1 Korɛntɛ̀n anmàn-bɔ̀ 11:3 - Ɛmɛẅi ankà ankrànkràn 2003

³ Tɛ́n, me ji le nyɛ́n nyri ankà ndɔ lɔ: Krisì dú Ɔwrɔn totɔtɔ̀n lɔ fɛn n'ɛfra-wrɔn, ɛnnyɔnwrɔn-nɛ́n-cüì dú ɛnnyɔnwrɔn fra-wrɔn, kɩ Ɔwɔ dú Krisì fra-wrɔn.

1 Korɛntɛ̀n anmàn-bɔ̀ 11:3 Iomraidhean Croise

Matie 28:18

Zhezü sɔnba yɔ ɛtɛ̀sɛ̀n kɩ kɛ dɔ́ yɔ le: “Yɛ tán mɛ̀n ɛkɔrɛ̀srɔn lɔ fɛn anhobɩ́ mán ɛnhi wú.

Zhan 14:28

Nyɛ́n yá mɛ̀n dɔ́ nyɛ̀n le: mɛ hɔ̀n, tɛ́n me le vru mɛ̀n vá nyɛ̀n ɛmɛ̀n. Ke dú kɛ nyɛ cüɛn mɛ̀n hô, pɔpüɛ̀ kɛ lɛ brá nyɛ̀n, ɔmuhi nyɛ́n nyri ɔmu le, mɛ hɔ́n Dade tɛsɛ̀n, ɔmuhi Dade sevri vrán mɛ̀n nɔn.

1 Korɛntɛ̀n anmàn-bɔ̀ 3:23

tɛ́n nyɛ́n, nyɛ́n dú Krisì tɛn kɩ Krisì dú Ɔwɔ tɛn.

Efɛzɛ̀n anmàn-bɔ̀ 4:15

Tɛ́n, annanwɔrɛ ankà-dɔ́ mɛ̀n mán ɛcüɛn mɛ̀n, bɔ́ lɛ sɔ́ eci lɔ fɛn mɛ̀n, Krisì léyi dú ɛnkru nɔn n'ɛtɛ̀sɛ̀n hɔ́n mɛ̀n.

Kɔlɔsèn anmàn-bɔ̀ 1:18

Ɔwɔ-fɛcüè-bɔ̀ léyi ndù hán edùwrú hɔ́ nɔn, nɛ̀n dú y'ɛnkru; n'ɛmɛ̀n de ɛwúvà wrù kɛ bukru nɔn, nɛ̀n dú ɛnvrapkà-bî-ẅì, ɛnvrapkà-wrɔn léyi vru vá ɔkɔrɛ-bɔ̀ mɛ̀n, ô eci lɔ fɛn mɛ̀n lɔ nɛ̀n ẅɛn ɛnvrapkà yɛ́yri.

Kɔlɔsèn anmàn-bɔ̀ 2:10

kɩ n'ɛmɛ̀n de nyɛ́n cɔ́ eci lɔ fɛn kokroho nɔn, nɛ́n léyi nɛ́n kà shɛ́n ɛkɔrɛ̀-levri lɔ fɛn mán ɛnhɛ́n kɔrɛ̀-srɔn lɔ fɛn wú nɔn.

Kɔlɔsèn anmàn-bɔ̀ 2:19

yɔ sɩ́ cɔ́ Krisì mɛhi yɔ yɛ́a, nɛ́n léyi nɛ̀n dú ɛnkru nɔn. Kɩ ndɔ lɔ mán Krisì kɔrɛ̀levriemɛ̀n de antà-dùwrú mumù lɔ fɛn kɛ cɔ́ ɛci-zî, kɩ ke dú ɔbɔ̀sɔ mɛ̀n nɛ́n mán esruyri hɔ̀n léyi dú anẅia mɛ̀n nɔn, kɩ nɛ sɔ́ kɛ hán ɔmu le Ɔwɔ ke ji nɔn.

Kɔlɔsèn anmàn-bɔ̀ 3:18

Wúyɔ̀ nyɛ́n sɩ́ ny'edomɛ̀n ɛnhi nyɛ́n tán nyɛ́n cüì hɔ̀n, hán ɔmu le ke ji le nyɛ́n hán Ɛẅɛnwrɔn zìwú nɔn.

1 Piɛrɛ̀n 3:1

Wúyɔ nyɛ́n mán ɔmu zri lɔ, nyɛ́n sɩ́ ny'edomɛ̀n ɛnhi nyɛ́n tán nyɛ́n cüi hɔ̀n, ô ke dú kɛ ɛnjanbɔ̀ y'ɛmɛ̀n lɔ, ke sɩ́ bú Ɔwɔ ankà kɛ tán ankàẅì hô, ny'esùnàn anvrɛnvrɛn kɛ̀ hán tán yɔ cɔ́ ankaẅìbùtan. Ankà-dɔ̀ mán, ke sɩ̀ dú eci zriɛmɛ́n y'ɛwú: