1 Korɛntɛ̀n anmàn-bɔ̀ 2:1 - Ɛmɛẅi ankà ankrànkràn 2003

¹ Anwrɔn-nɛ́n-muan-ẅì hɔ̀n, ɛnvra léyi mɛ̀n hɔ́n nyɛ̀n ɛnyan-yri, ô mɛ̀n sɩ́ Ɔwɔ ankɔ́nda-ci-hán ankà-bán-ankà lɔ ɛwú mɛ̀n tán nyɛ̀n nyɛ́n nyrì nɔn, mɛ̀n sɩ̀ dɔ́ nyɛ̀n ankà ɛnbrɛ̀ shishiemɛ̀n mán ankà-nyrì vriemɛ̀n.

1 Korɛntɛ̀n anmàn-bɔ̀ 2:1 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 20:21

Mɛ̀n bi Zhüifɛ̀n-bɔ̀, mán yɔ léyi yɔ sɩ̀ dù Zhüifɛ̀n-bɔ̀ nɔn, yɔ crɔn ɛnkru, ô yɔ bú Ɛẅɛnwrɔn Zhezü ankà yɔ tán ankaẅì.

Ɔkɔ̀hɔ̀n-wá-bɔ̀ kɔ̀hɔ̀n hán 22:18

Mɛ̀n kán Ɛẅɛnwrɔn kɩ nɛ̀n dɔ́ mɛ̀n le: ‘Ɛ̀ kpramàn ɛ̀ cɔhɔ́ Zherüzalɛmɛ̀n anmàn, ɔmuhi nanvrɛn anmàn-bɔ̀ ke sɩ̀ bɩ́ vɛ́n dalɛfuɛ-di ankà lɔ m'ɛkruhú nɔn.’

Rɔmɛ̀n-anmàn-bɔ̀ 16:18

ɔmuhi anwrɔn ɔmu hɔ̀n lɔ kè sɩ̀ dù Krisì, bɔ́ Ɛẅɛnwrɔn ci-bɩ̀tan-bɔ̀, tɛ́n yɔ dú yɔ dùku y'ɛmɛ̀ntɛ̀ ci-bɩ̀tan-bɔ̀! Y'anmuan mɛ̀n mrɛnmrɛn mán y'ɛfrɛ́n ankà-dɔ̀, kɛ hán yɔ, yɔ frɛ́n ɛnhyɔ̀bɔ̀-di-bɔ̀.

Rɔmɛ̀n-anmàn-bɔ̀ 16:25

Bɔ̀ mrɛ́n Ɔwɔ! Nɛ̀n ẅɛn ɛkɔrɛ̀srɔn nɛ lɛ tán bɔ̀ ecüì ankaẅì-bùtan mɛ̀n, Ɛmɛẅi ankà Ankrankran léyi mɛ dɔ̀ nɔn n'ɛwú, ɛkùyüre léyi mɛ tán Zhezü Krisì ankà wú nɔn, mán Ɔwɔ ankɔ́nda ci-hán ankà-bán-ankà léyi bɔ́ cɔ̀ bɔ́ nyrì nɔn n'ɛwú. Ankɔ́nda ci-hán ndɔ lɔ dú ɛbán mɛ̀n ɛnvra sheshe ɛnbiehɛ́n vra lɔ,

1 Korɛntɛ̀n anmàn-bɔ̀ 1:17

Krisì kè sɩ̀ wá mɛ̀n ɔkɔ̀hɔ̀n mɛ̀n wá anwrɔn ɛnshi ɛnkru: nɛ̀n wá mɛ̀n ɔkɔ̀hɔ̀n mɛ̀n dɔ́ Ɛmɛẅi ankà Ankrankran lɔ, kɩ ndɔ lɔ, mɛ̀n sɩ̀ vrà anwrɔnẅì ankà-nyri-brɛ̀ lɔ, ô ɔmu lɔ, Krisì kɔrɛ̀srɔn-wù ɛgbàn-hán-tɛ̀ wú, ke bɩ́ srɔ eci kora.

1 Korɛntɛ̀n anmàn-bɔ̀ 1:6

Dalɛfuɛ léyi nyɛ́n di Krisì tɛ̀sɛ̀n nɔn wá nyɛ̀n ecüì edomɛ̀n,

1 Korɛntɛ̀n anmàn-bɔ̀ 2:13

Kɩ bɔ́ dɔ́ n'ankà, kɩ kè sɩ̀ dù ɛnbrɛ̀ léyi ɔwrɔnẅì ankà-nyrì ke yé nɔn hɩ mɛ̀n, tɛ́n ɛnbrɛ̀ léyi Ɔwɔ Hɛ́n ke yé nɔn, hɩ mɛ̀n. Ɔmu lɔ de bɔ́ dɔ́ anwrɔn hɔ̀n léyi ẅɛn Ɛnhɛ́n ndɔ lɔ nɔn, Ɛnhɛ́n Prɔnprɔn ankà annanwɔrɛ hɔ̀n lɔ fɛn, hɩ mɛ̀n ankà nɔn.

1 Korɛntɛ̀n anmàn-bɔ̀ 2:4

m'ankà-yé mán m'ankà-dɔ̀ ke sɩ́ cá anwrɔnẅiemɛ̀n ankà-nyrì ankà-dɔ̀, tɛ́n Ɔwɔ Hɛ́n Prɔnprɔn kɔrɛ̀-srɔn de kɛ tán ankà-yé ndɔ lɔ n'ankaẅì-bùtan nɔn.

1 Korɛntɛ̀n anmàn-bɔ̀ 2:7

Hɔ̂, mɛ dɔ́ Ɔwɔ ankà-nyrí ankà-bán-ankà, léyi yɛ bán anwrɔnẅì. Ɔwɔ gɔ́ mrɛ́n nɛ̀n nbɩ, ô kɛ̀ hán bɔ̀ bɔ́ dú n'eci-zrɔ lɔ mɛ̀n ɛnvra léyi ɛnhibù kɛ vá bukru nɔn.

2 Korɛntɛ̀n anmàn-bɔ̀ 10:10

Annanwɔrɛ mɛ̀n lɔ, nyàn ankà léyi yɛ dɔ̀ nɔn: “Pɔlɛ̀n wrú-merɛ́n hɔ̀n lɔ, sɔ́ kɩ dú ɛshishi; tɛ́n ɛnvra léyi nɛ́n dùku ne dú bɔ̀ ɛmɛ̀n nɔn, nɛ̀n dú ɛjɛ́mɛ̀n kɩ n'ankà-dɔ̀ ẅɛn ɛnhyɔ̀bɔ̀.”

2 Korɛntɛ̀n anmàn-bɔ̀ 11:6

Ke le dú annanwɔrɛ le, mɛ̀n dú ankà-nyrì-dɔ́-wrɔn anvrɛnvrɛn, tɛ́n kè sɩ̀ dù eci nyriemɛ̀n: bɔ̀ yé nyɛ̀n ndɔ lɔ kpetehe mɛ̀n, ɛnvra lɔ fɛn mán eci lɔ fɛn mɛ̀n.

2 Tesalonikɛ̀n anmàn-bɔ̀ 1:10

ɛnvra léyi nɛ lɛ vá ɛnbì ndɔ lɔ mɛ̀n, ô anwrɔn hɔ̀n lɔ fɛn léyi dú nɛ tɛn, hɩ ke bú n'ankà tán ankaẅì nɔn, kɛ̀ ẅɛn n'ɛmrɛ́n mán n'ɛcüɛ̀n. Nyɛ́n mán nye le dú yɔ ɛmɛ̀n, ɔmuhi ɛmɛẅi ankà léyi bɔ̀ dɔ́ nyɛ̀n nɔn, nyɛ́n bù tán ankaẅì.

Kpàkpà timote 1:11

Ankà-yé ndɔ lɔ yɛ cɔ́ nɛ̀n Ɛmɛẅi ankà Ankrankran léyi yɛ wá mɛ̀n antamɛ̀n, hɩ dú eci-zrɔ-Wɔ yri nvà, nɛ́n léyi nɛ̀n dú ɛnbɔrɛbru-shi-bɛ́ nɔn.

Anhyrɛmɛ̀n timote 1:8

Anvɛvrà ke bɩ́ ẅɛn mɛ́n bɔ́ Ɛẅɛnwrɔn dalɛfue-diemɛ̀n; m'ɛkruhú mán, anvɛvrà ke bɩ́ ẅɛn mɛ́n, mɛ̀n dú anwɔn-mɛ̀n-wa-wɔn mɛ̀n n'ɛkruhú. Tɛ́n, è shri ɛgbànkàn è bɩ vɛ́n mán mɛ̀n mɛhi Ɛmɛẅi ankà Ankrankran kruhú, ô ɛ̀ ẅɛn esɛ́ ecüì léyi Ɔwɔ kɛ tán nɔn hɩ wú.

1 Zhan 4:14

Kɩ bɔ́ kàn, kɩ bɔ́ dɔ̀ le Ɔwɔ wá n'Ɛnẅì ɔkɔhɔ̀n kè dú ɛnhibù Bɩdie-wrɔn.

Ɔwɔ-mɛ̀n-yrikàn 1:2

Zhan di dalɛfuɛ le, eci léyi nɛ́n kàn nɔn dú Ɔwɔ mùan-ankà mán annanwɔrɛ ankà léyi Krisì yé nɔn.

Ɔwɔ-mɛ̀n-yrikàn 1:9

Mɛ̀n dú Zhan, nyɛ́n muan-ẅì; mɛ̀n mán mɛ̀n dú Zhezü bɔ̀sɔ̀ lɔ mɛ̀n hán nyɛ́n hɔ́, mɛ̀n dú ny'ɛkɔrɛ̀-wá-wrɔn ejüediemɛ̀n, mɛ̀n dú ɛnnɛ̀ncüì-dúyri mán ɛnbɔrɛ-ẅɛ̀n-hɛ́n-sɛ́ mɛ̀n. Yɛ sɩ́ mɛ̀n anwɔ̀nẅìemɛ̀n Patmɔsɛ̀n shi-vú-ta wú, m'ɔmùan zri-dì Ɔwɔ mùan-ankà wú mán annanwɔrɛ yrikàn léyi mɛ̀n cɔ́ Zhezü mɛ̀n nɔn, hɩ kruhú.

Ɔwɔ-mɛ̀n-yrikàn 19:10

Mɛ̀n bore nɛ̀n annan zìwú, ô mɛ̀n cüe nɛ̀n ankɔrɛ̀ ezìwúɛ, tɛ́n nɛ dɔ́ mɛ̀n le: “E bɩ́ hán ndɔ lɔ! Mɛ̀n dú eci-bɩtan-wrɔn hán vɛ́n hɔ́, kɩ mɛ́n dù hán ɔmuan-ẅì hɔ̀n léyi di ɔmùan-zri annànwɔrɛ ankà léyi Zhezü yé nɔn wú. Ɔwɔ de ke ji le è cüe ankɔrɛ̀ ezìwúɛ nɔn!” Annanwɔrɛ ankà léyi Zhezü yé nɔn, nyàn eci léyi kɛ nyrɔn Ɔwɔ-mùanwú-ankà-dɔ́-bɔ̀ nɔn.