2 Eci lɔ fɛn léyi ye ji ɛci-nán-wrɔn tamɛ̀n nɔn, dú ɔmùan-zri-dì.
N'ankà-yé-wrɔn kɛ dɔ́ nɛ̀n le: ‘Kɛ zrɔ, ɔmùan-zri-dì mán eci-bɩtan-wrɔn anvrɛnvrɛn. È di ɔmùan-zri ɛci hɔ̀n léyi kè sɩ̀ ẅɛ̀n vɔ̀nshɛ́ nɔn wú, mɛ lɛ wá mɛ́n yɔ hɔ̀n léyi ẅɛn vɔ̀nshɛ́ nɔn antamɛ̀n, và cɔ́ mɛ̀n bɔ̀ brá pɔ̀püɛ̀.’
N'ankà-yé-wrɔn kɛ dɔ́ nɛ̀n le: ‘Kɛ zrɔ, ɔmùan-zri-dì mán eci-bɩtan-wrɔn anvrɛnvrɛn. È di ɔmùan-zri ɛci hɔ̀n léyi kè sɩ̀ ẅɛ̀n vɔ̀nshɛ́ nɔn wú, mɛ lɛ wá mɛ́n yɔ hɔ̀n léyi ẅɛn vɔ̀nshɛ́ nɔn antamɛ̀n. Và cɔ́ mɛ̀n bɔ̀ brá pɔ̀püɛ̀.’
Ɛẅɛnwrɔn mrɛ́n ɔmùan le: “Antɔn de dú ankà-nyrì mán ɔmùan-zri-dì ci-bɩtan-wrɔn nɛ́n? Nɛ̀n dú ɔwrɔn tɔ̀n léyi n'ankà-yé-wrɔn kɛ wá nɛ̀n n'ebɩ́ lɔ antamɛ̀n, kɩ kɛ lɛ tán eci-bɩ̀tan-bɔ̀ ndɔ hɔ̀n lɔ ɛci-zî ɛnvra krɔn muàn mɛ̀n lɔ nɔn.
Ke ji le nyɛ́n bɩ́ bɔ̀ nyɛ́n hán Krisì ci-bɩ̀tan-bɔ̀ léyi yɛ wá Ɔwɔ ankà-bán-ankà annanwɔrɛ hɔ̀n lɔ antamɛ̀n kɛ̀ nán nɔn.
Hɩ wú lɔ me yüre nyɛ̀n Timote léyi ke di ɔmùan-zri, hɩ dú m'ɛcüɛn ẅì Ɛẅɛnwrɔn ankaẅì-bùtan lɔ mɛ̀n nɔn. Ne le kore nyɛ̀n ankà-yé hɔ̀n léyi kɛ nyrɔn mɛ̀n ɛwúvà mɛ̀n, mɛ̀n mán Zhezü Krisì, hán hɩ le me yé ɛyri lɔ fɛn, Ɔwɔ-fɛcüè lɔ fɛn mɛ̀n nɔn.
Me yri tɛn, ke sɩ́ hán mɛ̀n eci zriɛmɛ́n ke dú kɛ nye ci mɛ̀n ɛmrɛ̀n, kɩ ye sɩ́ mɛ̀n anwrɔnẅì mrɛnci-bɔ̀ zìwú mán. Mɛ́n mumù mán mɛ́n sɩ́ ci m'edomɛ̀n ɛmrɛ̀n.
Hɩ le kɛ crɛ-nyan anwrɔn hɔ̀n léyi kè sɩ̀ wà eyiri-mùan nɔn, Ɛẅɛnwrɔn kè sɩ̀ tán mɛ̀n ɛnyànmàn; tɛ́n mɛ dɔ́ mɛ́n dùku m'ɛnkruemɛ̀n ankà, mɛ̀n léyi Ɛẅɛnwrɔn bɔrɛ wɔwɔ lɔ mɛ̀n, mɛ̀n ẅɛn n'esɛ̀ kɔrɛ̀levri nɔn.
Bɔ̀ sɩ̀ dù kɛ̀ hàn anwrɔn bobrebe ndɔ hɔ̀n léyi ke bɩ́ Ɔwɔ mùan-ankà-dɔ̀ kɛ zhrɛ́ anhàn; tɛ́n, ɔmuhi dú Ɔwɔ de wá bɔ̀ ɔkɔ̀hɔ̀n bɔ̀ và nɔn, bɔ́ dɔ́ ankà annanwɔrɛ mɛ̀n n'ezìwú, bɔ́ mán Krisì mɛhi b'ɔbɔ̀sɔ̀ lɔ mɛ̀n.
Bɔ́ krɔ eci-hán lɔ fɛn léyi dú ɛbán mɛ̀n mán anvɛvrà mɛ̀n; bɔ́ sɩ́ hán eci ɛfrɛ́n mɛ̀n kɩ bɔ́ sɩ́ crɔn Ɔwɔ mùan-ankà-dɔ̀ lɔ. Tɛ́n, bɔ́ hán ye nyri kpetemɛ̀n annanwɔrɛ ankà, kɩ ɔmu lɔ, bɔ́ srɔ ɛmrɛ̀nci-bɔ̀ anvrɛnvrɛn bɔ́ tán ɔwrɔn totɔtɔ̀n lɔ fɛn, Ɔwɔ zìwú.
Epafrasɛ̀n léyi dú bɔ́ nyran anvrɛn, bɔ́ eci-bɩtan-kɔ̀hɔ̀n-hán lɔ mɛ̀n nɔn de tán nyɛ̀n ankà-yé ndɔ lɔ nɔn; nɛ hán ɔkɔ̀hɔ̀n tán nyɛ̀n kɛ hán Krisì ci-bɩ̀tan-wrɔn léyi ke di ɔmùan-zri nɔn.
Nyɛ́n dɔ́ Arshipɛ̀n ankà ndɔ lɔ: “È bɩ́ ɛnkruemɛ̀n anvrɛnvrɛn ɛ̀ hán ɔkɔ̀hɔ̀n léyi yɛ tán mɛ́n Ɛẅɛnwrɔn ci-bɩ̀tan-kɔhɔ̀n lɔ mɛ̀n nɔn.”
Tishikɛ̀n, bɔ́ nyran, ɔwrɔn-nɛ́n-muan-ẅì anvrɛnvrɛn ndɔ lɔ mán ɔmùan-zri-di-wrɔn kɔrɛ̀-wá-wrɔn léyi dú Ɛẅɛnwrɔn ci-bɩ̀tan-kɔ̀hɔ̀n lɔ mɛ̀n nɔn, kɛ lɛ dɔ́ nyɛ̀n m'ɛmɛẅi ankà hɔ̀n lɔ fɛn.