1 Korɛntɛ̀n anmàn-bɔ̀ 9:3 - Ɛmɛẅi ankà ankrànkràn 2003

³ Nyàn ɔmu le mɛ dɔ́ ankà tán m'edomɛ̀n anwrɔn hɔ̀n léyi kɛ dɔ́ ankà gbàngbàn m'ɛmɛẅi nɔn, y'ɛtɛ̀sɛ̀n:

1 Korɛntɛ̀n anmàn-bɔ̀ 9:3 Iomraidhean Croise

Lükɛ̀n 12:11

Ɛnvra léyi ye le sɩ́ nyɛ̀n ɛmrɛ̀n-ci-bɔ̀ zìwú, Ɔwɔ-sɛ́n-wɔn hɔ̀n lɔ mɛ̀n; ɛnvra tɔ̀n hô, ɛcüìcüì-bɔ̀ zìwú nɔn, ɛnkrɛ̀ta ke bɩ́ ku nyɛ̀n ny'ankà dɔ́ mɛ̀n,

Ɔkɔ̀hɔ̀n-wá-bɔ̀ kɔ̀hɔ̀n hán 22:1

“Anwrɔn-nɛ́n-muan-ẅì hɔ̀n mán Dade hɔ̀n, nyɛ́n die nukù ankà léyi mɛ̀n ẅɛn zɛtɛ̀ lɔ, hɩ me ji mɛ̀n dɔ̀ tán m'edomɛ̀n nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 25:16

Mɛ̀n mrɛ́n y'ɔmùan le, Rɔmɛ̀n anmàn-bɔ̀ kè sɩ̀ ẅɛ̀n edùcí kɛ hán ye ci ɔwrɔn ɛmrɛ̀n, ke dú kɛ nɛ́n mán n'egbri-bɔ̀ mɛhi yɔ sɩ̀ kɛ̀n y'edomɛ̀n ezì, ô ɔwrɔnwrɔn kɛ dɔ́ n'ɔmùanwú ankà.

1 Korɛntɛ̀n anmàn-bɔ̀ 14:37

Ke dú kɛ Ɔwrɔn tɔ̀n ke tro le nɛ̀n dú Ɔwɔ mɛẅi ankà-dɔ́-wrɔn, kɩ ne tro le nɛ̀n cɔ́ ɛnhɛ́n mɛ̀n cice, ke ji le nɛ̀n nyrì le owrú léyi mɛ̀n merɛ́n nɔn, dú Ɛẅɛnwrɔn nyànmàn tɔ̀n.

1 Korɛntɛ̀n anmàn-bɔ̀ 9:2

Kɩ ke dú kɛ anwrɔn ndɔ hɔ̀n kɛ kɔrɔ, ke sɩ́ ji ke bɩ́ mɛ̀n kɛ̀ hán ɔkɔ̀hɔ̀n-wá-wrɔn, nyɛ tɛn nyɛ́n nyri annanwɔrɛ mɛ̀n le mɛ̀n dú ɔkɔ̀hɔ̀n-wá-wrɔn. Annanwɔrɛ mɛ̀n lɔ, ɔmuhi nyɛ́n dú Ɛẅɛnwrɔn bɔ̀sɔ̀ lɔ mɛ̀n nɔn, nyɛ́n dùku nye yé le mɛ̀n dú ɔkɔ̀hɔ̀n-wá-wrɔn.

1 Korɛntɛ̀n anmàn-bɔ̀ 9:4

kɛɛ, mɛ̀n sɩ̀ ẅɛ̀n ɛci-zî mán ɛnshi-mì kɔrɛ̀-levri m'ɔkɔ̀hɔ̀n-hán lɔ mɛ̀n hàn?

2 Korɛntɛ̀n anmàn-bɔ̀ 13:10

Nyàn eci le kruhú léyi me merɛ́n nyɛ̀n owrú ndɔ lɔ esù-she mɛ̀n nɔn: ô ɛnvra léyi me le dú nyɛ̀n ɛmɛ̀n nɔn, mɛ́n bɩ́ hán nyɛ̀n ɛnkru-shishi-ci, ɛnkru-shishi léyi Ɛẅɛnwrɔn kɔrɛ̀levri tán mɛ̀n nɔn, ɛkɔrɛ̀-levri léyi ke ji le nyɛ́n fɛcüè krubɔrɛ lɔ, kɛ̀ nán esù ɛwú kɛ̀ hɔ́n ezì, kɩ kè sɩ̀ dù hɩ le ká jrɛ́ nɛ̀n nɔn.

2 Korɛntɛ̀n anmàn-bɔ̀ 13:3

Nye ji eci-hán léyi ke yé le Krisì kɛ dɔ́ ankà m'ɔmùan wú, kɩ nyɛ lɛ cɔ́ nɛ̀n. Krisì kè sɩ̀ dù ɛjɛ mɛ̀n ny'ɛtɛ̀sɛ̀n, tɛ́n ne yé n'ɛkɔrɛ̀-srɔn lɔ ny'anwanzi.

2 Korɛntɛ̀n anmàn-bɔ̀ 13:5

Nyɛ́n wɔɛn ny'edomɛ̀n nyɛ́n nyan, nyɛ́n nyan nyɛ́n dùku ɔmu le nyɛ́n hán nyɛ́n dù nɔn, ke dú kɛ nyɛ́n ẅɛn ankaẅì-bùtan. Nye nyri ɔmu le Zhezü Krisì dú nyɛ̀n ɛmɛ̀n, kè sɩ̀ dù hɩɛ? Ke dú kɛ ny'edomɛ̀n crɛ́n mɛ̀n lɔ, nyɛ́n le dú ɛzɛ́n mɛ̀n.

Filipɛ̀n anmàn-bɔ̀ 1:17

Anwrɔn janbɔ̀ kɛ dɔ́ Krisì ankà annan-kran mɛ̀n, y'ankà-tro ci-hán dú ɛfrɛ́n mɛ̀n; yɔ tro le yɔ lɛ hán, m'anwɔn-mɛ̀n-wá gbànkàn lɔ kɛ̀ sàn sevri.

Filipɛ̀n anmàn-bɔ̀ 1:7

Annànwɔrɛ mɛ̀n ke ji le mɛ̀n ẅɛn ankà-tro ndɔ hɔ̀n lɔ ny'ɛwú. Annanwɔrɛ mɛ̀n lɔ, ny'ankà-tro ankrankran dú mɛ̀n ɛnbɔrɛ mɛ̀n, ɔmuhi nyɛ lɛ fɛn lɔ nyɛ́n dú ɛcüɛ̀n léyi Ɔwɔ tán mɛ̀n nɔn mɛ̀n, bukru zɛtɛ̀ léyi mɛ̀n dú anwɔn-mɛ̀n-wá-wɔn mɛ̀n mán ɛnvra léyi ye bi mɛ̀n, mɛ̀n wá Ɛmɛẅi ankà Ankrankran lɔ esùva kpankpan mɛ̀n nɔn.

Anhyrɛmɛ̀n timote 4:16

Ɔwrɔn zriɛmɛ́n kè sɩ̀ dú mɛ̀n ɛmɛẅi kpàkpà bì léyi mɛ dɔ́ ankà tán m'edomɛ̀n nɔn; yɔ lɛ fɛn, yɔ teze mɛ̀n. Ɔwɔ ke bɩ́ hán yɔ ɛgbàn hɩ wú lɔ!