1 Korɛntɛ̀n anmàn-bɔ̀ 1:2 - Ɛmɛẅi ankà ankrànkràn 2003

² Ebinyan lɔ dú Ɔwɔ-fɛcüè léyi dú korɛntɛ̀n anmàn, mán yɔ hɔ̀n léyi yɔ dú nanvrɛn hɩ y'ɛwúvà lɔ fɛn dú Ɔwɔ mɛ̀n, kɩ yɔ dú Ɔwɔ tɛn Zhezü Krisì ankaẅì-bùtan-ẅɛn mɛ̀n, mán anwrɔn hɔ̀n léyi ɛyri lɔ fɛn, Zhezü Krisì bɔ́ Ɛẅɛnwrɔn bɩ́ lɔ dú anmùan mɛ̀n, nɛ́n léyi nɛ̀n dú yɔ mán bɔ́ mɛhi bɔ́ Ɛẅɛnwrɔn nɔn:

1 Korɛntɛ̀n anmàn-bɔ̀ 1:2 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 10:36

Nɛ̀n yüre Izraɛlɛ̀n fɛcüè Zhezü krisì mɛẅi ankà wɔwɔ, Krisì léyi dú anwrɔn lɔ fɛn Ẅɛnwrɔn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 15:9

Nɛ̀n sɩ̀ mrɛ́n ɔwrɔn zriɛmɛ́n nɛ̀n tèze hɛ̀: nɛ̀n fi y'ɛnbɔrɛ lɔ, ɔmuhi yɔ ẅɛn ankaẅì-bùtan nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 18:1

Ɛnvra vacì, Pɔlɛ̀n dú Atɛnɛ̀n anmàn hɔ́n Korɛntɛ̀n anmàn.

Ɔkɔ̀hɔ̀n-wá-bɔ̀ kɔ̀hɔ̀n hán 22:16

Kɩ zɛtɛ̀ lɔ, cɛci kruhú kɛ è vru ɛ vrá? Tɔhú, è bɩ́ n'ebɩ lɔ, ɛ lɛ cɔ́ ɛnshi-kruwá, kɩ v'ɛgbàn hɔ̀n lɔ ke le juru sɔhɔ́ mɛ́n edomɛ̀n.’ ”

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

Ɔkɔ̀hɔ̀n-wá-bɔ̀ kɔ̀hɔ̀n hán 9:13

Ananiasɛ̀n mrɛ́n ɔmùan le: “Ɛẅɛnwrɔn, anwrɔn bobrebe dɔ́ mɛ̀n ɔwrɔn ndɔ lɔ ankà kɩ dɔ́ mɛ̀n ɛgbàn lɔ fɛn léyi nɛ̀n hán v'ɛsɛ̀nkɛn-bɔ̀ Zherüzalɛmɛ̀n anmàn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 9:14

Kɩ nɛ̀n vá ɛnu lɔ, Ɔwɔ-cice-bɔ̀ kɔrɛ̀-levriemɛ̀n, ô nɛ̀n ẅɛn anwrɔn léyi ke bɩ́ v'ebɩ́ lɔ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 9:21

Anwrɔn hɔ̀n léyi kɛ yá n'ankà-dɔ̀ lɔ nɔn dú anvɛmɛ̀n-frɛ́n mɛ̀n kɩ ke yrɛ le: “Kɛ̂ kè sɩ̀ dù ɔwrɔn ndɔ lɔ de Zherüzalɛmɛ̀n anmàn lɔ kɛ hán anwrɔn hɔ̀n léyi ke bɩ́ Zhezü bɩ́, ɛgbàn shishi nɛ́n? Kɛ̂ nɛ̀n sɩ̀ kàn bìhì nɛ̀n và ɛnu lɔ, ô nɛ̀n ẅɛ̀n yɔ nɛ̀n hɔ̀n sɩ̀ Ɔwɔ-cice-bɔ̀ cüìcüì hɔ̀n lɔa?”

Rɔmɛ̀n-anmàn-bɔ̀ 1:7

Nyɛ́n léyi nyɛ́n dú Rɔmɛ̀n anmàn nɔn, me merɛ́n nyɛ̀n owrú, nyɛ lɛ fɛn léyi Ɔwɔ kɛ cüɛn nyɛ̀n hɩ bi nyɛ̀n, ô nyɛ́n dú ɛwúvà-kɔrɛ̀ mɛ̀n n'ɛkruhú nɔn. Ke ji le Ɔwɔ bo Zi, mán Ɛẅɛnwrɔn Zhezü Krisì kɛ̀ tán nyɛ̀n nboafɔ̀n mán anwɔwɔ.

Rɔmɛ̀n-anmàn-bɔ̀ 10:12

Ɔmu lɔ de Zhüifɛ̀n-bɔ̀ mán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, angranmɛ̀n kè sɩ̀ vɛ́n yɔ: yɔ lɔ fɛn yɔ ẅɛn Ɛẅɛnwrɔn zri léyi kɛ tán yɔ, ɛnvra léyi yɔ bi nɛ̀n nɔn, n'ɛci anvrɛnvrɛn hɔ̀n lɔ.

Rɔmɛ̀n-anmàn-bɔ̀ 3:22

Ɔwɔ kɛ srɔ anwrɔnẅì ɛnnyrɔnnan-bɔ̀ n'ezìwú y'ankaẅì-bùtan léyi yɔ ẅɛn Zhezü Krisì mɛ̀n nɔn hɩ wú. Nɛ hán ndɔ lɔ tán anwrɔn hɔ̀n lɔ fɛn léyi ẅɛn ankaẅì-bùtan Krisì mɛ̀n nɔn, ɔmuhi yɔ lɔ fɛn nzriɛmɛ́n kè sɩ̀ vɛ̀n hàn nɔn:

Rɔmɛ̀n-anmàn-bɔ̀ 8:28

Bɔ́ nyri ɔmu le ɛci hɔ̀n lɔ fɛn dú anvrɛn tán anwrɔn hɔ̀n léyi Ɔwɔ kɛ cüɛ̀n nɔn, mán anwrɔn hɔ̀n léyi nɛ̀n bi kè dú n'ankɔnda kɔ̀hɔ̀n lɔ mɛ̀n nɔn.

1 Korɛntɛ̀n anmàn-bɔ̀ 1:30

Tɛ́n Ɔwɔ bɔsɔ nyɛ́n mán Krisì mɛhi kɩ, nɛ̀n srɔ Krisì bɔ́ ankà-nyrì: Krisì de kɛ srɔ bɔ̀ ɛnyrɔnnan-bɔ̀ Ɔwɔ zìwú kɩ kɛ mrɛ́n bɔ̀ ɛgbàn mɛ̀n kɛ sɔhɔ́.

1 Korɛntɛ̀n anmàn-bɔ̀ 10:32

Ny'ɛwúvà-ẅɛ̀n ke bɩ́ jrɛ́ anwrɔn hɔ̀n léyi dú Zhüifɛ̀n-bɔ̀, anwrɔn hɔ̀n léyi kè sɩ̀ dù Zhüifɛ̀n-bɔ̀ mán Ɔwɔ-fɛcüè-bɔ̀ nɔn ɛnkruemɛ̀n.

1 Korɛntɛ̀n anmàn-bɔ̀ 12:27

Tɛ́n, nyɛ́n dú Krisì dùwrú, kɩ ɔwrɔnwrɔn ny'ɛmɛ̀n lɔ dú edùwrú ndɔ lɔ n'ɛyri tɔ̀n.

1 Korɛntɛ̀n anmàn-bɔ̀ 8:6

annànwɔrɛ mɛ̀n lɔ, bɔ́ tɛn, Ɔwɔ zri kɩ dù, Ɔwɔ Zi, nɛ́n léyi nɛ̀n hán eci lɔ fɛn, kɩ n'ɛkruhú de bɔ̀ dú ɛwúvà mɛ̀n nɔn; kɩ Ɛẅɛnwrɔn zri kɩ dù, Zhezü Krisì, n'ɛmɛ̀n de eci lɔ fɛn dù, kɩ n'ɛkruhú bɔ̀ dú ɛwúvà mɛ̀n.

2 Korɛntɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n mán bɔ́ muan-ẅì Timote yri kɛ và, Pɔlɛ̀n léyi Ɔwɔ kɔrɛ̀-levriemɛ̀n srɔ Zhezü Krisì kɔ̀hɔ̀n-wá-wrɔn nɔn. Ɔwɔ-fɛcüè léyi dú Korɛntɛ̀n anmàn mán anwrɔn hɔ̀n léyi dú Ɔwɔ-fɛcüè tɛn Akahi kpɔsɔ mumù lɔ fɛn wú nɔn:

2 Korɛntɛ̀n anmàn-bɔ̀ 4:5

Annànwɔrɛ mɛ̀n, b'ankà-dɔ́ mɛ̀n lɔ, kè sɩ̀ dù bɔ́ dùku de bɔ́ dɔ́ bɔ́ edomɛ̀n ankà, tɛ́n Zhezü Krisì léyi dú Ɛẅɛnwrɔn, n'ankà de bɔ́ dɔ̀ nɔn; bɔ́ tɛn tɛ́n, bɔ́ dɔ̀ le, bɔ̀ dú ny'eci-bɩ̀tan-bɔ̀ Zhezü kruhú.

Galasi anmàn-bɔ̀ 1:2

Anwrɔn-nɛ́n-muan-ẅì hɔ̀n lɔ fɛn léyi dú ɛnu lɔ nɔn cɔ́ mɛ̀n, ô bɔ̀ yüre Ɔwɔ-fɛcüè-bɔ̀ léyi dú Galasi anmàn nɔn, owrú ndɔ lɔ ô kɛ̀ dɔ́ yɔ le:

Efɛzɛ̀n anmàn-bɔ̀ 5:26

Nɛ̀n ji ɔmu lɔ hán, ô Ɔwɔ-fɛcüè kè dú Ɔwɔ tɛn annanwɔrɛ, ɛnvra léyi nɛ̀n bɩ́ ɛnshi mán ankà-dɔ̀ nɛ̀n fí yi edomɛ̀n nɔn;

1 Tesalonikɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n, Silasɛ̀n mán Timote yri kɛ và. Tɛsalonikɛ̀n wɔ-fɛcüè léyi dú Ɔwɔ Zi mán Ɛẅɛnwrɔn Zhezü Krisì tɛn nɔn: nboafɔ̀n mán anwɔwɔ kè dú nyɛ tɛn.

1 Tesalonikɛ̀n anmàn-bɔ̀ 4:7

Ɔwɔ kè sɩ̀ bi bɔ̀, ô bɔ̀ dú ɛwúvà gbàngbàn-ẅɛn mɛ̀n, tɛ́n bɔ̀ dú prɔnprɔn mɛ̀n.

2 Tesalonikɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n, Silasɛ̀n mán Timote yri kɛ và. Ɔwɔ-fɛcüè-bɔ̀ léyi dú Tɛsalonikɛ̀n anmàn hɩ dú bɔ Zi Ɔwɔ mán Ɛẅɛnwrɔn Zhezü Krisì tɛn nɔn:

Kpàkpà timote 2:8

Me ji le eci lɔ fɛn mɛ̀n, anwrɔnẅì kɛ̀ sɛ̀n, yɔ sɩ́ ɛmàn fifi hɔ̀n ɛwú, ɛmɛ̀nhyì mán ecüìwrɔn hɛ́n ke bɩ́ dú ɛmɛ̀n.

Kpàkpà timote 3:15

Tɛ́n, ke dú kɛ m'ɛvà lɔ kɛ mɔ̀ɛn hô, ɛwrú-ẅì ndɔ hɔ̀n lɔ ke le yé mɛ́n esù léyi ke ji le ɛ̀ nán Ɔwɔ mɛ̀n lɔ mɛ̀n nɔn, hɩ mɛ̀n kɛ dɔ̀ le Wɔ Fɛcüè kɔrɛkɔrɛ léyi dú ɔwɔn-hi-nan-bù, hɩ kɛ ẅɛn ankaẅì annanwɔrɛ hɛ́n nɔn.

Anhyrɛmɛ̀n timote 1:9

Nɛ́n de nɛ̀n bɩ́ bɔ̀ nɛ̀n die kɩ nɛ̀n bi bɔ̀ bo dú nɛ́n fɛcüè, kɩ kè sɩ̀ dù bɔ́ eci anvrɛnvrɛn hán mɛ̀n, tɛ́n nɛ́n dùku n'ankɔ́nda ci-hán mán nɛ́n nboafɔ̀n kruhú. Nɛ̀n tán bɔ̀ nboafɔ̀n ndɔ lɔ Zhezü Krisì bɩmɛ̀n, yakɛ cɔ́ ɛnvra hɔ̀n lɔ fɛn y'ɛnkrubɔmɛ̀n,

Anhyrɛmɛ̀n timote 2:19

Ɔmu tɛ̀kɩ ɛbù-hi-nan hɔ̀n léyi Ɔwɔ wá ɛnhibɩ́ nɔn dú edùsɔ mɛ̀n. Nyàn ankà-dɔ̀ hɔ̀n léyi ye merɛ́n yɛ wá yɔ ɛwú nɔn: “Ɛẅɛnwrɔn nyri nɛ́n fɛcüè hɔ̀n”, kɩ: “Ɔwrɔn totɔtɔ̀n léyi kɛ dɔ̀ le nɛ́n dú Ɛẅɛnwrɔn tɛn nɔn, ke ji le nɛ̀n crɛ ejüi nɛ̀n sɔ́n ɛgbàn.”

Anhyrɛmɛ̀n timote 2:22

È teze sùgban-ẅì hɔ̀n mɛ̀n afùyà ci-hán hɔ̀n lɔ; è ji ɛnyrɔnnan, ankaẅìbùtan, ɛcüɛ̀n, anwɔwɔ vɛ́n mán anwrɔn hɔ̀n léyi ɛnbɔrɛ fifiemɛ̀n, ke bi Ɛẅɛnwrɔn nɔn.

Ebre-bɔ̀ 10:10

Zhezü Krisì hán Ɔwɔ kɔrɛ̀zì-ci; nɛ̀n bɩ́ nɛ́n dùku n'edomɛ̀n nɛ̀n ce ɛdɛ̀n zri brɛzri, kɩ ɔmu lɔ de ye jru bɔ̀ ɛgbàn edomɛ̀n yɛ sɔhɔ́ nɔn.

Ebre-bɔ̀ 13:12

Hɩ le kruhú de Zhezü mán wú anmàn mɛẅi, ô nɛ̀n fi fɛcüè edomɛ̀n nɛ́n dùku n'ɛnkrɛ̀ lɔ mɛ̀n.

Ebre-bɔ̀ 2:11

Tɛ́n, Zhezü léyi ke juru anwrɔnẅì ɛgbàn edomɛ̀n sɔhɔ́ mán anwrɔn hɔ̀n léyi ye fí edomɛ̀n nɔn, yɔ ẅɛn yɔ Zi zri. Hɩ le kruhú de Zhezü anvɛvrà ke sɩ́ ẅɛn hán, ɛnvra léyi ne bi yɔ nɛ́n muan-ẅì hɔ̀n nɔn.

Zhüdɛ̀n 1:1

Ebinyan ndɔ lɔ dú Zhüdɛ̀n yri kɛ và, nɛ́n léyi nɛ̀n dú Zhezü Krisì ci-bɩ̀tan-wrɔn mán Zhakɛ̀n nɛ́n muanẅì nɔn. Ebinyan zri lɔ dú anwrɔn hɔ̀n léyi Ɔwɔ bi, hɩ nɛ́n Ɔwɔ Zi nɛ cüɛ̀n, kɩ Zhezü-Krisì kɛ wá yɔ esùva nɔn tɛn:

Ɔwɔ-mɛ̀n-yrikàn 19:16

N'ɛceci she lɔ wú mán n'annan-bɔ̀n-mɛ̀n ye merɛ́n ebi ndɔ lɔ: “Ɛnnɛncüì hɔ̀n Nɛ̀ncüì mán ɛẅɛn-bɔ̀ Ẅɛnwrɔn”.