1 Tesalonikɛ̀n anmàn-bɔ̀ 1:1 - Ɛmɛẅi ankà ankrànkràn 2003

¹ Ebinyan ndɔ lɔ dú Pɔlɛ̀n, Silasɛ̀n mán Timote yri kɛ và. Tɛsalonikɛ̀n wɔ-fɛcüè léyi dú Ɔwɔ Zi mán Ɛẅɛnwrɔn Zhezü Krisì tɛn nɔn: nboafɔ̀n mán anwɔwɔ kè dú nyɛ tɛn.

1 Tesalonikɛ̀n anmàn-bɔ̀ 1:1 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 15:22

Zɛtɛn ɔkɔ̀hɔ̀n-wá-bɔ̀ mán ɛcüìcüì-bɔ̀ mán Ɔwɔ fɛcüè-bɔ̀ lɔ fɛn wá le yɛ mrɛ́n anwrɔn janbɔ̀ y'ɛmɛ̀n lɔ, ô yɛ wá yɔ ɔkɔ̀hɔ̀n, yɔ mán Pɔlɛ̀n mán Barnabasɛ̀n yɔ hɔ́n Antiɔshɛ̀n anmàn. Yɔ mrɛ́n Zhüdɛ̀n léyi ye bi Barsabasɛ̀n mán Silasɛ̀n, yɔ anwrɔn anhyrɛ̀ lɔ, yɔ ẅɛn ɛkɔrɛ̀-levri anwrɔn-nɛ́n-muan-ẅì hɔ̀n mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 15:27

Bɔ́ yüre nyɛ̀n Zhüdɛ̀n mán Silasɛ̀n léyi kɛ lɛ dɔ́ nyɛ̀n yɔ mumù ankà léyi bɔ̀ merɛ́n owrú lɔ mɛ̀n nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 15:40

tɛ́n pɔlɛ̀n mrɛ́n Silasɛ̀n nbɩ kɩ ɛnvra léyi anwrɔn-nɛ́n-muan-ẅì hɔ̀n bɩ́ yɔ wá Ɛẅɛnwrɔn antamɛ̀n nɔn, yɔ hɔ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 16:19

Ɛnvra léyi eci-bɩ̀tan-hi lɔ, n'ankà-yé-bɔ̀ kán ɔmu le yɔ sɩ̀ vru cɔ́ ɔkùa eci léyi ɛnnyɔwrɔn lɔ kɛ hán nɔn mɛ̀n nɔn, yɔ ẅɛn Pɔlɛ̀n mán Silasɛ̀n, kɩ yɔ sɩ́ yɔ anmàn drɛ́nmɔɛ́n mɛ̀n ɛcüìcüì-bɔ̀ zìwú.

Ɔkɔ̀hɔ̀n-wá-bɔ̀ kɔ̀hɔ̀n hán 16:25

Ɛnnyran wanzi vra, Pɔlɛ̀n mán Silasɛ̀n dú Ɔwɔ-sɛ́n mɛ̀n, kɩ kɛ krɛ́ ɛcɔ̀ kɛ mrɛ́n Ɔwɔ; anwɔn-mɛ̀n-wá-bɔ̀ ndɔ hɔ̀n lɔ ke die yɔ nukùɛ.

Ɔkɔ̀hɔ̀n-wá-bɔ̀ kɔ̀hɔ̀n hán 16:29

Zɛtɛn ɛyri-nan-wrɔn lɔ sán kɛniɛn, srɛ́ bru ɔwɔn cɛ lɔ mɛ̀n edù cüicüiemɛ̀n mán ɛnjansuemɛ̀n, nɛ̀n bore Pɔlɛ̀n mán Silasɛ̀n annan zìwúɛ.

Ɔkɔ̀hɔ̀n-wá-bɔ̀ kɔ̀hɔ̀n hán 17:11

Bere anmàn-bɔ̀ ẅɛn ɛcüɛn-borɛ anvrɛnvrɛn vrán Zhüifɛ̀n-bɔ̀ léyi dú Tɛsalonikɛ̀n anmàn nɔn; yɔ bɩ́ Ɔwɔ ankà-dɔ̀ lɔ ɛcüɛ̀n bobrebe mɛ̀n. Ɛnbi lɔ fɛn, yɔ krɛ́ Ɛwrú Prɔnprɔn hɔ̀n lɔ, ô yɔ nyan ke dú kɛ ankà zì de Pɔlɛ̀n kɛ dɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 18:5

Ɛnvra léyi Silasɛ̀n mán Timote dú Maseduhanɛ̀n kpɔsɔ wú nvà nɔn, Pɔlɛ̀n dú ɛnvra lɔ fɛn Ɔwɔ-ankà-dɔ́ mɛ̀n; nɛ dɔ́ Zhüifɛ̀n-bɔ̀ zìwú le Zhezü dú Ebɩ̀die-wrɔn.

Ɔkɔ̀hɔ̀n-wá-bɔ̀ kɔ̀hɔ̀n hán 19:22

Pɔlɛ̀n wá n'ɛkɔrɛ-wá-bɔ̀ anhyrɛ̀, Timote mán Erastɛ̀n ɔkɔ̀hɔ̀n Maseduhanɛ̀n kpɔsɔ wú, tɛ́n nɛ́n mumù, nɛ̀n yɛ́ Azi kpɔsɔ wú ɛnvra jan.

Ɔkɔ̀hɔ̀n-wá-bɔ̀ kɔ̀hɔ̀n hán 20:4

Pirüsɛ̀n ẅì, ye bi Sopatɛrɛ̀n, nɛ̀n dú Bere anmàn-wrɔn, hɔ́n sɩ́ nɛ̀n, nɛ́n mán nɛ́n nyran hɔ̀n léyi dú: Aristarkɛ̀n mán Sekɛndüsɛ̀n, yɔ dú Tesalonikɛ̀n-bɔ̀, Gahiüsɛ̀n dú Derbɛ̀n anmàn-wrɔn, Timote, Tishikɛ̀n mán Trofimɛ̀n, yɔ dú Azi kpɔsɔ wú bɔ̀, yɔ lɔ fɛn yɔ hɔ́n sɩ́ nɛ̀n.

Rɔmɛ̀n-anmàn-bɔ̀ 1:7

Nyɛ́n léyi nyɛ́n dú Rɔmɛ̀n anmàn nɔn, me merɛ́n nyɛ̀n owrú, nyɛ lɛ fɛn léyi Ɔwɔ kɛ cüɛn nyɛ̀n hɩ bi nyɛ̀n, ô nyɛ́n dú ɛwúvà-kɔrɛ̀ mɛ̀n n'ɛkruhú nɔn. Ke ji le Ɔwɔ bo Zi, mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.

1 Korɛntɛ̀n anmàn-bɔ̀ 1:2

Ebinyan lɔ dú Ɔwɔ-fɛcüè léyi dú korɛntɛ̀n anmàn, mán yɔ hɔ̀n léyi yɔ dú nanvrɛn hɩ y'ɛwúvà lɔ fɛn dú Ɔwɔ mɛ̀n, kɩ yɔ dú Ɔwɔ tɛn Zhezü Krisì ankaẅì-bùtan-ẅɛn mɛ̀n, mán anwrɔn hɔ̀n léyi ɛyri lɔ fɛn, Zhezü Krisì bɔ́ Ɛẅɛnwrɔn bɩ́ lɔ dú anmùan mɛ̀n, nɛ́n léyi nɛ̀n dú yɔ mán bɔ́ mɛhi bɔ́ Ɛẅɛnwrɔn nɔn:

2 Korɛntɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n mán bɔ́ muan-ẅì Timote yri kɛ và, Pɔlɛ̀n léyi Ɔwɔ kɔrɛ̀-levriemɛ̀n srɔ Zhezü Krisì kɔ̀hɔ̀n-wá-wrɔn nɔn. Ɔwɔ-fɛcüè léyi dú Korɛntɛ̀n anmàn mán anwrɔn hɔ̀n léyi dú Ɔwɔ-fɛcüè tɛn Akahi kpɔsɔ mumù lɔ fɛn wú nɔn:

2 Korɛntɛ̀n anmàn-bɔ̀ 1:19

Ɔmuhi Zhezü Krisì, Ɔwɔ ẅì léyi bɔ̀ dɔ́ n'ankà ny'edúyri, Silasɛ̀n, Timote mán mɛ́n mumù, kè sɩ̀ và hô, kɛ̀ dɔ̀ le “Hɛ̀ɛ̀” mán “Hɔ̂”. Tɛ́n, n'ɛmɛ̀n lɔ, ɛnvra lɔ fɛn “Hɛ̀ɛ̀” kɩ dù:

Galasi anmàn-bɔ̀ 1:2

Anwrɔn-nɛ́n-muan-ẅì hɔ̀n lɔ fɛn léyi dú ɛnu lɔ nɔn cɔ́ mɛ̀n, ô bɔ̀ yüre Ɔwɔ-fɛcüè-bɔ̀ léyi dú Galasi anmàn nɔn, owrú ndɔ lɔ ô kɛ̀ dɔ́ yɔ le:

Galasi anmàn-bɔ̀ 1:22

Zhüde kpɔsɔ wú Wɔ-fɛcüè-bɔ̀ lɔ kè sɩ̀ nyri mɛ̀n antà-dùwrúemɛ̀n.

Efɛzɛ̀n anmàn-bɔ̀ 1:2

Ɔwɔ bɔ́ Zi mán Ɛẅɛnwrɔn Zhezü Krisì kɛ̀ tán nyɛ̀n ɛnshifù mán anwɔwɔ.

Filipɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n mán Timote léyi dú Zhezü Krisì ci-bɩ̀tan-bɔ̀ nɔn yri kɛ và. Anwrɔn hɔ̀n léyi dú Filipɛ̀n anmàn hɩ Zhezü Krisì bɩmɛ̀n lɔ, dú Ɔwɔ-fɛcüè tɛn, anwrɔn hɔ̀n léyi dú Ɔwɔ-fɛcüè nyrɔn-bɔ̀ mán eci-bɩ̀tan-bɔ̀ léyi kɛ wá ɛnlɔẅiɛ-bɔ̀ mán ɛmian-bɔ̀ esuva nɔn:

Kɔlɔsèn anmàn-bɔ̀ 1:1

Ebinyan ndɔ lɔ dú Pɔlɛ̀n mán Timote yri kɛ và: Pɔlɛ̀n léyi Ɔwɔ kɔrɛ̀zì-ci-hán mɛ̀n dú Zhezü Krisì kɔ̀hɔ̀n-wá-wrɔn, mán Timote léyi dú bɔ́ muan-ẅì nɔn.

2 Tesalonikɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n, Silasɛ̀n mán Timote yri kɛ và. Ɔwɔ-fɛcüè-bɔ̀ léyi dú Tɛsalonikɛ̀n anmàn hɩ dú bɔ Zi Ɔwɔ mán Ɛẅɛnwrɔn Zhezü Krisì tɛn nɔn:

Kpàkpà timote 1:2

Ebinyan ndɔ lɔ dú Timote tɛn, nɛ́n léyi nɛ̀n dú m'ɛnẅì annanwɔrɛ ankaẅìbùtan mɛ̀n nɔn: Ɔwɔ léyi dú bɔ́ Zi mán Zhezü Krisì, bɔ́ Ɛẅɛnwrɔn kɛ̀ tán mɛ́n nboafɔ̀n, ɛgbán-bɩ-ce mán anwɔwɔ.

Anhyrɛmɛ̀n timote 1:2

Timote, m'ɛnẅì anvrɛn: Ɔwɔ léyi dú bo Zi mán Zhezü Krisì bɔ́ Ɛẅɛnwrɔn kɛ̀ tán mɛ́n nboafɔ̀n, ɛgbàn-bɩce mán anwɔwɔ.

Ebre-bɔ̀ 13:23

Mɛ tán nyɛ̀n nyɛ́n nyrì le, bɔ́ muan-wì Timote dú anwɔn-mɛ̀n wá-wɔn mɛ̀n srɔ ɛntrɛ. Ke dú kɛ nɛ gɔ́ và hô, mɛ̀n mán nɛ́n mɛhi bɔ́ lɛ và bɔ̀ nyan nyɛ̀n.

1 Piɛrɛ̀n 5:12

Mɛ̀n merɛ́n nyɛ̀n owrú buri ndɔ lɔ, mɛ̀n mán Silasɛ̀n kɔrɛ̀-wá mɛ̀n, nɛ́n léyi me bɩ́ nɛ̀n mɛ hán ɔwrɔn-nɛ́n-muanẅì tɔ̀n léyi ke di ɔmùan zri nɔn. Mɛ̀n hán eci ndɔ lɔ, ô mɛ̀n yí nyɛ̀n edù, mɛ̀n hán tán nyɛ̀n nyɛ́n nyrì le, Ɔwɔ nboafɔ̀n annanwɔrɛ mɛ̀n de nyɛ́n dù nɔn.

1 Zhan 1:3

Eci léyi bɔ́ kàn, mán ankà léyi bɔ̀ yá nɔn, nyɛ́n mán bɔ́ dɔ́ tán nyɛ̀n; ɔmu lɔ de nyɛ lɛ cɔ́ bɔ̀ bò dú ɔbɔ̀sɔ̀ léyi bɔ̀ ẅɛn Ɔwɔ Zi mán n'Ɛnẅì Zhezü-Krisì mɛ̀n nɔn.

Zhüdɛ̀n 1:1

Ebinyan ndɔ lɔ dú Zhüdɛ̀n yri kɛ và, nɛ́n léyi nɛ̀n dú Zhezü Krisì ci-bɩ̀tan-wrɔn mán Zhakɛ̀n nɛ́n muanẅì nɔn. Ebinyan zri lɔ dú anwrɔn hɔ̀n léyi Ɔwɔ bi, hɩ nɛ́n Ɔwɔ Zi nɛ cüɛ̀n, kɩ Zhezü-Krisì kɛ wá yɔ esùva nɔn tɛn: