ankaẅì-bùtan nɔn ke die, bukru Zhüifɛ̀n-bɔ̀, tɛ́n yɔ hɔ̀n léyi kè sɩ̀ dù Zhüifɛ̀n-bɔ̀ nɔn mán dú ɛmɛ̀n.

Rɔmɛ̀n-anmàn-bɔ̀ 15:13

Ke ji le Ɔwɔ léyi dú esɛ́ shi-bɛ́ nɔn ke hán pɔpüɛ̀ mán anwɔwɔ ke dú nyɛ̀n ɛmɛ̀n, ny'ankaẅì-bùtan léyi nyɛ́n ẅɛn n'ɛwú nɔn, ô nyɛ́n di ɛnnɛ̀ncüì esɛ́ mɛ̀n, Ɛhɛ́n Prɔnprɔn kɔrɛ̀-srɔn mɛ̀n.

Rɔmɛ̀n-anmàn-bɔ̀ 2:16

Nyàn eci léyi kɛ lɛ wɔɛn ɛnbì léyi Ɔwɔ kɛ lɛ hán Zhezü Krisì kè ci eci-bán-ci lɔ fɛn léyi dú anwrɔnẅì wúvà lɔ mɛ̀n nɔn ɛmrɛ̀n, hán ɔmu le Ɛmɛẅi ankà Ankrànkràn lɔ kɛ dɔ̀ nɔn.

1 Korɛntɛ̀n anmàn-bɔ̀ 1:24

tɛ́n anwrɔn hɔ̀n léyi Ɔwɔ bi nɔn, Zhüifɛ̀n-bɔ̀ mán yɔ léyi yɔ sɩ̀ dù Zhüifɛ̀n-bɔ̀ nɔn, Krisì dú Ɔwɔ kɔrɛ̀-srɔn mán n'ankà-nyrì.

1 Korɛntɛ̀n anmàn-bɔ̀ 10:33

Nyɛ́n hán eci kɛ̀ hán mɛ̀n hɔ́: mɛ hán kèkrèmɛ̀n mɛ̀n cüɛn anwrɔn lɔ fɛn ɛvɛ̀ eci lɔ fɛn hán mɛ̀n; mɛ́n sɩ́ ji mɛ́n dùku m'anvrɛn, tɛ́n anwrɔn bobrebe hɔ̀n tɛn, ô yɔ cɔ́ ebɩdie.

1 Korɛntɛ̀n anmàn-bɔ̀ 3:16

Annanwɔrɛ mɛ̀n lɔ nyɛ́n nyri ɔmu le nyɛ́n dú Ɔwɔ wɔn, kɩ Ɔwɔ Hɛ́n dú nyɛ̀n ɛmɛ̀n.

1 Korɛntɛ̀n anmàn-bɔ̀ 3:6

Mɛ̀n wá ɛtɛ̀-ẅì ɛnhibɩ́, Apolɔsɛ̀n ku nɛ̀n ɛnshi, tɛ́n Ɔwɔ de hán nɛ̀n nɛ̀n sɔ́ nɔn.

1 Korɛntɛ̀n anmàn-bɔ̀ 4:20

Ɔmuhi Anhobɩ́ Nɛ̀ncüì-dúyri lɔ kè sɩ̀ dù anmùan mɛ̀n ankà-dɔ̀, tɛ́n ɛkɔrɛ̀-srɔn ankà.

1 Korɛntɛ̀n anmàn-bɔ̀ 9:14

Ɔmu zri lɔ, Ɛẅɛnwrɔn wá tán le anwrɔn hɔ̀n léyi kɛ dɔ́ Ɛmɛẅi ankà Ankrankran lɔ nɔn, kɛ̀ cɔ́ y'ɛci-zî ɔkɔ̀hɔ̀n ndɔ lɔ mɛ̀n.

2 Korɛntɛ̀n anmàn-bɔ̀ 3:6

nɛ́n de nɛ̀n tán bɔ̀ ecüì bɔ̀ srɔ mìrɛ̀n wrù ci-bɩ̀tan-bɔ̀ léyi kè sɩ̀ dù ɛnyànmàn léyi ye merɛ́n nɔn n'ɔkɔrɛ̀-levri wú, tɛ́n Ɛnhɛ́n Prɔnprɔn kɔrɛ̀levri wú. Ɛnyànmàn léyi ye merɛ́n nɔn, ke sɩ́ owúemɛ̀n, tɛ́n Ɛnhɛ́n Prɔnprɔn ke sɩ́ ɔkɔrɛ mɛ̀n.

Galasi anmàn-bɔ̀ 2:2

Mɛ̀n hɔ́n nanvrɛn, ô mɛ̀n nyri Ɔwɔ ankà léyi ke ji kɛ̀ dɔ́ mɛ̀n nɔn. Ɛmɛ̀n krubɔrɛ tɔ̀n léyi mɛ̀n mán ɛnkru-ɛvrivri-bɔ̀ mɛhi bɔ́ ẅɛ̀n nɔn, mɛ̀n dɔ́ yɔ́ Ɛmɛẅi ankà Ankrànkràn léyi mɛ dɔ́ tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn. Mɛ́n sɩ́ ji le m'ɔkɔ̀hɔ̀n léyi mɛ̀n hán mán hɩ le mɛ vá ɛhán yri nɔn, kɛ̀ srɔ eci woro.

Galasi anmàn-bɔ̀ 5:5

Bɔ tɛn tɛ́n, bɔ̀ ẅɛn esɛ́ Ɔwɔ mɛ̀n, nɛ́n léyi nɛ lɛ srɔ bɔ̀ ɛnyrɔnnan-bɔ̀ n'ezìwú nɔn; ndɔ lɔ de bɔ́ vrá Ɛnhɛ́n Prɔnprɔn kɔrɛ̀-srɔn mɛ̀n, nɛ́n léyi nɛ tán bɔ̀ ankaẅì-bùtan nɔn.

Efɛzɛ̀n anmàn-bɔ̀ 2:10

Annànwɔrɛ mɛ̀n lɔ, Ɔwɔ de hán bɔ̀ antà-hi mɛ̀n; nɛ̀n hán bɔ̀, bɔ́ mán Zhezü Krisì mɛhi b'ɔbɔ̀sɔ̀ lɔ mɛ̀n, ô bɔ̀ ẅɛn ɛwúvà léyi di ɛnnɛ̀ncüì ɛci-ankrankran-hán mɛ̀n, ɛci-ankrankran hɔ̀n léyi nɛ́n gɔ̀ hán nɛ̀n hɛ́n, ô bɔ̀ hán hɩ ci nɔn.

Efɛzɛ̀n anmàn-bɔ̀ 3:20

Ɔwɔ léyi ẅɛn ɛkɔrɛ̀srɔn ci-hán léyi kè sɩ̀ ẅɛ̀n ɛnkrutrɔ, hɩ vrán eci lɔ fɛn léyi bɔ́ sán hɩ bɔ́ tro mán, n'ɛkɔrɛ̀-srɔn léyi dú bɔ̀ ɛmɛ̀n nɔn, hɩ cüìemɛ̀n,

Filipɛ̀n anmàn-bɔ̀ 2:13

ɔmuhi Ɔwɔ kɛ hán ɔkɔ̀hɔ̀n ny'ɛmɛ̀n, nɛ tán nyɛ̀n ecüì, nyɛ́n ji, ô nyɛ́n hán eci léyi dú nɛ́n dùku n'ankɔnda ci-hán nɔn.

Filipɛ̀n anmàn-bɔ̀ 4:9

Eci léyi nyɛ́n cɔ̀, mán ankà-yé léyi nyɛ́n cɔ́ m'eyri, ndɔ lɔ fɛn, nyɛ́n ẅɛ̀n hɛ́n, ndɔ léyi nyɛ́n yá mɛ́n dɔ̀, mán hɩ léyi nyɛ́n kàn mɛ̀n hán. Kɩ Ɔwɔ léyi kɛ tán anwɔwɔ nɔn, mɛhi nye le dù.

Kɔlɔsèn anmàn-bɔ̀ 2:2

Me ji le y'ɛnbɔrɛ lɔ, edùyì kè yɩ́ ɛmɛ̀n, yɔ dú ɛcüɛ̀n-bɔ̀sɔ mɛ̀n, ô yɔ di ɛnnɛ̀ncüì esɛ́ léyi annanwɔrɛ kruemɛ̀n-ẅɛ̀n kɛ tán nɔn mɛ̀n. Ɔmu lɔ de yɔ lɛ nyri Ɔwɔ ankɔ́nda ankà-bán-ankà lɔ, hɩ mɛ̀n kɛ dɔ̀ le Krisì dùku:

1 Tesalonikɛ̀n anmàn-bɔ̀ 2:13

Ɛnvra lɔ fɛn bɔ́ tán Ɔwɔ ɔkùɛn ankà nyàntɛn kruhú: ɛnvra léyi bɔ̀ dɔ́ nyɛ̀n Ɔwɔ-mùan-ankà lɔ nɔn, nyɛ́n die nɛ̀n nukùɛ kɩ nyɛ́n bɩ́ nɛ̀n, kɩ kè sɩ̀ dù kɛ̀ hàn anwrɔnẅì mùan-ankà hɔ́, tɛ́n nyɛ́n bɩ́ nɛ̀n hán Ɔwɔ-mùan-ankà hɔ́, eci léyi dú nɛ̀n annanwɔrɛ nɔn. Ɔmu lɔ de n'eci-hán dú nyɛ̀n ɛmɛ̀n, nyɛ́n ankaẅì-bùtan-ẅɛn-bɔ̀.

2 Tesalonikɛ̀n anmàn-bɔ̀ 2:14

Ɛmɛẅi ankà Ankrànkràn léyi bɔ̀ dɔ́ nyɛ̀n yi ankà nɔn, hɩ wú de Ɔwɔ bi nyɛ̀n nɔn; nɛ̀n ji le nyɛ́n mán nyɛ́n dú bɔ́ Ɛẅɛnwrɔn Zhezü Krisì ci-zrɔ lɔ mɛ̀n.

Anhyrɛmɛ̀n timote 2:10

Hɩ le kruhú de mɛ̀n shri fɛn mɛ́n bɩ, kè dú anwrɔn hɔ̀n léyi Ɔwɔ mrɛ́n bɩ nɔn, y'anvrɛn, ô yɔ mán yɔ cɔ́ ɛnkru-kɔrɛ̀ léyi dú Zhezü Krisì yri nvà, hɩ mán ecizrɔ léyi ke sɩ́ trɔa nɔn.

Anhyrɛmɛ̀n timote 2:8

Zhezü Krisì ankà ke bru mɛ́n, nɛ́n léyi nɛ̀n dú Davidɛ̀n mɛẅi-wrɔn, kɩ dú owú bɔ̀ mɛ̀n vá ɔkɔrɛ bɔ̀ mɛ̀n, hán ɔmu le Ɛmɛẅi ankà Ankrànkràn léyi mɛ dɔ́ n'ankà ke yé nɔn.

Ebre-bɔ̀ 10:22

Zɛtɛn bɔ̀ sɔ̀nba Ɔwɔ ɛtɛ̀sɛ̀n ɛnbɔrɛ zriemɛ̀n mán esɛ́ mɛ̀n; bɔ̀ bɩ́ ɛnbɔrɛ fifi léyi ankàtro gbangbàn cɔhɔ́ ɛmɛ̀n, mán edùwru léyi ye bɩ́ ɛnshi fifi ye jru nɔn.

Ebre-bɔ̀ 6:11

Tɛ́n bɔ́ ji le, ɔwrɔn wrɔn kè yé edùyì n'eci-hán mɛ̀n hàn mán ɔtrɔ mɛ̀n, ô ny'esɛ́ lɔ kɛ̀ sá nmù kokroho.

1 Piɛrɛ̀n 1:12

Ɔwɔ hán tán n'ɔmùan-wú-ankà-dɔ́ bɔ̀ nyri ɔmu le ɛmɛẅi ankà léyi nɛ̀n wá yɔ antamɛ̀n nɔn, kè sɩ̀ dù yɔ dùku yɔ tɛn, tɛ́n ny'ankà de yɔ dɔ̀ nɔn. Ɛmɛẅi ankà ndɔ lɔ, nyɛ́n cɔ́ nɛ̀n zɛtɛ̀ lɔ Ɔwɔ-ankà-dɔ́-bɔ̀ mùan mɛ̀n; yɔ dɔ́ Ɛmɛẅi ankà Ankrankran lɔ, Ɛnhɛ́n Prɔnprɔn léyi dú anhobɩ́ nvà nɔn, n'ɛkɔrɛ̀srɔn mɛ̀n. Kɩ Ɔwɔ kùyüre-bɔ̀ dùku mán ke ji kè nyri Ɛmɛẅi ankà Ankrànkràn ndɔ lɔ.

1 Piɛrɛ̀n 1:3

Bɔ̀ mrɛ́n Ɔwɔ Zi léyi dú bɔ́ Ɛẅɛnwrɔn Zhezü Krisì nɛ́n Zi nɔn! N'ɛcüɛ̀n vri lɔ mɛ̀n, nɛ̀n tán bɔ̀ ɛwúvà wrù tɔ̀n Zhezü Krisì wúemɛ̀n-dùfrɔ́ lɔ mɛ̀n. Ɔmu lɔ de bɔ̀ ẅɛn ɔkɔrɛ-sɛ́ tɔ̀n,

1 Piɛrɛ̀n 5:3

Anwrɔn hɔ̀n léyi yɛ wá nyɛ̀n antamɛ̀n nɔn, nyɛ́n bɩ́ sɩ́ ny'edomɛ̀n ɛwú nyɛ́n tán yɔ, tɛ́n nyɛ́n dú kɔ̀kɔ̀sɛ̀-kà lɔ yɔ sɛnpò.

2 Piɛrɛ̀n 1:10

Hɩ le kruhú de, anwrɔn-nɛ́n-muan-ẅì hɔ̀n, nyɛ́n vru nyɛ́n hán kèkrèmɛ̀n, ô Ɔwɔ bì léyi bi nyɛ̀n mán ɛmrɛ̀n léyi nɛ̀n mrɛ́n nyɛ̀n nɛ́n bɩ nɔn, ɔmuhi ke dú kɛ ny'ɛhán ɔmu lɔ hô, nyɛ́n sɩ̀ bru ɛgbàn mɛ̀n mrìmrì.

2 Piɛrɛ̀n 1:19

Ɔmu lɔ de bɔ́ esɛ́ vru dú Ɔwɔ-mùan-ankà-dɔ́-bɔ̀ ankà-dɔ̀ lɔ wú nɔn. Zrɔ tán le nyɛ́n ẅɛn nukù nyɛ́n hɛ́n n'ɛwúɛ: nɛ́n dù nɛ̀n cá kɛniɛn tɔ̀n léyi kɛ gbrɛ́n ɛyri yɔwɔ mɛ̀n hàn kɩ ɛcɛ̀n kɛ kɛ̀n, kɩ ɔsɔwɔrɔ̀ kùcànkrò kɛ wá nyɛ̀n pɔpüɛ̀ ɛnbɔrɛmɛ̀n nɔn.