1 Korɛntɛ̀n anmàn-bɔ̀ 1:4 - Ɛmɛẅi ankà ankrànkràn 2003

⁴ Mɛ tán m'Ɔwɔ ɔkùɛn ɛnvra lɔ fɛn ny'ɛkruhú, nboafɔ̀n léyi nɛ̀n tán nyɛ̀n Zhezü Krisì bɩmɛ̀n nɔn.

1 Korɛntɛ̀n anmàn-bɔ̀ 1:4 Iomraidhean Croise

Matie 19:11

Zhezü mrɛ́n yɔ ɔmùan le: “Ke sɩ̀ dù anwrɔn lɔ fɛn de kɛ lɛ ẅɛn ɛnbɔrɛ kɛ̀ hɛ́n kè shri ankà-yé ndɔ lɔ kè bɩ nɔn, tɛ́n anwrɔn hɔ̀n léyi Ɔwɔ kɛ tán hɩ ci-hán lɔ nɔn.

Zhan 10:30

Mɛ̀n mán Dade mɛhi bɔ́ dú eci zri.”

Zhan 14:14

Ke dú kɛ nyɛ sán mɛ̀n eci m'ebɩmɛ̀n hô, mɛ lɛ hán eci lɔ.”

Zhan 14:16

Mɛ lɛ sán Dade kɛ̀ tán nyɛ̀n ɔwrɔn nyantɛn tɔ̀n kɛ wá nyɛ̀n ɛkɔrɛ̀, annanwɔrɛ Hɛ́n Prɔnprɔn, ô nɛ̀n dú nyɛ̀n ɛmɛ̀n ɛnvra lɔ fɛn.

Zhan 14:26

Ɔwrɔn léyi kɛ lɛ wá nyɛ̀n ɛkɔrɛ̀, Ɛnhɛ́n Prɔnprɔn léyi Dade ke le yüre m'ebɩ́mɛ̀n nɔn, ke le yé nyɛ̀n eci lɔ fɛn, kɩ ke le kore nyɛ̀n ankà lɔ fɛn léyi mɛ̀n dɔ́ nyɛ̀n nɔn.”

Zhan 15:26

“Ɔwrɔn léyi kɛ lɛ wá nyɛ̀n ɛkɔrɛ̀ nɔn kɛ lɛ và: nɛ́n de nɛ̀n dú annanwɔrɛ Hɛ́n léyi dú Dade yri kɛ và nɔn. Me le yüre nyɛ̀n nɛ́n, Dade bɩmɛ̀n, kɩ ne le di mɛ̀n dalɛfuɛ.

Ɔkɔ̀hɔ̀n-wá-bɔ̀ kɔ̀hɔ̀n hán 11:23

Ɛnvra léyi nɛ̀n cɔ́ nanvrɛn, hɩ nɛ̀n kán ɔmu le Ɔwɔ fú ankaẅì-bùtan-ẅɛn-bɔ̀ lɔ ɛnshi nɔn, nɛ̀n dú pɔpüɛ̀ mɛ̀n kɩ ne yɩ́ yɔ lɔ fɛn edù, ô yɔ di ɔmùan zri Ɛẅɛnwrɔn tɛ̀sɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 21:20

Ɛnvra léyi yɔ yá n'ankà lɔ trɔ nɔn, yɔ mrɛ́n Ɔwɔ. Zɛtɛn yɔ dɔ́ Pɔlɛ̀n le: “Ɛ kàn, ɔwrɔn-nɛ́n-mùan-ẅì, Zhüifɛ̀n-bɔ̀ tɛ̀bru kru ɛbɛ́ de srɔ Zhezü sɛ̀nkɛn-bɔ̀: yɔ lɔ fɛn, yɔ ẅɛn ɛnyànmàn ɛshishiemɛ̀n yɔ hɛ́n.

Rɔmɛ̀n-anmàn-bɔ̀ 1:8

Eci lɔ fɛn mɛ̀n, mɛ tán m'Ɔwɔ ɔkùɛn Zhezü Krisì bɩmɛ̀n, nyɛ́n lɔ fɛn ny'ɛkruhú, ɔmuhi yɛ dɔ́ ny'ankaẅì-bùtan-ẅɛn-ankà ɛnhibù mumù lɔ fɛn wú nɔn.

Rɔmɛ̀n-anmàn-bɔ̀ 6:17

Tɛ́n Ɔwɔ kɛ̀ cɔ́ ɛmrɛ́n: nyɛ́n léyi nyɛ́n gɔ̀ dú ɛgbàn wɔ̀n-bɔ̀ nɔn, zɛtɛ̀ lɔ nyɛ́n bɩ́ ny'ɛnbɔrɛ lɔ fɛn nyɛ́n wá ankà-yé léyi nyɛ́n cɔ̀ nɔn wú.

1 Korɛntɛ̀n anmàn-bɔ̀ 1:3

Ɔwɔ léyi dú bɔ́ Zi mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.

Kpàkpà timote 1:14

Bɔ́ Ɛẅɛnwrɔn ku mɛ̀n nɛ́n nboafɔ̀n bobrebe ɛwú, nɛ̀n tán mɛ̀n ankaẅìbùtan mán ɛcüɛ̀n léyi dú Zhezü Krisì mɛhi b'ɔbɔ̀sɔ̀ lɔ mɛ̀n nvà nɔn.