ཕི་ལི་པི་ལེའུ་ 4:4 - རྫོང་ཁ་

⁴ གཙོ་བོ་ནང་ ཨ་རྟག་རང་དགའ་ཚོར་འགྱུར་ ད་རུང་ཡང་ དགའ་ཚོར་འགྱུར་ཟེར་ང་གིས་སླབ་དོ།

ཕི་ལི་པི་ལེའུ་ 4:4 Iomraidhean Croise

མེ་ཐིའུ་ལེའུ་ 5:12

ཁྱེད་ཆ་ཁྱབ་སེམས་དགའ་སྟེ་དགའ་འཚོར་འགྱུར་ ག་ཅི་སྨོ་ཟེར་བ་ཅིན་ཁྱེད་ཀྱི་དོན་ལུ་ ཞིང་ཁམས་ལུ་གསོལ་རས་སྦོམ་གཅིག་བཞག་ཡོད་ ཁྱེད་ལུ་གནོད་པ་སྐྱེལ་ཏེ་སྡུག་བྱིན་དོཝ་བཟུམ་སྦེ་རང་ ཁྱེད་ཀྱི་ཧེ་མ་ལས་འོང་མིའི་ལུང་སྟོན་པ་ཚུ་ལུ་ཡང་འབད་ནུག།

མཛད་པ་ལེའུ་ 16:25

དེ་འབདཝ་ད་ གནམ་ནུབ་ཕྱེད་ལུ་ པའུལ་དང་ སི་ལཱས་གཉིས་ཀྱིས་ དཀོན་མཆོག་ལུ་སྨོན་ལམ་ཞུ་སྟེ་ མགུར་མ་འཐེནམ་ད་ བཙོན་པ་གཞན་ཚུ་གིས་ཡང་ ཁོང་གིས་འཐེན་མི་བསྟོད་དབྱངས་ཀྱི་གླུ་དེ་ལུ་ཉན་སྡོད་ནུག

མཛད་པ་ལེའུ་ 5:41

སྐུ་ཚབ་ཚུ་ལྷན་ཚོགས་ནང་ལས་ཐོན་འོངམ་ད་ ཁོང་ཡེ་ཤུ་གི་མཚན་ནང་སྡུག་བསྔལ་འབག་ནི་གི་ འོས་འབབ་ཡོདཔ་སྦེ་བརྩི་ནི་འདི་གིས་ སེམས་ཁར་དགའ་སྤྲོ་སྦོམ་འགྱུར་ནུག

རོམ་མི་ལེའུ་ 12:12

དཀོན་མཆོག་གི་དོན་དག་ཚུ་སྒྲུབ་ནི་ཨིན་ཟེར་ རེ་བ་བསྐྱེད་དེ་དགའ་ཚོར་འགྱུར་ དཀའ་ངལ་བྱུང་པའི་སྐབས་ལུ་བཟོད་པ་སྒོམས་ ཉམས་མ་འཚེར་བར་སྨོན་ལམ་བཏབ་སྡོད།

ཀོ་རཱིན་ཐི་གཉིས་པ་ལེའུ་ 6:10

ང་བཅས་མྱ་ངན་ཕོག་སྟེ་འབད་རུང་ ང་བཅས་ལུ་རྟག་བུ་རང་ དགའ་སྤྲོ་བྱུངམ་ཨིན་ ང་བཅས་སྤྱང་ཀ་ཨིན་རུང་ མི་ལེ་ཤ་ལུ་བྱིན་རླབས་ཀྱིས་ཕྱུགཔ་བཟོ་བྱིན་ཡི་ དེ་ལས་ང་བཅས་ལུ་ ག་ནི་ཡང་མེད་རུང་ ག་ར་ལངམ་སྦེ་སྡོདཔ་ཨིན།

ག་ལ་ཏི་ལེའུ་ 1:8

ང་བཅས་ཀྱིས་ཧེ་མ་བཤད་མིའི་གཏམ་བཟང་ལས་འགལ་མི་གཅིག་འོང་པ་ཅིན་ ད་རུང་ལོག་སྟེ་ང་བཅས་རང་གིས་བཤད་རུང་འདྲ་ ཞིང་ཁམས་ཀྱི་ཕོ་ཉ་འོངས་ཏེ་བཤད་རུང་འདྲ་ ཁོ་ལུ་མཐའ་མེད་པའི་ཆདཔ་ཕོག་བཅུག

ཕི་ལི་པི་ལེའུ་ 2:18

ཨ་ནི་བློ་ལུ་ ཁྱེད་ཆ་ཁྱབ་ཡང་ ང་དང་མཉམ་གཅིག་སེམས་དགའ་སྟེ་ དགའ་སྤྲོ་འགྱུར་དགོ།།

ཕི་ལི་པི་ལེའུ་ 3:1

ངེའི་སྤུན་ཆ་ཚུ་ ག་ཅི་རང་བྱུང་རུང་ གཙོ་བོ་ནང་དགའ་ཚོར་འགྱུར་ ཁྱེད་ལུ་ལོག་ཅི་ལོག་ཅི་རང་ བློ་གཅིག་བྲིས་བ་ཅིན་ ང་ཞེ་མི་བསུན་ འདི་ཁྱེད་ཀྱི་དད་པ་ལུ་སྲུང་སྐྱོབས་འབད་ནིའི་དོན་ལུ་ཨིན།

པེ་ཏྲོ་དང་པ་ལེའུ་ 4:13

ཨིན་རུང་ དེ་ལུ་དགའ་སྤྲོ་འགྱུར་ ག་ཅི་སྨོ་ཟེར་བ་ཅིན་ ཁྱེད་ཀྱིས་ཁིརཱིས་ཀྱི་དཀའ་ངལ་མྱོང་མིའི་ནང་ བཅའ་མར་གཏོགསཔ་ཨིན་ དེ་ལས་དུས་མཐའན་མཇུག་ལུ་ ཁོ་གི་གཟི་བརྗིད་འདི་ ཕྱི་ཁར་ཐོནམ་ད་ ཁྱེད་དེ་ལས་ཡང་ལྷག་པའི་དགའ་སྤྲོ་འགྱུར་འོང་།