ཕི་ལི་པི་ལེའུ་ 4:9 - རྫོང་ཁ་

⁹ ཁྱེད་ཀྱིས་ང་ལས་ལྷབ་མི་དང་ཐོབ་མི་ དེ་ལས་ ང་ལས་གོ་མི་དང་ ངེ་གི་ནང་ལུ་མཐོང་མི་དེ་ཚུ་ ག་ར་ལག་ལེན་འཐབ་ དེ་ལས་ཞི་བདེ་གནང་མི་དཀོན་མཆོག་ ཁྱེད་དང་མཉམ་གཅིག་བཞུགས་འོང་།།

ཕི་ལི་པི་ལེའུ་ 4:9 Iomraidhean Croise

མེ་ཐིའུ་ལེའུ་ 1:23

ནམ་ཡང་ལུས་འབྲེལ་མ་འབད་མི་ན་ཆུང་མ་གཅིག་ལུ་ ཨ་ལོ་ཆགས་ཏེ་སྲས་གཅིག་འཁྲུང་འོང་ ཁོ་གི་མཚན་ ཨེ་མ་ནུ་ཨཱེལ་ཟེར་ཞུ་འོང་ ཨེ་མ་ནུ་ཨཱེལ་ཟེར་མི་འདི་ དཀོན་མཆོག་ང་བཅས་དང་གཅིག་ཁར་བཞུགས་ཡོད་ཟེར་བའི་དོན་དག་ཨིན།

མེ་ཐིའུ་ལེའུ་ 28:20

དེ་ལས་ང་གིས་སྟོན་བྱིན་མི་བཀའ་ཚུ་ག་ར་སྲུངས་ཟེར་ མི་ཚུ་ལུ་སྟོན་བྱིན་ དུས་མཐའན་མཇུག་ཚུན་ཚོད་ ང་རྟག་བུ་རང་ཁྱེད་དང་གཅིག་ཁར་སྡོད་འོང་ཟེར་གསུངས་ནུག། །།

མེ་ཐིའུ་ལེའུ་ 7:21

ང་ལུ་གཙོ་བོ་ གཙོ་བོ་ ཟེར་ཁ་གིས་སླབ་རྐྱངམ་གཅིག་གིས་ ཞིང་ཁམས་ཀྱི་རྒྱལ་སྲིད་ནང་འཛུལ་མི་ཚུགས་ དེ་འབདཝ་ད་ ཞིང་ཁམས་ལུ་བཞུགས་ཡོད་མི་ ངེ་གི་ཡབ་ཀྱི་ཐུགས་དགོངས་བཞིན་དུ་གྲུབ་མི་ཚུ་ རྐྱངམ་གཅིག་འཛུལ་ཚུགསཔ།

ལུ་ཀ་ལེའུ་ 6:46

ང་གིས་སླབ་མི་ལུ་མ་ཉན་པ་ཅིན་ ཁྱེད་ཀྱིས་ག་ཅི་འབད་ ང་ལུ་གཙོ་བོ་གཙོ་བོ་ཟེར་སླབ་སྨོ།

ལུ་ཀ་ལེའུ་ 8:21

དེ་འབདཝ་ད་ དེའི་ལན་ལུ་ཁོ་གིས་ ངེ་གི་ཨའི་དང་སྤུན་ཆ་ཚུ་ དཀོན་མཆོག་གི་གསུང་ཉན་ཏེ་ ལག་ལེན་འཐབ་མི་དེ་ཚུ་ཨིན་ཟེར་གསུངས་ནུག།

ཡོ་ཧ་ནཱན་ལེའུ་ 13:17

ད་ཨ་ནི་དེ་ཚུ་ཁྱེད་ཀྱིས་ཧ་གོ་སྟེ་ འདི་དང་བསྟུན་འབད་བ་ཅིན་ ཁྱེད་བྱིན་རླབས་ཅན་ཨིན་ཟེར་ཡེ་ཤུ་གིས་གསུངས་ནུག།

ཡོ་ཧ་ནཱན་ལེའུ་ 15:14

ང་གིས་ག་ཅི་བསྐུལ་མི་འདི་ཉན་ཏེ་འབད་བ་ཅིན་ ཁྱེད་ངེ་གི་ལྟོ་ཚང་ཨིན།

ཡོ་ཧ་ནཱན་ལེའུ་ 2:5

དེ་ལས་ཡེ་ཤུའི་ཡུམ་གྱིས་ འདི་ཁར་གྱི་གཡོགཔོ་ཚུ་ལུ་ ཁོ་གིས་ག་གསུངས་མི་དེ་ ཁྱེད་ཀྱིས་འབད་ཞིག་ཟེར་སླབ་ནུག

མཛད་པ་ལེའུ་ 9:6

ད་ཡར་ལོང་སྟེ་ཁྲོམ་ཁར་སོང་ཤིག་ ཁྱོད་ཀྱིས་ག་ཅི་འབད་དགོ་ག་ ཕར་ལྷོདཔ་ད་སླབ་འོང་ཟེར་གསུངས་ནུག

རོམ་མི་ལེའུ་ 15:33

ཞི་བདེ་གནང་མིའི་དཀོན་མཆོག་འདི་ ཁྱེད་ག་ར་དང་མཉམ་གཅིག་བཞུགས་བཅུག་ ཨ་མཱེན།།

རོམ་མི་ལེའུ་ 16:20

དེ་ལས་སྐྱིདཔ་གནང་མི་དཀོན་མཆོག་གིས་མགྱོགས་པ་རང་ བདུད་ སེ་ཏཱན་ཁྱེད་ཀྱི་རྐང་མའི་འོག་ལུ་བསྒྲལ་བཀོག་འོང་ ང་བཅས་གཙོ་བོ་ཡེ་ཤུ་ཁིརཱིས་ཀྱི་ཐུགས་རྗེ་ ཁྱེད་ལུ་གནང་བཅུག

ཀོ་རཱིན་ཐི་དང་པ་ལེའུ་ 10:31

དེ་འབདཝ་ལས་ ཁྱེད་བཟའ་རུང་འཐུང་རུང་ ཡང་ན་ག་ཅི་རང་འབད་རུང་ དཀོན་མཆོག་གི་གཟི་བརྗིད་ཀྱི་དོན་ལུ་འབད་དགོ།

ཀོ་རཱིན་ཐི་དང་པ་ལེའུ་ 14:33

དཀོན་མཆོག་དེ་ཟིང་འཁྲུག་ལང་པའི་དཀོན་མཆོག་མེན་པར་ ཞི་བདེ་གི་དཀོན་མཆོག་ཨིན། དེ་ལས་ཆོས་ཚོགས་ནང་འཛོམས་མི་ག་ར་ དཀོན་མཆོག་ཁོ་རའི་དམ་པའི་མི་ཚུ་ཨིནམ་ལས།

ཀོ་རཱིན་ཐི་དང་པ་ལེའུ་ 4:16

དེ་འབདཝ་ལས་ཁྱེད་ཆ་ཁྱབ་ངེ་གི་དཔེ་ལྟ་ཟེར་ནན་སྐུལ་འབདཝ་ཨིན།

ཀོ་རཱིན་ཐི་གཉིས་པ་ལེའུ་ 13:11

ངེ་གི་བྱམས་པའི་སྤུན་ཆ་ཚུ་ ཨ་ནི་ཡི་གུ་ནང་ ངེ་གི་མཐའན་མཇུག་གི་ བསླབ་བྱ་འདི་མཇུག་བསྡུ་ནི་ཨིན་ ད་ སེམས་དགའ་སྤྲོ་འགྱུར་དགོ་ ཁྱེད་རང་གི་སྤྱོད་ལམ་ཚུ་འགྱུར་དགོ་ གཅིག་གིས་གཅིག་ལུ་སེམས་གསོ་འབད་དགོ་ སེམས་གཅིག་གི་ཐོག་ལས་ཞི་བདེ་ནང་སྡོད་དགོ་ དེ་ལས་བྱམས་དང་ཞི་བདེ་ཨིན་མི་དཀོན་མཆོག་ ཁྱེད་དང་གཅིག་ཁར་བཞུགས་འོང་།

ཕི་ལི་པི་ལེའུ་ 3:17

ངེའི་སྤུན་ཆ་ཚུ་ ཁྱེད་ག་ར་དཔེ་ང་ལུ་བལྟ་སྟེ་སྡོད་ དེ་ལས་ང་བཅས་ཀྱིས་སྟོན་མི་བྱ་བ་སྤྱོད་ལམ་ལྷབ་སྡོད་མི་ཚུ་ལས་ ཁྱེད་ཀྱིས་ལྷབ།

ཕི་ལི་པི་ལེའུ་ 4:7

ཁྱེད་ཀྱིས་དེ་སྦེ་འབད་བ་ཅིན་ མནོ་བསམ་ལས་ཡང་ལྷག་མི་ དཀོན་མཆོག་གི་ཞི་བདེ་དེ་གིས་ ཁྱེད་ཁིརཱིས་ཡེ་ཤུ་ནང་ཡོད་མི་གི་ ཧིང་དང་སེམས་སྲུང་སྐྱོབ་འབད་དེ་བཞག་འོང་།

ཐེ་ས་ལོ་ནི་ཀ་དང་པ་ལེའུ་ 1:6

དེ་ལས་ ཁྱེད་གཏམ་བཟང་གི་ཞོར་ཁར་ལས་ སྡུག་བསྔལ་ལེ་ཤ་མྱོང་སྟེ་ཡོད་རུང་ དམ་པའི་ཐུགས་ཉིད་ཀྱིས་གནང་མི་དགའ་ཚོར་གྱི་ཐོག་ལས་སྦེ་ ཁྱེད་གཏམ་བཟང་གོ་སྟེ་དད་པ་བསྐྱེད་ཅི་ ཁྱེད་ཀྱིས་དེ་སྦེ་འབདཝ་ད་ ང་བཅས་དང་གཙོ་བོ་གི་དཔེ་བཟུམ་སྦེ་འབད་ཡི།

ཐེ་ས་ལོ་ནི་ཀ་དང་པ་ལེའུ་ 2:14

དབའེ་སྤུན་ཆ་ཚུ་ ཡུ་དེ་ཡ་ལུང་ཕྱོགས་ནང་དཀོན་མཆོག་གི་ཆོས་ཚོགས་ཚུ་ལུ་ ཡ་ཧུ་ད་པ་ཚུ་གིས་ གཙོ་བོ་ཁིརཱིས་ཡེ་ཤུ་ལུ་དད་པ་བསྐྱེད་མི་ཚུ་ལུ་ གནོད་འཚེ་བཀལཝ་བཟུམ་སྦེ་ ཁྱེད་རང་གི་གཡུས་ཁར་གྱི་མི་ཚུ་གིས་ ཁྱེད་ལུ་ཡང་གནོད་འཚེ་བཀལ་ཡི།

ཐེ་ས་ལོ་ནི་ཀ་དང་པ་ལེའུ་ 5:23

དེ་ལས་ཞི་བདེ་གནང་མི་དཀོན་མཆོག་ཁོ་རང་གིས་ ཁྱེད་ལུ་ཡོངས་སུ་རྫོགསཔ་སྦེ་གཙངམ་མཛད་བཅུག་ གཙོ་བོ་ཡེ་ཤུ་ཁིརཱིས་ལོག་མ་འབྱོན་ཚུན་ཚོད་ ཁྱེད་ཀྱི་སེམས་དང་རྣམ་ཤེས་ ལུས་དེ་ཚུ་ སྐྱོན་ག་ཅི་ཡང་མེདཔ་སྦེ་ བསྲུང་སྐྱབས་མཛད་དེ་བཞག་བཅུག

ཐེ་ས་ལོ་ནི་ཀ་གཉིས་པ་ལེའུ་ 3:4

ང་བཅས་ཀྱིས་ཁྱེད་ལུ་འབད་ཟེར་བསྐུལ་བཞག་མི་ཚུ་ ཁྱེད་ཀྱིས་འབད་དོཝ་འོང་ དེ་ལས་ཕར་འབད་དེ་རང་སྡོད་འོང་ཟེར་ གཙོ་བོ་ནང་ང་བཅས་ལུ་ཐད་རི་བར་རི་རེ་བ་ཡོད།

ཏི་མོ་ཐི་གཉིས་པ་ལེའུ་ 4:22

ད་གཙོ་བོ་འདི་ཁྱེད་ཀྱི་སེམས་ཉིད་ནང་བཞུགས་བཅུག་ ཁོ་གིས་ཁྱེད་ལུ་ཐུགས་རྗེ་གཟིགས་པར་ཤོག། །།

ཡ་ཀོབ་ལེའུ་ 1:22

དེ་ལས་དཀོན་མཆོག་གི་བཀའ་ལུ་ཉན་ནི་རྐྱངམ་གཅིག་མེན་པར་ འདི་ལག་ལེན་འཐབ་སྟེ་སྡོད་དགོ་ ཉན་ནི་རྐྱངམ་གཅིག་ཨིན་པ་ཅིན་ རང་གིས་རང་ལུ་མགུ་བསྐོར་རྐྱབ་ཨིན།

པེ་ཏྲོ་གཉིས་པ་ལེའུ་ 1:10

དེ་འབདཝ་ལས་ སྤུན་ཆ་ཚུ་ དཀོན་མཆོག་གིས་ཁྱེད་ལུ་འབོ་སྟེ་ཡོད་མི་དང་ བཙག་འཐུ་གནང་སྟེ་ཡོད་མི་འདི་ དོན་ལས་རང་ བརྟན་ཏོག་ཏོ་སྦེ་གྲུབ་ནི་ལུ་ སྤུས་ཚད་ལེགས་ཤོམ་ཡོད་མི་འདི་ཚུ་ རྩ་འགེངས་ཏེ་འབད་དགོ་ འདི་བཟུམ་སྦེ་འབད་བ་ཅིན་ ཁྱེད་ནམ་ཡང་འཐུས་མི་ཤོར།

ཡོ་ཧ་ནཱན་དང་པ་ལེའུ་ 3:22

དེ་ལས་ང་བཅས་ཀྱིས་ཁོ་གི་བཀའ་ལུ་ཉན་ཏེ་ ཁོ་གི་ཐུགས་དགོངས་བསྒྲུབ་པ་ཅིན་ ཁོ་ལས་ག་ཅི་ཞུ་རུང་ ང་བཅས་ཀྱིས་ཐོབ།