1 Korɛntɛ̀n anmàn-bɔ̀ 3:9 - Ɛmɛẅi ankà ankrànkràn 2003

⁹ Ɔmuhi bɔ̀ dú Ɔwɔ kɔrɛ̀-wá-bɔ̀, kɩ nyɛ́n dú Ɔwɔ kɛ̀tɛ̀ nɔn. Nyɛ́n vru nyɛ́n dú ɔwɔn léyi Ɔwɔ kù nɔn.

1 Korɛntɛ̀n anmàn-bɔ̀ 3:9 Iomraidhean Croise

1 Piɛrɛ̀n 2:5

Nyɛ́n mán nyɛ́n bɩ́ ɛyri kè dù kɛ̀ hán ɛbù kɔrɛkɔrɛ hɔ̀n léyi srɔ ɛnhɛ́n cice wɔn bù nɔn. Nyɛ lɛ wá Ɔwɔ cice-bɔ̀ kpɔsɔ krumù, yɛ lɛ wá ɛnzhì ɛnkru yɛ tán Ɔwɔ, nye le ce nɛ̀n ɛnhɛ́n mɛ̀n ci léyi kɛ lɛ cüɛn nɛ̀n ɛvɛ̀, Zhezü Krisì bɩmɛ̀n nɔn.

2 Korɛntɛ̀n anmàn-bɔ̀ 6:1

Ɔmu lɔ, ɔmuhi bɔ́ mán Ɔwɔ mɛhi bɔ̀ dú eci-zri-hán mɛ̀n nɔn, bɔ́ sɛ́n nyɛ̀n: nboafɔ̀n léyi Ɔwɔ tán nyɛ̀n nɔn, nyɛ́n bɩ́ wú edù n'ɛwú.

1 Korɛntɛ̀n anmàn-bɔ̀ 3:16

Annanwɔrɛ mɛ̀n lɔ nyɛ́n nyri ɔmu le nyɛ́n dú Ɔwɔ wɔn, kɩ Ɔwɔ Hɛ́n dú nyɛ̀n ɛmɛ̀n.

Markɛ̀n 16:20

N'ɛsɛ̀nkɛn-bɔ̀ hɔ́n ɛyri lɔ fɛn kɛ dɔ́ yɔ Ɛmɛẅi ankà Ankrànkràn lɔ. Ɛẅɛnwrɔn kɛ wá yɔ ɛkɔrɛ̀ y'ɔkɔ̀hɔ̀n-hán-mɛ̀n kɩ ke yé yɔ le y'Ɔwɔ ankà-dɔ̀ lɔ dú annànwɔrɛ, ɔmuhi yɔ hán anvɛmɛ̀n-frɛ́n-ci nɔn.]

Matie 9:37

Zɛtɛn Zhezü kɛ dɔ́ n'ɛsɛ̀nkɛn-bɔ̀ le: “Ɛci küɛ sevri ndù, tɛ́n ɔkɔ̀hɔ̀n-hán-bɔ̀ ẅiɛ kɩ dù.

1 Korɛntɛ̀n anmàn-bɔ̀ 3:6

Mɛ̀n wá ɛtɛ̀-ẅì ɛnhibɩ́, Apolɔsɛ̀n ku nɛ̀n ɛnshi, tɛ́n Ɔwɔ de hán nɛ̀n nɛ̀n sɔ́ nɔn.

Kɔlɔsèn anmàn-bɔ̀ 2:7

Nyɛ́n di annyràn n'ɛmɛ̀n, ô nyɛ́n bɩ́ ny'ɛwúvà lɔ fɛn nyɛ́n wá nɛ̀n ɛmɛ̀n. Nyɛ́n nyɔn ɛnvra lɔ fɛn ɛshishiemɛ̀n ankaẅì-bùtan wú, kè ci ankà-yé léyi nyɛ́n cɔ̀ nɔn hɩ wú, ô enyri-kùɛn-tán kè dú nyɛ̀n ɛmɛ̀n.

Efɛzɛ̀n anmàn-bɔ̀ 2:10

Annànwɔrɛ mɛ̀n lɔ, Ɔwɔ de hán bɔ̀ antà-hi mɛ̀n; nɛ̀n hán bɔ̀, bɔ́ mán Zhezü Krisì mɛhi b'ɔbɔ̀sɔ̀ lɔ mɛ̀n, ô bɔ̀ ẅɛn ɛwúvà léyi di ɛnnɛ̀ncüì ɛci-ankrankran-hán mɛ̀n, ɛci-ankrankran hɔ̀n léyi nɛ́n gɔ̀ hán nɛ̀n hɛ́n, ô bɔ̀ hán hɩ ci nɔn.

1 Korɛntɛ̀n anmàn-bɔ̀ 6:19

Nyɛ́n sɩ̀ nyrì ɔmu le ny'edùwrú lɔ dú Ɛnhɛ́n Prɔnprɔn wɔn, Ɛnhɛ́n ndɔ léyi dú nyɛ̀n ɛmɛ̀n, hɩ Ɔwɔ tán nyɛ̀n nɛ́n? Nyɛ́n sɩ̀ dù nyɛ́n dùku nyɛ tɛn:

Ɔkɔ̀hɔ̀n-wá-bɔ̀ kɔ̀hɔ̀n hán 4:11

Zhezü dú ɔwrɔn léyi Owrú Prɔnprɔn kɛ dɔ̀ le: ‘Obù léyi nyɛ́n, ɔwɔn-ku-bɔ̀, nyɛ́n kɔ̀n ze nɔn, de srɔ ɔwɔn-kavàmɛ̀n-bù nɔn.’

3 Zhan 1:8

Bɔ̀ ẅɛn eci-hán-tán kè dú ɛkɔrɛ̀-wá-ci kɛ̀ tán anwrɔn ɔmu hɔ̀n lɔ, ô bɔ́ mán bɔ̀ wá ɛkɔrɛ̀ annanwɔrɛ ankà lɔ n'ɛdɔ́ mɛ̀n.

Kpàkpà timote 3:15

Tɛ́n, ke dú kɛ m'ɛvà lɔ kɛ mɔ̀ɛn hô, ɛwrú-ẅì ndɔ hɔ̀n lɔ ke le yé mɛ́n esù léyi ke ji le ɛ̀ nán Ɔwɔ mɛ̀n lɔ mɛ̀n nɔn, hɩ mɛ̀n kɛ dɔ̀ le Wɔ Fɛcüè kɔrɛkɔrɛ léyi dú ɔwɔn-hi-nan-bù, hɩ kɛ ẅɛn ankaẅì annanwɔrɛ hɛ́n nɔn.

2 Korɛntɛ̀n anmàn-bɔ̀ 6:16

Ɔmùan-krɔn tán de ke le dú Ɔwɔ-cice-wɔn mán antɛ̀-buri-Wɔ wɔn angranmɛ̀n nɛ́n? Ɔmuhi bɔ́ dùku bɔ̀ dú Ɔwɔ kɔrɛkɔrɛ lɔ n'ecice-wɔn, hán ɔmu le Ɔwɔ dùku dɔ̀ nɔn: “Me le dú yɔ ɛmɛ̀n, kɩ yɔ mɛhi bɔ́ lɛ nán esù, me le dú y'Ɔwɔ kɩ yɔ le dú mɛ́n fɛcüè.”

Ebre-bɔ̀ 3:6

Tɛ́n Krisì dú ɔmùan-zri-di-wrɔn, nɛ́n léyi nɛ̀n dú ɛnkru, Ɔwɔ wɔn lɔ mɛ̀n nɔn. Kɩ bɔ̀ dú n'ɔwɔn lɔ, ke dú kɛ bɔ́ bɩ́ b'ankàẅì-bùtan mán bɔ́ esɛ́ ke dú b'ɔmùan-gbú-ci.

Matie 16:18

Kɩ mɛ̀n, mɛ dɔ́ mɛ́n annànwɔrɛ mɛ̀n le, è dú obù kɩ obù, ndɔ lɔ wú, me le ku mɛ́n fɛcüè wɔn lɔ. Owù dùku mán kè sɩ̀ ẅɛ̀n ɛkɔrɛ̀srɔn n'ɛwú.

Matie 15:13

Zhezü mrɛ́n ɔmùan le: “Ɛtɛ̀ totɔtɔ̀n léyi Dade léyi dú anhobɩ́ kè sɩ̀ tɛ̀a nɔn, ye le fú nɛ̀n yɛ sɔhɔ́.