1 Tesalonikɛ̀n anmàn-bɔ̀ 1:10 - Ɛmɛẅi ankà ankrànkràn 2003

¹⁰ Nyɛ vrá Zhezü léyi dú n'Ɛnẅì, kè dú anhobɩ́ kɛ̀ và. Nɛ́n de Ɔwɔ bɩ́ nɛ̀n owú-bɔ̀ mɛ̀n sɩ́ ɔkɔrɛ-bɔ̀ mɛ̀n; nɛ mrɛ́n bɔ̀ nɛ̀n sɔhɔ́ Ɔwɔ mrɛ̀ncì léyi kɛ́n eburi nɔn mɛ̀n.

1 Tesalonikɛ̀n anmàn-bɔ̀ 1:10 Iomraidhean Croise

Matie 1:21

Ne le bî ɛncɔnwrɔn-ẅì tɔ̀n, ɛ̀ wá nɛ̀n ebi Zhezü, ɔmuhi nɛ lɛ mrɛ́n nɛ́n fɛcüè lɔ ɛgbàn mɛ̀n nɛ̀n sɔhɔ́ nɔn.”

Matie 16:27

Annànwɔrɛ mɛ̀n, ɔwrɔnẅì Ẅì kɛ lɛ vá nɛ́n Zi ci-zrɔ lɔ mɛ̀n, nɛ́n mán Ɔwɔ-kùyüre-bɔ̀ mɛhi, kɩ zɛtɛn, ne le ci ɔwrɔn wrɔn ɛmrɛ̀n, n'eci léyi nɛ̀n hán nɔn yi wú.

Matie 16:28

Mɛ dɔ́ nyɛ̀n annànwɔrɛ mɛ̀n le: anwrɔn hɔ̀n léyi dú ɛnu lɔ nɔn, ɛnjanbɔ̀ ke sɩ̀ wù, ke dú kɛ yɔ sɩ̀ kàn ɔwrɔnẅì Ẅì kɛ̀ và kɛ̀ hán ɛnnɛ̀ncüì hɔ́.”

Matie 3:7

Ɛnvra léyi Zhan kán ɔmu le Ɔwɔ-nyànmàn-sùva-wá-bɔ̀ mán anwrɔn léyi ke sɩ́ bú owúemɛ̀n-dù-frɔ́ ankà kɛ tán ankàẅì, yɔ, anwrɔn bobrebe ndɔ hɔ̀n lɔ, yɔ vá cɔ́ nɛ̀n ô nɛ̀n wá yɔ ɛnshi ɛnkru, kɩ nɛ dɔ́ yɔ le: “Ɛnlɛbrì mɛ̀n mɛ̀n-bɔ̀! Antɔn de dɔ́ nyɛ̀n le, Ɔwɔ mrɛ̀ncì léyi kɛ́n eburi nɔn kɛ lɛ vɔ́n nyɛ̀n ɛwú nɛ́n?

Lükɛ̀n 2:25

Zɛtɛn ɔwrɔn tɔ̀n dú Zherüzalɛmɛ̀n anmàn, ye bi nɛ̀n Simeɔn. Ɔwrɔn ndɔ lɔ, dú ɛnyrɔnnan-wrɔn; nɛ wá Ɔwɔ, kɩ nɛ vrá ɔwrɔn léyi kɛ lɛ và ke bɩ́ Izraɛlɛ̀n kè die nɔn. Ɛnhɛ́n Prɔnprɔn mɛhi yɔ dù,

Lükɛ̀n 3:7

Fɛcüè kɛ vá cɔ́ Zhan, ô nɛ̀n wá yɔ ɛnshi ɛnkru. Nɛ dɔ́ yɔ le: “Ɛnlɛbri kà léyi dú nyɛ̀n nɔn! Antɔn de dɔ́ nyɛ̀n le, Ɔwɔ mrɛ̀n-cì léyi kɛ́n eburi kɛ và nɔn, kɛ lɛ vɔ́n nyɛ̀n ɛwú nɛ́n?

Ɔkɔ̀hɔ̀n-wá-bɔ̀ kɔ̀hɔ̀n hán 1:11

kɩ kɛ dɔ́ yɔ le: “Galile-bɔ̀, cɛci kruhú kɛ̂ nyɛ́n nyɔn ɛnu lɔ nyɛ nyán anhobɩ́ɛ? Zhezü ndɔ léyi ye bɩ́ sɔhɔ́ ny'antamɛ̀n kɛ hɔ́n anhobɩ́ nɔn, ke le vru kɛ̀ vá ɔmu zri léyi nyɛ́n kán nɛ̀n nɛ hɔ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 17:31

Ɔmu lɔ de nɛ̀n wá ɛnbì léyi ne le ci ɛnhibù mumù lɔ fɛn ɛmrɛ̀n ɛnyrɔnnan mɛ̀n, ɔwrɔn tɔ̀n léyi nɛ̀n mrɛ́n nɛ́n bɩ nɔn n'ebɩ́mɛ̀n. Nɛ̀n hán tán anwrɔn lɔ fɛn nyrì, kɩ nɛ̀n hán ɔwrɔn ndɔ lɔ dú ɔwú-bɔ̀ mɛ̀n vá ɔkɔrɛ-bɔ̀ mɛ̀n!”

Ɔkɔ̀hɔ̀n-wá-bɔ̀ kɔ̀hɔ̀n hán 2:24

Tɛ́n Ɔwɔ frɔ́ nɛ̀n, mrɛ́n nɛ̀n sɔhɔ́ owù gbànkan mɛ̀n, ɔmuhi ke sɩ̀ wá tán le owù kɛ̀ ẅɛn nɛ̀n kɛ̀ hɛ́n n'ɛkɔrɛ̀srɔn lɔ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:32

Zhezü ndɔ léyi mɛ dɔ́ n'ankà nɔn, Ɔwɔ frɔ́ nɛ̀n kɩ bɔ́ lɔ fɛn bɔ́ dú nɛ́n dalɛfuɛ-di-bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 3:15

Ɔmu lɔ de nyɛ́n hán ɛwúvà nɛ́n zi nwù nɔn. Tɛ́n Ɔwɔ bɩ́ nɛ̀n sɩ́ ɔkɔrɛ-bɔ̀ mɛ̀n, kɩ bɔ́ dú nɛ́n dalɛfuɛ-di-bɔ̀.

Ɔkɔ̀hɔ̀n-wá-bɔ̀ kɔ̀hɔ̀n hán 3:21

Zɛtɛ̀ vra lɔ, ke ji le Zhezü kɛ yɛ́ anhobɩ́ hàn kɩ kɛ cɔ́ ɛnvra léyi eci lɔ fɛn kɛ lɛ crɔn owrù, hán ɔmu le Ɔwɔ gɔ́ dɔ́ Ɔwɔ-mùanwú-ankà-dɔ́-bɔ̀ prɔnprɔn hɔ̀n mùan mɛ̀n ɛnvra sheshemɛ̀n hàn hɛ́n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 4:10

Hi tɛ̀, ke ji le nyɛ́n nyrì le, nyɛ́n lɔ fɛn mán Izraɛlɛ̀n fɛcüè lɔ fɛn: ke dú kɛ ɔwrɔn ndɔ lɔ nyɔn nyɛ̀n ezìwú edùsɔmɛ̀n hô, Nazàrɛtɛ̀n-wrɔn Zhezü Krisì bɩ́ kɔrɛ̀srɔn mɛ̀n, nɛ́n léyi nyɛ́n gɔ́n nɛ̀n brɛ́ ɛgbàn-hán-tɛ̀ domɛ̀n kɩ Ɔwɔ hán nɛ̀n nɛ́n vru nɛ̀n vá ɔkɔrɛ-bɔ̀ mɛ̀n nɔn.

Rɔmɛ̀n-anmàn-bɔ̀ 1:4

tɛ́n Ɛnhɛ́n Prɔnprɔn mɛ̀n lɔ, yɛ hán nɛ̀n, nɛ̀n srɔ Ɔwɔ Ẅì ɛkɔrɛ̀srɔn mɛ̀n ɛnvra léyi nɛ̀n dú owúemɛ̀n nɛ̀n frɔ́ nɔn.

Rɔmɛ̀n-anmàn-bɔ̀ 2:7

Ne le bɩ́ ɛwúvà léyi ke sɩ́ trɔa nɔn nɛ̀n tán anwrɔn hɔ̀n léyi y'eci-hán-ciemɛ̀n lɔ, kɛ hán anvrɛn kɩ ke ji eci-zrɔ, ɛmrɛ́n mán ɛwúvà-kɔrɛ̀ nɔn.

Rɔmɛ̀n-anmàn-bɔ̀ 4:25

Ɔwɔ dí nɛ̀n owúemɛ̀n bɔ́ ɛgbàn hɔ̀n lɔ kruhú kɩ nɛ̀n vru nɛ̀n sɩ́ yi ɔkɔrɛ-bɔ̀ mɛ̀n, ô nɛ̀n srɔ bɔ̀ ɛnyrɔnnan-bɔ̀ n'ezìwú.

Rɔmɛ̀n-anmàn-bɔ̀ 8:34

Zɛtɛn antɔnwrɔn de kɛ lɛ bɔ́ yɔ nwù tɛ̀ nɛ́n? Ɔwrɔnẅì zriɛmɛ́n, ɔmuhi Zhezü Krisì dú ɔwrɔn léyi wù nɔn, n'ɛshishi lɔ, nɛ̀n dú owúemɛ̀n nɛ̀n frɔ́, nɛ̀n yɛ́ Ɔwɔ zì-kɔrɛ̀ kɔrɛ̀ kɩ nɛ sɛ́n tán bɔ̀.

1 Korɛntɛ̀n anmàn-bɔ̀ 1:7

hán tán kɩ Ɔwɔ cüì zriɛmɛ́n kè sɩ̀ ẅɛn nyɛ̀n ɛmian, nyɛ́n léyi nyɛ vrá ɛnbì léyi bɔ́ Ɛẅɛnwrɔn Zhezü Krisì kɛ lɛ srɔ nɔn.

Galasi anmàn-bɔ̀ 3:13

Hɩ le Krisì srɔ ɛẅìɛ̀-dá-ci bɔ́ kruhú nɔn, nɛ̀n mrɛ́n bɔ̀ ɛnyànmàn ẅìɛ̀-dá lɔ mɛ̀n nɛ̀n sɔhɔ́. Owrú Prɔnprɔn kɛ dɔ́ annanwɔrɛ mɛ̀n le: “Ɛẅìɛ̀-dà dú ɔwrɔn totɔtɔn léyi yɛ wá ɛhɛ́ ɔbɔ̀n ɛtɛ̀ domɛ̀n nɔn.”

Filipɛ̀n anmàn-bɔ̀ 3:20

Tɛ́n bɔ́ tɛn, bɔ̀ dú anhobɩ́-bɔ̀, nanvrɛn lɔ de bɔ́ vrá, bɔ́ Ebɩ̀die-wrɔn, Ɛẅɛnwrɔn Zhezü Krisì kè dù kɛ̀ và nɔn.

Kɔlɔsèn anmàn-bɔ̀ 1:18

Ɔwɔ-fɛcüè-bɔ̀ léyi ndù hán edùwrú hɔ́ nɔn, nɛ̀n dú y'ɛnkru; n'ɛmɛ̀n de ɛwúvà wrù kɛ bukru nɔn, nɛ̀n dú ɛnvrapkà-bî-ẅì, ɛnvrapkà-wrɔn léyi vru vá ɔkɔrɛ-bɔ̀ mɛ̀n, ô eci lɔ fɛn mɛ̀n lɔ nɛ̀n ẅɛn ɛnvrapkà yɛ́yri.

1 Tesalonikɛ̀n anmàn-bɔ̀ 1:7

Ɔmu lɔ de, nyɛ́n srɔ sɛnpò nyɛ́n tán ankaẅì-bùtan-ẅɛn-bɔ̀ léyi dú Maseduhanɛ̀n mán Akahi kpɔsɔ wú nɔn.

1 Tesalonikɛ̀n anmàn-bɔ̀ 2:16

Yɔ ji yɔ sɩ́ bɔ̀, ô bɔ́ bɩ́ dɔ́ fɛcüè nyàntɛn hɔ̀n Ɛmɛẅi ankà Ankrànkràn léyi ke le bɩ́ yɔ kè die nɔn. Ɔmu lɔ de ɛgbàn bobrebe ndɔ hɔ̀n léyi yɔ hán nɔn, yɔ sán hán kɛ́n nɛ̀n ɛwú. Tɛ́n ɔtrɔmɛ̀n lɔ, Ɔwɔ mɛ̀nhyì dú yɔ ɛwú.

1 Tesalonikɛ̀n anmàn-bɔ̀ 2:7

ɔmu lɔ kɩ bɔ́ lɛ wá ɛkɔrɛ̀levri-ci tɛ̀ bɔ̀ tán nyɛ̀n ɔmuhi bɔ́ dú Krisì kɔ̀hɔ̀n-wá-bɔ̀ nɔn. Tɛ́n, bɔ̀ ẅɛn ɛnbɔrɛ-wɔ̀ ny'ɛwú, hán ɛnẅì-nɛ́n-muan léyi kɛ wá n'ɛẅì hɔ̀n esùva nɔn.

1 Tesalonikɛ̀n anmàn-bɔ̀ 5:9

Annanwɔrɛ mɛ̀n lɔ, Ɔwɔ kè sɩ̀ hán bɔ̀, ô bɔ̀ dú n'ɛmɛ̀nhyì-bɩ̀ lɔ mɛ̀n, tɛ́n bɔ̀ cɔ́ ɛnkrukɔrɛ̀ bɔ́ Ɛẅɛnwrɔn Zhezü Krisì bɩmɛ̀n.

Anhyrɛmɛ̀n timote 4:1

Mɛ sán mɛ́n eci ndɔ lɔ ɔmùan ɛwú siemɛ̀n Ɔwɔ zìwú mán Zhezü Krisì zìwú, nɛ́n léyi ne le ci ɔkɔrɛ-bɔ̀ mán owú-bɔ̀ ɛmrɛ̀n, mɛ sán mɛ́n eci lɔ Krisì và lɔ mán n'ɛnnɛ̀ncüì-dúyri bɩ́mɛ̀n:

Titɛ̀n 2:13

Ɔmu lɔ de ke ji le bɔ̀ vrá ɛnbɔrɛbru léyi bɔ̀ ẅɛn esɛ́ n'ɛwú ɛnbì léyi Zhezü Krisì léyi dú b'Ɔwɔ vri mán bɔ́ Ebɩdie-wrɔn ci-zrɔ kɛ lɛ srɔ nɔn.

Ebre-bɔ̀ 10:27

Wɔrɔ bɔ̀ Ɔwɔ mrɛ̀nci shishi léyi ke ji le bɔ̀ vrá ɛnkrɛ̀ta-kuemɛ̀n, mán ɛnhyà-ẅì léyi kɛ lɛ biɛ n'egbri-bɔ̀ hɔ̀n nɔn.

Ebre-bɔ̀ 9:28

Ɔmu zri lɔ, Krisì mán ye bɩ ye ce eci ɛdɛ̀n zri, ô kɛ̀ mrɛ́n anwrɔn fɛcüè hɔ̀n ɛgbàn mɛ̀n kɛ̀ sɔhɔ́. Nɛ lɛ srɔ andɛ̀n anhyrɛmɛ̀n, kè sɩ̀ dù hɩ le ne le gbú ɛgbàn nɛ̀n sɔhɔ́ nɔn, tɛ́n, nɛ̀n bɩ́ ɛnkrukɔrɛ̀ nɛ̀n tán anwrɔn hɔ̀n léyi kɛ vrá nɛ̀n nɔn.

1 Piɛrɛ̀n 1:21

N'ɛmɛ̀n de nye bú Ɔwɔ ankà nyɛ tán ankàẅì, nɛ́n léyi nɛ̀n bɩ́ n'ɛnẅì nɛ̀n sɔhɔ́ owú-bɔ̀ mɛ̀n kɩ nɛ̀n tán yi eci-zrɔ; ɔmu lɔ de nyɛ́n bɩ́ ny'ankaẅìbùtan mán ny'esɛ́ nyɛ́n wá Ɔwɔ mɛ̀n nɔn.

1 Piɛrɛ̀n 1:3

Bɔ̀ mrɛ́n Ɔwɔ Zi léyi dú bɔ́ Ɛẅɛnwrɔn Zhezü Krisì nɛ́n Zi nɔn! N'ɛcüɛ̀n vri lɔ mɛ̀n, nɛ̀n tán bɔ̀ ɛwúvà wrù tɔ̀n Zhezü Krisì wúemɛ̀n-dùfrɔ́ lɔ mɛ̀n. Ɔmu lɔ de bɔ̀ ẅɛn ɔkɔrɛ-sɛ́ tɔ̀n,

1 Piɛrɛ̀n 2:21

Eci ndɔ lɔ kruhú de nɛ̀n bi nyɛ̀n, ɔmuhi Krisì dùku mán kán ɛgbàn ny'ɛkruhú; nɛ̀n tán nyɛ̀n sɛnpò, ô nyɛ́n ci n'esùnàn wú.

1 Piɛrɛ̀n 3:18

Annanwɔrɛ mɛ̀n lɔ Krisì dùku mán kán ɛgbàn ɛdɛ̀n zri brɛzri anwrɔnẅì gbàn kruhú; nɛ̀n sɩ̀ hán eci zriɛmɛ́n, kɩ nɛ̀n wú ɛgbàn-hán-bɔ̀ kruhú, ô nɛ̀n bɩ́ nyɛ̀n nɛ̀n hɔ́n sɩ́ Ɔwɔ. Ye di nɛ̀n owúemɛ̀n n'edùwrú ẅia mɛ̀n, tɛ́n ye sɩ́ nɛ̀n ɛwúvà-kɔrɛ mɛ̀n Ɛnhɛ́n Prɔnprɔn cüiemɛ̀n.

2 Piɛrɛ̀n 3:12

Ke ji le nyɛ́n vrá ɛnbì léyi Ɔwɔ kɛ và nɔn, ô nyɛ́n hán kèkrèmɛ̀n nɛ̀n gɔ̀ vá ɛnvra bruemɛ̀n. Ke le dú ɛnbì léyi ɛnhyà kɛ lɛ jrɛ́ anhobɩ́ kɩ anhobɩ́ dùwru hɔ̀n lɔ ke le zru ɛnhyà ẅiemɛ̀n.

2 Piɛrɛ̀n 3:14

Hɩ le kruhú de, m'annyran anvrɛn hɔ̀n, ɛnbɩ̀ ndɔ lɔ n'ɛnvra lɔ, nyɛ́n hán kèkrèmɛ̀n, ô nyɛ́n dú efifiemɛ̀n, ye bɩ́ cɔ́ eci-gbàngbàn zriɛmɛ́n ny'ɛwú Ɔwɔ zìwú, ô nyɛ́n mán nɛ́n mɛhi nyɛ́n dú anwɔwɔ mɛ̀n.

Ɔwɔ-mɛ̀n-yrikàn 1:18

Mɛ̀n dú ɔkɔrɛ-wrɔn. Mɛ́n wù, tɛ́n zɛtɛ̀ lɔ mɛ̀n dú ɔkɔrɛ-wrɔn ɛnvra lɔ fɛn. Mɛ̀n ẅɛn ɛkɔrɛ̀srɔn owù mán owú-bɔ̀ hi wú.

Ɔwɔ-mɛ̀n-yrikàn 1:7

Nyɛ́n nyan, nɛ̀n dú ɛwì-gbuemɛ̀n nɛ và! Yɔ lɛ fɛn yɔ lɛ kán nɛ̀n, yɔ hɔ̀n léyi sɔ́n nɛ̀n ebisɛn nɔn mán. Ɛnhibù wú fɛcüè hɔ̀n ke le dú obòtomɛ̀n n'ɛkruhú. Hɛ̀ɛ̀, ɔmu lɔ de ke le dù nɔn! Kè dú ɔmu lɔ.