ཕི་ལི་པི་ལེའུ་ 4:3 - རྫོང་ཁ་

³ ང་དང་གཅིག་ཁར་ ན་འཐན་ཏོག་ཏོ་སྦེ་ལཱ་འབད་མི་ཁྱོད་ལུ་ཡང་ ཨ་ནི་ཨམ་ཚུ་ལུ་ འཆམ་ཁ་བཟོ་བྱིན་ཟེར་ ང་གིས་གསོལཝ་བཏབ་ཨིན་ ག་ཅི་སྨོ་ཟེར་བ་ཅིན་ ཁོང་གཉིས་ཀྱིས་ ཀེལེ་མཱེན་དང་ ངེ་གི་ལཱ་རོགས་གཞན་ཚུ་དང་མཉམ་ གཏམ་བཟང་བཤད་ནི་ནང་ ང་དང་གཅིག་ཁར་དཀའཝ་སྤྱད་ཅི་ ཁོང་གི་མིང་ ཚེའི་དེབ་ནང་བྲིས་ཏེ་ཡོད།

ཕི་ལི་པི་ལེའུ་ 4:3 Iomraidhean Croise

ལུ་ཀ་ལེའུ་ 10:20

ཨིན་རུང་རང་ འདྲེ་གདོན་འདི་ཚུ་ ཁྱེད་ཀྱི་ཁ་ལུ་ཉན་བཏུབ་པས་ཟེར་དགའ་སྤྲོ་མ་འགྱུར་ དེ་འབདཝ་ད་ ཁྱེད་ཀྱི་མིང་ཞིང་ཁམས་ལུ་ཐོ་བཀོད་ཡོད་མི་འདི་ལུ་ དགའ་སྤྲོ་འགྱུར་ཟེར་གསུངས་ནུག།

རོམ་མི་ལེའུ་ 12:1

དབའེ་སྤུན་ཆ་ཚུ་ དཀོན་མཆོག་གིས་ང་བཅས་ལུ་ཐུགས་བརྩེ་བ་ལུ་བརྟེན་ཏེ་ དཀོན་མཆོག་གི་ཐུགས་དགྱེས་མི་སྦེ་ ཁྱེད་ཀྱི་གསོན་པོའི་ལུས་འདི་ རང་གིས་རང་ལུ་སྤང་སྟེ་ གཙང་ཏོག་ཏོ་གི་ཐོག་ལས་ ཁོ་ལུ་ཕུལ་ཟེར་ ང་གིས་ཁྱེད་ལུ་གསོལ་བཏབ་ཞུ་དོ་ མཆོདཔ་ངོ་མ་འདི་ཨ་ནི་རང་ཨིན།

རོམ་མི་ལེའུ་ 16:12

གཙོ་བོ་གི་དོན་ལུ་ ལཱ་འབད་མི་སྲིངམོ་ ཏིརི་ཕེ་ན་དང་ ཏིརི་ཕོ་ས་ལུ་ སྐུ་གཟུགས་བཟང་པོ་ ད་རུང་གཙོ་བོ་གི་དོན་ལུ་ ལཱ་རྩ་འགེངས་འབད་མི་སྲིངམོ་ ང་བཅས་ཀྱི་གཅེས་པའི་ པེར་སཱིས་ལུ་ཡང་སྐུ་གཟུགས་བཟང་པོ་ཟེར་སླབ་གནང་།

རོམ་མི་ལེའུ་ 16:9

ཁིརཱིས་ཀྱི་དོན་ལུ་ ང་བཅས་དང་མཉམ་དཀོན་མཆོག་གི་ཕྱག་ཞུ་མི་ ཨུར་བ་ནཱས་དང་ ངེ་གི་ལྟོ་ཚང་ སེཏེ་ཀཱས་ལུ་ང་ལས་སྐུ་གཟུགས་བཟང་པོ།

ཕི་ལི་པི་ལེའུ་ 1:12

ངེ་གི་སྤུན་ཆ་ཚུ་ ང་ལུ་བྱུང་སྟེ་ཡོད་མི་ཚུ་གིས་ གཏམ་བཟང་བཤད་ནི་ནང་ལུ་ ཕན་པ་ལེ་ཤ་ཐོབ་ཡོདཔ་ ཁྱེད་ཆ་ཁྱབ་ལུ་ཤེས་བཅུག་དགོ་མནོ་ཡི།

ཕི་ལི་པི་ལེའུ་ 1:16

ཁོང་ལེགས་སེམས་མནོ་མི་ཚུ་གིས་ ང་ནཱ་ལུ་བཙུགས་དགོ་པའི་དོན་དག་དེ་ གཏམ་བཟང་ལུ་བདེན་ཁུངས་བཀལ་བའི་དོན་ལུ་ཨིན་ཟེར་ ང་ལུ་བྱམས་སེམས་བསྐྱེད་དེ་ ཆོས་བཤདཔ་ཨིན་མས།

ཕི་ལི་པི་ལེའུ་ 1:27

གཙོ་བོ་རང་ ཁྱེད་ཀྱི་བྱ་བ་སྤྱོད་ལམ་དེ་ ཁིརཱིས་ཀྱི་གཏམ་བཟང་དང་མཐུནམ་སྦེ་སྡོད་ ང་ཁྱེད་འབད་ས་འོངས་ཏེ་ ང་རང་གི་མིག་ཏོ་གིས་མཐོང་རུང་རང་ ཡང་ན་འོང་མ་ཚུགས་ཏེ་འབད་རུང་རང་ ཁྱེད་ཀྱིས་ག་ར་སེམས་གཅིག་སྦེ་མཐུན་ཏེ་ གཞན་ཚུ་གིས་ གཏམ་བཟང་ལུ་དད་པ་བསྐྱེད་པའི་དོན་ལུ་ གཅིག་ཁར་སྦེ་ལཱ་དཀའཝ་སྤྱད་དེས་ཟེར་གོ་བཅུག

ཕི་ལི་པི་ལེའུ་ 1:5

ག་ཅི་སྨོ་ཟེར་བ་ཅིན་ ཁྱེད་ཀྱིས་གཏམ་བཟང་གོ་སྟེ་ དད་པ་བསྐྱེད་པའི་ཉིནམ་འདི་ལས་འགོ་བཙུགས་ཏེ་ ད་ལྟོ་ཚུན་ཚོད་ཀྱི་བར་ན་ གཏམ་བཟང་བཤད་ནི་ལུ་ཆ་རོགས་འབད་བྱིན་ཡི།

ཕི་ལི་པི་ལེའུ་ 1:7

ང་ཁྱེད་ལུ་སེམས་ཀྱི་གདིང་ལས་རང་དགའ་ནི་འདི་གིས་ ཁྱེད་ག་ར་ལས་སྦེ་དགའ་སྤྲོ་འགྱུར་ནི་དེ་ཀྲིག་ཀྲི་རང་ཨིན་ ག་ཅི་སྨོ་ཟེར་བ་ཅིན་ ང་བཙོན་ནང་སྡོད་རུང་རང་ ཡང་ན་ཕྱི་ཁ་སྡོད་དེ་ གཏམ་བཟང་གི་སྐོར་ལས་བདེན་ཁུངས་བཀལ་རུང་རང་ དཀོན་མཆོག་གིས་ང་བཅས་ལུ་གནང་མི་ལཱ་ནང་ ཁྱེད་ཀྱིས་ང་ལུ་ཆ་རོགས་འབད་བྱིན་ཡི།

ཕི་ལི་པི་ལེའུ་ 4:2

ཨམ་ ཡུའོ་དི་ཡ་དང་ཨམ་ སཱིན་ཏི་ཀི་ ཁོང་གཉིས་གཙོ་བོ་ནང་སེམས་མཐུན་ཏེ་སྡོད་ཟེར་ ང་གིས་ཁོང་ལུ་དྲན་བསྐུལ་འབདཝ་ཨིན།

ཀོ་ལོ་སི་ལེའུ་ 1:7

དེ་ ང་བཅས་དང་མཉམ་ལཱ་འབད་མི་ བརྩེ་བའི་ཞབས་ཕྱིཔ་ ཨེ་པ་ཕརཱས་ལས་ཁྱེད་ཀྱིས་གོ་ཡི་ ཁོ་ཁིརཱིས་ཀྱི་ཞབས་ཕྱིཔ་ན་འཐན་ཏོག་ཏོ་ ང་བཅས་ཀྱི་ཐོག་ལས་ ཁྱེད་ལུ་ཆ་རོགས་འབད་མི་གཅིག་ཨིན།

མཐོང་སྣང་ལེའུ་ 13:8

དེ་ལས་འཛམ་བུ་གླིང་ནང་སྡོད་མི་ག་ར་གིས་ ཨ་ནི་གཅན་གཟན་འདི་ལུ་ ཕྱག་འཚལ་ཏེ་བསྟོད་པ་ཕུལ་ནུག་ ཁོང་ཆ་ཁྱབ་ འཛམ་གླིང་མཛད་པ་ལས་འགོ་བཙུགས་ཏེ་ ཚེའི་དེབ་ནང་མིང་མ་འབྲི་མི་ཚུ་ཨིན་ ཚེའི་དེབ་དེ་ བཀྲོངས་ཏེ་ཡོད་མི་ལུག་གི་ཕྱུག་ཀུ་དེ་གི་ཨིན།།

མཐོང་སྣང་ལེའུ་ 17:8

ཁྱོད་ཀྱིས་མཐོང་མིའི་སེམས་ཅན་འདི་ ཧེ་མ་ཡོད་རུང་ད་ལྟོ་མི་མཐོང་ དེ་འབདཝ་ད་ དེ་མགྱོགས་པར་གཏིང་དང་མཐའ་མེད་པའི་ དོང་ནང་ལས་ཐོན་འོངས་ཏེ་ དེ་ལུ་རྩ་མེད་གཏང་འོང་ དེ་ལས་གཅན་གཟན་ཧེ་མ་ཡོད་མི་ ད་ལྟོ་མ་མཐོང་མི་དེ་ ཁོ་ཤུལ་ལས་ལོག་འོང་ས་མཐོངམ་ད་ འཛམ་བུ་གླིང་ནང་གི་མི་དེ་ཚུ་ ཧེ་མ་འཛམ་གླིང་མཛད་པའི་བསྒང་ལས་ ཡོད་མི་ཚེའི་དེབ་ནང་མིང་མ་འབྲི་མི་ཚུ་གིས་ཧ་ལས་འོང་།

མཐོང་སྣང་ལེའུ་ 20:12

ད་རུང་ང་གིས་ཁྲིའི་སྐུ་མདུན་ལུ་མི་ཤི་སོང་མི་ སྦོམ་དང་ཆུང་ཀུ་ག་ར་ལོང་སྡོད་དེ་ དེབ་དེ་ཚུ་ཁ་ཕྱེཝ་མཐོང་ཅི་ དེ་ལས་ཚེའི་དེབ་ཡང་ཁ་ཕྱེ་ཡི་ ད་ཤི་མི་ཚུ་གི་ཁྲིམས་འདི་ རང་གིས་ག་འབད་མི་ལཱ་ དེབ་དེ་ཚུ་ནང་ག་བྲིས་ཏེ་ཡོད་མི་དང་འཁྲིལ་ཏེ་ ཁྲིམས་བཀལཝ་མས།

མཐོང་སྣང་ལེའུ་ 20:15

དེ་ལས་ག་ར་ཨིན་རུང་ ཚེའི་དེབ་ནང་མིང་མེད་མི་ཚུ་ མེ་གི་མཚོ་ནང་འཐུ་བཀོག་ཡི།།

མཐོང་སྣང་ལེའུ་ 21:27

དེ་འབདཝ་ད་དེ་ནང་ལུ་ ལུག་གི་ཕྱུག་ཀུ་གི་ཚེའི་དེབ་ནང་མིང་བྲིས་མི་མ་གཏོགས་ གཞན་མ་གཙངམ་དང་ ཤོབ་རྐྱབ་མི་ ཞེན་པ་ལོག་སི་སི་དེ་ཚུ་དེ་ནང་འཛུལ་མི་ཚུགས་པས།།

མཐོང་སྣང་ལེའུ་ 3:5

དེ་ལས་ག་གིས་རྒྱལ་ཁ་ཐོབ་མི་དེ་ལུ་ ཨ་ནི་བཟུམ་སྦེ་བགོ་ལ་དཀརཔོ་གྱོན་བྱིན་ནི་ཨིན་ དེ་ལས་ཁོ་གི་མིང་འདི་ནམ་ཡང་ ཚེའི་དེབ་ནང་ལས་བཏོན་མི་གཏང་ དེ་འབདཝ་ད་ ང་གིས་ཁོ་གི་མིང་འདི་ ངེ་གི་ཡབ་དང་ ཁོ་གི་ཕོ་ཉ་ཚུ་གི་གདོང་ཁར་ འཛོམ་དཔང་འབད་འོང་།