1 Korɛntɛ̀n anmàn-bɔ̀ 1:5 - Ɛmɛẅi ankà ankrànkràn 2003

⁵ Annanwɔrɛ mɛ̀n lɔ, nyɛ́n mán Krisì mɛhi ny'ɔbɔ̀sɔ̀ lɔ mɛ̀n nyɛ́n di ɛnnɛ̀ncüì, anvrɛn lɔ fɛn mɛ̀n, annànnàn le ankà-dɔ̀ mán eci-nyrì lɔ fɛn.

1 Korɛntɛ̀n anmàn-bɔ̀ 1:5 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 2:4

Yɔ lɔ fɛn yɔ cɔ́ Ɛnhɛ́n Prɔnprɔn kɩ yɔ bukru yɔ dɔ́ ankà ɛnbrɛ̀ nyàntɛn mɛ̀n, hán hɩ le Ɛnhɛ́n Prɔnprɔn wá tán yɔ, yɔ dɔ̀ nɔn.

Rɔmɛ̀n-anmàn-bɔ̀ 11:12

Tɛ́n, ke dú kɛ Zhüifɛ̀n-bɔ̀ gbàn lɔ tán ɛnhibù ɛnhɛ́n mɛ̀n nɛ̀ncüì-dì, ke dú kɛ y'edomɛ̀n ɛnhi-sɩ́ tán fɛcüè nyantɛn hɔ̀n ɛnnɛ̀ncüì-dì, andɛ̀n ɛ̀bɛ de y'anvrɛn-hán ke le sevri kè dú y'ɛkɔrɛ̀-wá ɛnkru-kɔrɛ̀-kɔhɔ̀n-hán mɛ̀n!

Rɔmɛ̀n-anmàn-bɔ̀ 15:14

Nmàn-ẅì hɔ̀n, mɛ́n dùku mɛ́n nyrì le, eci-hán ankrankran yɩ́ nyɛ̀n edomɛ̀n, nyɛ́n cɔ̀ nyɛ́n yá eci léyi ke ji le nyɛ́n nyrì, kɩ nyɛ́n krɔn kpehɛ́n nyɛ́n woro ankà nyɛ́n yé ny'edomɛ̀n.

Rɔmɛ̀n-anmàn-bɔ̀ 15:4

Eci lɔ fɛn léyi bɔ́ cɔ́ Ɛwrú hɔ̀n lɔ mɛ̀n nɔn, ye merɛ́n yɔ, ɛnvra sheshe mɛ̀n, ô kè yé bɔ̀ ankà, ô ɛnbɔrɛ-ẅɛ̀n-hɛ́n, mán ɛnbɔrɛ-bi-wá léyi yɔ vá sɩ́ bɔ̀ nɔn, n'ɛwú lɔ bɔ̀ cɔ́ esɛ́.

1 Korɛntɛ̀n anmàn-bɔ̀ 12:10

Ɛnhɛ́n Prɔnprɔn kɛ tán ɔwrɔn tɔ̀n ɛkɔrɛ̀srɔn kɛ̀ hán anvɛmɛ̀n-frɛ́n-ci, ɔwrɔn nyàntɛn tɔ̀n nɛ srɔ́ Ɔwɔ-mùanwú-ankà-dɔ́-wrɔn, ne vru nɛ tán ɔwrɔn nyàntɛn tɔ̀n ɛyri-kàn léyi kɛ hán ye nyri anhɛ́n gbangbàn mán ankrankran mɛhi. Ɔwrɔn tɔ̀n nɛ tán ɛkɔrɛ̀levri kɛ dɔ́ ankà ɛnbrɛ̀ nyàntɛn bobrebe mɛ̀n kɩ ɛnyàntɛn tɔ̀n nɛ tán ɛnkruemɛ̀n-ẅɛ̀n kɛ̀ yá ɛnbrɛ̀ nyàntɛn hɔ̀n lɔ y'ankà-dɔ̀.

1 Korɛntɛ̀n anmàn-bɔ̀ 12:8

Ɛnhɛ́n Prɔnprɔn kɛ tán ɔwrɔn tɔ̀n ankà-nyri ankà-dɔ̀, kɩ ɔwrɔn nyàntɛn tɔ̀n Ɛnhɛ́n Prɔnprɔn zri lɔ kɛ tán eci-nyrì ankà-dɔ̀.

1 Korɛntɛ̀n anmàn-bɔ̀ 13:2

Mɛ lɛ dɔ́ Ɔwɔ mɛẅi ankà léyi mɛ́n cɔ̀ nɔn, mɛ lɛ ẅɛn ankà-nyrì lɔ fɛn, ô mɛ̀n yá anvɛmɛ̀n-frɛ́n-ci hɔ̀n lɔ fɛn y'ɛmɛ̀n ankà, mɛ lɛ ẅɛn ankaẅì-bùtan kɛ lɛ hán tán mɛ̀n frɛ́ ɛnkpò hɔ̀n lɔ fɛn mɛ̀n hɛ́n ɛyri nyàntɛn, ke dú kɛ mɛ̀n sɩ̀ ẅɛ̀n ɛcüɛ̀n, mɛ̀n sɩ̀ dù eci zriɛmɛ́n.

1 Korɛntɛ̀n anmàn-bɔ̀ 13:8

Ɛcüɛ̀n kè sɩ̀ ẅɛ̀n ɔtrɔ. Ɔwɔ mɛẅi ankà-dɔ̀ kɛ lɛ trɔ ɛnbì tɔ̀n, ankà-dɔ̀ cice léyi Ɛnhɛ́n Prɔnprɔn kɛ tán bɔ̀ ɛnbrɛ̀ nyàntɛn vrá mɛ̀n nɔn mán kɛ lɛ trɔ, eci-nyrì kɛ lɛ zrɛ́n.

1 Korɛntɛ̀n anmàn-bɔ̀ 14:26

Onwrɔn-nɛ́n-muan-ẅì hɔ̀n, ankà tán de yɛ lɛ dɔ̀ nɛ́n? Ɛnvra léyi nyɛ sá ny'edomɛ̀n ɛkru, ô nyɛ́n dú Ɔwɔ-sɛ̀n-ci-hán mɛ̀n nɔn, ny'ɛmɛ̀n lɔ ɔtɔ̀n kɛ lɛ krɛ́ ɔcɔ̀ tɔ̀n, ɔwrɔn tɔ̀n ke le sɩ́ ankà-yé tɔ̀n, ɔwrɔn nyàntɛn tɔ̀n ankà-bán-ankà tɔ̀n, ɔwrɔn nyàntɛn tɔ̀n ɛmɛẅi ankà-dɔ̀ ɛnbrɛ̀ nyàntɛn hɔ̀n mɛ̀n kɩ ɔwrɔn nyàntɛn tɔ̀n, kɛ lɛ dɔ́ ɛmɛẅi ankà léyi yɛ dɔ́ ɛnbrɛ̀ nyàntɛn hɔ̀n mɛ̀n nɔn y'ɛwú ankà: ndɔ lɔ fɛn de ke ji le kɛ wá Ɔwɔ-fɛcüè ɛkɔrɛ̀ kɛ̀ nán esù kɛ̀ hɔ́n ezì nɔn.

1 Korɛntɛ̀n anmàn-bɔ̀ 8:11

Kɩ ɔmu lɔ, ɛjɛ́ wrɔn ndɔ lɔ, ɔwrɔn-nɛ́n-muan-ẅì ndɔ léyi, Krisì wú n'ɛkruhú, kɛ lɛ zrɛ́n “v'eci-nyrì” lɔ kruhú!

2 Korɛntɛ̀n anmàn-bɔ̀ 4:6

Ɛnbiɛhɛ́n vra lɔ, Ɔwɔ dɔ̀ le: “Ke ji le ɛyri-kàn kɛ̀ gbrɛ́n ɛyri yɔwɔ wanzi!” Ɔmu zri lɔ, nɛ́n de nɛ̀n vru nɛ̀n hán ɛyri-kàn kɛ̀ gbrɛ́n bɔ́ ɛnbɔrɛ hɔ̀n lɔ mɛ̀n, ô kɛ̀ tán bɔ̀ eci-nyrì yri-kàn léyi dú n'Ɔwɔ ci-zrɔ lɔ mɛ̀n kɛ gbrɛ́n Krisì zìwú nɔn.

2 Korɛntɛ̀n anmàn-bɔ̀ 6:10

Yɛ wá bɔ̀ gbɔ̀gbɔ̀ edù, ɔmu tɛ̀kɩ bɔ́ dú ɛnvra lɔ fɛn pɔpüɛ̀-brá mɛ̀n; bɔ̀ dú ɛmian-bɔ̀, tɛ́n bɔ́ wá anwrɔn bobrebe ɛnnɛ̀ncüì; bɔ́ yé bɔ́ edomɛ̀n kɛ hán anwrɔn hɔ̀n léyi kè sɩ̀ ẅɛ̀n eci zriɛmɛ́n nɔn, bɔ́ léyi annanwɔrɛ mɛ̀n lɔ, bɔ̀ ẅɛn eci lɔ fɛn nɔn.

2 Korɛntɛ̀n anmàn-bɔ̀ 8:7

Nyɛ́n di ɛnnɛ̀ncüì eci lɔ fɛn mɛ̀n: ankaẅì-bùtan, ankà-nyrì-dɔ̀, eci-nyrì, edùyì léyi ke sɩ̀ ẅɛ̀n ɛnkru mán ɛcüɛ̀n léyi bɔ̀ hán dú nyɛ̀n ɛmɛ̀n srɔ nɔn. Hɩ le kruhú de bɔ́ ji le nyɛ́n yé le nyɛ́n di ɛnnɛ̀ncüì ɛnbɔrɛ anvrɛnvrɛn kɔrɛ̀-wá-kɔ̀hɔ̀n ndɔ lɔ mɛ̀n.

2 Korɛntɛ̀n anmàn-bɔ̀ 9:11

Nɛ lɛ srɔ nyɛ̀n ɛnnɛ̀ncüì hɔ̀n anvrɛnvrɛn ɛnvra lɔ fɛn mɛ̀n, ô nyɛ́n cɔ́ ɛnvra lɔ fɛn ny'ɛkɔrɛ̀-wá ci-hán yri; ɔmu lɔ bobrebe kɛ lɛ tán Ɔwɔ ɔkùɛn ecice léyi bɔ́ lɛ hɔ̀n sɩ́ yɔ ny'ebɩmɛ̀n nɔn.

Efɛzɛ̀n anmàn-bɔ̀ 1:17

kɩ mɛ sán dɔ́ Ɛẅɛnwrɔn Zhezü Krisì Wɔ lɔ, bɔ́ Zi léyi ẅɛn eci-zrɔ nɔn, kɛ̀ tán nyɛ̀n ankà-nyrì Hɛ́n léyi ke le yé nyɛ̀n nɛ́n, ô kɛ̀ hán ye nyri nɛ̀n annanwɔrɛ mɛ̀n.

Efɛzɛ̀n anmàn-bɔ̀ 2:7

N'ɛzrɔ léyi nɛ̀n yé bɔ̀ Zhezü Krisì bɩmɛ̀n nɔn, hɩ mɛ̀n lɔ, ne ji nɛ̀n hán tán ɛnvra hɔ̀n léyi dú ezì kɛ và nɔn, kè nyri nɛ́n boafɔ̀n nɛ̀ncüì-dì vri lɔ.

Efɛzɛ̀n anmàn-bɔ̀ 3:8

Ankaẅì-bùtan-ẅɛn-bɔ̀ lɔ fɛn, mɛ̀n dú y'ɛcɛ; ɔmu tɛ̀kɩ, Ɔwɔ tán mɛ̀n anvrɛn ndɔ lɔ, ô mɛ̀n dɔ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, Krisì nɛ̀ncüì-dì léyi kè sɩ̀ ẅɛ̀n ɛnkrutrɔ nɔn yi ankà.

Efɛzɛ̀n anmàn-bɔ̀ 6:19

nyɛ́n sɛ̀n nyɛ́n tán mɛ̀n mán, ô Ɔwɔ kɛ̀ tán mɛ̀n ɛnnyrɔnnan ankà-dɔ̀, ô mɛ̀n cɔ́ ɛkɔrɛ̀-levri mɛ̀n dɔ́ annanwɔrɛ mɛ̀n Ɛmɛẅi ankà Ankrankran lɔ, n'ankà-bán-ankà.

Filipɛ̀n anmàn-bɔ̀ 1:9

Nyàn eci léyi mɛ sán m'Ɔwɔ-sɛ̀n lɔ mɛ̀n nɔn: ke ji le ny'ɛcüɛ̀n lɔ ke sevri ɛnvra lɔ fɛn, nɛ̀n di ɛnnɛ̀ncüì annanwɔrɛ-ci-nyriemɛ̀n mán ankà-yá anvrɛnvrɛn mɛ̀n,

Kɔlɔsèn anmàn-bɔ̀ 2:3

n'ɛmɛ̀n de ankà-nyri nɛ̀ncüì-dì mán Ɔwɔ-nyrì bán ndù nɔn.

Kɔlɔsèn anmàn-bɔ̀ 3:10

kɩ nyɛ́n bɩ́ edù-ci wrù nyɛ́n ẅɛn edomɛ̀n: nyɛ́n dú ɛci wrù hɔ̀n léyi Ɔwɔ, bɔ́ ɛnhibù-hán-wrɔn, kɛ crɔn ɛnvra lɔ fɛn nɛ́n picɛ̀ mɛ̀n, ô nyɛ́n nyri nɛ̀n kokroho nɔn.

Zhakɛ̀n 3:13

Ny'ɛmɛ̀n lɔ ɔwrɔn tɔ̀n ke tro le nɛ̀n dú ankà-nyri-wrɔn hán? Nɛ̀n hán tán yɔ kán n'esù ankrankran nàn, n'eci-hán, n'edomɛ̀n ɛnhi-sɩ́ mán n'ankà-nyrì-ẅɛn mɛ̀n.

2 Piɛrɛ̀n 3:18

Tɛ́n nyɛ́n dú ɛnvra lɔ fɛn esùnàn ankrànkràn mɛ̀n bɔ́ Ɛẅɛnwrɔn mán bɔ́ Ebɩdiewrɔn Zhezü Krisì nboafɔ̀n mán n'enyrì lɔ mɛ̀n. Eci-zrɔ kè dú nɛ tɛn, zɛtɛ̀ lɔ mán ɛnvra lɔ fɛn! Kè dú ɔmu lɔ.