1 Korɛntɛ̀n anmàn-bɔ̀ 7:2 - Ɛmɛẅi ankà ankrànkràn 2003

² Tɛ́n, ɛwúvà-gbàngbàn-ẅɛ̀n léyi bonyì nɔn, hɩ kruhú ke ji le ɛncɔnwrɔn kɛ̀ ẅɛn nɛ́n hi, kɩ ɛnnyɔnwrɔn mán kɛ̀ ẅɛn nɛ́n cüì.

1 Korɛntɛ̀n anmàn-bɔ̀ 7:2 Iomraidhean Croise

Matie 5:32

Tɛ́n mɛ̀n mɛ dɔ́ nyɛ̀n le: ɔwrɔn totɔtɔ̀n léyi kɛ wrɔ nɛ́n hi, hɩ nyri ɔmu le nɛ́n hi kè sɩ̀ dì ɔmùan anhyrɛ̀ nɔn, nɛ tán ɛnnyɔnwrɔn lɔ ɛncɔnwrɔn-bi-gbàn-hán, ke dú kɛ ɛnnyɔnwrɔn lɔ ke yri ɛncɔnwrɔn nyàntɛn; kɩ ɔwrɔn léyi ke yri ɛnnyɔnwrɔn léyi nɛ́n cüì wrɔ nɔn, ɔwrɔn ndɔ lɔ mán kɛ hán ɛnnyɔnwrɔn-bi-gbàn.”

1 Korɛntɛ̀n anmàn-bɔ̀ 6:18

Nyɛ́n srɛ́ cɔhɔ́ ɛwúvà-gbàngbàn-levri wú! Ɛgbàn nyàntɛn tɔ̀n léyi ɔwrɔn kɛ hán nɔn, ɛgbàn lɔ ke dú ɛntrɛ, tɛ́n ɔwrɔn léyi kɛ ẅɛn ɛwúvà-gbàngbàn nɔn, kɛ hán ɛgbàn ku nɛ́n dùku n'edùwru lɔ wú.

1 Korɛntɛ̀n anmàn-bɔ̀ 7:1

Zɛtɛn bɔ̀ dɔ́ ankà léyi nyɛ́n dɔ́ mɛ̀n ny'owrú lɔ mɛ̀n nɔn. Zrɔ tán le ɛncɔnwrɔn ke bɩ́ yiri ɛnnyɔnwrɔn.

1 Korɛntɛ̀n anmàn-bɔ̀ 7:3

Ke ji le ɛncɔnwrɔn kɛ̀ hán ɛnnyɔnwrɔn domɛ̀n kɔ̀hɔ̀n lɔ fɛn kɩ ɛnnyɔnwrɔn mán kɛ̀ hán eci zri lɔ.

1 Korɛntɛ̀n anmàn-bɔ̀ 7:9

Tɛ́n ke dú kɛ nyɛ́n sɩ̀ ẅɛn ny'edomɛ̀n nyɛ́n hɛ́n rɔ́ hô, nyɛ́n yiri ny'edomɛ̀n: zrɔ tán le ye yiri ɛnnyɔnwrɔn, ye yiri ɛncɔnwrɔn, kɩ yɛ ẅɛn ɛnbrá mɛ̀n ankà-tro.

Efɛzɛ̀n anmàn-bɔ̀ 5:28

Ke ji le wúcɔ̀ kɛ̀ cüɛn yɔ hi hɔ̀n hán ɔmu le yɔ cüɛn yɔ dùku y'edùwrú lɔ nɔn. Ɔwrɔn léyi kɛ cüɛn nɛ́n hi nɔn, nɛ cüɛn n'edòmɛ̀n.

Efɛzɛ̀n anmàn-bɔ̀ 5:33

Tɛ́n kɛ crɛ nyán nyɛ́n mán: ke ji le ɛncɔnwrɔn kɛ̀ cüɛn nɛ́n hi kɛ hán nɛ́n dùku hɔ́, ô ɛnnyɔnwrɔn mán kɛ wá nɛ́n cüì.

1 Tesalonikɛ̀n anmàn-bɔ̀ 4:4

Ke ji le ɔwrɔnwrɔn kè nyrì bɩ́ ɛnnyɔnwrɔn prɔnprɔn mɛ̀n mán ɛwá mɛ̀n,

Kpàkpà timote 4:3

Anwrɔn ndɔ hɔ̀n lɔ kɛ dɔ̀ le, ke sɩ́ ji le ye yri ɛnnyɔnwrɔn, ye zî ɛci ndɔ hɔ̀n. Tɛ́n Ɔwɔ hán ɛcizî ndɔ hɔ̀n lɔ, ô ankaẅìbùtan-ẅɛn-bɔ̀ léyi nyri ankà annànwɔrɛ ke zî ɛci hɔ̀n lɔ Ɔwɔ sɛ́n mɛ̀n nɔn, kɛ̀ tán Ɔwɔ ɔkùɛn.