1 Korɛntɛ̀n anmàn-bɔ̀ 13:3 - Ɛmɛẅi ankà ankrànkràn 2003

³ Mɛ lɛ dɛ́ m'ɛci-ẅɛn-ci hɔ̀n lɔ fɛn mɛ̀n tán ɔmùanwu-bɔ̀ kɩ me le bɩ́ m'edùwrú mɛ̀n tán ɛnhyà, ke dú kɛ mɛ̀n sɩ̀ ẅɛn ɛcüɛ̀n, ndɔ lɔ dú eci woro.

1 Korɛntɛ̀n anmàn-bɔ̀ 13:3 Iomraidhean Croise

Matie 23:5

Yɔ hán y'ɛci hɔ̀n lɔ fɛn kɛ dɛ́ ɛwú, ô anwrɔn kɛ̀ kán yɔ. Ɔmu lɔ de ankà-dɔ̀ prɔnprɔn hɔ̀n léyi ye merɛ́n, hɩ yɔ mú ezìwú, ɛnvra tɔ̀n ɛkɔrɛ̀bɔ̀n mɛ̀n nɔn, yɔ ẅɛn kotoku vri; y'ɛwú ceci-kɔrɛ̀ mùan mán ntrɛ̀.

Lükɛ̀n 18:22

Ɛnvra léyi Zhezü yá n'ankà lɔ nɔn, nɛ dɔ́ yi le: “Vru wɔrɔ mɛ́n eci zri. Ɛ̀ hɛ́ ɛci lɔ fɛn léyi ɛ ẅɛ̀n nɔn, ô è bɩ́ ɔkùa lɔ fɛn è ce ɛmian-bɔ̀; zɛtɛn ɛ lɛ cɔ́ anhobɩ́ nɛ́ncüì-di-ci ô zɛtɛn, ɛ̀ và, ô ɛ̀ kɛ́n mɛ̀n ɛsɛ̀n.”

Lükɛ̀n 18:28

Zɛtɛn Piɛrɛ̀n kɛ dɔ̀ le: “Die nukùɛ, bɔ́ tecüe eci lɔ fɛn, bɔ̀ kɛ́n mɛ́n ɛsɛ̀n.”

Lükɛ̀n 19:8

Zàshe, nyɔn Ɛẅɛnwrɔn ezìwúɛ, kɩ nɛ dɔ́ yi le: “E die nukùɛ Ankà-yé-wrɔn, m'ɛci léyi mɛ́n ẅɛ̀n nɔn, mɛ lɛ bɩ́ ɛcá mɛ̀n tán ɛmian-bɔ̀, kɩ ke dú kɛ mɛ̀n bɩ́ ɔwrɔn ci ɛfrɛ́n mɛ̀n hô, mɛ lɛ wɔrɔ̀ tán nɛ̀n, andɛ̀n anzɔ̀.”

Zhan 12:43

Yɔ cüɛn anwrɔnẅì ankà-dɔ̀ bɩ vrán hɩ le dú Ɔwɔ yri kɛ và nɔn.

Zhan 13:37

Piɛrɛ̀n kɛ dɔ́ nɛ̀n le: “Ɛẅɛnwrɔn, cɛci kruhú kɛ mɛ́n sɩ̀ kɛ̀n mɛ́n ɛsɛ̀n rɔ́ zɛtɛ̀ lɔa? Mɛ̀n krɔn kpehɛ́n me le wú v'ɛkruhú!”

Zhan 15:13

Ɛcüɛ̀n vri léyi ɔwrɔn ke le yé nɔn, dú hɩ le ne le wú nɛ́n nyran hɔ̀n kruhú.

Zhan 6:63

Ɛnhɛ́n Prɔnprɔn de kɛ tán ɔkɔrɛ̀; ɔwrɔnẅì zri ke sɩ̀ srɔ eci kru mù. Ankà-dɔ̀ hɔ̀n léyi mɛ̀n tán nyɛ̀n nɔn dú Ɛnhɛ̀n mán Ɔkɔrɛ̀.

Ɔkɔ̀hɔ̀n-wá-bɔ̀ kɔ̀hɔ̀n hán 21:13

Tɛ́n nɛ̀n mrɛ́n ɔmùan le: “Ecitan kruhú kɛ nye wú eyú kɩ nye ji nyɛ́n wú mɛ̀n edùɛ? Mɛ̀n krɔn kpehɛ́n, mɛ̀n, ke sì dù hɩ léyi yɛ lɛ kora mɛ̀n kɩ, tɛ́n mɛ́n shrì me le wú Zherüzalɛmɛ̀n anmàn Ɛẅɛnwrɔn Zhezü kruhú.”

Galasi anmàn-bɔ̀ 5:26

Bɔ́ bɩ́ ẅɛn ɛgbugbu, bɔ́ bɩ́ hán ɔmùan-gbú-ci, bɔ́ nyran hɔ̀n ci ke bɩ́ cüɛn bɔ̀ ɛvɛ̀.

Filipɛ̀n anmàn-bɔ̀ 2:3

Nyɛ́n bɩ́ hán eci zriɛmɛ́n annan-kran mɛ̀n, kɩ nyɛ́n bɩ́ ẅɛn ankà-tro woro ny'edomɛ̀n ɛwúsɩ́emɛ̀n, tɛ́n edomɛ̀n ɛnhisɩ́emɛ̀n lɔ, nyɛ́n tro le nyɛ́n nyran hɔ̀n dú nyɛ̀n ɛwú.

Kpàkpà timote 4:8

Edùwrú ẅia cüì-tán dú eci ankrankran, tɛ́n nɛ̀n dú eci ẅiɛ; Ɔwɔ tɛ̀sɛ̀n sɔ̀nba ẅɛn vɔ̀nshɛ́ eci lɔ fɛn mɛ̀n, ɔmuhi nɛ tán bɔ̀ ɛnhibù wú wúvà kɩ nɛ wá bɔ̀ ɛwúvà wrù mùan.

Ebre-bɔ̀ 13:9

Nyɛ́n bɩ́ teze ny'edomɛ̀n nyɛ́n tán Ɔwɔ ankà-dɔ̀ mɛ̀ntɛ mɛ̀ntɛ hɔ̀n léyi dú ɛyri nyantɛn nvà nɔn kɛ zrɛ́n nyɛ̀n. Zrɔ tán le bɔ̀ cɔ́ Ɛnhɛ́n mɛ̀n cüì Ɔwɔ nboafɔn mɛ̀n, kɩ kè sɩ̀ dù ɛcizî nyànmàn ci-hán; anwrɔn hɔ́n léyi kɛ ẅɛn ɛcizî nyanmàn ndɔ hɔ̀n lɔ kɛ hɛ́n nɔn, ɛnbì zriɛmɛ́n yɔ vá cɔ́ nɛ́n vɔ̀nshɛ́ tɔ̀n.