ཕི་ལི་པི་ལེའུ་ 4:5 - རྫོང་ཁ་

⁵ ཁྱེད་ཀྱི་ཉམ་ཆུང་གི་བྱ་བ་སྤྱོད་ལམ་གྱི་ཐོག་ལས་ མི་ག་ར་གིས་ཤེས་བཅུག་ གཙོ་བོ་སྦོ་ལོགས་ཁར་བཞུགས་ཏེ་ཡོད།

ཕི་ལི་པི་ལེའུ་ 4:5 Iomraidhean Croise

མེ་ཐིའུ་ལེའུ་ 6:25

དེ་སྦེ་འབད་ནི་དེ་གིས་ ང་གིས་ཁྱེད་ལུ་སླབ་ཨིན་ ཁྱེད་རང་གི་མི་ཚེ་གི་དོན་ལུ་ ག་ཅི་ཟ་ནི་ ག་ཅི་འཐུང་ནི་ ག་ཅི་གྱོན་ནི་ཨིན་ན་ཟེར་ དེ་ཚུ་གི་སྐོར་ལས་ཚ་གྱང་མ་ལངས་ མིའི་ཚེ་འདི་བཞེས་སྒོ་ཟ་ནི་ལས་ཁག་ཆེཝ་དང་ མིའི་ལུས་འདི་བགོ་ལ་གྱོན་ནི་ལས་ཁག་ཆེཝ་ཨིནམ་མི་ཤེས་ག།

མེ་ཐིའུ་ལེའུ་ 6:34

དེ་འབདཝ་ལས་ ནངས་པ་གི་དོན་ལུ་ ད་རེས་ཚ་གྱང་མ་ལངས་ ག་ཅི་སྨོ་ཟེར་བ་ཅིན་ ནངས་པ་གི་དོན་ལུ་ ནངས་པ་རང་ཚ་གྱང་ལངས་འོང་ ཉིནམ་རེ་རེ་བཞིན་དུ་ ཚ་གྱང་སྡུག་བསྔལ་དེ་ ཐོན་ཏེ་རང་འོངམ་ཨིན།།

ལུ་ཀ་ལེའུ་ 21:34

ད་ཁྱེད་རིགཔ་བསྒྱིམ་སྟེ་སྡོད་ ལུས་ཀྱི་སྤྲོ་བ་བཏོན་ནི་དང་ ཆང་གིས་འགྲངས་ནི་དང་ མི་ཚེ་འདི་གི་ཚ་གྱང་ལངས་ཏེ་མ་སྡོད་ ག་ཅི་སྨོ་ཟེར་བ་ཅིན་ དུས་ཚོད་འདི་ཁྱེད་ཀྱིས་མ་ཤེས་པར་ འོང་ནི་གི་ཉེན་ཁ་ཡོད།

ཀོ་རཱིན་ཐི་དང་པ་ལེའུ་ 16:22

ག་ར་འབད་རུང་ གཙོ་བོ་ལུ་བྱམས་པ་མ་བསྐྱེད་མི་ཡོད་པ་ཅིན་ འདི་ལུ་ཕྱི་བཏོན་བཞག་བཅུག་ གཙོ་བོ་བྱོན་ལགས།

ཀོ་རཱིན་ཐི་དང་པ་ལེའུ་ 6:7

དེ་བཟུམ་སྦེ་ ཁྲིམས་ཁང་ནང་སླབ་གཞི་རྐྱབ་ད་ ཕམ་ཤོས་ཁྱེད་རང་ཨིན་ དེ་བ་འདི་རྫུན་ཁ་རང་གིས་འབག་སྟེ་སྡོདཔ་མི་དྲག་ག་ ཡང་ན་ རོགས་ཀྱི་མགུ་འབྱིད་ནང་བཟོད་པ་བསྒོམ་སྡོདཔ་དྲག་མེན་ན།

ཀོ་རཱིན་ཐི་དང་པ་ལེའུ་ 8:13

དེ་འབདཝ་ལས་ ང་གིས་ཟ་མི་ཤ་ཡང་ན་བཞེས་སྒོ་གིས་ ཁོང་སྤུན་ཆ་ཚུ་ སྡིག་པ་གི་ཧིང་ནང་ཚུད་བཅུག་པ་ཅིན་ ང་མི་ཚེ་གཅིག་ཁོང་ལུ་གནོད་པའི་བཞེས་སྒོ་དང་ཤ་ག་ནི་ཡང་མི་ཟ།།

ཀོ་རཱིན་ཐི་དང་པ་ལེའུ་ 9:25

རྩེད་སྟོན་ནང་འགྲན་བསྡུར་འབད་མི་ག་ར་གིས་ རང་སེམས་རང་གིས་སྲུང་བཞག་ཚུགསཔ་སྦེ་འབད་དགོ་ ཁོང་གིས་མེདཔ་ཐལ་འགྱོ་མི་གསོལ་རས་ཐོབ་ནིའི་དོན་ལུ་ རྩ་འགེངས་ཏེ་འབདཝ་ཨིན་ དེ་འབདཝ་ད་ ང་བཅས་དུས་རྒྱུན་དུ་ མེདཔ་རྩ་ལས་ཐལ་ནི་མེད་པའི་གསོལ་རས་ཀྱི་དོན་ལུ་འགྲན་བསྡུར་འབདཝ་ཨིན།

ཀོ་རཱིན་ཐི་གཉིས་པ་ལེའུ་ 10:1

ད་ཁྱེད་ཆ་ཁྱབ་ཀྱིས་འབད་བ་ཅིན་ ང་ཁྱེད་དང་གཅིག་ཁར་སྡོདཔ་ད་ རང་ལུ་དབང་ག་ནི་ཡང་མེདཔ་བཟུམ་ཅིག་འབད་མི་དང་ ཁྱེད་ལས་ཐག་རིང་སར་འབད་བ་ཅིན་ བློ་ཁོག་སྦོམ་སྦེ་ ཡི་གུ་འབྲི་གཏང་མི་གཅིག་ཨིན་ ཨིན་ཏེ་འབད་རུང་ ང་ པའུལ་གྱིས་ ཡེ་ཤུ་ཁིརཱིས་ཀྱི་ཐུགས་ཞི་བའི་ངང་ལུ་ བཞུགས་ཡོད་མིའི་ཐོག་ལས་ ཁྱེད་ལུ་བསྐུལ་མ་ཞུ་དོ།

ཐེ་ས་ལོ་ནི་ཀ་གཉིས་པ་ལེའུ་ 2:2

གཙོ་བོ་གི་ཉིནམ་དེ་ལྷོད་ཅི་ཟེར་ ཁྱེད་ཚ་གྱང་ལང་ མགུ་འཐོམ་སྟེ་མ་སྡོད་ཟེར་སླབ་ནི་ཨིན་ ཉིནམ་དེ་གི་སྐོར་ལས་ གཞན་ཚུ་གིས་ ང་བཅས་ཀྱིས་ལུང་བསྟན་ ཡང་ན་ཁ་འཐེན་ ཡང་ན་ཡི་གུ་ནང་དེ་སྦེ་བྲིས་ཡི་ཟེར་སླབ་འོང་།

ཏི་ཏུས་ལེའུ་ 3:2

རོགས་ལུ་སྐྱོན་བཏག་ནི་མེདཔ་དང་ འཐབ་འཛིང་འབད་ནི་མེདཔ་དང་ མི་ག་ར་ལུ་ཉམ་ཆུང་ཏོག་ཏོ་སྦེ་ ཞེ་ས་འབད་དགོ་ཟེར་དྲན་བསྐུལ་འབད།

ཧིབ་རུ་ལེའུ་ 10:25

མི་ལ་ལུ་ཅིག་ལུ་ དདཔ་ཅན་འཛོམས་སར་འགྱོ་ནིའི་ལུགས་སྲོལ་མེདཔ་འོང་ དེ་འབདཝ་ད་ ཁྱེད་གཅིག་ཁར་འཛོམས་ཏེ་ གཅིག་གིས་གཅིག་ལུ་སེམས་ཤུགས་བྱིན་དགོ་ གཙོ་བོ་གི་ཉིནམ་དེ་ནཱ་སྦོ་ལོགས་ལྷོདཔ་ཨིནམ་ ཁྱེད་ཀྱིས་མཐོང་མཐོངམ་འབདཝ་ལས་བརྟེན་ཏེ་ འདི་ལས་ཡང་ལྷགཔ་སྦེ་འབད་དགོ།

ཧིབ་རུ་ལེའུ་ 10:37

ག་ཅི་སྨོ་ཟེར་བ་ཅིན། ཡུདཔ་ཐེངས་ཅིག་ནང་ བྱོན་ནི་འབད་མི་དེ་ མ་ཕྱི་བར་ ཐད་རི་བ་རི་བྱོན་འོང་།

པེ་ཏྲོ་དང་པ་ལེའུ་ 1:11

དེ་ལས་ དཀོན་མཆོག་གིས་ བཙག་འཐུ་མཛད་མི་ཁིརཱིས་ལུ་ འབྱུང་ནི་འབད་མི་སྡུག་བསྔལ་གྱི་སྐོར་ལས་དང་ དེ་གི་ཤུལ་ལས་འོང་ནི་འབད་མིའི་གཟི་བརྗིད་ཀྱི་སྐོར་ལས་ མ་འབྱུང་ནིའི་ཧེ་མ་ལས་འཛོམ་དཔང་འབད་དེ་ ཁོང་གི་ནང་ན་ཡོད་མི་ ཁིརཱིས་ཀྱི་ཐུགས་ཉིད་ཀྱིས་ འདི་གི་སྐོར་ལས་སྟོན་གནང་མི་ དུས་ཚོད་དང་གནས་སྟངས་ ག་དེ་སྦེ་འབྱུང་ནི་ཨིན་ན་ འདི་ག་ར་ཁོང་གིས་དབྱེ་བ་དཔྱད་དེ་བལྟ་ནུག

པེ་ཏྲོ་དང་པ་ལེའུ་ 4:7

དུས་མཐའན་མཇུག་ལུ་ ག་ཅི་འབྱུང་ནི་ཨིན་ན་ དེ་ཚུ་ག་ར་ནཱ་སྦོ་ལོགས་ཁར་ལྷོད་ཅི་ དེ་འབདཝ་ལས་ མནོ་བསམ་ལེགས་ཤོམ་སྦེ་བཏང་སྟེ་ སེམས་ཁར་ལུ་དྲནམ་བཏོན་ དེ་ལས་ཁྱེད་ཆ་ཁྱབ་ཀྱིས་སྨོན་ལམ་བཏབ་ཚུགས།

མཐོང་སྣང་ལེའུ་ 22:20

ཨ་ནི་ཕྱག་ལཱ་ག་ར་ལུ་འཛོམ་དཔང་མཛད་མི་དེ་གིས་ དོན་ལས་རང་ང་མགྱོགས་པར་འོང་དོ་ཟེར་གསུངས་ཡི་ ཨ་མཱེན་ གཙོ་བོ་ ཡེ་ཤུ་མགྱོགས་པར་འབྱོན་གནང་།

མཐོང་སྣང་ལེའུ་ 22:7

ད་བལྟ་ཤིག་ ང་མགྱོགས་པར་འོང་ནི་ཨིན་ ཨ་ནི་དེབ་ནང་གི་ལུང་བསྟན་པའི་བཀའ་ སེམས་ཁར་བཞག་མི་འདི་ བྱིན་རླབས་ཅན་ཨིན།