1 Korɛntɛ̀n anmàn-bɔ̀ 5:3 - Ɛmɛẅi ankà ankrànkràn 2003

^3-4 Tɛ́n mɛ tɛn, ke dú kɛ mɛ̀n sɩ̀ dú nyɛ̀n ɛmɛ̀n dùku mán, mɛ̀n dú nyɛ̀n ɛtɛ̀sɛ̀n ɛnhɛ́n mɛ̀n; kɩ bɔ́ Ɛẅɛnwrɔn Zhezü bɩmɛ̀n lɔ, eci-gbàngbàn-hán-wrɔn ndɔ lɔ, mɛ̀n ci nɛ̀n ɛmrɛ̀n, hán le mɛ̀n dú nyɛ̀n ɛmɛ̀n hɔ́. Ɛnvra léyi nyɛ lɛ borɛkru, me le dú nyɛ̀n ɛmɛ̀n ɛnhɛ́n mɛ̀n kɩ bɔ́ Ɛẅɛnwrɔn Zhezü kɔrɛ̀-srɔn lɔ ke le yé n'edomɛ̀n;

1 Korɛntɛ̀n anmàn-bɔ̀ 5:3 Iomraidhean Croise

1 Korɛntɛ̀n anmàn-bɔ̀ 5:12

Annanwɔrɛ mɛ̀n lɔ, kè sɩ̀ dù m'ankà, hɩ m'á ci anwrɔn hɔ̀n léyi kè sɩ̀ dù Krisì-sɛ̀nkɛn-bɔ̀ nɔn ɛmrɛ̀n. Ɔwɔ ke le ci yɔ ɛmrɛ̀n. Tɛ́n, kè sɩ̀ zrɔ tán le nyɛ́n ci nyɛ́n fɛcüè-bɔ̀ ɛmrɛ̀n hàn? Annanwɔrɛ mɛ̀n lɔ, ye merɛ́n le: “Nyɛ́n wrɔ́ anbɔrɛ-ci-hán-wrɔn ny'anwanzi.”

2 Korɛntɛ̀n anmàn-bɔ̀ 10:1

Mɛ̀n Pɔlɛ̀n, mɛ́n dùku me bi nyɛ̀n: mɛ̀n léyi mɛ̀n dú, edomɛ̀n-ɛnhi-sɩemɛ̀n ɛnvra léyi me dú nyɛ̀n ɛmɛ̀n, hán ɔmu le yɛ dɔ̀ nɔn, tɛ́n mɛ ẅɛn ɛnkru shishi ɛnvra léyi mɛ́n sɩ́ dú nyɛ̀n ɛmɛ̀n nɔn. Krisì bɔrɛ-wɔ̀ mán n'ɛzrɔ lɔ mɛ̀n,

2 Korɛntɛ̀n anmàn-bɔ̀ 10:11

Ke ji le ɔwrɔn léyi kɛ dɔ́ ankà ɔmu lɔ nɔn, ke nyri anvrɛnvrɛn mɛ̀n le: eci léyi dú bɔ̀, ɛnvra léyi bɔ́ merɛ́n bɔ́ ɛwrú hɔ̀n lɔ esù she mɛ̀n nɔn, bɔ́ le dú eci lɔ mán bɔ́ eci-hán mɛ̀n ɛnvra zri léyi bɔ́ le dú nyɛ̀n ɛmɛ̀n nɔn.

2 Korɛntɛ̀n anmàn-bɔ̀ 13:2

Mɛ̀n ẅɛn ankà-bi-dɔ̀ tɔ̀n mɛ lɛ tán anwrɔn hɔ̀n léyi hán ɛgbàn ɛnbiɛhɛ́n vra mán yɔ ndɔ hɔ̀n lɔ fɛn; mɛ́n gɔ̀ dɔ́ ankà ndɔ lɔ ɛnvra léyi mɛ̀n dú nyɛ̀n ɛmɛ̀n m'anhyrɛmɛ̀n yri và lɔ mɛ̀n ny'edúyri, tɛ́n mɛ̀n vru mɛ dɔ́ nyɛ̀n zɛtɛ̀ lɔ le mɛ́n sɩ̀ dú nyɛ̀n ɛmɛ̀n: ɛnbì nyàntɛn léyi mɛ lɛ và mɛ̀n kán nyɛ̀n nɔn, mɛ́n sɩ̀ wú ɔwrɔn zriɛmɛ́n ɛnhyɔ̀bɔ̀.

Kɔlɔsèn anmàn-bɔ̀ 2:5

Hɩ mán, ke dú kɛ, mɛ̀n sɩ̀ dú nyɛ̀n ɛmɛ̀n antà-dùwrúemɛ̀n hô, mɛ̀n dú nyɛ̀n ɛtɛ̀sɛ̀n ɛnhɛ́n mɛ̀n, kɩ mɛ̀n dú ɛnbɔrɛ-bruemɛ̀n, hɩ le mɛ kán nyɛ̀n nyɛ nyɔn ɛshishiemɛ̀n ny'ankaẅì-bùtan-ẅɛ̀n Krisì mɛ̀n nɔn.

1 Tesalonikɛ̀n anmàn-bɔ̀ 2:17

Bɔ́ tɛn, anwrɔn-nɛ́n-muan-ẅì hɔ̀n, bɔ̀ cɔhɔ́ nyɛ̀n ɛmɛ̀n edùwrú-ẅia mɛ̀n ɛnvra cá mɛ̀n tɛ̀kɩ, kɩ annànwɔrɛ mɛ̀n lɔ kè sɩ̀ dù ɛnbɔrɛmɛ̀n annànwɔrɛ mɛ̀n. Tɛ́n bɔ̀ ẅɛn ny'ankà-tro, kɩ bɔ̀ bɩ́ edùyì, ô bɔ̀ vru bɔ̀ kán nyɛ̀n.