1 Korɛntɛ̀n anmàn-bɔ̀ 4:4 - Ɛmɛẅi ankà ankrànkràn 2003

⁴ Annanwɔrɛ mɛ̀n lɔ, m'ɛnbɔrɛ ke sɩ́ yerɛ mɛ̀n ankà zriɛmɛ́n, tɛ́n, hɩ mɛ̀n ke sɩ́ dɔ́ le, mɛ̀n dú ɛnyrɔnnan-wrɔn. Ɛẅɛnwrɔn dú ɔwrɔn léyi ke ci mɛ̀n ɛmrɛ̀n nɔn.

1 Korɛntɛ̀n anmàn-bɔ̀ 4:4 Iomraidhean Croise

Zhan 21:17

Zɛtɛn nɛ dɔ́ yi andɛ̀n anhɔnmɛ̀n le: “Simɔn, Zhan ẅì, ɛ cüɛn mɛ̀n hàn?” Kɛ hán Piɛrɛ̀n ejüedì, ɔmuhi Zhezü ke yrɛ nɛ̀n andɛ̀n anhɔnmɛ̀n le: “Ɛ cüɛn mɛ̀n hàn?” Kɩ nɛ̀n mrɛ́n yi ɔmùan le: “Ɛẅɛnwrɔn, è nyri eci lɔ fɛn; è nyri ɔmu le mɛ cüɛn mɛ́n.” Zhezü kɛ dɔ́ nɛ̀n le: “Ɛ wá mɛ́n kɔ̀kɔ̀sɛ̀ hɔ̀n lɔ esùva.

Ɔkɔ̀hɔ̀n-wá-bɔ̀ kɔ̀hɔ̀n hán 23:1

Pɔlɛ̀n crɛ anvɛ̀ kɛ́n anwrɔn hɔ̀n léyi kɛ vá nɛ̀n ɛmrɛ̀nci yri nɔn kɩ kɛ dɔ̀ le: “Anwrɔn-nɛ́n-mùan-ẅì hɔ̀n, ɛnborɛ zriemɛ̀n de mɛ̀n dú Ɛẅɛnwrɔn ci-bɩ̀tan-wrɔn hàn kɩ cɔ́ zɛtɛ̀ lɔ nɔn.”

Rɔmɛ̀n-anmàn-bɔ̀ 2:13

Ɔmuhi, anwrɔn hɔ̀n léyi kɛ cüɛn Ɔwɔ ɛvɛ̀ nɔn, kè sɩ̀ dù yɔ léyi yɔ die ɛnyànmàn nukù kɩ, tɛ́n yɔ léyi yɔ hán ɛnyànmàn kɔrɛ̀-zì-ci nɔn.

Rɔmɛ̀n-anmàn-bɔ̀ 4:2

Ke dú kɛ Abrahamɛ̀n ke dú ɛnyrɔnnan-wrɔn Ɔwɔ zìwú n'eci-hán mɛ̀n, nɛ lɛ mrɛ́n n'edomɛ̀n tɛ̀. Tɛ́n nɛ́n sɩ̀ mrɛ́n n'edomɛ̀n Ɔwɔ ziwú rɔ́.

1 Korɛntɛ̀n anmàn-bɔ̀ 4:3

Me yri tɛn, ke sɩ́ hán mɛ̀n eci zriɛmɛ́n ke dú kɛ nye ci mɛ̀n ɛmrɛ̀n, kɩ ye sɩ́ mɛ̀n anwrɔnẅì mrɛnci-bɔ̀ zìwú mán. Mɛ́n mumù mán mɛ́n sɩ́ ci m'edomɛ̀n ɛmrɛ̀n.

1 Korɛntɛ̀n anmàn-bɔ̀ 4:5

Hɩ le kruhú de ke sɩ́ ji le nyɛ́n ci ɔwrɔn zriɛmɛ́n ɛ̀mrɛ̀n, ke dú kɛ ɛnvra léyi yɛ wá nɔn kɛ vá cɔ̀. Nyɛ́n vrá Ɛẅɛnwrɔn kɛ̀ và: ne le sɩ́ ɛyri-kán mɛ̀n, eci léyi bán ɛyri-yɔwɔ mɛ̀n, kɩ ne le sɩ́ anwrɔnẅì ankà-tro ci-bán-ci hɔ̀n lɔ fɛn ɛntrɛ. Zɛtɛn ɔwrɔnwrɔn kɛ lɛ cɔ́ Ɔwɔ yri, ɛmrɛ́n léyi dú nɛ tɛn nɔn.

2 Korɛntɛ̀n anmàn-bɔ̀ 1:12

Nyàn eci le kruhú léyi ke ji le bɔ̀ gbú ɔmùan nɔn: hán ɔmu le bɔ́ wàwúyɛ lɔ ke yé nɔn, bɔ́ nyrɔn bɔ́ edomɛ̀n ɛnhibù wú, annannan le ny'ɛtɛ̀sɛ̀n, sɔ̀hɔ̀ mɛ̀n mán annanwɔrɛ léyi dú Ɔwɔ yri kɛ và nɔn mɛ̀n, kɩ bɔ́ dú ɛnyrɔn mɛ̀n Ɔwɔ boafɔ̀n mɛ̀n, kɩ kè sɩ̀ dù ɔwrɔnẅì ankà-nyriemɛ̀n.

2 Korɛntɛ̀n anmàn-bɔ̀ 5:10

Ɔmuhi ke ji le bɔ́ lɔ fɛn bɔ̀ srɔ Krisì zìwú, ô nɛ̀n ci bɔ̀ ɛmrɛ̀n; zɛtɛn ɔwrɔnwrɔn kɛ lɛ cɔ́ eci léyi dú nɛ tɛn, n'ɛwúvà ankrankran mán angbàngbàn ẅɛn mɛ̀n, n'ɛnu ɛnhi wúvà lɔ mɛ̀n nɔn.