ཕི་ལི་པི་ལེའུ་ 4:8 - རྫོང་ཁ་

⁸ མཐའན་མཇུག་ལུ་ དབའེ་ངེ་གི་བྱམས་པའི་སྤུན་ཆ་ཚུ་ བདེན་པ་ག་ཅི་རང་ཡོད་རུང་ གུས་ཞབས་འབད་ནི་ག་ཅི་རང་ཡོད་རུང་ ཕྲངམ་ག་ཅི་རང་ཡོད་རུང་ གཙངམ་ག་ཅི་རང་ཡོད་རུང་ ཡིད་དུ་འོངམ་ག་ཅི་རང་ཡོད་རུང་ ཡི་རངས་ཏོག་ཏོ་ག་ཅི་རང་ཡོད་རུང་ མཆོག་ཏུ་གྱུར་པ་ག་ཅི་རང་ཡོད་རུང་ བསྟོད་པ་ཡོད་པའི་འོས་འབབ་ག་ཅི་རང་ཡོད་རུང་ དེ་ཚུ་ལུ་ཁྱེད་ཀྱིས་མནོ་བསམ་གཏང་དགོ།

ཕི་ལི་པི་ལེའུ་ 4:8 Iomraidhean Croise

མེ་ཐིའུ་ལེའུ་ 22:16

ཁོང་གིས་ཁོང་རང་གི་སློབ་མ་ཚུ་དང་ ཧེ་རཱོད་ཀྱི་མི་ཚུ་ ཡེ་ཤུ་བཞུགས་སར་བཏང་སྟེ་ ཁོང་གིས་ཡེ་ཤུ་ལུ་ སློབ་དཔོན་ལགས་ ནཱ་མི་ཕྲངམ་དང་ དཀོན་མཆོག་གི་ལམ་གྱི་སྐོར་ལས་ ཕྲང་སྟེ་ཆོས་སྟོན་གནངམ་ཨིནམ་ ང་བཅས་ཀྱིས་ཤེས་ ནཱ་གིས་མི་ཚུ་གིས་ག་ཅི་སླབ་འོང་ག་ཟེར་ཐུགས་ལུ་ཚ་གྱང་མི་ལང་ ག་ཅི་སྨོ་ཟེར་བ་ཅིན་ ནཱ་མིའི་ངོ་སོ་ལུ་མི་གཟིགས།

མཱར་ཀུ་ལེའུ་ 6:20

ག་ཅི་སྨོ་ཟེར་བ་ཅིན་ ཡོ་ཧ་ནཱན་འདི་ མི་ཆོས་སེམས་ཅན་དང་དམ་པ་གཅིག་སྦེ་ ཆ་བཞགཔ་ཨིནམ་མ་ཚད་ ཡོ་ཧ་ནཱན་ལུ་གུས་པའི་དབང་གི་ཆ་རོགས་འབད་དེ་ གནོད་པ་ཚུ་ལས་བསྲུང་སྟེ་བཞག་ཡོདཔ་ཨིན་མས་ དཔོན་ ཧེ་རཱོད་ཁོ་གི་ཆོས་ཉནམ་ད་ སེམས་བཀྲུགས་ཏེ་འབད་རུང་ ཉན་ནི་ལུ་དགའཝ་ཨིན་མས།

ལུ་ཀ་ལེའུ་ 16:15

ཡེ་ཤུ་གིས་ཁོང་ལུ་ ཁྱེད་ཀྱིས་མིའི་གདོང་ཁར་ལུ་ ཆོས་སེམས་ཅན་བཟུམ་སྦེ་སྟོནམ་ཨིན་མས་ དེ་འབདཝ་ད་ ཁྱེད་ཀྱི་སེམས་ཁར་མནོ་མི་འདི་ ག་ར་དཀོན་མཆོག་གིས་མཁྱེན་ མིའི་སྦུག་ལུ་ག་ར་ལས་དྲག་ཤོས་སྦེ་བརྩིས་མི་འདི་ དཀོན་མཆོག་གི་གཟིགས་སར་ ག་ནི་ཡང་མེནམ་སྦེ་ བརྩི་གནང་འོང་།

ལུ་ཀ་ལེའུ་ 2:25

ཡེ་རུ་ཤ་ལེམ་ལུ་ སི་མི་ཨཱོན་ ཆོས་སེམས་ཆེ་ཏོག་ཏོ་དང་ དམ་ཚིག་བསྲུང་མི་ ཨཱིས་ར་ཨཱེལ་གྱི་མི་ཚུ་སེམས་གསོ་འབད་མི་ལུ་ སྒུག་སྡོད་མི་གཅིག་ཡོདཔ་ཨིན་མས་ ཁོ་དམ་པའི་ཐུགས་ཉིད་ཀྱིས་ཁྱབ་སྟེ་སྡོད་ནུག

ལུ་ཀ་ལེའུ་ 23:50

འདི་བསྒང་ ཡ་ཧུ་ད་པའི་ཁྲོམ་ ཨ་རི་མ་ཐེ་ཡ་ལས་ ཡོ་སེབ་ཟེར་མི་གཅིག་ཡོདཔ་མས་ ཁོ་མི་ལེགས་ཤོམ་དང་ ཆོས་སེམས་ཡོད་མི་གཅིག་ཨིནམ་མ་ཚད་ ཁོ་དཀོན་མཆོག་གི་རྒྱལ་སྲིད་ལུ་སྒུག་སྡོད་མི་གཅིག་ཡང་ཨིན་མས་ ཁོ་ལྷན་ཚོགས་ཀྱི་འཐུས་མི་གཅིག་ཨིན་ཏེ་འབད་རུང་ ཁོང་གིས་གྲོས་ཐག་ཆོད་མི་དང་ ཁོང་གིས་འབད་མི་ལཱ་གི་གྲལ་ཁར་ ཁ་བཟེད་དོ་མེདཔ་ཨིན་མས།

ཡོ་ཧ་ནཱན་ལེའུ་ 7:18

རང་གིས་མནོ་ཐག་གཅད་སླབ་མི་འདི་གིས་ རང་ལུ་བསྟོད་པ་འཚོལཝ་ཨིན་ དེ་འབདཝ་ད་ ཁོ་ལུ་བཏང་མི་གི་དོན་ལུ་ བསྟོད་པ་འཚོལ་མི་འདི་བདེན་པ་གཅིག་ཨིན་ ཨ་ནི་མི་འདི་གིས་ མ་ཕྲངམ་རྩ་ལས་རང་མི་སླབ།

མཛད་པ་ལེའུ་ 10:22

དེ་ལས་མི་དེ་ཚུ་གིས་ སྤྱི་དཔོན་ ཀཱོར་ནེ་ལི་ཨུས་ཀྱིས་ང་བཅས་ཁྱོད་སྡོད་སར་ལུ་བཏང་ཡི་ ཁོ་ཆོས་སེམས་ཆེ་ཏོག་ཏོ་དང་ དཀོན་མཆོག་གི་གཟིགས་སར་ཉམ་ཆུང་ཏོག་ཏོ་སྦེ་སྡོད་མི་གཅིག་ཨིན་ ཡ་ཧུ་ད་པ་ག་ར་གིས་ཁོ་ལུ་ཆ་བཞག་མི་གཅིག་ཨིན་ ཁོ་སྡོད་སར་ དམ་པའི་ཕོ་ཉ་གཅིག་འོངས་ཏེ་ ཁྱོད་ཁོ་གི་ཁྱིམ་ནང་འབོ་པ་གཏང་ ཁྱོད་ཀྱིས་ཁོ་ལུ་དགོ་པའི་བསླབ་བྱ་ཚུ་སླབ་འོང་ཟེར་སླབ་ནུག་ དེ་འབདཝ་ལས་བརྟེན་ཏེ་ ང་བཅས་ཁྱོད་འབོ་པ་འོངམ་ཨིན་ཟེར་སླབ་ནུག

མཛད་པ་ལེའུ་ 22:12

དེ་ལས་བཀའ་ཁྲིམས་ཚུལ་བཞིན་དུ་བསྲུང་མི་ དེ་ཁར་སྡོད་མིའི་ ཡ་ཧུ་ད་པ་ག་ར་གིས་ ཞེ་ས་འབད་མིའི་མི་ ཨ་ན་ནའི་ཨཱས་ཟེར་མི་གཅིག་འདུག

མཛད་པ་ལེའུ་ 6:3

ད་ཁྱེད་ནུ་གཅུང་ཆ་ཁྱབ་ཀྱི་སྦུག་ལས་ དམ་པའི་ཐུགས་ཉིད་དང་ལྡན་མི་དང་ ཤེས་རབ་ཡོད་མི་ མི་གཞན་གྱིས་བརྩི་མཐོང་བསྐྱེད་མི་ མི་བདུན་བཙག་འཐུ་འབད་ཞིག་ ཁོང་ལུ་དྲང་བཞག་རྐྱབ་ནི་གི་ལཱ་འགན་སྤྲོད་ནི་ཨིན།

རོམ་མི་ལེའུ་ 13:13

འཆལ་སྤྱོད་སྤྲོ་སྟོན་ནང་བཅའ་མར་གཏོགས་ནི་དང་ ཆང་གིས་འགྲང་ནི་ མ་རབས་ཀྱི་ལཱ་ ལུས་ཀྱི་འདོད་ཆགས་ གཅིག་གིས་གཅིག་ལུ་འཐབ་འཛིང་ནི་ དེ་ལས་མིག་ཏོ་ཚ་ནི་ལ་སོགས་པ་མེན་པར་ ཉིམ་དཀརཔོ་བཟུམ་སྦེ་ སྤྱོད་ལམ་ལེགས་ཤོམ་སྦེ་སྒྲིག་སྟེ་སྡོད་དགོ།

རོམ་མི་ལེའུ་ 13:3

ལེགས་ཤོམ་འབད་མི་ཚུ་ལུ་ འགོ་དཔོན་ཚུ་གིས་འདྲོགས་མི་བཅུག་ དེ་འབདཝ་ད་ ལཱ་ཟོགཔོ་འབད་མི་ཚུ་གིས་ ཁོང་འགོ་དཔོན་ཚུ་བལྟ་སྟེ་འདྲོག་དགོ་ དེ་གིས་འབད་ ག་ར་འབད་རུང་ གཞུང་གི་འགོ་དཔོན་ཚུ་བལྟ་སྟེ་ མ་འདྲོག་པར་སྡོད་དགོ་པ་ཅིན་ ལེགས་ཤོམ་འབད་དེ་སྡོད་ དེ་ལས་ཁོང་གིས་ཁྱོད་ལུ་བསྟོད་པ་རྐྱབས་འོང་།

རོམ་མི་ལེའུ་ 14:18

ག་གིས་རང་འབད་རུང་ ཨ་ནི་བཟུམ་སྦེ་ཁིརཱིས་ཀྱི་ཕྱག་ཞུ་བ་ཅིན་ འདི་ལུ་དཀོན་མཆོག་གིས་ཐུགས་དགྱེསཔ་ཨིནམ་མ་ཚད་ མི་དེ་ཚུ་གིས་ཡང་ དེ་ལུ་ལེགས་ཤོམ་སྦེ་བརྩི་འོང་།

རོམ་མི་ལེའུ་ 2:29

ཡ་ཧུ་ད་པ་ངོ་མ་འབད་ནི་འདི་ ཕྱི་ལུས་ལུ་མེན་པར་ སེམས་འགྱུར་ཏེ་ དཀོན་མཆོག་གིས་ཐུགས་དགྱེས་མི་གཅིག་ཨིན་ ད་རུང་ཕོ་རྒྱ་ལུ་རྟགས་བཀལ་ནི་ངོ་མ་འདི་ ཕྱི་ལུས་ལུ་མེན་པར་ བཀའ་གི་ཚིག་འབྲུ་རེ་རེ་བཞིན་དུ་ ཕྱི་ཁ་ལུ་སྲུང་ནི་ཡང་མེན་པར་ དེ་འབདཝ་ད་ ཐུགས་ཉིད་ལས་སེམས་འགྱུར་མི་གཅིག་ཨིན་ ཨ་ནི་བཟུམ་སེམས་འགྱུར་མི་གཅིག་ཡོད་པ་ཅིན་ ཁོ་གིས་མི་གི་བསྟོད་པ་ལུ་མ་བལྟ་བར་ དཀོན་མཆོག་གི་བསྟོད་པ་ལུ་མཇལཝ་ཨིན།།

ཀོ་རཱིན་ཐི་དང་པ་ལེའུ་ 4:5

དེ་འབདཝ་ལས་ དུས་ཚོད་མ་རནམ་ལས་ག་ལུ་ཡང་དབྱེ་བ་མ་དཔྱད་ གཙོ་བོ་མ་འབྱོནམ་བར་དུ་བསྒུག་སྡོད་ ཁོ་གིས་གནག་དུང་དུ་ནང་སྦ་བཞག་མི་ གསང་བ་ཚུ་ག་ར་ཕྱི་ཁར་འོད་ནང་བཏོན་ཏེ་ མི་གི་སེམས་ནང་ག་ཡོད་མི་དེ་ ག་ར་གིས་མཐོང་སར་བཏོན་གནང་འོང་ དེ་ལས་མི་རེ་རེ་གིས་དཀོན་མཆོག་ལས་བསྟོད་པ་ཐོབ་ནི་ཨིན།

ཀོ་རཱིན་ཐི་གཉིས་པ་ལེའུ་ 13:7

ད་ ང་བཅས་ཀྱིས་དཀོན་མཆོག་ལུ་སྨོན་ལམ་ཞུཝ་ཨིན་ ཁྱེད་ཀྱི་སྦུག་ལུ་དབང་ཤུགས་དེ་ ཕྱི་ཁར་གཞན་གྱི་མཐོང་སར་ སྟོན་ནི་གི་ཚབ་ལུ་ ང་བཅས་འཐུས་ཤོར་སོངམ་བཟུམ་སྦེ་མཐོང་རུང་ ཁྱེད་ཀྱིས་འཛོལ་བ་ག་ནི་ཡང་འབད་མ་བཅུག་པར་ ག་ཀྲིག་ཀྲི་ཨིན་མི་འདི་ འབད་བཅུག་ཟེར་ ཞུཝ་ཨིན།

ཀོ་རཱིན་ཐི་གཉིས་པ་ལེའུ་ 6:8

དེ་ལས་ང་བཅས་ལུ་ མི་གིས་ཞེ་ས་འབད་རུང་ ཡང་ན་སྨད་པ་རྐྱབ་རུང་ ང་བཅས་ལུ་མི་གིས་ཁ་བཏང་རུང་ ཡང་ན་བསྟོད་པ་རྐྱབ་རུང་ ང་བཅས་ཀྱིས་དཀོན་མཆོག་གི་ཕྱག་ཞུཝ་ཨིན་ དེ་འབདཝ་ད་ ཁོང་གིས་ང་བཅས་ལུ་ སྐུ་ཚབ་ཤོབ་རྐྱབ་མི་ཨིན་མས་ཟེར་སླབ་རུང་ ང་བཅས་ཕྲང་སྟེ་བདེན་པ་སླབ་ཨིན།

ཀོ་རཱིན་ཐི་གཉིས་པ་ལེའུ་ 8:18

ད་ང་བཅས་ཀྱིས་ ཏི་ཏུས་དང་གཅིག་ཁར་ གཏམ་བཟང་བཤད་ནི་ལུ་ ཆོས་ཚོགས་ག་ར་གིས་ བསྟོད་པ་བརྐྱབས་མིའི་ནུ་གཅུང་གཅིག་གཏང་དོ།

ཀོ་རཱིན་ཐི་གཉིས་པ་ལེའུ་ 8:21

དེ་སྦེ་འབད་དགོ་མི་འདི་ གཙོ་བོ་གིས་གཟིགས་སར་རྐྱངམ་གཅིག་ ཕྲང་སྟེ་འབད་ནི་མེན་པར་ མི་གིས་མཐོང་སར་ཡང་ ན་འཐན་ཏོག་ཏོ་སྦེ་ འབད་ནིའི་དོན་ལུ་ཨིན།

ག་ལ་ཏི་ལེའུ་ 5:22

དེ་འབདཝ་ད་ དམ་པའི་ཐུགས་ཉིད་ཀྱི་འབྲས་བུ་འདི་ བྱམས་པ་འབད་ནི་ དགའ་སྤྲོ་བསྐྱེད་ནི་ ཞི་བདེ་མྱོང་ནི་ བཟོད་པ་བསྒོམ་ནི་ སྙིང་རྗེ་བསྐྱེད་ནི་ ལེགས་ཤོམ་འབད་ནི་ ན་འཐན་ཏོག་ཏོ་འབད་ནི།

ཨི་ཕི་སིཔ་ལེའུ་ 4:25

འདི་གི་དོན་ལུ། ཤོབ་རྐྱབ་ནི་ཚུ་སྤང་སྟེ་ ཁྱེད་རེ་རེ་གིས་རང་གི་ཁྱིམ་ཚང་ཚུ་ལུ་བདེན་པའི་གཏམ་སླབ། ག་ཅི་སྨོ་ཟེར་བ་ཅིན་ ང་བཅས་གཟུགས་གཅིག་གི་ཡན་ལག་འདི་ཚུ་ཨིན།

ཨི་ཕི་སིཔ་ལེའུ་ 5:9

(ག་ཅི་སྨོ་ཟེར་བ་ཅིན་ འོད་ཟེར་གྱི་འབྲས་བུ་འདི་ སྤྱོད་ལམ་བཟང་པོ་འབད་ནི་དང་ ལཱ་ཀྲིག་ཀྲི་འབད་ནི་ དེ་ལས་ལཱ་ཕྲངམ་འབད་ནི་ འདི་ཚུ་ཨིན།)

ཨི་ཕི་སིཔ་ལེའུ་ 6:14

འདི་གི་དོན་ལུ་ ཁྱེད་ཡར་ལོང་སྦེ་ རང་གི་རྐེདཔ་ལུ་ བདེན་པའི་སྐེ་རགས་བཅིང་ རང་གི་བྱང་ཁོག་ལུ་ དྲང་པོ་གི་གོ་ཁྲབ་གྱོན།

ཕི་ལི་པི་ལེའུ་ 3:1

ངེའི་སྤུན་ཆ་ཚུ་ ག་ཅི་རང་བྱུང་རུང་ གཙོ་བོ་ནང་དགའ་ཚོར་འགྱུར་ ཁྱེད་ལུ་ལོག་ཅི་ལོག་ཅི་རང་ བློ་གཅིག་བྲིས་བ་ཅིན་ ང་ཞེ་མི་བསུན་ འདི་ཁྱེད་ཀྱི་དད་པ་ལུ་སྲུང་སྐྱོབས་འབད་ནིའི་དོན་ལུ་ཨིན།

ཀོ་ལོ་སི་ལེའུ་ 4:5

དདཔ་ཅན་མེན་མི་ཚུ་དང་གཅིག་ཁར་ སེམས་གསལ་ཏོག་ཏོ་སྦེ་ འབྲེལ་བ་འཐབ་སྟེ་ གོ་སྐབས་ག་དེམ་ཅིག་རང་ཐོབ་རུང་ དུས་ཚོད་འདི་ལུ་ལག་ལེན་འཐབ་དགོ།

ཐེ་ས་ལོ་ནི་ཀ་དང་པ་ལེའུ་ 4:12

ཨ་རྟག་ར་ཁྱེད་ཀྱི་མི་ཚེ་ནང་འདི་བཟུམ་སྦེ་འབད་བ་ཅིན་ རང་ལུ་དགོ་མི་གཞན་ལས་རེ་མི་དགོཔ་མ་ཚད་ དད་པ་མ་བསྐྱེད་མི་དེ་ཚུ་གིས་ཡང་ ཁྱེད་ཀྱི་སྤྱོད་ལམ་ལུ་བལྟ་སྟེ་ ཁྱེད་ལུ་ཞེ་ས་འབད་འོང་།།

ཏི་མོ་ཐི་དང་པ་ལེའུ་ 2:2

རྒྱལཔོ་དང་གོངམ་ དབང་ཚད་ཡོད་མི་ག་ར་གི་དོན་ལུ་ གསོལཝ་བཏབ་ སྨོན་ལམ་ཞུ་ དེ་ལས་རང་གི་སྡོད་ཐངས་ཡང་ ཆོས་སེམས་ཆེ་ཏོག་ཏོ་དང་ ཚུལ་དང་མཐུནམ་སྦེ་ ཞི་བདེ་དང་ཞི་བདེ་སྒོ་ལས་ སྡོད་ནི་ཐོབ་འོང་།

ཏི་མོ་ཐི་དང་པ་ལེའུ་ 3:11

ཁོང་ཨམ་སྲུ་ཚུ་ཡང་ འདི་བཟུམ་སྦེ་ མི་ཚུ་གིས་ཞེ་ས་འབད་མི་དང་ གཞན་གྱི་སྐོར་ལས་གཏམ་ངན་མ་སླབ་མི་དང་ ཨམ་སྲུ་ཚད་དང་ལྡན་མི་ དེ་ལས་ག་ཅི་ནང་ར་འབད་རུང་ ན་འཐན་ཏོག་ཏོ་འབད་མི་གཅིག་དགོ།

ཏི་མོ་ཐི་དང་པ་ལེའུ་ 3:4

རང་གི་བཟའ་ཚང་ལེགས་ཤོམ་སྦེ་བདག་འཛིན་འཐབ་པའི་ཐོག་ལས་སྦེ་ རང་གི་བུ་དང་བུམོ་གིས་ རང་ལུ་ཉན་བཏུབ་མི་དང་ ཞེ་ས་འབད་བཏུབ་མི་གཅིག་དགོཔ་ཨིན།

ཏི་མོ་ཐི་དང་པ་ལེའུ་ 4:12

ཁྱོད་ལོ་ན་གཞོནམ་ཨིན་ཏེ་འབད་རུང་ མི་ག་གིས་ཡང་ཁུངས་མེདཔ་སྦེ་བརྩིས་མ་བཅུག་ དེ་འབདཝ་ད་ ཁྱོད་དདཔ་ཅན་ཚུ་གི་གདོང་ཁར་ལུ་ བློ་སླབ་ཐངས་དང་ བྱ་བ་སྤྱོད་ལམ་དང་ མི་ཚུ་ལུ་བྱམས་པ་འབད་ནི་དང་ ཁིརཱིས་ལུ་དད་པ་བསྐྱེད་ནི་ དེ་ལས་ག་ཅི་ན་རང་འབད་རུང་ ཟོགཔོ་དང་སླ་མ་བསྲེས་པར་དཔེ་སྦེ་སྡོད།

ཏི་མོ་ཐི་དང་པ་ལེའུ་ 5:10

དེ་ལས་མི་གཞན་ཚུ་གིས་ མོ་ཨ་རྟག་རང་ལཱ་ལེགས་ཤོམ་འབད་སྡོད་སྡོདཔ་ཨིནམ་ཤེས་དགོ་ དཔེར་ན་མོ་རའི་བུ་དང་བུམོ་ལུ་ལེགས་ཤོམ་སྦེ་གསོ་གསོཝ་ཡོད་ག་ ཁྱིམ་ནང་འོང་མི་མགྱོནམ་ལུ་མཐོང་བསྐྱེད་དེ་ དཀོན་མཆོག་ཁོ་རའི་མི་དམ་པ་ཚུ་གི་རྐངམ་ཆུ་འཁྱུ་སྟེ་ མོ་རང་གཡོགམོ་ཅིག་བཟུམ་སྦེ་ཕྱག་ཞུ་ཡི་ག་ སྡུག་བསྔལ་ནང་ཡོད་མི་ཚུ་ལུ་གྲོགས་རམ་འབད་ ཕན་བཏགས་བྱིན་ཡི་ག་ དེ་ལས་མོ་འདི་བཟུམ་གྱི་ལཱ་བཟང་པོ་ཚུ་ལུ་གཙོ་བོ་བསྟེན་ཏེ་སྡོད་མི་ཅིག་དགོ།

ཏི་མོ་ཐི་དང་པ་ལེའུ་ 5:2

ཨམ་རྒན་རྒས་ཚུ་ལུ་རང་གི་ཨའི་བཟུམ་སྦེ་བརྩི་ དེ་ལས་བུམོ་གཞོནམ་ཚུ་ལུ་ དམ་ཚིག་གཙང་མའི་ཐོག་ལས་སྦེ་ རང་གི་སྲིངམོ་བཟུམ་བརྩི་དགོ།།

ཏི་ཏུས་ལེའུ་ 1:8

དེ་འབདཝ་ད་ ཁོ་མགྱོནམ་ལུ་མཐོང་བསྐྱེད་མི་དང་ ལཱ་ལེགས་ཤོམ་འབད་ནི་ལུ་ སེམས་དགའ་མི་དང་ མཚམས་ཚོད་ཤེས་མི་དང་ ཕྲངམ་འབད་མི་དང་ དམ་པ་སྦེ་སྡོད་མི་ དེ་ལས་སྒྲིགས་ལམ་ལུ་ གནས་མི་གཅིག་དགོཔ་ཨིན།

ཏི་ཏུས་ལེའུ་ 2:14

དཀོན་མཆོག་གིས་ང་བཅས་ལུ་ ཁོ་རའི་མི་ཚུ་དང་ལཱ་ལེགས་ཤོམ་ལུ་ སེམས་བཙུག་མིའི་མི་ཚུ་མཛད་ནི་གི་དོན་ལུ་ ལཱ་ངན་པ་ཚུ་ལས་སྐྱབས་མཛདཔ་མ་ཚད་ གཙངམ་བཟོ་ནི་གི་དོན་ལུ་ཡེ་ཤུ་ཁིརཱིས་ ཁོ་རང་ང་བཅས་ཀྱི་དོན་ལུ་གཤགས་ཅི།

ཏི་ཏུས་ལེའུ་ 2:2

ཁག་ཆེ་བ་རང་ ཕོ་སྐྱེས་རྒས་ཤོས་འདི་ཚུ་ལུ་ ཚད་ལས་མ་བརྒལ་ནི་དང་ ཞེ་ས་ཐོབ་ནི་འོས་འབབ་ཡོདཔ་སྦེ་སྡོད་ནི་དང་ མཚམས་ཚོད་ཤེས་ནི་དང་ དད་པ་སྒྲིང་སྒྲིང་སྦེ་བསྐྱེད་ནི་དང་ བྱམས་སེམས་བསྐྱེད་ནི་ དེ་ལས་བཟོད་པ་བསྒོམ་སྡོད་ནི་དེ་ཚུ་སྟོན་བྱིན།

ཏི་ཏུས་ལེའུ་ 2:7

ཁྱོད་ཀྱིས་ག་ཅི་ནང་འབད་རུང་ བྱ་བ་སྤྱོད་ལམ་ལེགས་ཤོམ་གྱི་ དཔེ་གཅིག་ལུ་འགྱུར་དགོ་ དེ་ལས་ཁྱོད་ཀྱི་སྟོན་ཐངས་དེ་ གནད་དོན་ཕྲངམ་དང་ རོགས་ལས་ཞེ་ས་ཐོབ་ནི་འོས་འབབ་ཡོདཔ་དང་།

ཏི་ཏུས་ལེའུ་ 3:14

ང་བཅས་ཀྱི་དདཔ་ཅན་ཚུ་གིས་ མི་ཚུ་གི་ཁག་ཆེཝ་ཚུ་སྒྲུབ་ནིའི་དོན་ལུ་ ལཱ་ལེགས་ཤོམ་འབད་ནི་ལུ་ རྩ་འགེངས་ཏེ་ལྷབ་དགོ་ དེ་ལས་ཁོང་ཁུངས་ག་ནི་ཡང་མེདཔ་སྦེ་མི་སྡོད།

ཧིབ་རུ་ལེའུ་ 11:2

འདི་བཟུམ་གྱི་དད་པ་བསྐྱེད་པའི་ཐོག་ལས་སྦེ་ དང་ཕུགས་ཀྱི་མི་ཚུ་ དཀོན་མཆོག་གིས་ཐུགས་དགྱེས་ནུག

ཧིབ་རུ་ལེའུ་ 13:18

ང་བཅས་ཀྱི་དོན་ལུ་སྨོན་ལམ་ཞུ་ ང་བཅས་ཀྱི་དྲན་ཤེས་གསལ་ཏོག་ཏོ་ཡོད་ཟེར་ ང་བཅས་ལུ་ཏན་ཏན་ཡོད་ དེ་ལས་བཟང་ལྷམ་ལྷམ་སྦེ་སྡོད་ནིའི་འདོད་པ་ཡང་ཡོདཔ་ཨིན།

ཡ་ཀོབ་ལེའུ་ 1:27

མི་ག་ར་འབད་རུང་ ཨ་ལོ་དྭཝ་བུ་ཚུ་དང་ཡུགས་ས་མོ་ཚུ་ སྡུག་བསྔལ་མྱོང་བའི་སྐབས་ལུ་ ལེགས་ཤོམ་སྦེ་བདག་འཛིན་འཐབ་སྟེ་བལྟ་ནི་དང་ འཇིག་རྟེན་གྱི་ལུགས་སྲོལ་སླ་མ་བསྲེས་བར་སྡོད་མི་ཚུ་ ཡབ་དཀོན་མཆོག་གི་གཟིགས་སར་ ཡང་དག་པའི་ཆོས་འབདཝ་ཨིན།།

ཡ་ཀོབ་ལེའུ་ 3:17

དེ་འབདཝ་ད་ དཀོན་མཆོག་ལས་འོང་མི་ཤེས་རབ་འདི་ འགོ་དང་པ་རང་ གཙང་ཏོག་ཏོ་ སྐྱིད་ཏོང་ཏོ་ མཉམ་ཆུང་ མཐུན་ཏོག་ཏོ་ གཞན་ལུ་ཨ་རྟག་རང་སྙིང་རྗེ་བསྐྱེད་ནི་ ལཱ་ལེགས་ཤོམ་ཨ་རྟག་རང་འབད་ནི་ དེ་ལས་གཞན་ལུ་ཆགས་སྡང་ཕྱོགས་རིས་མེདཔ་ ཁ་ཆོས་མ་བཤད་ནི།

པེ་ཏྲོ་དང་པ་ལེའུ་ 1:22

ད་ཁྱེད་ཆ་ཁྱབ་བདེན་པའི་གསུང་ལུ་ཉན་ནི་དེ་གིས་ ཁྱེད་རྣམ་པར་དག་པ་འཐོན་ཏེ་ ཁྱེད་རང་གི་སྤུན་ཆ་ཚུ་ལུ་ དོན་ལས་རང་ ཁྱེད་ཀྱིས་བྱམས་པ་འབདཝ་ཨིན་མས་ ད་འཕྲོ་མཐུད་དེ་རང་ རྫུས་མ་མེན་པར་ སེམས་ཀྱི་གཏིང་ལས་རང་ གཅིག་གིས་གཅིག་ལུ་ བྱམས་པ་འབད།

པེ་ཏྲོ་དང་པ་ལེའུ་ 2:12

ཁྱེད་ཀྱིས་དདཔ་ཅན་མེན་མིའི་ཁྱིམ་ཚང་ཚུ་དང་སྡོདཔ་ད་ རང་གི་བྱ་བ་སྤྱོད་ལམ་དེ་ཚུ་དྲནམ་བཏོན་ཏེ་ ལེགས་ཤོམ་འབད་དགོ་ ཁོང་གིས་ཁྱེད་ལུ་སྐྱོན་བཏགས་ཏེ་འཛོལ་བ་འབདཝ་མས་ཟེར་སླབ་རུང་ ཁྱེད་ཀྱི་བྱ་བ་སྤྱོད་ལམ་ལེགས་ཤོམ་ལུ་བལྟ་སྟེ་ ཁིརཱིས་ལོག་སྟེ་ཁྲིམས་ཕྱེ་བ་བྱོན་པའི་ཉིནམ་ལུ་ ཁོང་གིས་དཀོན་མཆོག་ལུ་བསྟོད་པ་ཕུལ་འོང་།།

པེ་ཏྲོ་དང་པ་ལེའུ་ 4:8

ག་ར་ལས་དྲག་ཤོས་འདི་ གཅིག་གིས་གཅིག་ལུ་ཧིང་ལས་རང་བྱམས་པ་འབད་དགོ་ ག་ཅི་སྨོ་ཟེར་བ་ཅིན། བྱམས་པ་འདི་གིས་ སྡིག་པ་ག་དེ་ཅིག་རང་མང་རུང་ བཀབ་བཞག་ཚུགས།

པེ་ཏྲོ་གཉིས་པ་ལེའུ་ 3:1

ངེ་གི་བྱམས་པའི་ཆ་རོགས་ཚུ་ ད་ཨ་ནི་ཁྱེད་ལུ་བྲིས་མི་འདི་ ངེ་གི་ཡི་གུ་གཉིས་པ་ཨིན་ ང་གིས་བྲིས་མིའི་ཡི་གུ་ གཉིས་ཆ་ར་གི་དོན་དག་འདི་གཅིག་ཨིན་ འདི་ཁྱེད་ལུ་གཤིས་རྒྱུད་བཟང་པོ་འཐོན་བཅུག་ནི་སྦེ་ དྲན་བསྐུལ་འབདཝ་ཨིན།

ཡོ་ཧ་ནཱན་དང་པ་ལེའུ་ 3:18

ངེ་གི་ཨ་ལོ་ཆ་ཁྱབ་ ང་བཅས་བྱམས་པ་ཁ་དང་ ཚིག་རྐྱངམ་གཅིག་གིས་སྟོན་ཏེ་འབད་ནི་མེན་པར་ དེ་འབདཝ་ད་ བྱམས་པ་ངོ་མ་འདི་ ང་བཅས་རང་གི་ལག་ལེན་འཐབ་སྟེ་ མིག་གི་མཐོང་སར་བཏོན་དགོ།

ཡོ་ཧ་ནཱན་དང་པ་ལེའུ་ 3:3

དེ་ལས་ ག་གིས་རང་འབད་རུང་ ཨ་ནི་བཟུམ་གྱི་རེ་བ་བསྐྱེད་ཡོད་པ་ཅིན་ ཁིརཱིས་འདི་ག་དེ་སྦེ་དམ་པ་ཨིན་ན་ འདི་བཟུམ་སྦེ་ རང་ལུ་ཡང་དགཔ་བཟོཝ་ཨིན།

ཡོ་ཧ་ནཱན་དང་པ་ལེའུ་ 4:1

ངེ་གི་བྱམས་པའི་ཆ་རོགས་ཚུ་ དཀོན་མཆོག་གི་ཐུགས་ཉིད་ ང་དང་གཅིག་ཁར་ཡོད་ཟེར་སླབ་མི་ག་ར་ལུ་ཆ་མ་བཞག་ ཁོང་གི་ཐོག་ལས་སླབ་མི་འདི་ དཀོན་མཆོག་ལས་ཨིན་ན་མེན་ན་ ཁྱེད་ཀྱིས་བརྟག་དཔྱད་འབད་དེ་བལྟ་ ག་ཅི་སྨོ་ཟེར་བ་ཅིན་ ལུང་སྟོན་པ་རྫུས་མ་དེ་ཚུ་ལེ་ཤ་རང་འཛམ་གླིང་ནང་འཐོན་ཏེ་ཡོད།