1 Korɛntɛ̀n anmàn-bɔ̀ 3:3 - Ɛmɛẅi ankà ankrànkràn 2003

³ ɔmuhi ny'ɛwúvà dú cá ɛnhibù ndɔ lɔ bɔ̀ wúvà hɔ́. Hɩ le ecüì-hi-kɔ̀n mán annankran dú nyɛ̀n ɛmɛ̀n, nyɛ́n sɩ́ yé tán le nyɛ́n dú ɛnhibù ndɔ lɔ n'anwrɔn, kɩ nyɛ nyrɔn ny'edomɛ̀n kɛ hán anwrɔnẅì hɔ́a?

1 Korɛntɛ̀n anmàn-bɔ̀ 3:3 Iomraidhean Croise

Rɔmɛ̀n-anmàn-bɔ̀ 13:13

Bɔ̀ nyrɔn bɔ́ edomɛ̀n ɛwá mɛ̀n, hán ɔmu le ke ji le bɔ̀ hán ɛcɛ̀n-yri-kàn mɛ̀n nɔn. Bɔ̀ wá bɔ́ edomɛ̀n esùva ɛci-cüì-zîemɛ̀n, ɛntàn-kɔ́n mɛ̀n, esù-gbàngbàn-nán mɛ̀n mán ɛwúvà-gbàngbàn-ẅɛn mɛ̀n, ɛdrɛ̀-hán mɛ̀n mán ecüi-hi-kɔ́n mɛ̀n.

1 Korɛntɛ̀n anmàn-bɔ̀ 1:10

Anwrɔn-nɛ́n-muan-ẅì hɔ̀n, mɛ sɛ́n nyɛ̀n, bɔ́ Ɛẅɛnwrɔn Zhezü Krisì bɩmɛ̀n, ɔmùan kɛ̀ krɔn nyɛ̀n, ɛsɔ̀nvoyan ke bɩ́ dú nyɛ̀n ɛmɛ̀n; nyɛ́n dú ɔbɔ̀sɔ mɛ̀n anvrɛnvrɛn, ô nyɛ́n ẅɛn ɔmùan-krɔn zri mán ankà-tro zri.

1 Korɛntɛ̀n anmàn-bɔ̀ 1:11

Annanwɔrɛ mɛ̀n lɔ, nmàn-ẅì hɔ̀n, anwrɔn hɔ̀n léyi dú Kloé mɛ̀n mɛ̀n-bɔ̀ nɔn, dɔ́ mɛ̀n le annankran dú nyɛ̀n ɛmɛ̀n.

1 Korɛntɛ̀n anmàn-bɔ̀ 11:18

Ɛnvrakpà ci, yɛ dɔ́ mɛ̀n le ɛnvra léyi nyɛ ẅɛn ɛkrubɔrɛ nɔn, ny'ɛmɛ̀n lɔ egbrì kpɔsɔ ndù, kɩ me bú tán ankaẅì cá.

1 Korɛntɛ̀n anmàn-bɔ̀ 3:4

Ɛnvra léyi ny'ɛmɛ̀n lɔ ɔwrɔn tɔ̀n kɛ dɔ̀ le: “Mɛ̀n dú Pɔlɛ̀n tɛn” kɩ ɛnyàntɛn tɔ̀n kɛ dɔ̀ le: “Mɛ̀n dú Apolɔsɛ̀n tɛn”, ɔmu lɔ, nyɛ́n sɩ́ hán ɔwrɔn totɔtɔn ci-hán-ciɛ?

2 Korɛntɛ̀n anmàn-bɔ̀ 12:20

Mɛ ẅɛn anjansù le, ɛnvra léyi me le bru ny'edúyri nɔn, mɛ́n sɩ̀ cɔ́ nyɛ̀n kɛ hán ɔmu le me ji nɔn, kɩ nyɛ́n mán nyɛ́n sɩ̀ cɔ́ mɛ̀n kɛ hán ɔmu le nye ji nɔn. Mɛ ẅɛn ɛnjansù le ɛdrɛ̀ hɔ̀n mán ecüì-hi-kɔ̀n, ɛmɛ̀nhyì mán annankran hɔ̀n, ɔwora hɔ̀n mán ɛyɔ̀n ankà-dɔ̀ hɔ̀n, tùtre mán ɛgbàzhrà ke le dú nyɛ̀n ɛmɛ̀n.

Galasi anmàn-bɔ̀ 5:15

Tɛ́n ke dú kɛ nyɛ hán eci kɛ hán ovú nɔ̀n hɔ́ hô, nyɛ krá ny'edomɛ̀n ɛnyî, kɩ nye wri ny'edomɛ̀n, nyɛ rá ny'edomɛ̀n, zɛtɛn nyɛ́n wá esùva: nyɛ lɛ trɔ ny'edomɛ̀n jrɛ́.

Titɛ̀n 3:3

Ɔmuhi bɔ́ mán, ɛnkrubɔmɛ̀n lɔ bɔ̀ dú ɔbɔ̀rɛsà-bɔ̀, bɔ́ sɩ́ die ankà nukùɛ, kɩ bɔ̀ dú ɛzɛ́n mɛ̀n nɔn. Bɔ́ gɔ̀ dú ankà-tro mɛ̀ntɛ mɛ̀ntɛ mán pɔpüɛ̀-brà wɔ̀n-bɔ̀; bɔ̀ ẅɛn anbɔrɛ wúvà kɩ ɔwrɔn ci kɛ cüɛn bɔ̀ ɛvɛ̀; bɔ́ hán ye gbri bɔ̀ kɩ yɔ mán bɔ́ gbri bɔ́ edòmɛ̀n.

Zhakɛ̀n 3:16

Ɔmuhi ɛyri léyi ecüìhi-kɔ̀n mán ecüìwrɔn hɛ́n ndù nɔn, nanvrɛn lɔ sukù-sukù mán eci gbàngbàn lɔ fɛn ndù.

1 Piɛrɛ̀n 4:2

Bukru zɛtɛ̀ lɔ nɔn, ke ji le ny'ɛwúvà léyi wɔrɔ dú nyɛ̀n ɛnu hi nɔn, kè dú Ɔwɔ-ci-hán bɔ̀sɔ mɛ̀n, tɛ́n ke bɩ́ dú anwrɔnẅì ankàtro mɛ̀n.