1 Korɛntɛ̀n anmàn-bɔ̀ 8:3 - Ɛmɛẅi ankà ankrànkràn 2003

³ Tɛ́n Ɔwrɔn léyi ẅɛn Ɔwɔ cüɛ̀n nɔn, Ɔwɔ nyri nɛ̀n.

1 Korɛntɛ̀n anmàn-bɔ̀ 8:3 Iomraidhean Croise

Matie 7:23

Zɛtɛn, mɛ lɛ dɔ́ yɔ le: ‘Mɛ vá nyri nyɛ̀n ɛnbì zriɛmɛ́n, nyɛ́n léyi nyɛ hán eci gbàngbàn nɔn!’ ”

Zhan 10:14

Mɛ̀n dú annɔ̀n-kua-wrɔn ankrankran. Ɔmu zri léyi Dade nyri mɛ̀n nɔn, hɩ mɛ̀n mán mɛ̀n nyri Dade nɔn, ɔmu zri lɔ mɛ̀n nyri mɛ́n kɔ̀kɔ̀sɛ̀ hɔ̀n, kɩ mɛ́n kɔ̀kɔ̀sɛ̀ hɔ̀n mán nyri mɛ̀n. Kɩ me bɩ́ m'ɛwúvà mɛ tán mɛ́n kɔ̀kɔ̀sɛ̀ hɔ̀n lɔ.

Zhan 21:17

Zɛtɛn nɛ dɔ́ yi andɛ̀n anhɔnmɛ̀n le: “Simɔn, Zhan ẅì, ɛ cüɛn mɛ̀n hàn?” Kɛ hán Piɛrɛ̀n ejüedì, ɔmuhi Zhezü ke yrɛ nɛ̀n andɛ̀n anhɔnmɛ̀n le: “Ɛ cüɛn mɛ̀n hàn?” Kɩ nɛ̀n mrɛ́n yi ɔmùan le: “Ɛẅɛnwrɔn, è nyri eci lɔ fɛn; è nyri ɔmu le mɛ cüɛn mɛ́n.” Zhezü kɛ dɔ́ nɛ̀n le: “Ɛ wá mɛ́n kɔ̀kɔ̀sɛ̀ hɔ̀n lɔ esùva.

Rɔmɛ̀n-anmàn-bɔ̀ 11:2

Ɔwɔ kè sɩ̀ teze nɛ́n fɛcüè léyi nɛ́n gɔ̀ mrɛ́n nɛ́n bɩ nɔn. Nyɛ́n nyri ankà léyi Owrú kɛ dɔ́ ɛyri léyi Eli ke bɩ́ ɛmɛ̀nhyì ku Izraɛlɛ̀n ɛwú Ɔwɔ zìwú nɔn:

1 Korɛntɛ̀n anmàn-bɔ̀ 13:12

Zɛtɛ̀ lɔ, bɔ́ kán picɛ̀ tɔ̀n kɛ hán tùhɔ̀n kɛ cá zɛnci gbànvri mɛ̀n picɛ̀ hɔ́; kɩ zɛtɛn bɔ́ lɛ kán b'anvɛẅìemɛ̀n kpete. Zɛtɛ̀ lɔ m'eci-nyrì kè sɩ̀ sɛ́n nmù; kɩ zɛtɛn, me le nyri Ɔwɔ kokrohô, kɛ lɛ hán ɔmu le nɛ́n dùku mán nɛ̀n nyri mɛ̀n nɔn hɔ́.

1 Korɛntɛ̀n anmàn-bɔ̀ 2:9

Tɛ́n, hán ɔmu le Owrú Prɔnprɔn kɛ dɔ̀ nɔn: “Eci léyi ɔwrɔnẅì zriɛmɛ́n kɛ vá kàn, hɩ kɛ vá yá, ankà léyi ɔwrɔnẅì zriɛmɛ́n kɛ vá tro, Ɔwɔ hán tán anwrɔn hɔ̀n léyi ẅɛn n'ɛcüɛ̀n nɔn.”

Galasi anmàn-bɔ̀ 4:9

Tɛ́n zɛtɛ̀ léyi nyɛ́n nyri Ɔwɔ (kɩ Ɔwɔ mán nyri nyɛ̀n zɛtɛ̀ lɔ nɔn), anwɔntan kɛ hán ke cì kɛ̂ nye vru ɛmɛẅi nyɛ hɔ́n ɛjɛ̀ mán ɛmian hɛ́n cüì hɔ̀n yriɛ? Nye ji nyɛ́n vru nyɛ́n srɔ y'anwɔ̀n-bɔ̀a?

Anhyrɛmɛ̀n timote 2:19

Ɔmu tɛ̀kɩ ɛbù-hi-nan hɔ̀n léyi Ɔwɔ wá ɛnhibɩ́ nɔn dú edùsɔ mɛ̀n. Nyàn ankà-dɔ̀ hɔ̀n léyi ye merɛ́n yɛ wá yɔ ɛwú nɔn: “Ɛẅɛnwrɔn nyri nɛ́n fɛcüè hɔ̀n”, kɩ: “Ɔwrɔn totɔtɔ̀n léyi kɛ dɔ̀ le nɛ́n dú Ɛẅɛnwrɔn tɛn nɔn, ke ji le nɛ̀n crɛ ejüi nɛ̀n sɔ́n ɛgbàn.”

Zhakɛ̀n 1:12

Ɛnbɔrɛbru dú tán ɔwrɔn léyi kɛ ẅɛn ecüì ɔwɔɛ̀nnyan mɛ̀n; ɔmuhi, ɛnvra léyi ne yé nɛ́n biakpa-ẅɛn lɔ nɔn, nɛ lɛ cɔ́ ɔkɔ̀nkà krusɔn-ci, ɛwúvà léyi ke sɩ́ troa hɩ Ɔwɔ wá ɔmùan tán anwrɔn hɔ̀n léyi ẅɛn n'ɛcüɛ̀n nɔn.

Zhakɛ̀n 2:5

Anwrɔn-nɛ́n-muan-ẅì hɔ̀n nyɛ́n die nukùɛ: Ɔwɔ mrɛ́n ɛmian-bɔ̀ lɔ dú ɛnhibù wú nɔn nbɩ, ô yɔ srɔ ɛnnɛ̀ncüì hɔ̀n ankaẅì-bùtan ẅɛn mɛ̀n, ô yɔ cɔ́ Anhobɩ́ Nɛ̀ncüì-dúyri léyi nɛ̀n wá anwrɔn léyi kɛ cüɛ́n nɛ̀n nɔn ɔmùan.

1 Piɛrɛ̀n 1:8

Nyɛ́n cüɛn nɛ̀n ke dú kɛ nyɛ́n sɩ́ kán nɛ̀n mán; nye bú n'ankà nyɛ tán ankaẅì kɩ nyɛ vá kán nɛ̀n; hɩ le kruhú de ecizrɔ pɔpüɛ̀ vri kɛ brá nyɛ̀n, ye sɩ́ cɔ́ n'ɛdɔ́-yri,

1 Zhan 4:19

Bɔ tɛn, bɔ̀ ẅɛn ɛcüɛ̀n, ɔmuhi Ɔwɔ gɔ́ cüɛn bɔ̀ kpàkpà mɛ̀n nɔn.

1 Zhan 4:7

M'annyran hɔ̀n, bɔ̀ cüɛn bɔ́ edomɛ̀n, ɔmuhi ɛcüɛ̀n dú Ɔwɔ yri và nɔn. Ɔwrɔn totɔtɔ̀n léyi ẅɛn ɛcüɛ̀n nɔn, nɛ̀n dú Ɔwɔ ẅì, kɩ nɛ̀n nyri Ɔwɔ.

Ɔwɔ-mɛ̀n-yrikàn 2:13

Mɛ̀n nyri ɛyri léyi ɛ̀ sɔ́n ebɩ́ nɔn: ɛyri léyi anwa-bɔ̀ wrɔn cüìcüì gbú-tòbù ndù nɔn. Ɛ̀ brɛ́ mɛ̀n kɩkɩ ɛ̀ hɛ́n kɩ è sɩ̀ crɔ̀n ankàẅìbùtan léyi ɛ̀ ẅɛn mɛ̀n ɛmɛ̀n nɔn, annannan le ɛnvra léyi ye wri Antipasɛ̀n, mɛ́n dalɛfuɛ mùan-zri-di-wrɔn, ny'anmàn, ɛyri leyi anwa-bɔ̀ wrɔn cüìcüì sɔ́n ebɩ́ nɔn.

Ɔwɔ-mɛ̀n-yrikàn 2:19

Mɛ̀n nyri v'ɔkɔ̀hɔ̀n-hán-kɔ̀hɔ̀n, v'ɛcüɛ̀n, v'ɔmùan-zri-dì, v'edùyì-ci-hán mán v'ɛnbɔrɛ-ẅɛ̀n-hɛ́n-sɛ́. Mɛ̀n vru mɛ̀n nyri ɔmu le zɛtɛ̀ lɔ, è dú edùyiemɛ̀n vrán ɛnkrubɔmɛ̀n lɔ.

Ɔwɔ-mɛ̀n-yrikàn 2:9

Mɛ̀n nyri v'ejüedì mán v'ɛmiàn; tɛ́n annanwɔrɛ mɛ̀n lɔ, è di ɛnnɛ̀ncüì! Mɛ̀n nyri ankà gbàn léyi anwrɔn hɔ̀n léyi ke bú y'edomɛ̀n kɛ hán Zhüifɛ̀n-bɔ̀ hɔ́ hɩ kɛ dɔ́ tán mɛ́n nɔn, tɛ́n yɔ sɩ̀ dù Zhüifɛ̀n-bɔ̀: yɔ dú Anwa-wrɔn-fɛcüè tɔ̀n!