1 Korɛntɛ̀n anmàn-bɔ̀ 2:9 - Ɛmɛẅi ankà ankrànkràn 2003

⁹ Tɛ́n, hán ɔmu le Owrú Prɔnprɔn kɛ dɔ̀ nɔn: “Eci léyi ɔwrɔnẅì zriɛmɛ́n kɛ vá kàn, hɩ kɛ vá yá, ankà léyi ɔwrɔnẅì zriɛmɛ́n kɛ vá tro, Ɔwɔ hán tán anwrɔn hɔ̀n léyi ẅɛn n'ɛcüɛ̀n nɔn.”

1 Korɛntɛ̀n anmàn-bɔ̀ 2:9 Iomraidhean Croise

Matie 20:23

Zhezü mrɛ́n yɔ ɔmùan le: “Annanwɔrɛ mɛ̀n lɔ, nye le mi m'ɛntàn glashɛ̀n lɔ. Tɛ́n kè sɩ̀ dù mɛ̀n de mɛ̀n ẅɛ̀n ezì-kɔrɛ̀ mán ebrì yɛ́-yri lɔ nɔn; ɛyɛ́-yri ndɔ hɔ̀n lɔ dú anwrɔn léyi Dade wá ɔmùan nɔn tɛn.”

Matie 25:34

Zɛtɛn ɛnnɛ̀ncüì lɔ kɛ lɛ dɔ́ anwrɔn hɔ̀n léyi dú nɛ̀n ezì-kɔrɛ̀ nɔn le: ‘Nyɛ́n và, nyɛ́n léyi Dade fú nyɛ̀n ɛnshi nɔn, nyɛ́n bru Anhobɩ́ nɛ̀ncüì-dúyri léyi yɛ hán yɛ hɛ́n nyɛ̀n ɛnhibù krubɔmɛ̀n hán hɛ́n nɔn.

Zhan 3:16

Ɔmuhi Ɔwɔ zeze cüɛ́n ɛnhibù-wú-bɔ̀ kɩ nɛ̀n tán yɔ n'Ɛnẅì zri lɔ, ô ɔwrɔn totɔtɔ̀n léyi kɛ ẅɛn n'ankaẅì-bùtan nɔn ke bɩ́ wúɛ, tɛ́n nɛ̀n cɔ́ ɛwúvà léyi ke sɩ́ trɔa nɔn.

Rɔmɛ̀n-anmàn-bɔ̀ 8:28

Bɔ́ nyri ɔmu le ɛci hɔ̀n lɔ fɛn dú anvrɛn tán anwrɔn hɔ̀n léyi Ɔwɔ kɛ cüɛ̀n nɔn, mán anwrɔn hɔ̀n léyi nɛ̀n bi kè dú n'ankɔnda kɔ̀hɔ̀n lɔ mɛ̀n nɔn.

Ebre-bɔ̀ 11:16

Annanwɔrɛ mɛ̀n lɔ yɔ ji ɛnhi wú anmàn tɔ̀n léyi zrɔ nɔn, hɩ mɛ̀n kɛ dɔ̀ le, anhobɩ́ anmàn. Hɩ le kruhú de Ɔwɔ anvɛvrà ke sɩ́ ẅɛn hán, ɛnvra léyi ye bi nɛ̀n y'Ɔwɔ nɔn; annanwɔrɛ mɛ̀n lɔ, nɛ̀n hán edúyri anmàn tɔ̀n nɛ̀n hɛ́n yɔa.

Zhakɛ̀n 1:12

Ɛnbɔrɛbru dú tán ɔwrɔn léyi kɛ ẅɛn ecüì ɔwɔɛ̀nnyan mɛ̀n; ɔmuhi, ɛnvra léyi ne yé nɛ́n biakpa-ẅɛn lɔ nɔn, nɛ lɛ cɔ́ ɔkɔ̀nkà krusɔn-ci, ɛwúvà léyi ke sɩ́ troa hɩ Ɔwɔ wá ɔmùan tán anwrɔn hɔ̀n léyi ẅɛn n'ɛcüɛ̀n nɔn.

Zhakɛ̀n 2:5

Anwrɔn-nɛ́n-muan-ẅì hɔ̀n nyɛ́n die nukùɛ: Ɔwɔ mrɛ́n ɛmian-bɔ̀ lɔ dú ɛnhibù wú nɔn nbɩ, ô yɔ srɔ ɛnnɛ̀ncüì hɔ̀n ankaẅì-bùtan ẅɛn mɛ̀n, ô yɔ cɔ́ Anhobɩ́ Nɛ̀ncüì-dúyri léyi nɛ̀n wá anwrɔn léyi kɛ cüɛ́n nɛ̀n nɔn ɔmùan.

1 Piɛrɛ̀n 1:12

Ɔwɔ hán tán n'ɔmùan-wú-ankà-dɔ́ bɔ̀ nyri ɔmu le ɛmɛẅi ankà léyi nɛ̀n wá yɔ antamɛ̀n nɔn, kè sɩ̀ dù yɔ dùku yɔ tɛn, tɛ́n ny'ankà de yɔ dɔ̀ nɔn. Ɛmɛẅi ankà ndɔ lɔ, nyɛ́n cɔ́ nɛ̀n zɛtɛ̀ lɔ Ɔwɔ-ankà-dɔ́-bɔ̀ mùan mɛ̀n; yɔ dɔ́ Ɛmɛẅi ankà Ankrankran lɔ, Ɛnhɛ́n Prɔnprɔn léyi dú anhobɩ́ nvà nɔn, n'ɛkɔrɛ̀srɔn mɛ̀n. Kɩ Ɔwɔ kùyüre-bɔ̀ dùku mán ke ji kè nyri Ɛmɛẅi ankà Ankrànkràn ndɔ lɔ.

1 Zhan 4:19

Bɔ tɛn, bɔ̀ ẅɛn ɛcüɛ̀n, ɔmuhi Ɔwɔ gɔ́ cüɛn bɔ̀ kpàkpà mɛ̀n nɔn.