1 Korɛntɛ̀n anmàn-bɔ̀ 1:9 - Ɛmɛẅi ankà ankrànkràn 2003

⁹ Ɔwɔ dùku bi nyɛ̀n nɛ́n ẅì Zhezü Krisì bɔ́ Ɛẅɛnwrɔn wúvà bɔ̀sɔ̀ lɔ mɛ̀n: ne di ɔmùan-zri n'ɔmùan-wá lɔ mɛ̀n.

1 Korɛntɛ̀n anmàn-bɔ̀ 1:9 Iomraidhean Croise

Matie 24:35

Anhobɩ́ mán ɛnhibù kɛ lɛ vàcì, tɛ́n m'ɔmùan ankà-dɔ̀ ke sɩ̀ vàcí mrìmrì.”

Zhan 17:21

Mɛ sɛ̀n, ô yɔ lɔ fɛn yɔ dú nzri. Dade, yɔ cɔ́ bɔ̀ mɛhi bɔ̀ bɔ̀sɔ̀, kɛ hán ɔmu le è dú mɛ̀n ɛmɛ̀n, kɩ mɛ̀n mán mɛ̀n dú mɛ́n ɛmɛ̀n nɔn hɔ́. Yɔ dú eci zri, ô ɛnhibù kè bùtan le vɛ́n de ɛ̀ wá mɛ̀n ɔkɔhɔ̀n nɔn.

Rɔmɛ̀n-anmàn-bɔ̀ 11:17

Izraɛlɛ̀n dú cá ɛẅì-shi-tɛ̀ tɔ̀n léyi ye bi olivie, hɩ Ɔwɔ voyan n'andá hɔ̀n lɔ jan nɔn; kɩ andá hɔ̀n yri lɔ, nɛ̀n bɩ́ mɛ́n nɛ̀n hɛ́n, vɛ́n léyi è sɩ̀ dù Zhüifɛ̀n-wrɔn, hán ovú-tɛ̀-dá léyi yɛ kora bá ɛtɛ̀ nyantɛn domɛ̀n nɔn: vɛ́n mán zɛtɛ̀ lɔ, ɛ cɔ́ ɛtɛ̀ nyràn shi lɔ ke ci mɛ́n anẅia mɛ̀n.

Rɔmɛ̀n-anmàn-bɔ̀ 8:28

Bɔ́ nyri ɔmu le ɛci hɔ̀n lɔ fɛn dú anvrɛn tán anwrɔn hɔ̀n léyi Ɔwɔ kɛ cüɛ̀n nɔn, mán anwrɔn hɔ̀n léyi nɛ̀n bi kè dú n'ankɔnda kɔ̀hɔ̀n lɔ mɛ̀n nɔn.

Rɔmɛ̀n-anmàn-bɔ̀ 8:30

Anwrɔn hɔ̀n léyi y'ɛkruhú Ɔwɔ gɔ́ wá ɔmùan ndɔ lɔ nɔn, yɔ mán nɛ̀n bi yɔ; anwrɔn hɔ̀n léyi nɛ̀n bi nɔn, yɔ mán nɛ̀n srɔ yɔ ɛnyrɔnnan-bɔ̀ n'ezìwú, anwrɔn hɔ̀n léyi nɛ̀n srɔ ɛnyrɔnnan-bɔ̀ nɔn, yɔ mán nɛ̀n tán yɔ, yɔ dú n'eci-zrɔ lɔ mɛ̀n.

Rɔmɛ̀n-anmàn-bɔ̀ 9:24

Bɔ́ dú ɛmɛ̀n, bɔ́ léyi nɛ̀n bi bɔ̀, kè sɩ̀ dù Zhüifɛ̀n-bɔ̀ mɛ̀n zri kɩ, tɛ́n fɛcüè nyantɛn bɔ̀ mɛ̀n mán.

1 Korɛntɛ̀n anmàn-bɔ̀ 1:30

Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́.

1 Korɛntɛ̀n anmàn-bɔ̀ 10:13

Ɔwɔ̀ɛn-nyan hɔ̀n léyi nyɛ́n nyrì nɔn, dú yɔ hɔ̀n léyi anwrɔnẅì kɛ kán ɛnbì lɔ fɛn nɔn. Ɔwɔ dú ɔmùan-zri-di-wrɔn n'ɔmùan-wá hɔ̀n lɔ mɛ̀n, kɩ nɛ́n sɩ̀ tán ɛkɔrɛ̀levri, ô ɔwɔ̀ɛn-nyan cüì kɛ̀ ká nyɛ̀n; tɛ́n, ɛnvra léyi ɔwɔ̀ɛn-nyan kɛ lɛ và nɔn, nɛ lɛ tán nyɛ̀n ecüì, ô nyɛ́n kɛ́n nɛ̀n hɛ́n, kɩ ɔmu lɔ, nyɛ́n cɔ́ ɛyri nyɛ́n dú nɛ̀n ɛmɛ̀n nyɛ́n srɔ ɛntrɛ.

1 Korɛntɛ̀n anmàn-bɔ̀ 10:16

Ɛci-zî prɔnprɔn grashɛ̀n léyi n'ɛkruhú bɔ́ tán Ɔwɔ ɔkùɛn nɔn, nyɛ́n tro n'ankà: ɛnvra léyi bɔ́ mi nɛ̀n nɔn, nɛ́n sɩ́ bɔsɔ bɔ̀, bɔ́ mán Krisì krɛ̀ mɛhi hɛ? Kɩ abùtùkumɛ́n léyi bɔ́ vɔ̀n: ɛnvra léyi bɔ́ rá nɛ̀n nɔn, nɛ́n sɩ́ bɔsɔ bɔ̀, bɔ́ mán Krisì dùwrú lɔ mɛhi hɛ?

2 Korɛntɛ̀n anmàn-bɔ̀ 1:18

Ɔwɔ dú mɛ́n dalɛfuɛ-di-wrɔn, Ankà léyi mɛ̀n dɔ́ nyɛ̀n nɔn, Kè sɩ̀ dù “Hɛ̀ɛ̀” mán “Hɔ̂” ɛnvra zri lɔ mɛ̀n.

Galasi anmàn-bɔ̀ 1:15

Tɛ́n Ɔwɔ, n'ɛnboafɔ̀n lɔ mɛ̀n, mrɛ́n mɛ̀n nbɩ̀ yakɛ ye bî mɛ̀n, kɩ nɛ̀n bi mɛ̀n n'eci-bɩ̀tan-kɔ̀hɔn mɛ̀n. Kɩ ɛnvra léyi nɛ̀n wá, nɛ̀n yé mɛ̀n n'ɛnẅì, ô mɛ̀n hán tán ye nyri nɛ̀n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn mɛ̀n, mɛ̀n sɩ̀ hɔ̀n mɛ̀n yrɛ ɔwrɔn zriɛmɛ́n ankà

Galasi anmàn-bɔ̀ 2:20

hán tán kɩ kè sɩ̀ vru dù mɛ̀n de mɛ̀n dù ɛwúvà mɛ̀n, tɛ́n Krisì de dú mɛ̀n ɛmɛ̀n nɔn. Ɔmuhi m'ɔwrɔnẅì wúvà léyi mɛ̀n dú ɛmɛ̀n zɛtɛ̀ lɔ nɔn, mɛ̀n dú nɛ̀n ɛmɛ̀n, Ɔwɔ Ẅì léyi cüɛn mɛ̀n kɩ tán mɛ̀n n'ɛwúvà nɔn, n'ankaẅì-bùtan-ẅɛn mɛ̀n.

Efɛzɛ̀n anmàn-bɔ̀ 3:6

Nyàn ankà-bán-ankà ndɔ lɔ: Ɛmɛẅi ankà Ankrankran lɔ n'ɛmɛ̀n de, anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, kɛ cɔ́, yɔ mán Zhüifɛ̀n-bɔ̀ mɛhi anvrɛn hɔ̀n léyi Ɔwɔ kɛ tán nɛ́n fɛcüè, yɔ dú edùwrú-ẅia zri mɛ̀n mɛ̀n-bɔ̀, kɩ yɔ mán yɔ cɔ́ ɔmùan-wá-ci léyi Ɔwɔ kɛ tán Zhezü Krisì bɩ́mɛ̀n nɔn.

Kɔlɔsèn anmàn-bɔ̀ 1:24

Zɛtɛ̀ lɔ, ɛgbànkàn hɔ̀n léyi mɛ cɔ́ ny'ɛkruhú nɔn, hɩ pɔpüɛ̀ kɛ brá mɛ̀n. Ɔmuhi, mɛ tán m'edùwrú-ẅia lɔ, ɛgbànkàn léyi dú Krisi dùwrú-ẅia lɔ mɛ̀n, ɛgbànkàn léyi kɛ vá dú n'Ɔwɔ-fɛcüè lɔ mɛ̀n nɔn.

1 Tesalonikɛ̀n anmàn-bɔ̀ 2:12

Bɔ̀ yɩ́ nyɛ̀n edù kɩ bɔ́ bi ɛnbɔrɛ bɔ̀ wá nyɛ̀n, bɔ̀ wá tán nyɛ̀n ɛshishiemɛ̀n le ny'esùnàn kɛ̀ cüɛn Ɔwɔ ɛvɛ̀, nɛ́n léyi ne bi nyɛ̀n ô nyɛ́n bru n'Ɛnnɛ̀ncüì-dúyri mán n'ecizrɔ lɔ mɛ̀n nɔn.

2 Tesalonikɛ̀n anmàn-bɔ̀ 2:14

Ɛmɛẅi ankà Ankrànkràn léyi bɔ̀ dɔ́ nyɛ̀n yi ankà nɔn, hɩ wú de Ɔwɔ bi nyɛ̀n nɔn; nɛ̀n ji le nyɛ́n mán nyɛ́n dú bɔ́ Ɛẅɛnwrɔn Zhezü Krisì ci-zrɔ lɔ mɛ̀n.

2 Tesalonikɛ̀n anmàn-bɔ̀ 3:3

Tɛ́n Ɛẅɛnwrɔn dú ɔmùan-zri-di-wrɔn. Nɛ lɛ tán nyɛ̀n edùsɔ kɩ nɛ lɛ mrɛ́n nyɛ̀n Ɔwrɔn gbàngbàn tamɛ̀n nɛ̀n sɔhɔ́.

Anhyrɛmɛ̀n timote 1:9

Nɛ́n de nɛ̀n bɩ́ bɔ̀ nɛ̀n die kɩ nɛ̀n bi bɔ̀ bo dú nɛ́n fɛcüè, kɩ kè sɩ̀ dù bɔ́ eci anvrɛnvrɛn hán mɛ̀n, tɛ́n nɛ́n dùku n'ankɔ́nda ci-hán mán nɛ́n nboafɔ̀n kruhú. Nɛ̀n tán bɔ̀ nboafɔ̀n ndɔ lɔ Zhezü Krisì bɩmɛ̀n, yakɛ cɔ́ ɛnvra hɔ̀n lɔ fɛn y'ɛnkrubɔmɛ̀n,

Anhyrɛmɛ̀n timote 2:13

ke dú kɛ bɔ́ sɩ́ di ɔmùan-zri, nɛ tɛn ne di ɔmùan-zri, ɔmuhi nɛ́n sɩ̀ ẅɛn ɛyɔ̀n nɛ̀n tán n'edòmɛ̀n rɔ́ nɔn.”

Titɛ̀n 1:2

ô yɔ cɔ́ ɛwúvà léyi ke sɩ́ trɔa nɔn n'esɛ́. Ɔwɔ léyi ke sɩ́ ẅɛn ɛyɔ̀n nɔn, wá bɔ̀ ɛwúvà ndɔ lɔ n'ɔmùan, yakɛ ɛnhibù bukru;

Ebre-bɔ̀ 10:23

Bɔ̀ ẅɛn esɛ́ léyi bɔ́ gbú n'ɔmùan nɔn ɛshishiemɛ̀n bɔ̀ hɛ́n, ɔmuhi Ɔwɔ ke di ɔmùan-zri n'ɔmùan-wá hɔ̀n lɔ mɛ̀n nɔn.

Ebre-bɔ̀ 11:11

Ankaẅìbùtan kɔrɛ̀levriemɛ̀n de Abrahamɛ̀n srɔ ɛnẅì nɛ́n zì, ɔmuhi n'ɛnẅì bî nanwàn vacì kɩ nɛ́n hi Sara mán dú ɛmɛ̀n-kpo-hi nɔn. Abrahamɛ̀n ẅɛn esɛ́ le Ɔwɔ ke di ɔmùan zri n'ɔmùan-wá lɔ mɛ̀n.

Ebre-bɔ̀ 2:17

Hɩ le kruhú de ke ji le nɛ̀n dù nɛ̀n cá nɛ́n muan-ẅì hɔ̀n eci lɔ fɛn mɛ̀n, ô nɛ̀n dú y'ecice-wrɔn cüìcüì léyi ɛcüɛ̀n yɩ́ ɛmɛ̀n, ke di ɔmùan zri Ɔwɔ ci-bɩ̀tan kɔ̀hɔ́n mɛ̀n, ô fɛcüè kɛ̀ cɔ́ ɛgbàn-bɩce.

Ebre-bɔ̀ 3:1

Nmàn-ẅì hɔ̀n, nyɛ́n dú Ɔwɔ tɛn, nɛ́n léyi nɛ̀n bi nyɛ̀n nɔn. Zɛtɛn, nyɛ́n bɩ́ Zhezü kɛ̀ hán Ɔwɔ kɔ̀hɔ̀n-wá-wrɔn mán ankaẅìbùtan-cice-wrɔn cüìcüì léyi bɔ́ sɔ́n lele bɔ́ tán nɔn.

Ebre-bɔ̀ 3:14

Annanwɔrɛ mɛ̀n lɔ, bɔ̀ dú Krisì sɛnkɛn-bɔ̀, ke dú kɛ bɔ́ ẅɛn nɛ̀n eshishiemɛ̀n hàn mán kɛ cɔ́ ɔtrɔ vra, esɛ́ léyi bɔ̀ ẅɛn ɛnkrubɔmɛ̀n nɔn.

Ebre-bɔ̀ 6:18

Zɛtɛn eci-hán dɛ̀n anhyrɛ̀ de ndù hɩ ke sɩ́ crɛa, kɩ y'ɛmɛ̀n lɔ Ɔwɔ ke sɩ̀ ẅɛn ɛyɔ̀n rɔ́. Ɔmu lɔ, bɔ́ léyi bɔ̀ cɔ́ ɛbán-yri n'ɛmɛ̀n nɔn, bɔ̀ bɩ́ edùyì vri bɔ̀ ẅɛn ɛshishiemɛ̀n esɛ́ léyi yɛ wá yɛ hɛ́n bɔ̀a nɔn.

1 Piɛrɛ̀n 5:10

Nye le vru nyɛ́n kán ɛgbàn ɛnvra cá mɛ̀n. Tɛ́n Ɔwɔ léyi dú nboafɔ̀n lɔ fɛn shi-bɛ́ nɔn, bi nyɛ̀n ô nyɛ́n dú n'eci-zrɔ léyi kè sɩ̀ ẅɛ̀n ɛnkrutrɔ nɔn mɛ̀n, Zhezü Krisì mɛhi y'ɔbɔsɔ̀ lɔ mɛ̀n; nɛ́n dùku nɛ lɛ sàn hán nyɛ̀n, nɛ́n dùku nɛ lɛ hán nyɛ̀n nyɛ́n sàn zrɔ, nɛ lɛ tán nyɛ̀n ecüì kɩ nɛ lɛ hɛ́n nyɛ̀n edù kɛ̀ sɔ́ nyɛ̀n kɛ̀ hán Ɔwɔn hi-nan-bù hɔ́.

1 Zhan 1:3

Eci léyi bɔ́ kàn, mán ankà léyi bɔ̀ yá nɔn, nyɛ́n mán bɔ́ dɔ́ tán nyɛ̀n; ɔmu lɔ de nyɛ lɛ cɔ́ bɔ̀ bò dú ɔbɔ̀sɔ̀ léyi bɔ̀ ẅɛn Ɔwɔ Zi mán n'Ɛnẅì Zhezü-Krisì mɛ̀n nɔn.

1 Zhan 1:7

Tɛ́n ke dú kɛ bɔ̀ dú ɛwúvà-yrikàn mɛ̀n, hán Ɔwɔ mumù léyi dú ɛyrikàn mɛ̀n nɔn, zɛtɛn ɔmu lɔ bó dú ɔbɔ̀sɔ mɛ̀n bɔ́ mán bɔ́ nyran hɔ̀n mɛhi, kɩ n'Ɛnẅì Zhezü krɛ̀ lɔ, ke jru bɔ̀ ɛgbàn lɔ fɛn edomɛ̀n.

1 Zhan 4:13

Nyàn ɔmu le bɔ́ hán bɔ́ nyrì le, bɔ́ dú Ɔwɔ mɛ̀n kɩ nɛ́n mán nɛ̀n dú bɔ̀ ɛmɛ̀n nɔn: nɛ̀n tán bɔ̀ n'ɛnhɛ́n.

Ɔwɔ-mɛ̀n-yrikàn 19:11

Zɛtɛn mɛ̀n kán anhobɩ́ gbɛ́ ɔmùan, kɩ kpàngɔ wosu tɔ̀n srɔ. Ɔwrɔn léyi yɛ́ nɛ̀n ɛwú nɔn, ye bi nɛ̀n Ɔmùanzri-dì mán Annanwɔrɛ; ne ci ɛmrɛ̀n kɩ nɛ kɔ́n anhà ɛnyrɔnnan mɛ̀n.