1 Korɛntɛ̀n anmàn-bɔ̀ 1:8 - Ɛmɛẅi ankà ankrànkràn 2003

⁸ Nɛ́n de nɛ lɛ ẅɛn nyɛ̀n ɛshishiemɛ̀n hàn kɩ kɛ lɛ cɔ́ ɛnkrutrɔ, ô ye bɩ́ cɔ́ eci-gbàngbàn zriɛmɛ́n ny'ɛwú hàn kɩ kɛ̀ krɔn n'ɛvá vra.

1 Korɛntɛ̀n anmàn-bɔ̀ 1:8 Iomraidhean Croise

Lükɛ̀n 17:24

Hán ɔmu le ɛwú kɛ kpɛ́n ɛnhyà, hɩ ɛnhi mumù lɔ fɛn kɛ gbrɛ́n, ke dú ɛyri-kán mɛ̀n, ɔmu lɔ de ke le dú ɔwrɔnẅì Ẅì bì zri bì lɔ nɔn.

Lükɛ̀n 17:30

Eci zri lɔ de kɛ lɛ wɔɛn ɛnbì léyi ɔwrɔnẅì Ẅì kɛ lɛ srɔ nɔn.

Rɔmɛ̀n-anmàn-bɔ̀ 14:4

Antɔnwrɔn dú mɛ́n kɛ̂, e ci ɔwrɔn nyantɛn ci-bɩ̀tan-wrɔn ɛmrɛ̀n hàn? Ke dú kɛ ɔkɔ̀hɔ̀n anvrɛnvrɛn nɛ hán mán, kɩ ke dú kɛ ɔkɔ̀hɔ̀n gbàngbàn nɛ hán mán, ndɔ lɔ kɛ crɛ nyan n'ankà-yé-wrɔn. Kɩ nɛ lɛ nyɔn ɛshishiemɛ̀n, ɔmuhi Ɛẅɛnwrɔn ẅɛn ɛkɔrɛ̀srɔn kɛ lɛ wá nɛ̀n ɛkɔrɛ̀ nɔn.

Rɔmɛ̀n-anmàn-bɔ̀ 16:25

Bɔ̀ mrɛ́n Ɔwɔ! Nɛ̀n ẅɛn ɛkɔrɛ̀srɔn nɛ lɛ tán bɔ̀ ecüì ankaẅì-bùtan mɛ̀n, Ɛmɛẅi ankà Ankrankran léyi mɛ dɔ̀ nɔn n'ɛwú, ɛkùyüre léyi mɛ tán Zhezü Krisì ankà wú nɔn, mán Ɔwɔ ankɔ́nda ci-hán ankà-bán-ankà léyi bɔ́ cɔ̀ bɔ́ nyrì nɔn n'ɛwú. Ankɔ́nda ci-hán ndɔ lɔ dú ɛbán mɛ̀n ɛnvra sheshe ɛnbiehɛ́n vra lɔ,

Rɔmɛ̀n-anmàn-bɔ̀ 8:19

Ɔwɔ kɔrɛ̀-ci mumù lɔ fɛn kɛ vrá edù cüìcüìemɛ̀n nbì léyi Ɔwɔ kɛ lɛ hán n'ɛẅì hɔ̀n kɛ kán n'eci-zrɔ lɔ nɔn.

1 Korɛntɛ̀n anmàn-bɔ̀ 3:13

Tɛ́n ɔwrɔnwrɔn kɔ̀hɔ̀n léyi hán nɔn de ke le yé n'edomɛ̀n kpetehe ɛmrɛ̀nci-bì lɔ nɔn. Annanwɔrɛ mɛ̀n lɔ, ɛnbì ndɔ lɔ ke le yé n'edomɛ̀n ɛnhyà mɛ̀n, kɩ ɛnhyà kɛ lɛ nyan ɔwrɔnwrɔn kɔ̀hɔ̀n, ô kè yé eci léyi dú nɛ̀n nɔn.

1 Korɛntɛ̀n anmàn-bɔ̀ 5:5

zɛtɛn, ke ji le nyɛ́n bɩ́ ɔwrɔn ndɔ lɔ nyɛ́n tán anwa-wrɔn, ô n'ɛgbàn dùwrú lɔ kɛ̀ jrɛ́, tɛ́n ke ji le n'ɛnhɛ́n kɛ̀ cɔ́ ebɩ̀die Ɛẅɛnwrɔn bì lɔ.

2 Korɛntɛ̀n anmàn-bɔ̀ 1:13

Annanwɔrɛ mɛ̀n lɔ, ɛwrú hɔ̀n léyi bɔ́ merɛ́n nyɛ̀n nɔn n'ɛmɛ̀n lɔ, ankà nyàntɛn zriɛmɛ́n bàdà ke dú kɛ kè sɩ̀ dù hɩ le nyɛ krɛ̀ hɩ nyɛ yá nɔn. Kɩ mɛ ẅɛn esɛ́ le nyɛ lɛ cɔ̀ nyɛ́n nyri anvrɛnvrɛn mɛ̀n ndɔ léyi

2 Korɛntɛ̀n anmàn-bɔ̀ 1:14

nyɛ yá zɛtɛ̀ lɔ ɛcá mán ɛcá mɛ̀n: bɔ́ Ɛẅɛnwrɔn Zhezü vá bì lɔ, ɛkɔrɛ̀-levri dù nye le gbú ɔmùan bɔ́ ɛwú kɩ bɔ́ mán bɔ́ le gbú ɔmùan ny'ɛwú.

2 Korɛntɛ̀n anmàn-bɔ̀ 1:21

Kɩ Ɔwɔ dùku de kɛ tán bɔ̀ ecüì bɔ́ mán nyɛ́n mɛhi Krisì wúvà lɔ mɛ̀n. Ɔwɔ dùku mrɛ́n bɔ̀ nbɩ̀,

Efɛzɛ̀n anmàn-bɔ̀ 5:27

nɛ̀n ji nɛ̀n bɩ́, nɛ́n dúku n'edòmɛ̀n fì lɔ nɛ̀n yé Ɔwɔ-fɛcüè, efi léyi ɛnbrá-ci mán eci-fɔ́n-ci zriɛmɛ́n bàda nɛ́n nmù sá lɔ mɛ̀n.

Filipɛ̀n anmàn-bɔ̀ 1:10

ô nyɛ́n cɔ́ ɛyri nyɛ́n nyri eci léyi zrɔ nɔn. Ɔmu lɔ de nye le dú ɛfifiemɛ̀n mán ɛyrɔnnan mɛ̀n ɛnbì léyi Krisì kɛ lɛ và nɔn.

Filipɛ̀n anmàn-bɔ̀ 1:6

Mɛ̀n ẅɛn esɛ́ ndɔ lɔ le: Ɔwɔ léyi bú ɔkɔ̀hɔ̀n ankrànkràn ndɔ lɔ ɛnkru ny'ɛmɛ̀n nɔn, kɛ lɛ hán nɛ̀n, nɛ̀n trɔ ɛnkru ɛnvra léyi Zhezü vá bì lɔ kɛ lɛ cɔ̀ nɔn.

Kɔlɔsèn anmàn-bɔ̀ 1:22

Tɛ́n zɛtɛ̀ lɔ, owù léyi n'Ɛnẅì cɔ́ n'edùwrú-ẅia mɛ̀n nɔn, hɩ mɛ̀n de Ɔwɔ wɔ́ nyɛ́n mán nɛ́n mɛhi angranmɛ̀n, ô nɛ̀n hán nyɛ̀n, nyɛ́n srɔ n'ezìwú prɔnprɔn mɛ̀n, ɛfifiemɛ̀n, ye bɩ́ cɔ́ ankà-gbàn zriɛmɛ́n ny'ɛwú.

Kɔlɔsèn anmàn-bɔ̀ 2:7

Nyɛ́n di annyràn n'ɛmɛ̀n, ô nyɛ́n bɩ́ ny'ɛwúvà lɔ fɛn nyɛ́n wá nɛ̀n ɛmɛ̀n. Nyɛ́n nyɔn ɛnvra lɔ fɛn ɛshishiemɛ̀n ankaẅì-bùtan wú, kè ci ankà-yé léyi nyɛ́n cɔ̀ nɔn hɩ wú, ô enyri-kùɛn-tán kè dú nyɛ̀n ɛmɛ̀n.

1 Tesalonikɛ̀n anmàn-bɔ̀ 3:13

Nɛ̀n tán ny'ɛnbɔrɛ hɔ̀n lɔ ecüì, ô nyɛ́n srɔ prɔnprɔn, ô Ɔwɔ bɔ́ Zi zìwú lɔ, bɔ̀ fì, ɛnvra léyi bɔ́ Ɛẅɛnwrɔn Zhezü kɛ lɛ và, nɛ́n mán anwrɔnẅì lɔ fɛn léyi dú nɛ tɛn nɔn. Kè dú ɔmu lɔ.

1 Tesalonikɛ̀n anmàn-bɔ̀ 5:2

Ɔmuhi nyɛ́n dùku nyɛ́n nyri anvrɛnvrɛn le, Ɛẅɛnwrɔn vá bì lɔ kɛ lɛ ẅɛn nmù kɛ lɛ hán ɛci-yerɛ-wrɔn léyi kɛ vá ɛnnyran nɔn.

2 Tesalonikɛ̀n anmàn-bɔ̀ 2:2

nyɛ́n bɩ́ teze ny'edomɛ̀n owule mɛ̀n, yɛ wá ny'ɛnhɛ́n lɔ gbɔ̀gbɔ̀ edù, yɛ wá nyɛ̀n ɛnjansù, ke dú kɛ ɔwrɔn kɛ dɔ̀ le Ɛẅɛnwrɔn bì lɔ ncɔ̀a. Nyɛ́n bɩ́ bú n'ankà lɔ nyɛ́n tán ankaẅì, ke dú kɛ nɛ dɔ̀ le Ɔwɔ-mùanwú-ankà-dɔ̀, kɩ nɛ dɔ̀ le owrú merɛ́n ankà-dɔ̀ de, yɛ tán nyɛ̀n nɔn.

2 Tesalonikɛ̀n anmàn-bɔ̀ 3:3

Tɛ́n Ɛẅɛnwrɔn dú ɔmùan-zri-di-wrɔn. Nɛ lɛ tán nyɛ̀n edùsɔ kɩ nɛ lɛ mrɛ́n nyɛ̀n Ɔwrɔn gbàngbàn tamɛ̀n nɛ̀n sɔhɔ́.

Anhyrɛmɛ̀n timote 1:12

kɩ ndɔ lɔ kruhú de mɛ kán ɛgbàn ndɔ hɔ̀n lɔ nɔn. Tɛ́n ɛnjansù ke sɩ́ ẅɛn mɛ̀n, ɔmuhi mɛ̀n nyri ɔwrɔn léyi mɛ̀n ẅɛn esɛ́ n'ɛwú kɩ mɛ̀n nyri ɔmu le nɛ̀n ẅɛn ɛkɔrɛ̀srɔn nɛ lɛ hɛ́n eci léyi nɛ̀n wá mɛ̀n antamɛ̀n, hàn kɩ kɛ lɛ cɔ́ ɛmrɛ̀nci bì lɔ nɔn.

Anhyrɛmɛ̀n timote 1:18

Ɛẅɛnwrɔn kɛ̀ hán tán nɛ̀n cɔ́ Ɔwɔ yɔ̀bɔ̀-nyrì lɔ ɛmrɛ̀nci bì lɔ. È nyri anwrɛnvrɛn mɛ̀n anvrɛn hɔ̀n lɔ fɛn léyi nɛ̀n hán mɛ̀n Efɛzɛ̀n anmàn nɔn.

1 Piɛrɛ̀n 5:10

Nye le vru nyɛ́n kán ɛgbàn ɛnvra cá mɛ̀n. Tɛ́n Ɔwɔ léyi dú nboafɔ̀n lɔ fɛn shi-bɛ́ nɔn, bi nyɛ̀n ô nyɛ́n dú n'eci-zrɔ léyi kè sɩ̀ ẅɛ̀n ɛnkrutrɔ nɔn mɛ̀n, Zhezü Krisì mɛhi y'ɔbɔsɔ̀ lɔ mɛ̀n; nɛ́n dùku nɛ lɛ sàn hán nyɛ̀n, nɛ́n dùku nɛ lɛ hán nyɛ̀n nyɛ́n sàn zrɔ, nɛ lɛ tán nyɛ̀n ecüì kɩ nɛ lɛ hɛ́n nyɛ̀n edù kɛ̀ sɔ́ nyɛ̀n kɛ̀ hán Ɔwɔn hi-nan-bù hɔ́.

2 Piɛrɛ̀n 3:10

Tɛ́n Ɛẅɛnwrɔn bì lɔ kɛ lɛ và kɛ lɛ hán ɛci-yerɛ-wrɔn hɔ́. Hɩ vra lɔ anhobɩ́ kɛ lɛ vàcí ɛjɔ̀kɔ mɛ̀n mán ɛnjansù vriemɛ̀n, ɛnhyà kɛ lɛ jrɛ́ anhobɩ́ dùwru hɔ̀n lɔ, ɛnhi mán n'ɛci hɔ̀n lɔ fɛn léyi dú nɛ̀n ɛmɛ̀n nɔn, ke sɩ̀ vru dùɛ.

2 Piɛrɛ̀n 3:14

Hɩ le kruhú de, m'annyran anvrɛn hɔ̀n, ɛnbɩ̀ ndɔ lɔ n'ɛnvra lɔ, nyɛ́n hán kèkrèmɛ̀n, ô nyɛ́n dú efifiemɛ̀n, ye bɩ́ cɔ́ eci-gbàngbàn zriɛmɛ́n ny'ɛwú Ɔwɔ zìwú, ô nyɛ́n mán nɛ́n mɛhi nyɛ́n dú anwɔwɔ mɛ̀n.