1 Korɛntɛ̀n anmàn-bɔ̀ 4:1 - Ɛmɛẅi ankà ankrànkràn 2003

¹ Ke ji le nyɛ́n bɩ́ bɔ̀ nyɛ́n hán Krisì ci-bɩ̀tan-bɔ̀ léyi yɛ wá Ɔwɔ ankà-bán-ankà annanwɔrɛ hɔ̀n lɔ antamɛ̀n kɛ̀ nán nɔn.

1 Korɛntɛ̀n anmàn-bɔ̀ 4:1 Iomraidhean Croise

Matie 13:11

Zhezü mrɛ́n yɔ ɔmùan le: “Nyɛ tɛn, nyɛ́n cɔ́ anhobɩ́ ankà-bán-ankà nyɛ́n nyrì, tɛ́n yɔ tɛn yɔ sɩ̀ cɔ̀a.

Matie 24:45

“Antɔn de dú ɔmùan zri dì mán ɛnkruemɛ̀n ẅɛ̀n ci-bɩtan-wrɔn nɛ́n? Nɛ̀n dú ɔwrɔn tɔ̀n léyi n'ankà-yé-wrɔn wá antamɛ̀n, ɛci-bɩtan-bɔ̀ nyàntɛn, ô nɛ̀n wá yɔ esùva ɛci-zîemɛ̀n ɛnvra léyi nɛ̀n wá nɔn.

Markɛ̀n 4:11

Zhezü kɛ dɔ́ yɔ le: “Nyɛ tɛ́n, nyɛ́n cɔ́ anhobɩ́ ankà-bán-ankà nyɛ́n nyrì; tɛ́n anwrɔn ndɔ hɔ̀n kɛ yá ankà lɔ fɛn nyandrɛn mɛ̀n,

Lükɛ̀n 1:2

Ye merɛ́n ankà zri léyi anwrɔn dɔ̀, hɩ kán n'ɛnkrubɔmɛ̀n, kɩ yɛ tán ɛkɔrɛ̀-levri kɛ dɔ́ Ɔwɔ ankà nɔn.

Lükɛ̀n 12:42

Ɛẅɛnwrɔn mrɛ́n ɔmùan le: “Antɔn de dú ankà-nyrì mán ɔmùan-zri-dì ci-bɩtan-wrɔn nɛ́n? Nɛ̀n dú ɔwrɔn tɔ̀n léyi n'ankà-yé-wrɔn kɛ wá nɛ̀n n'ebɩ́ lɔ antamɛ̀n, kɩ kɛ lɛ tán eci-bɩ̀tan-bɔ̀ ndɔ hɔ̀n lɔ ɛci-zî ɛnvra krɔn muàn mɛ̀n lɔ nɔn.

Lükɛ̀n 8:10

Nɛ dɔ́ yɔ le: “Nyɛ tɛn nyɛ́n cɔ́ anhobɩ́ ankà-bán-ankà nyɛ́n nyrì; tɛ́n anwrɔn ndɔ hɔ̀n, nyandrɛn mɛ̀n de ye yé yɔ ankà nɔn. ‘Yɔ lɛ nyan tɛ̀, tɛ́n yɔ sɩ̀ kàn, yɔ lɛ yá tɛ̀, tɛ́n yɔ sɩ̀ nyri n'ɛmɛ̀n.’ ”

Rɔmɛ̀n-anmàn-bɔ̀ 11:25

Anwrɔn-nɛ́n-muan-ẅì hɔ̀n, me ji mɛ̀n hán nyɛ̀n nyɛ́n nyri Ɔwɔ ankɔ́nda-ci-hán ankà-bán-ankà lɔ, ô nyɛ́n bɩ́ bú ny'edomɛ̀n nyɛ́n hán ankà-nyri-bɔ̀: Izraɛlɛ̀n fɛcüè cá ke le dú ɔbrɔsa mɛ̀n hàn kɩ kɛ lɛ cɔ́ ɛnvra léyi ɛnhibù fɛcüè nyantɛn kɛ lɛ cɔ́ ɛnkru-kɔrɛ̀ nɔn.

Rɔmɛ̀n-anmàn-bɔ̀ 16:25

Bɔ̀ mrɛ́n Ɔwɔ! Nɛ̀n ẅɛn ɛkɔrɛ̀srɔn nɛ lɛ tán bɔ̀ ecüì ankaẅì-bùtan mɛ̀n, Ɛmɛẅi ankà Ankrankran léyi mɛ dɔ̀ nɔn n'ɛwú, ɛkùyüre léyi mɛ tán Zhezü Krisì ankà wú nɔn, mán Ɔwɔ ankɔ́nda ci-hán ankà-bán-ankà léyi bɔ́ cɔ̀ bɔ́ nyrì nɔn n'ɛwú. Ankɔ́nda ci-hán ndɔ lɔ dú ɛbán mɛ̀n ɛnvra sheshe ɛnbiehɛ́n vra lɔ,

1 Korɛntɛ̀n anmàn-bɔ̀ 2:7

Hɔ̂, mɛ dɔ́ Ɔwɔ ankà-nyrí ankà-bán-ankà, léyi yɛ bán anwrɔnẅì. Ɔwɔ gɔ́ mrɛ́n nɛ̀n nbɩ, ô kɛ̀ hán bɔ̀ bɔ́ dú n'eci-zrɔ lɔ mɛ̀n ɛnvra léyi ɛnhibù kɛ vá bukru nɔn.

1 Korɛntɛ̀n anmàn-bɔ̀ 3:5

Annanwɔrɛ mɛ̀n lɔ, antɔnwrɔn dú Apolɔsɛ̀n hàn? Kɩ antɔnwrɔn dú Pɔlɛ̀n hàn? Bɔ́ dú Ɔwɔ ci-bɩ̀tan-bɔ̀ kora-sà hɔ̀n léyi y'ɛwú lɔ nyɛ́n cɔ́ ankaẅì-bùtan nɔn. Bɔ́ ɛmɛ̀n lɔ ɔwrɔnwrɔn kɛ hán ɔkɔhɔ̀n léyi Ɛẅɛnwrɔn wá tán nɛ̀n nɔn:

1 Korɛntɛ̀n anmàn-bɔ̀ 4:13

ɛnvra léyi yɛ dɔ́ ankà-gbàn ye ku bɔ̀ ɛwú nɔn, bɔ́ mrɛ́n ɔmùan ɔwá mɛ̀n. Zɛtɛ̀ lɔ ye vru ye bɩ́ bɔ̀ yɛ hán ɛnhibù wú worɛ̀n-ci, hán anwrɔnẅìemɛ̀n ci-fɔn hɔ́.

1 Korɛntɛ̀n anmàn-bɔ̀ 4:2

Eci lɔ fɛn léyi ye ji ɛci-nán-wrɔn tamɛ̀n nɔn, dú ɔmùan-zri-dì.

2 Korɛntɛ̀n anmàn-bɔ̀ 11:23

Yɔ dú Krisì ci-bɩ̀tan-bɔ̀a? Zɛtɛn, mɛ lɛ dɔ́ ankà kɛ lɛ hán tán le ɛnkruemɛ̀n zrɛ́n mɛ̀n kokroho: mɛ̀n dú nɛ̀n mɛ̀n vrán yɔ. Mɛ̀n di ejüe vrán yɔ, mɛ̀n hɔ́n anwɔn-mɛ̀n-wá-wɔn mɛ̀n ɛburiburi, ye gorɛ mɛ̀n bobrebe vrán yɔ, kɩ mɛ̀n dú owú-gbànkán mɛ̀n frɛfrɛ.

2 Korɛntɛ̀n anmàn-bɔ̀ 12:6

Ke dú kɛ me ji mɛ̀n gbú ɔmùan hô, mɛ́n sɩ̀ dú nmù-hán-wrɔn, ɔmuhi mɛ lɛ dɔ́ ankà annanwɔrɛ nɔn. Tɛ́n mɛ́n sɩ́ ji mɛ̀n gbù ɔmùan, ɔmuhi mɛ́n sɩ́ ji yɛ cɔ́ m'edomɛ̀n ankà léyi wí eci léyi yɛ kán mɛ̀n mɛ hán mán ankà léyi yɛ yá mɛ dɔ̀ nɔn ɛwú.

2 Korɛntɛ̀n anmàn-bɔ̀ 4:5

Annànwɔrɛ mɛ̀n, b'ankà-dɔ́ mɛ̀n lɔ, kè sɩ̀ dù bɔ́ dùku de bɔ́ dɔ́ bɔ́ edomɛ̀n ankà, tɛ́n Zhezü Krisì léyi dú Ɛẅɛnwrɔn, n'ankà de bɔ́ dɔ̀ nɔn; bɔ́ tɛn tɛ́n, bɔ́ dɔ̀ le, bɔ̀ dú ny'eci-bɩ̀tan-bɔ̀ Zhezü kruhú.

2 Korɛntɛ̀n anmàn-bɔ̀ 6:4

Tɛ́n, bɔ́ ji eci lɔ fɛn mɛ̀n bɔ́ yé bɔ́ edomɛ̀n kɛ̀ hán le bɔ̀ dú Ɔwɔ-ci-bɩ̀tan-bɔ̀ annanwɔrɛ: bɔ́ ẅɛn ɛnbɔrɛ bobrebe hɛ́n ɛgbànkan mɛ̀n, obòtò mán ankà-tro mɛ̀n.

Efɛzɛ̀n anmàn-bɔ̀ 1:9

nɛ̀n hán tán bɔ̀, bɔ́ nyri n'ankɔ́nda ankà-bán-ankà, léyi n'ɛnyhɔ̀bɔ̀-nyrì lɔ mɛ̀n, nɛ́n gɔ̀ wá tán le nɛ lɛ hán Krisì bɩ́mɛ̀n nɔn.

Efɛzɛ̀n anmàn-bɔ̀ 6:19

nyɛ́n sɛ̀n nyɛ́n tán mɛ̀n mán, ô Ɔwɔ kɛ̀ tán mɛ̀n ɛnnyrɔnnan ankà-dɔ̀, ô mɛ̀n cɔ́ ɛkɔrɛ̀-levri mɛ̀n dɔ́ annanwɔrɛ mɛ̀n Ɛmɛẅi ankà Ankrankran lɔ, n'ankà-bán-ankà.

Kɔlɔsèn anmàn-bɔ̀ 2:2

Me ji le y'ɛnbɔrɛ lɔ, edùyì kè yɩ́ ɛmɛ̀n, yɔ dú ɛcüɛ̀n-bɔ̀sɔ mɛ̀n, ô yɔ di ɛnnɛ̀ncüì esɛ́ léyi annanwɔrɛ kruemɛ̀n-ẅɛ̀n kɛ tán nɔn mɛ̀n. Ɔmu lɔ de yɔ lɛ nyri Ɔwɔ ankɔ́nda ankà-bán-ankà lɔ, hɩ mɛ̀n kɛ dɔ̀ le Krisì dùku:

Kɔlɔsèn anmàn-bɔ̀ 4:3

Ɛnvra zri lɔ mɛ̀n, nyɛ́n sɛ̀n nyɛ́n tán bɔ́ mán, ô Ɔwɔ kɛ̀ tán bɔ̀ ɛnvra ankrankran bɔ̀ yé n'ɔmùan-ankà lɔ, bɔ̀ dɔ́ Krisì ankà-bán-ankà lɔ. Annanwɔrɛ mɛ̀n lɔ, hɩ le kruhú de mɛ̀n dú zɛtɛ̀ lɔ anwɔ̀n-mɛ̀n-wá-wɔn mɛ̀n nɔn.

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

Kpàkpà timote 3:6

Ke sɩ́ ji le nɛ̀n dú ɔwrɔn wrù Ɔwɔ-fɛcüè mɛ̀n; ke dú ɔmu lɔ hô, nɛ lɛ hán tutre ci, kɩ ɔtrɔmɛ̀n lɔ, yɛ lɛ bɔ́ nɛ̀n nwù kɛ lɛ hán anwawrɔn hɔ́.

Kpàkpà timote 3:9

Ankaẅìbùtan annanwɔrɛ léyi dú Krisì mɛ̀n nɔn, yɔ ẅɛn nɛ̀n yɔ hɛ́n wàwúyɛ fifiemɛ̀n.

Titɛ̀n 1:7

Annànwɔrɛ mɛ̀n lɔ Ɔwɔ-wrɔn cüìcüì dú Ɔwrɔn léyi kɛ bɔsɔ Ɔwɔ ci hɔ̀n lɔ fɛn anvrɛnvrɛn mɛ̀n; kɩ ke sɩ́ ji le yɛ cɔ́ eci-hán gbàngbàn zriɛmɛ́n n'ɛwú, nɛ́n bɩ́ hán ɛvrivri ci, nɛ́n dú ɛmɛ̀nhyɩ̀-bɩ́-wrɔn, nɛ́n dú ɛntàn-mi-wrɔn, nɛ́n dú eji-kɔ́n-wrɔn, nɛ́n dú ɔkùa-yerɛ kɔ̀hɔ̀n-hán-wrɔn.

1 Piɛrɛ̀n 4:10

Ke ji le ɔwrɔnwrɔn ke bɩ́ nɛ́n nyran hɔ̀n kruhú, ɛkɔrɛ̀-wá-ci léyi nɛ̀n cɔ́ Ɔwɔ yri nɔn nɛ̀n hán yɔ anvrɛn. Ɔmu lɔ de nyɛ lɛ srɔ Ɔwɔ kɔrɛ̀-wá-ci bobrebe hɔ̀n léyi nyɛ́n cɔ̀ nɔn, n'eci-hán-bɔ̀ ankrankràn.