1 Korɛntɛ̀n anmàn-bɔ̀ 1:1 - Ɛmɛẅi ankà ankrànkràn 2003

¹ Ebinyan ndɔ lɔ dú Pɔlɛ̀n yri kɛ và, nɛ́n Pɔlɛ̀n léyi Ɔwɔ kɔrɛ̀levriemɛ̀n ye bi nɛ̀n, nɛ̀n srɔ Zhezü Krisì kɔ̀hɔ̀n-wá-wrɔn mán Sostɛnɛ̀n, bɔ́ muan-ẅì.

1 Korɛntɛ̀n anmàn-bɔ̀ 1:1 Iomraidhean Croise

Lükɛ̀n 6:13

Ɛnvra léyi ɛyri wó nɔn, nɛ̀n bi n'ɛsɛnkɛn-bɔ̀, nɛ̀n mrɛ́n anwrɔn ɛvá-anhyrɛ̀ nɛ́n bɩ, kɩ nɛ̀n wá yɔ ebi: ɔkɔhɔ̀n-wá-bɔ̀.

Zhan 15:16

Nyɛ́n sɩ̀ mrɛ́n mɛ̀n nyɛ́n bɩɛ; tɛ́n mɛ̀n, mɛ̀n mrɛ́n nyɛ̀n mɛ́n bɩ, mɛ̀n wá tán nyɛ̀n nyɛ́n hɔ̀n nyɛ́n shi ɛẅì, ɛẅì léyi kɛ ẅɛn vɔ̀nshɛ́ nɔn. Ɔmu lɔ de Dade kɛ lɛ tán nyɛ̀n eci lɔ fɛn léyi nye ji nɔn m'ebɩ́mɛ̀n.

Zhan 20:21

Zhezü vru kɛ dɔ́ yɔ le: “Anwɔwɔ kè dú nyɛ tɛn! Ɔmu zri léyi Dade wá mɛ̀n ɔkɔhɔ̀n nɔn, mɛ̀n mán mɛ wá nyɛ̀n ɔkɔhɔ̀n.”

Ɔkɔ̀hɔ̀n-wá-bɔ̀ kɔ̀hɔ̀n hán 1:15

Ɛnbì ndɔ hɔ̀n lɔ ɔtɔ̀n, ankaẅì-bùtan-ẅɛn-bɔ̀ léyi borɛkru nɔn, yɔ dú anwrɔn ɛkoẅi-ɔwole. Piɛrɛ̀n tɔhú y'anwanzi kɩ kɛ dɔ̀ le:

Ɔkɔ̀hɔ̀n-wá-bɔ̀ kɔ̀hɔ̀n hán 1:2

hàn mán cɔ́ ɛnbì léyi nɛ̀n tɔhú nɛ̀n hɔ́n anhobɩ́ nɔn. Ɛnvra léyi nɛ lɛ tɔhú nɛ̀n hɔ́n anhobɩ́ nɔn, nɛ̀n tán anwrɔn hɔ̀n léyi nɛ̀n mrɛ́n nɛ́n bɩ, dú ɔkɔ̀hɔ̀n-wá-bɔ̀ nɔn, n'ankà-yé Ɛnhɛ́n Prɔnprɔn kɔrɛ̀srɔn mɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 18:17

Zɛtɛn, yɔ lɔ fɛn yɔ ẅɛn Sɔstɛnɛ̀n léyi dú Ɔwɔ-sɛ́n-wɔn lɔ n'ɔwrɔn cüìcüì nɔn, kɩ yɔ bukru yɔ gorɛ nɛ̀n ɛmrɛ̀nci-wɔn zìwú. Tɛ́n kè sɩ̀ hàn Galiɔn eci zriɛmɛ́n.

Ɔkɔ̀hɔ̀n-wá-bɔ̀ kɔ̀hɔ̀n hán 22:21

Zɛtɛn Ɛẅɛnwrɔn dɔ́ mɛ̀n le: ‘Hɔ̀n, ɔmuhi mɛ lɛ hán mɛ́n, ɛ̀ hɔ́n ɛyri she, ɛnhi anmàn nyantɛn hɔ̀n wú nɔn!’ ”

Rɔmɛ̀n-anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ́n dú Zhezü Krisì ci-bɩ̀tan-wrɔn léyi ye bi, ô kè dú ɔkɔ̀hɔ̀n-wá-wrɔn léyi Ɔwɔ mrɛ́n bɩ, ô kɛ̀ dɔ́ Ɛmɛẅi ankà Ankrankran lɔ nɔn.

Rɔmɛ̀n-anmàn-bɔ̀ 1:10

ɛnvra totɔtɔ̀n léyi mɛ sɛ̀n nɔn. Mɛ sán Ɔwɔ le, ke dú kɛ ndɔ lɔ de dú n'ɛkɔrɛ̀-zì-ci nɔn hô, ɛkɔrɛ̀-levri kè dù tán, ô mɛ̀n và nyan nyɛ̀n.

Rɔmɛ̀n-anmàn-bɔ̀ 1:5

N'ɛmɛ̀n lɔ, Ɔwɔ tán mɛ̀n n'ɛcüɛ̀n, ô mɛ̀n dú ɔkɔ̀hɔ̀n-wá-wrɔn Krisì ci-zrɔ mɛ̀n, ô mɛ̀n hán anwrɔn hɔ̀n lɔ fɛn léyi dú ɛnhi wú nɔn kè bú n'ankà kɛ̀ tán ankaẅì, ô kɛ̀ hán n'ɛkɔrɛ̀zì-ci.

1 Korɛntɛ̀n anmàn-bɔ̀ 15:9

Annanwɔrɛ mɛ̀n lɔ, mɛ̀n dú ɔkɔ̀hɔ̀n-wá-wrɔn cɛ́ ɔkɔ̀hɔ̀n-wá-bɔ̀ lɔ mɛ̀n, annanwɔrɛ ankà dɔ́ mɛ̀n lɔ, mɛ̀n sɩ̀ krɔn ɔmu le y'á bi mɛ̀n ɔkɔ̀hɔ̀n-wá-wrɔn, ɔmuhi mɛ̀n kɔ́n Ɔwɔ-fɛcüè hɔ̀n anhà nɔn.

1 Korɛntɛ̀n anmàn-bɔ̀ 3:9

Ɔmuhi bɔ̀ dú Ɔwɔ kɔrɛ̀-wá-bɔ̀, kɩ nyɛ́n dú Ɔwɔ kɛ̀tɛ̀ nɔn. Nyɛ́n vru nyɛ́n dú ɔwɔn léyi Ɔwɔ kù nɔn.

2 Korɛntɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n mán bɔ́ muan-ẅì Timote yri kɛ và, Pɔlɛ̀n léyi Ɔwɔ kɔrɛ̀-levriemɛ̀n srɔ Zhezü Krisì kɔ̀hɔ̀n-wá-wrɔn nɔn. Ɔwɔ-fɛcüè léyi dú Korɛntɛ̀n anmàn mán anwrɔn hɔ̀n léyi dú Ɔwɔ-fɛcüè tɛn Akahi kpɔsɔ mumù lɔ fɛn wú nɔn:

2 Korɛntɛ̀n anmàn-bɔ̀ 11:5

Mɛ́n sɩ́ tro le mɛ̀n dú ɛnhi mɛ̀n vrán ny'ɔkɔ̀hɔ̀n-wá-bɔ̀ léyi nye tro le sevri nɔn!

2 Korɛntɛ̀n anmàn-bɔ̀ 12:12

Eci-hán hɔ̀n léyi ke yé le mɛ̀n dú ɔkɔ̀hɔ̀n-wá-wrɔn nɔn, hán tán ny'ɛmɛ̀n nyɛ́n kàn, ɛnbɔrɛ-ẅɛ̀n-hɛ́n anvrɛnvrɛn mɛ̀n: eci-hán ndɔ hɔ̀n lɔ dú anvɛmɛ̀n-frɛ́n-ci mán eci-woroan-ci mɛ̀ntɛ mɛ̀ntɛ.

2 Korɛntɛ̀n anmàn-bɔ̀ 8:5

Yɔ hán vrán hɩ léyi bɔ̀ sɩ̀ sɛ̀ nɔn: yɔ gɔ́ bɩ́ y'edomɛ̀n yɔ tán Ɛẅɛnwrɔn kɩ zɛtɛn Ɔwɔ kɔrɛ̀levri mɛ̀n lɔ, yɔ bɩ́ y'edomɛ̀n yɔ tán bɔ̀.

Galasi anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi yɛ wá nɛ̀n ɔkɔhɔ̀n-wá-wrɔn, kè sɩ̀ dù anwrɔnẅì mán ɔwrɔn nyantɛn tɔ̀n kɔrè-levriemɛ̀n, tɛ́n Zhezü Krisì mán Ɔwɔ Zi léyi hán nɛ̀n nɛ̀n vá ɔkɔrɛ-bɔ̀ mɛ̀n nɔn.

Efɛzɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi Ɔwɔ kɔrɛ̀-levriemɛ̀n, nɛ̀n dú Zhezü Krisì kɔhɔ̀n-wá-wrɔn nɔn. Anwrɔn lɔ fɛn léyi dú Efɛzɛ̀n anmàn, hɩ dú Ɔwɔ-fɛcüè-bɔ̀ mɛ̀n, hɩ ke dí ɔmùan-zri yɔ mán Zhezü Krisì mɛhi y'ɔbɔ̀sɔ̀ lɔ mɛ̀n nɔn:

Efɛzɛ̀n anmàn-bɔ̀ 4:11

Nɛ́n de nɛ̀n ce ɔwrɔnwrɔn eci: ndɔ hɔ̀n nɛ̀n srɔ ɔkɔhɔ̀n-wá-bɔ̀, ɛnjanbɔ̀ srɔ Ɔwɔ-mùanwú-ankà-dɔ́-bɔ̀, kɩ ndɔ hɔ̀n vru srɔ Ɛmɛẅi ankà Ankrankran dɔ́-bɔ̀, Ɔwɔ-bɔ̀, ankà-yé-bɔ̀.

Kɔlɔsèn anmàn-bɔ̀ 1:1

Ebinyan ndɔ lɔ dú Pɔlɛ̀n mán Timote yri kɛ và: Pɔlɛ̀n léyi Ɔwɔ kɔrɛ̀zì-ci-hán mɛ̀n dú Zhezü Krisì kɔ̀hɔ̀n-wá-wrɔn, mán Timote léyi dú bɔ́ muan-ẅì nɔn.

Kpàkpà timote 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ̀n dú Zhezü Krisì sɛnkɛn-wrɔn, Ɔwɔ, bɔ́ ebɩdie-wrɔn mán Zhezü Krisi, bɔ́ esɛ́-wrɔn kɔrɛ̀levriemɛ̀n nɔn.

Kpàkpà timote 2:7

Ndɔ lɔ kruhú de, yɛ wá mɛ̀n ɔkɔ̀hɔ̀n-wá-wrɔn léyi ke ji le kè yé anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, ankaẅì-bùtan mán annànwɔrɛ ankà. Mɛ́n sɩ́ ẅɛn ɛyɔ̀n, mɛ dɔ́ annànwɔrɛ ankà.

Anhyrɛmɛ̀n timote 1:1

Ebinyan ndɔ lɔ dú Pɔlɛ̀n yri kɛ và, nɛ́n léyi nɛ̀n dú Zhezü Krisì kɔhɔ̀n-wá-wrɔn Ɔwɔ kɔrɛ̀levriemɛ̀n, kɩ yɛ tán nɛ̀n nɛ̀n dɔ́ ɛwúvà-kɔrɛ̀ léyi yɛ wá bɔ̀ ɔmùan Zhezü Krisì bɩmɛ̀n nɔn yi ankà.