1 Korɛntɛ̀n anmàn-bɔ̀ 12:3 - Ɛmɛẅi ankà ankrànkràn 2003

³ Hɩ le kruhú de mɛ wá mɛ̀n dɔ́ nyɛ̀n le: Ɔwrɔn zriɛmɛ́n bàdà nɛ́n léyi Ɔwɔ Hɛ́n kɛ nyrɔn nɔn, nɛ̀n sɩ́ ɔmùan ɛwú nɛ̀n dɔ̀ le: “Muzhie dú Zhezü tɛn!” kɩ ɔwrɔn zriɛmɛ́n ke sɩ̀ dɔ̀ rɔ́ le: “Zhezü dú Ɛẅɛnwrɔn!” ke dú kɛ Ɛnhɛ́n Prɔnprɔn kè sɩ̀ nyrɔn nɛ̀n.

1 Korɛntɛ̀n anmàn-bɔ̀ 12:3 Iomraidhean Croise

2 Korɛntɛ̀n anmàn-bɔ̀ 3:5

Annanwɔrɛ mɛ̀n lɔ, bɔ́ sɩ̀ ẅɛ̀n edù b'á hán ɔkɔ̀hɔ̀n ndɔ ɔmu lɔ bɔ́ dùku bɔ́ ecüì zriemɛ̀n. Eci léyi bɔ̀ ẅɛn n'ɛhán kɔrɛ̀-levri nɔn, dú Ɔwɔ yri và;

Rɔmɛ̀n-anmàn-bɔ̀ 10:9

Ke dú kɛ, e ci v'anmùan mɛ̀n, ɛ dɔ́ anwrɔn lɔ fɛn zìwú le Zhezü dú Ɛẅɛnwrɔn kɩ v'ɛnborɛ mumù lɔ fɛn mɛ̀n, ɛ ẅɛn ankaẅì-bùtan le Ɔwɔ bɩ́ Zhezü owú-bɔ̀ mɛ̀n vá ɛkɔrɛ-bɔ̀ mɛ̀n hô, ɛ lɛ cɔ́ ebɩ̀die.

Zhan 13:13

Nye bi mɛ̀n “Ankà-yé-wrɔn” mán “Ɛẅɛnwrɔn” kɩ ny'ankà zrɔ, ɔmuhi mɛ̀n dú Ankà-yé-wrɔn mán Ɛẅɛnwrɔn nɔn.

1 Korɛntɛ̀n anmàn-bɔ̀ 8:6

annànwɔrɛ mɛ̀n lɔ, bɔ́ tɛn, Ɔwɔ zri kɩ dù, Ɔwɔ Zi, nɛ́n léyi nɛ̀n hán eci lɔ fɛn, kɩ n'ɛkruhú de bɔ̀ dú ɛwúvà mɛ̀n nɔn; kɩ Ɛẅɛnwrɔn zri kɩ dù, Zhezü Krisì, n'ɛmɛ̀n de eci lɔ fɛn dù, kɩ n'ɛkruhú bɔ̀ dú ɛwúvà mɛ̀n.

Zhan 15:26

“Ɔwrɔn léyi kɛ lɛ wá nyɛ̀n ɛkɔrɛ̀ nɔn kɛ lɛ và: nɛ́n de nɛ̀n dú annanwɔrɛ Hɛ́n léyi dú Dade yri kɛ và nɔn. Me le yüre nyɛ̀n nɛ́n, Dade bɩmɛ̀n, kɩ ne le di mɛ̀n dalɛfuɛ.

Matie 22:43

Zhezü kɛ dɔ́ yɔ le: “Anhɔntan de Davidɛ̀n léyi Ɛnhɛ́n Prɔnprɔn kɛ nyrɔn, vru ke bi nɛ̀n ‘Ɛẅɛnwrɔn’ nɛ́n? Ɔmuhi Davidɛ̀n dɔ̀ le:

Markɛ̀n 9:39

Tɛ́n Zhezü mrɛ́n ɔmùan le: “Nyɛ́n bɩ́ sɩ́ nɛ̀n eci lɔ n'ɛhán mɛ̀n, ɔmuhi ɔwrɔn zriɛmɛ́n ke sɩ̀ hán anvɛmɛ̀n-frɛ́n-ci m'ebɩ́mɛ̀n kɩ ke vru kɛ̀ dɔ́ m'ankà gbàngbàn ɛmɛẅi.

1 Korɛntɛ̀n anmàn-bɔ̀ 16:22

Ke dú kɛ ɔwrɔn tɔ̀n ke sɩ́ cüɛn Ɛẅɛnwrɔn hô, muzhie kɛ̀ bó nɛ̀n! Maranata, Bɔ́ Ɛẅɛnwrɔn, và!

2 Korɛntɛ̀n anmàn-bɔ̀ 11:4

Annanwɔrɛ mɛ̀n lɔ, nyɛ cüɛn ɔmu le ɔwrɔn tɔ̀n kɛ̀ và kɛ̀ dɔ́ nyɛ̀n Krisì léyi kè sɩ̀ cà ndɔ léyi bɔ̀ dɔ́ nyɛ̀n n'ankà nɔn; nyɛ́n vru nyɛ́n krɔn kpehɛ́n ô nyɛ́n shri ɛnhɛ́n tɔ̀n mán ɛmɛẅi ankà léyi kè sɩ̀ cà Ɛnhɛ́n Prɔnprɔn mán Ɛmɛẅi ankà Ankrankran léyi nyɛ́n cɔ́ b'antamɛ̀n nɔn.

Rɔmɛ̀n-anmàn-bɔ̀ 9:3

Mɛ cüɛn ɔmu le mɛ́n mumù mɛ̀n dú Ɔwɔ ẅìɛ-dà lɔ mɛ̀n, ô yɛ mrɛ́n mɛ̀n yɛ sɔhɔ́ Krisì cüɛ̀n lɔ mɛ̀n, nmàn-ẅì hɔ̀n, ɛnbrɛ̀-zri-bɔ̀ anvrɛn kruhú.

Ɔwɔ-mɛ̀n-yrikàn 1:10

Ɛẅɛnwrɔn bì lɔ, Ɛnhɛ́n Prɔnprɔn yɛ́ mɛ̀n ɛwú, kɩ m'ɛmɛẅi lɔ mɛ̀n yá esùva cüicüi tɔ̀n ɔmùan, ke di nkù kɛ hán ɛbrɛ̀n-gbá tɔ̀n hɔ́;

Galasi anmàn-bɔ̀ 3:13

Hɩ le Krisì srɔ ɛẅìɛ̀-dá-ci bɔ́ kruhú nɔn, nɛ̀n mrɛ́n bɔ̀ ɛnyànmàn ẅìɛ̀-dá lɔ mɛ̀n nɛ̀n sɔhɔ́. Owrú Prɔnprɔn kɛ dɔ́ annanwɔrɛ mɛ̀n le: “Ɛẅìɛ̀-dà dú ɔwrɔn totɔtɔn léyi yɛ wá ɛhɛ́ ɔbɔ̀n ɛtɛ̀ domɛ̀n nɔn.”

Zhan 13:14

Ke dú kɛ mɛ̀n, Ɛẅɛnwrɔn mán Ankà-yé-wrɔn, mɛ̀n jru nyɛ̀n annan hô, ke ji le nyɛ́n mán nyɛ́n jru ny'edomɛ̀n annan. (Me bɩ́ ɛgbàn me ce nyɛ̀n, ke ji le nyɛ́n mán nyɛ́n bɩ́ ɛgbàn nyɛ́n ce ny'edomɛ̀n.)

Ɔkɔ̀hɔ̀n-wá-bɔ̀ kɔ̀hɔ̀n hán 8:37

Filipɛ̀n kɛ dɔ́ nɛ̀n le: “Ke dú kɛ ankaẅì-bùtan dú v'ɛnbɔrɛ lɔ fɛn mɛ̀n, yɛ lɛ wá mɛ́n ɛnshi ɛnkru tɛ̀.” Kɩ ɔwrɔn lɔ mrɛ́n ɔmùan le: “Me bú tán ankaẅì le Zhezü-Krisì dú Ɔwɔ Ẅì.”]