ཕི་ལི་པི་ལེའུ་ 4:6 - རྫོང་ཁ་

⁶ ག་ཅི་གི་དོན་ལུ་ཡང་ ཚ་གྱང་མ་ལངས་པར་སྡོད་ དེ་འབདཝ་ད་ ཁྱེད་ལུ་དགོཔ་ ག་ཅི་ཡོད་རུང་ དཀོན་མཆོག་ལུ་ཞུ་སྟེ་ ཁོ་གིས་མཛད་གནང་མི་ལུ་བཀའ་དྲིན་ཆེ་ཟེར་སྨོན་ལམ་བཏབ་སྡོད།

ཕི་ལི་པི་ལེའུ་ 4:6 Iomraidhean Croise

མེ་ཐིའུ་ལེའུ་ 10:19

དེ་འབདཝ་ད་ཁོང་གིས་ ཁྱེད་ལུ་བཟུང་སྟེ་འཁྱིད་འགྱོཝ་ད་ ག་ཅི་སླབ་ནི་ན་ ག་དེ་སྦེ་སླབ་ནི་ན་ཟེར་ཚ་གྱང་ལང་མི་དགོ་ ག་ཅི་སྨོ་ཟེར་བ་ཅིན་ དུས་ཚོད་དེ་ལུ་ ཁྱེད་ཀྱིས་སླབ་དགོ་མི་ཚིག་འདི་ཀྲིག་ཀྲི་སྦེ་གནང་འོང་།

མེ་ཐིའུ་ལེའུ་ 13:22

རྩང་གི་ཚང་ནང་བུད་མིའི་སོན་གྱི་དཔེ་འདི་ཨ་ནི་ཨིན་ མི་ཚུ་གིས་གསུང་ཉན་ཏེ་འབད་རུང་ མི་ཚེ་འདི་གི་ཚ་གྱང་དང་ རྒྱུ་ནོར་ལོངས་སྤྱོད་ཀྱི་ཞེན་ཆགས་ཀྱིས་བསྡམས་ཏེ་ ལོ་ཐོག་མ་འཚོ་མི་ཚུ་ཨིན།

མེ་ཐིའུ་ལེའུ་ 6:34

དེ་འབདཝ་ལས་ ནངས་པ་གི་དོན་ལུ་ ད་རེས་ཚ་གྱང་མ་ལངས་ ག་ཅི་སྨོ་ཟེར་བ་ཅིན་ ནངས་པ་གི་དོན་ལུ་ ནངས་པ་རང་ཚ་གྱང་ལངས་འོང་ ཉིནམ་རེ་རེ་བཞིན་དུ་ ཚ་གྱང་སྡུག་བསྔལ་དེ་ ཐོན་ཏེ་རང་འོངམ་ཨིན།།

མེ་ཐིའུ་ལེའུ་ 6:8

ཁྱེད་ཁོང་བཟུམ་སྦེ་མ་འབད་ ག་ཅི་སྨོ་ཟེར་བ་ཅིན་ ཁྱེད་ལུ་ག་ཅི་དགོཔ་ཨིན་ན་ ཁྱེད་ཀྱིས་མ་ཞུ་བའི་ཧེ་མ་ལས་ ཡབ་ཀྱིས་ཀྲིག་ཀྲི་སྦེ་མཁྱེན།

ལུ་ཀ་ལེའུ་ 10:41

དེ་ལས་ཡེ་ཤུ་གིས་མོ་ལུ་ མར་ཐཱ་ མར་ཐཱ་ ཁྱོད་དོན་དག་མེད་པའི་ལཱ་ཚུ་གི་ཚ་གྱང་ལང་སྡོདཔ་མས།

ལུ་ཀ་ལེའུ་ 12:22

ཡེ་ཤུ་གིས་ད་རུང་ཁོ་རང་གི་སློབ་མ་ཚུ་ལུ་ ང་གིས་ཁྱེད་ལུ་སླབ་དོ་ ཁྱེད་རང་གི་མི་ཚེ་གི་དོན་ལུ་ག་ཅི་ཟ་ནི་ཨིན་ན་ ལུས་ཀྱི་དོན་ལུ་ག་ཅི་གྱོན་ནི་ཨིན་ན་ ཚ་གྱང་ལངས་མི་དགོ།

ལུ་ཀ་ལེའུ་ 12:29

ག་ཅི་ཟ་ནི་ཨིན་ན་ ག་ཅི་འཐུང་ནི་ཨིན་ན་ཟེར་མནོ་སྟེ་ ཚ་གྱང་ལངས་ཏེ་འཚོལ་མི་དགོ།

ལུ་ཀ་ལེའུ་ 18:1

ཡེ་ཤུ་གིས་སློབ་མ་ཚུ་ལུ་ དུས་ནམ་ཡང་སེམས་མ་ཤི་བར་ཨ་རྟག་རང་སྨོན་ལམ་བཏབ་སྡོད་བཅུག་ནི་སྦེ་ དཔེ་གཏམ་འདི་གསུངས་ནུག

ལུ་ཀ་ལེའུ་ 18:7

ད་འདི་ག་ཅི་སྨོ་ཟེར་བ་ཅིན་ དཀོན་མཆོག་གིས་བཙག་འཐུ་གནང་མི་ཚུ་གིས་ ཉིན་ནུབ་མེད་པར་ ཁོ་ལུ་རོགས་རམ་ཞུཝ་ཨིན་ དེ་ཨིན་པ་ཅིན་ དཀོན་མཆོག་གིས་ཁོང་ལུ་ ཁྲིམས་ཕྲང་སྟེ་མ་ཕྱེ་བར་ ཕར་འཕུལ་ཏེ་མི་བཞག

ཀོ་རཱིན་ཐི་དང་པ་ལེའུ་ 7:21

ཁྱོད་ལུ་འབོ་པའི་སྐབས་ལུ་ ཁྱོད་རྒྱོབོ་སྦེ་སྡོད་སྡོདཔ་ཨིན་ན་ འདི་ལུ་སྣང་དག་མ་བསྐྱེད་ དེ་འབདཝ་ད་ འདི་ལས་ཐར་ཚུགས་པ་ཅིན་ འཐོན་འགྱོ་རུང་ལེགས་ཤོམ་འོང་།

ཀོ་རཱིན་ཐི་དང་པ་ལེའུ་ 7:32

ཁྱེད་ག་ར་ཚ་གྱང་མ་ལང་པར་སྡོད་བཅུག་ནིའི་འདོད་པ་ང་ལུ་ཡོད་ གཉེན་མ་རྐྱབ་པར་སྡོད་མི་དེ་གིས་ ག་དེ་སྦེ་གཙོ་བོ་གི་ཕྱག་ཞུ་ནི་ཨིན་ན་ཟེར་གཙོ་བོ་བསྟེན་ཏེ་ གཙོ་བོ་གི་ཐུགས་དགྱེས་བཅུགས་ནི་སྦེ་སྡོདཔ་ཨིན།

ཀོ་རཱིན་ཐི་གཉིས་པ་ལེའུ་ 1:11

དེ་ལས་ཁྱེད་ཀྱིས་ཡང་ ང་བཅས་ཀྱི་དོན་ལུ་སྨོན་ལམ་བཏབ་སྟེ་ ཆ་རོགས་འབད་དགོ་ དེ་སྦེ་འབདཝ་ལས་བརྟེན་ ཁྱེད་ཀྱི་སྨོན་ལམ་འདི་ དཀོན་མཆོག་གིས་གསན་ཏེ་ ང་བཅས་ལུ་སྲུང་སྐྱོབས་མཛད་གནངམ་ད་ མི་ལེ་ཤ་གིས་བཀྲིན་དགའ་ཚོར་འཕུལ་འོང་།།

ཨི་ཕི་སིཔ་ལེའུ་ 5:20

དེ་ལས་རྟག་བུ་རང་ ག་ར་གི་དོན་ལུ་ ང་བཅས་རའི་གཙོ་བོ་ཡེ་ཤུ་ཁིརཱིས་ཀྱི་མཚན་ནང་ ཡབ་དཀོན་མཆོག་ལུ་བཀའ་དྲིན་ཆེ་ཟེར་ཞུ།།

ཨི་ཕི་སིཔ་ལེའུ་ 6:18

འདི་གི་དོན་ལུ་ ཐུགས་ཉིད་ཀྱི་རྒྱུད་ལས་སྨོན་ལམ་ཞུ་སྟེ་ དུས་ནམ་རང་འབད་རུང་ གསོལཝ་བཏབ་སྟེ་རང་སྡོད་ གནས་སྟངས་ག་ཅི་རང་འོང་རུང་ བརྟན་ཏོག་ཏོ་དང་ ན་འཐན་ཏོག་ཏོ་སྦེ་སྡོད་དེ་ དཀོན་མཆོག་ཁོ་རའི་དམ་པའི་མི་ག་ར་གི་དོན་ལུ་ རྟག་བུ་རང་རྩ་འགེངས་ཏེ་སྨོན་ལམ་ཞུ།

ཀོ་ལོ་སི་ལེའུ་ 3:15

སྐུ་གཟུགས་གཅིག་གི་ཡན་ལག་འདི་ཚུ་བཟུམ་སྦེ་ ཁྱེད་ཆ་ཁྱབ་ཡང་ མི་གཅིག་སྦེ་མཐུན་ནི་གི་དོན་ལུ་ བཙག་འཐུ་མཛད་ཡོདཔ་ལས་བརྟེན་ཏེ་ ཁིརཱིས་ཀྱི་ཞི་བདེ་ ཁྱེད་ཀྱི་སེམས་ལུ་དབང་སྐྱོང་འབད་བཅུག་ དེ་ལས་ཁྱེད་བཀའ་དྲིན་དགའ་ཚོར་ཅན་སྦེ་འཐོན་དགོ།

ཀོ་ལོ་སི་ལེའུ་ 3:17

དེ་ལས་ཁྱེད་ཀྱིས་གཏམ་གཅིག་སླབ་རུང་ ལཱ་གཅིག་འབད་རུང་ ག་ཅི་རང་འབད་རུང་ གཙོ་བོ་ཡེ་ཤུ་གི་སྐུ་ཚབ་ཨིནམ་བཟུམ་སྦེ་ འདི་ཚུ་ག་ར་འབད་དགོ་ ཡེ་ཤུ་གི་སྒོ་ལས་སྦེ་ ཡབ་དཀོན་མཆོག་ལུ་ བཀའ་དྲིན་ཕུལ།།

ཀོ་ལོ་སི་ལེའུ་ 4:2

དཀོན་མཆོག་ལུ་སྨོན་ལམ་ཞུ་ནི་མ་བཞག་ སྨོན་ལམ་བཏབ་ད་ སེམས་མ་ཡེངས་པར་དྲནམ་བཏོན་ཞིནམ་ད་ བཀའ་དྲིན་ལེགས་སོ་ཞུ་སྟེ་སྡོད།

ཏི་མོ་ཐི་དང་པ་ལེའུ་ 2:1

དེ་འབདཝ་ལས་དང་པ་རང་ ང་གིས་ཁྱོད་དང་དདཔ་ཅན་གཞན་ཚུ་ལུ་དྲན་བསྐུལ་དེ་སྦེ་འབད་དོ་ ད་སྨོན་ལམ་ནང་ མི་ག་ར་གི་དོན་ལུ་ དཀོན་མཆོག་ལུ་ཞུ་བ་ཕུལ་ གསོལཝ་བཏབ་ དེ་ལས་དཀོན་མཆོག་གིས་མི་ག་ར་གི་དོན་ལུ་ མཛད་གནང་མི་གི་དོན་ལས་ བཀའ་དྲིན་དགའ་ཚོར་ཕུལ།

ཏི་མོ་ཐི་དང་པ་ལེའུ་ 5:5

ཨམ་སྲུ་ཡུགས་ས་མོ་ངོ་མ་འདི་ མོ་ལུ་བདག་འཛིན་འཐབ་མི་ག་ཡང་མེད་མི་དང་ དཀོན་མཆོག་ལུ་བློ་གཏད་མི་ དེ་ལས་དྲོ་པ་ཕྱི་རུ་ཨ་རྟག་རང་ དཀོན་མཆོག་ལུ་སྨོན་ལམ་བཏབ་སྟེ་རོགས་རམ་ཞུ་མི་འདི་ཨིན།

པེ་ཏྲོ་དང་པ་ལེའུ་ 4:7

དུས་མཐའན་མཇུག་ལུ་ ག་ཅི་འབྱུང་ནི་ཨིན་ན་ དེ་ཚུ་ག་ར་ནཱ་སྦོ་ལོགས་ཁར་ལྷོད་ཅི་ དེ་འབདཝ་ལས་ མནོ་བསམ་ལེགས་ཤོམ་སྦེ་བཏང་སྟེ་ སེམས་ཁར་ལུ་དྲནམ་བཏོན་ དེ་ལས་ཁྱེད་ཆ་ཁྱབ་ཀྱིས་སྨོན་ལམ་བཏབ་ཚུགས།

པེ་ཏྲོ་དང་པ་ལེའུ་ 5:7

ཁྱེད་རང་གི་ཚ་གྱང་དང་སྡུག་བསྔལ་ག་ར་ཁོ་ལུ་ཕུལ་ ག་ཅི་སྨོ་ཟེར་བ་ཅིན་ ཁོ་གིས་ཁྱེད་ལུ་ ག་ཅི་རང་བྱུང་རུང་ བདག་འཛིན་འཐབ་གནངམ་ཨིན།