1 Korɛntɛ̀n anmàn-bɔ̀ 4:9 - Ɛmɛẅi ankà ankrànkràn 2003

⁹ Annànwɔrɛ mɛ̀n lɔ me tro le Ɔwɔ hɛ́n bɔ̀, bɔ́ ɔkɔ̀hɔ̀n-wá-bɔ̀ lɔ ɛmɛẅitrɔ yɛ́-yri: bɔ́ dù bɔ̀ hán anwrɔn hɔ̀n léyi ye bó nwù hɩ yɛ kɔ́n ze annɔ̀n gbàngbàn kɔ̀ mɛ̀n: bɔ́ dú eci-nyan-ci léyi kɛ brá ɛnhibù mumù lɔ fɛn, Ɔwɔ-kùyüre-bɔ̀ mán anwrɔnẅì mɛhi pɔpüɛ̀ nɔn.

1 Korɛntɛ̀n anmàn-bɔ̀ 4:9 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 19:29

Anmàn mumù lɔ sɩ́ n'edomɛ̀n ɛwú. Anwrɔn ẅɛn Gahiüsɛ̀n mán Aristarkɛ̀n, Maseduhanɛ̀n-anmàn-bɔ̀ anhyrɛ̀ léyi hɔ́n sɩ́ Pɔlɛ̀n nɛ̀nnyanmàn nɔn, kɩ yɔ lɔ fɛn yɔ ku ɔkɔran-wɔn lɔ mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 19:31

Govràn-kɔhɔ̀n-hán-bɔ̀ cüìcüì hɔ̀n janbɔ̀ léyi dú Azi kpɔsɔ wú, hɩ dú nɛ́n nyran anvrɛn hɔ̀n nɔn, yüre nɛ̀n owrú kɩ ke wore ankà yé nɛ̀n le, nɛ́n bɩ́ hɔ́n ɔkoran-wɔn lɔ mɛ̀n.

Rɔmɛ̀n-anmàn-bɔ̀ 8:36

Hán ɔmu le Owrú kɛ dɔ̀ nɔn: “V'ɛkruhú de yɛ hɛ́n bɔ̀ owù-wɔ̀n mɛ̀n ɛcɛ̀n mumù lɔ fɛn, yɛ hán bɔ̀ eci kɛ cá kɔkɔsɛ̀ hɔ̀n léyi ye sɩ́ owri-yri nɔn.”

1 Korɛntɛ̀n anmàn-bɔ̀ 15:19

Ke dú kɛ bɔ̀ bɩ́ bɔ́ esɛ́ bɔ̀ wá Krisì mɛ̀n ɛwúvà ndɔ lɔ kruhú kɩ, zɛtɛn bɔ́ nyri ɔmu le bɔ̀ ẅɛn obòtò vrán anwrɔnẅì lɔ fɛn.

2 Korɛntɛ̀n anmàn-bɔ̀ 11:23

Yɔ dú Krisì ci-bɩ̀tan-bɔ̀a? Zɛtɛn, mɛ lɛ dɔ́ ankà kɛ lɛ hán tán le ɛnkruemɛ̀n zrɛ́n mɛ̀n kokroho: mɛ̀n dú nɛ̀n mɛ̀n vrán yɔ. Mɛ̀n di ejüe vrán yɔ, mɛ̀n hɔ́n anwɔn-mɛ̀n-wá-wɔn mɛ̀n ɛburiburi, ye gorɛ mɛ̀n bobrebe vrán yɔ, kɩ mɛ̀n dú owú-gbànkán mɛ̀n frɛfrɛ.

2 Korɛntɛ̀n anmàn-bɔ̀ 6:9

yɛ nyan bɔ̀ kɛ hán anwrɔn hɔ̀n léyi ye sɩ̀ nyrìɛn nɔn, tɛ́n ye nyri bɔ̀ anvrɛnvrɛn, yɛ nyan bɔ̀ kɛ hán owú-bɔ̀ hɔ́, tɛ́n bɔ́ dú ankɔrɛkɔrɛmɛ̀n. Yɛ hán bɔ̀ ɛgbàn, kɩ ye sɩ́ wri bɔ̀;

1 Tesalonikɛ̀n anmàn-bɔ̀ 3:3

ô ny'ɛmɛ̀n lɔ ɔwrɔn zriɛmɛ́n ke bɩ́ teze n'edomɛ̀n kɛ tán owú-gbànkàn léyi bɔ̀ cɔ́ Ɔwɔ-kɔ̀hɔ̀n-hán mɛ̀n nɔn kɛ kɔ́nká nɛ̀n. Nyɛ́n dùkú mán nyɛ́n nyrì le, owú-gbànkàn ndɔ hɔ̀n lɔ dú Ɔwɔ ankɔnda ci-hán lɔ mɛ̀n, bɔ́ ɛkruhú.

Ebre-bɔ̀ 1:14

Ɔwɔ kùyüre-bɔ̀ dú anhɛ́n hɔ̀n léyi dú Ɔwɔ ci-bɩtan kɔ̀hɔ́n mɛ̀n nɔn kɩ: nɛ wá yɔ ɔkɔ̀hɔ̀n yɔ bɩ́ ɛkɔrɛ̀-wá yɔ hɔ́n sɩ́ anwrɔn hɔ̀n léyi kɛ lɛ cɔ́ ɛnkrukɔrɛ̀ nɔn.

Ebre-bɔ̀ 10:33

Ny'ɛmɛ̀n lɔ anwrɔn janbɔ̀ yɛ wɔra kɩ ye gorɛ anwrɔn lɔ fɛn zìwú, ɔmu tɛ̀kɩ ndɔ hɔ̀n krɔn kpehɛ́n kɛ̀ wá anwrɔn hɔ̀n léyi yɛ hán ɛgbàn nɔn ɛkɔrɛ̀.

Ebre-bɔ̀ 11:36

Anwrɔn ndɔ hɔ̀n yɛ hán ɛnhyürɛ̀, yɛ crɔnhan ngbèlè, ɛnjanbɔ̀ yɛ wá yɔ gbràka, kɩ yɛ ku yɔ anwɔn-mɛ̀n-wá-wɔn-mɛ̀n.