1 Korɛntɛ̀n anmàn-bɔ̀ 13:2 - Ɛmɛẅi ankà ankrànkràn 2003

² Mɛ lɛ dɔ́ Ɔwɔ mɛẅi ankà léyi mɛ́n cɔ̀ nɔn, mɛ lɛ ẅɛn ankà-nyrì lɔ fɛn, ô mɛ̀n yá anvɛmɛ̀n-frɛ́n-ci hɔ̀n lɔ fɛn y'ɛmɛ̀n ankà, mɛ lɛ ẅɛn ankaẅì-bùtan kɛ lɛ hán tán mɛ̀n frɛ́ ɛnkpò hɔ̀n lɔ fɛn mɛ̀n hɛ́n ɛyri nyàntɛn, ke dú kɛ mɛ̀n sɩ̀ ẅɛ̀n ɛcüɛ̀n, mɛ̀n sɩ̀ dù eci zriɛmɛ́n.

1 Korɛntɛ̀n anmàn-bɔ̀ 13:2 Iomraidhean Croise

Matie 13:11

Zhezü mrɛ́n yɔ ɔmùan le: “Nyɛ tɛn, nyɛ́n cɔ́ anhobɩ́ ankà-bán-ankà nyɛ́n nyrì, tɛ́n yɔ tɛn yɔ sɩ̀ cɔ̀a.

Matie 17:20

Zhezü mrɛ́n yɔ ɔmùan le: “Ɔmuhi ankàẅì-bùtan kè sɩ̀ sɛ́n nyɛ̀n nmù nɔn. Mɛ dɔ́ nyɛ̀n annànwɔrɛ mɛ̀n le: ke dú kɛ nyɛ́n ẅɛn ankàẅì-bùtan sevri hán anjrakràn-ẅì hɔ́, nyɛ lɛ dɔ́ ɛnkpò cɛ ndɔ lɔ le: ‘Cɔ̀hɔ́ ɛnu lɔ, hɔ̀n ɛyri nyàntɛn’ kɩ nɛ lɛ cɔhɔ́. Eci zriɛmɛ́n ke sɩ̀ wá nyɛ̀n ejüe. [

Matie 21:19

Nɛ̀n kán ɛẅì-shi-tɛ̀ tɔ̀n léyi ye bi figie nɔn ɛnlevri mùan kɩ nɛ́n sɔnba yi ɛtɛ̀sɛ̀n, tɛ́n ɛẅi sà kɩ dú nɛ̀n ɛwú. Zɛtɛn Zhezü kɛ dɔ́ ɛẅì-shi-tɛ̀ lɔ le: “E sɩ̀ vru shi ɛẅì mrìmrì!” Ɛnvra zri lɔ ɛẅì-shi-tɛ̀ lɔ wrú.

Matie 21:21

Zhezü mrɛ́n yɔ ɔmùan le: “Mɛ dɔ́ nyɛ̀n annànwɔrɛ mɛ̀n le: ke dú kɛ nyɛ́n ẅɛn ankàẅì-bùtan, kɩ nyɛ́n sɩ̀ wà ɛnbɔrɛ anhyrɛ̀, kè sɩ̀ dù eci léyi mɛ̀n hán ɛẅì-shi-tɛ̀ ndɔ lɔ nɔn kɩ nyɛ lɛ hán, tɛ́n, nyɛ lɛ dɔ́ ɛnkpò cɛ ndɔ lɔ le: ‘Cɔhɔ́ ɛnu lɔ, ô ɛ̀ hɔ̀n bru ecüe’, kɩ eci lɔ kɛ lɛ hán.

Ɔkɔ̀hɔ̀n-wá-bɔ̀ kɔ̀hɔ̀n hán 13:1

Antiɔshɛ̀n anmàn Wɔ-fɛcüè-bɔ̀ mɛ̀n lɔ, Ɔwɔ-mùanwú-ankà-dɔ́-bɔ̀ mán ankà-yé-bɔ̀ ndù: Barnabasɛ̀n, Simeɔn léyi ye bi Ɔwrɔn yɔwɔ nɔn, Lüsiüsɛ̀n (Sirɛnɛ̀n anmàn-wrɔn) Manaɛ́n léyi nɛ́n mán Herɔdɛ̀n mɛhi yɛ wá yɔ ɛcɛmɛ̀n, kɩ Herɔdɛ̀n ẅɛn ɛyri Galile kpɔsɔ wú, mán Sɔlɛ̀n.

Rɔmɛ̀n-anmàn-bɔ̀ 11:25

Anwrɔn-nɛ́n-muan-ẅì hɔ̀n, me ji mɛ̀n hán nyɛ̀n nyɛ́n nyri Ɔwɔ ankɔ́nda-ci-hán ankà-bán-ankà lɔ, ô nyɛ́n bɩ́ bú ny'edomɛ̀n nyɛ́n hán ankà-nyri-bɔ̀: Izraɛlɛ̀n fɛcüè cá ke le dú ɔbrɔsa mɛ̀n hàn kɩ kɛ lɛ cɔ́ ɛnvra léyi ɛnhibù fɛcüè nyantɛn kɛ lɛ cɔ́ ɛnkru-kɔrɛ̀ nɔn.

Rɔmɛ̀n-anmàn-bɔ̀ 15:14

Nmàn-ẅì hɔ̀n, mɛ́n dùku mɛ́n nyrì le, eci-hán ankrankran yɩ́ nyɛ̀n edomɛ̀n, nyɛ́n cɔ̀ nyɛ́n yá eci léyi ke ji le nyɛ́n nyrì, kɩ nyɛ́n krɔn kpehɛ́n nyɛ́n woro ankà nyɛ́n yé ny'edomɛ̀n.

Rɔmɛ̀n-anmàn-bɔ̀ 16:25

Bɔ̀ mrɛ́n Ɔwɔ! Nɛ̀n ẅɛn ɛkɔrɛ̀srɔn nɛ lɛ tán bɔ̀ ecüì ankaẅì-bùtan mɛ̀n, Ɛmɛẅi ankà Ankrankran léyi mɛ dɔ̀ nɔn n'ɛwú, ɛkùyüre léyi mɛ tán Zhezü Krisì ankà wú nɔn, mán Ɔwɔ ankɔ́nda ci-hán ankà-bán-ankà léyi bɔ́ cɔ̀ bɔ́ nyrì nɔn n'ɛwú. Ankɔ́nda ci-hán ndɔ lɔ dú ɛbán mɛ̀n ɛnvra sheshe ɛnbiehɛ́n vra lɔ,

1 Korɛntɛ̀n anmàn-bɔ̀ 11:4

Kɩ ke dú kɛ, Ɔwɔ-sɛ̀n ci-hán mɛ̀n lɔ, ɔwrɔn tɔ̀n kɛ vá eci ɛnkru ɛnvra léyi nɛ sɛ́n Ɔwɔ mán ɛnvra léyi nɛ dɔ́ ɛmɛẅi ankà léyi nɛ̀n cɔ́ Ɔwɔ yri nɔn, ne wore Krisì.

1 Korɛntɛ̀n anmàn-bɔ̀ 12:28

Ɔmu lɔ de, Ɔwɔ-fɛcüè mɛ̀n lɔ, Ɔwɔ wá ɔkɔ̀hɔ̀n-wá-bɔ̀ kpàkpà-bɔ̀, anhyrɛmɛ̀n dú Ɔwɔ-mùanwú-ankà-dɔ́-bɔ̀, kɩ eci-yé-bɔ̀ dú anhɔnmɛ̀n; kɩ zɛtɛn yɛ wá anwrɔn hɔ̀n léyi kɛ hán anvɛmɛ̀n-frɛ́n-ci, anwrɔn hɔ̀n léyi kɛ korɛ ɛnlɔẅiɛ-bɔ̀, anwrɔn hɔ̀n léyi ẅɛn ɛkɔrɛwá cice, kɩ kɛ nyrɔn anwrɔn janbɔ̀, kɩ yɔ vru yɔ vrá ɛnbrɛ̀ vɛnvɛn nyàntɛn hɔ̀n nɔn.

1 Korɛntɛ̀n anmàn-bɔ̀ 13:1

Bɔ̀ tro ke dú kɛ mɛ vrá anwrɔnẅì brɛ̀, kɩ mɛ vrá Ɔwɔ-kùyüre-bɔ̀ brɛ̀ mán: ke dú kɛ mɛ̀n sɩ̀ ẅɛ̀n ɛcüɛ̀n, mɛ̀n sɩ̀ dù eci zriɛmɛ́n, mɛ́n dù mɛ̀n cá pritù-ẅì léyi ke shrì mán yaka léyi ke di nkù nɔn hɔ́.

1 Korɛntɛ̀n anmàn-bɔ̀ 13:3

Mɛ lɛ dɛ́ m'ɛci-ẅɛn-ci hɔ̀n lɔ fɛn mɛ̀n tán ɔmùanwu-bɔ̀ kɩ me le bɩ́ m'edùwrú mɛ̀n tán ɛnhyà, ke dú kɛ mɛ̀n sɩ̀ ẅɛn ɛcüɛ̀n, ndɔ lɔ dú eci woro.

1 Korɛntɛ̀n anmàn-bɔ̀ 13:8

Ɛcüɛ̀n kè sɩ̀ ẅɛ̀n ɔtrɔ. Ɔwɔ mɛẅi ankà-dɔ̀ kɛ lɛ trɔ ɛnbì tɔ̀n, ankà-dɔ̀ cice léyi Ɛnhɛ́n Prɔnprɔn kɛ tán bɔ̀ ɛnbrɛ̀ nyàntɛn vrá mɛ̀n nɔn mán kɛ lɛ trɔ, eci-nyrì kɛ lɛ zrɛ́n.

1 Korɛntɛ̀n anmàn-bɔ̀ 14:29

Yɔ hɔ̀n léyi kɛ cɔ́ Ɔwɔ mɛẅi ankà-dɔ̀ hɔ̀n lɔ nɔn, ke ji le anwrɔn anhyrɛ̀ mán anhɔ̀n ke bɩ́ ankà-dɔ̀, ô anwrɔn ndɔ hɔ̀n kɛ̀ crɛ́n ankà léyi yɔ dɔ̀ nɔn, n'ɛmɛ̀n.

1 Korɛntɛ̀n anmàn-bɔ̀ 14:39

Ɔmu lɔ, anwrɔn-nɛ́n-muan-ẅì hɔ̀n, eci lɔ fɛn hán mɛ̀n lɔ nyɛ́n ji Ɔwɔ mɛẅi ankà-dɔ̀, tɛ́n nyɛ́n bɩ́ sɩ́ tán ɛnbrɛ̀ nyàntɛn hɔ̀n mɛ̀n ankà-dɔ̀.

1 Korɛntɛ̀n anmàn-bɔ̀ 14:4

Ɔwrɔn léyi kɛ dɔ́ ankà ɛnbrɛ̀ nyàntɛn hɔ̀n mɛ̀n nɔn, nɛ́n zri kɩ nɛ cɔ́ vɔ̀nshɛ́ ankà-dɔ̀ lɔ wú, tɛ́n ɔwrɔn léyi kɛ dɔ́ Ɔwɔ mɛẅi ankà nɔn, nɛ tán Ɔwɔ fɛcüè lɔ fɛn ankà-yé.

1 Korɛntɛ̀n anmàn-bɔ̀ 15:51

Mɛ lɛ dɔ́ nyɛ̀n ankà-bán-ankà tɔ̀n: bɔ́ lɔ fɛn bɔ́ sɩ̀ wù, tɛ́n yɛ lɛ crɔn bɔ́ lɔ fɛn

1 Korɛntɛ̀n anmàn-bɔ̀ 16:22

Ke dú kɛ ɔwrɔn tɔ̀n ke sɩ́ cüɛn Ɛẅɛnwrɔn hô, muzhie kɛ̀ bó nɛ̀n! Maranata, Bɔ́ Ɛẅɛnwrɔn, và!

1 Korɛntɛ̀n anmàn-bɔ̀ 4:1

Ke ji le nyɛ́n bɩ́ bɔ̀ nyɛ́n hán Krisì ci-bɩ̀tan-bɔ̀ léyi yɛ wá Ɔwɔ ankà-bán-ankà annanwɔrɛ hɔ̀n lɔ antamɛ̀n kɛ̀ nán nɔn.

1 Korɛntɛ̀n anmàn-bɔ̀ 7:19

Ye wi mɛ́n, kɩ ye sɩ̀ wi mɛ́n wúcɔ̀-domɛ̀n mán, ndɔ lɔ kè sɩ̀ ẅɛ̀n vɔ̀nshɛ́ zriɛmɛ́n: hɩ le ẅɛn vɔ̀nshɛ́ nɔn, dú Ɔwɔ nyànmàn-wá.

1 Korɛntɛ̀n anmàn-bɔ̀ 8:4

Nyàn ankà-yrɛ lɔ: ɛkɔrɛ̀-levri ke le dù yɛ rá ɔnɔ̀n-ẅia léyi ye ce antɛ̀-buri-wɔ hɔ̀n nɛ́n? Bɔ́ nyri anvrɛnvrɛn mɛ̀n le antɛ̀-buri-Wɔ hɔ̀n kè sɩ̀ dù annanwɔrɛ ci zriɛmɛ́n ɛnhibù wú, kɩ Ɔwɔ zri kɩ dù.

2 Korɛntɛ̀n anmàn-bɔ̀ 12:11

Mɛ dɔ́ ankà kɛ hán nmù-wrɔn hɔ́, tɛ́n nyɛ́n de nyɛ́n wá tán mɛ̀n nɔn. Nyɛ́n de ke ji le nyɛ́n dɔ́ ankà nyɛ́n tán mɛ̀n. Ɔmuhi ke dú kɛ mɛ̀n sɩ̀ dù eci zriɛmɛ́n hô, nyɛ́n nyri ɔmu le mɛ̀n sɩ̀ dù ɛnhi kɛ̀ vràn ny'ɔkɔ̀hɔ̀n-wá-bɔ̀ léyi nye tro le sevri nɔn.

Galasi anmàn-bɔ̀ 5:16

Nyàn ankà léyi mɛ́n ẅɛ̀n mɛ lɛ dɔ́ nyɛ̀n nɔn: nyɛ́n teze Ɛnhɛ́n Prɔnprɔn kɛ̀ nyrɔn ny'ɛwúvà lɔ kɩ nyɛ́n sɩ̀ vru die nyɛ́n mumù ny'ɛwúvà ankà-tro lɔ nukùɛ.

Galasi anmàn-bɔ̀ 5:22

Tɛ́n eci léyi Ɛnhɛ́n Prɔnprɔn kɛ tán nɔn, dú ɛcüɛ̀n, pɔpüɛ̀, anwɔwɔ, ɛnbɔrɛ-ẅɛ̀n-hɛ́n, anvrɛn-ci-hán, ɛnbɔrɛ-wɔ-ci-hán, ɔmùan-zri-dì,

Galasi anmàn-bɔ̀ 6:3

Ke dú kɛ ɔwrɔn tɔ̀n ke tro le nɛ̀n ẅɛn vɔ̀nshɛ́, tɛ́n nɛ̀n sɩ̀ dù eci zriɛmɛ́n, nɛ frɛ́n n'edomɛ̀n.

Efɛzɛ̀n anmàn-bɔ̀ 3:4

kɩ owrú krɛmɛ̀n lɔ, nye le nyri ɔmu le mɛ̀n hán mɛ̀n cɔ́ Krisì ankà-bán-ankà lɔ mɛ́n nyrì nɔn.

Efɛzɛ̀n anmàn-bɔ̀ 6:19

nyɛ́n sɛ̀n nyɛ́n tán mɛ̀n mán, ô Ɔwɔ kɛ̀ tán mɛ̀n ɛnnyrɔnnan ankà-dɔ̀, ô mɛ̀n cɔ́ ɛkɔrɛ̀-levri mɛ̀n dɔ́ annanwɔrɛ mɛ̀n Ɛmɛẅi ankà Ankrankran lɔ, n'ankà-bán-ankà.

Kɔlɔsèn anmàn-bɔ̀ 1:26

hɩ mɛ̀n kɛ dɔ̀ le, n'ɛnbɔrɛmɛ̀n ankɔ́nda-ci-hán ankà léyi dú ɛbán mɛ̀n ɛnvra lɔ fɛn tán anwrɔnẅì lɔ fɛn, tɛ́n zɛtɛ̀ lɔ, nɛ́n bɩ nɛ̀n yé ankaẅì-bùtan-ẅɛn-bɔ̀.

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

1 Zhan 4:8

Ɔwrɔn léyi kè sɩ̀ ẅɛ̀n ɛcüɛ̀n nɔn, nɛ̀n sɩ̀ nyrì Ɔwɔ, ɔmuhi Ɔwɔ dú ɛcüɛ̀n nɔn.