ཕི་ལི་པི་ལེའུ་ 4:17 - རྫོང་ཁ་

¹⁷ ང་གིས་ཁྱེད་ལས་ ག་ཅི་ཅིག་དགོ་ནི་འབད་མནོ་སྟེ་སླབ་མེན་ དེ་འབདཝ་ད་ གཞན་ལུ་རོགས་རམ་བྱིནམ་ད་ རང་ལུ་ཡང་བྱིན་རླབས་ཐོབ་དོཝ་བཟུམ་སྦེ་ ཁྱེད་ལུ་ཡང་ བྱིན་རླབས་གནང་བཅུག་ཟེར་མནོཝ་ཨིན།

ཕི་ལི་པི་ལེའུ་ 4:17 Iomraidhean Croise

ཡོ་ཧ་ནཱན་ལེའུ་ 15:16

ཁྱེད་ཀྱིས་ང་ལུ་བཙག་འཐུ་མ་འབད་ དེ་འབདཝ་ད་ ཁྱེད་ཆ་ཁྱབ་འགྱོ་སྟེ་ དུས་རྟག་བུ་འབྲས་བུ་བཏག་བཅུག་ནིའི་དོན་ལུ་ ང་གིས་ཁྱེད་ལུ་བཙག་འཐུ་འབད་དེ་ འགན་ཁུར་སྐྱེལ་ཡི་ དེ་འབདཝ་ལས་ ཁྱེད་ཀྱིས་ངེ་གི་མིང་ནང་ཡབ་ལས་ག་ཅི་རང་ཞུ་རུང་ འདི་ཁྱེད་ལུ་གནང་འོང་།

ཡོ་ཧ་ནཱན་ལེའུ་ 15:8

ཁྱེད་ཀྱིས་དོག་མ་ལེ་ཤ་བཏགས་ཏེ་ ངེ་གི་སློབ་མ་ཨིན་པའི་བདེན་ཁུངས་བཀལ་བ་ཅིན་ ངེ་གི་ཡབ་གཟི་བརྗིད་མངོན་པར་འགྱུར་ནི་ཨིན།

རོམ་མི་ལེའུ་ 15:28

དེ་འབདཝ་ལས་བརྟེན་ཏེ་ ཁོང་གི་དོན་ལུ་བསྡུ་མི་ཞལ་འདེབས་དེ་འབག་སྟེ་ ཁོང་ལུ་སྤྲོད་ཚརཝ་ད་ ང་ཁྱེད་སྡོད་ས་ལས་སྦེ་ སེཔེའཱིན་ལུ་འགྱོ་ནི་ཨིན།

ཀོ་རཱིན་ཐི་གཉིས་པ་ལེའུ་ 11:16

ད་རུང་ཡང་ ང་གིས་ཚར་གཅིག་སླབ་གེ་ ཁྱེད་ཀྱིས་ ང་ལུ་རྩ་རྒས་ཨིན་མས་ཟེར་ མནོ་བསམ་མ་གཏང་ དེ་འབདཝ་ད་ ཁྱེད་ཀྱིས་ང་ལུ་ རྩ་རྒས་སྦེ་བརྩིས་བ་ཅིན་ རྩ་རྒས་སྦེ་རང་ཆ་བཞག་ དེ་ལས་ང་རང་གི་སྐོར་ལས་ ཨ་ཙི་གཅིག་རང་བསྟོད་བརྐྱབས་ཏེ་ སླབ་ནི་ཨིན།

ཀོ་རཱིན་ཐི་གཉིས་པ་ལེའུ་ 9:5

དེ་འབདཝ་ལས་ ཨ་ནི་སྤུན་ཆ་འདི་ཚུ་ ངེ་གི་ཧེ་མ་ལས་གཏང་དགོཔ་དེ་ ཁག་ཆེ་བས་ཟེར་མནོ་ཡི་ ད་ ཁྱེད་ཀྱིས་ཁས་ལེན་འབད་ཚར་མི་གྲོགས་རམ་དེ་ཚུ་ གྲ་སྒྲིག་བརྐྱབ་ནི་ལུ་ཡང་ ཁོང་གིས་ཆ་རོགས་འབད་ཚུགས་ ཨིན་རུང་ དེ་ཚུ་ ཁྱེད་ལུ་ ང་བཅས་ཀྱིས་ དབང་བཙོང་གི་ཐོག་ལས་ ལེན་དོཝ་བཟུམ་མེན་པར་ ཁྱེད་ ཁྱེད་རང་གི་ སྤྲོ་བ་བསྐྱེད་དེ་བྱིནམ་ཨིན་ཟེར་བའི་ རེ་བ་བསྐྱེད་དེ་ཡོད།

ཕི་ལི་པི་ལེའུ་ 1:11

དེ་ལས་ཡེ་ཤུ་ཁིརཱིས་ཀྱི་ཐོག་ལས་སྦེ་འོང་མི་ དཀོན་མཆོག་གི་ཐུགས་དང་ལྡན་པའི་འབྲས་བུ་གིས་ ཁྱེད་ཀྱི་མི་ཚེ་ནང་གང་སྟེ་ དཀོན་མཆོག་གི་གཟི་བརྗིད་ཡར་འཕེལ་བཅུག་ ཁོ་གི་མཚན་ཡང་ཡར་བསྟོད་བཅུག།

ཕི་ལི་པི་ལེའུ་ 4:11

ང་རང་ལུ་ཁག་ཆེཝ་ཡོད་ནི་འདི་གིས་ ང་གིས་དེ་སྦེ་སླབ་མེན་ ག་ཅི་སྨོ་ཟེར་བ་ཅིན་ གནས་སྟང་དང་འཁྲིལ་ཏེ་ཡོད་རུང་མེད་རུང་ དེ་ལུ་ག་དེ་སྦེ་ལངམ་སྦེ་སྡོད་དགོཔ་འདི་ ང་གིས་ལྷབ་ཅི།

ཐེ་ས་ལོ་ནི་ཀ་དང་པ་ལེའུ་ 2:5

ཁྱེད་ཀྱིས་ཐད་རི་བ་རི་ཤེས་ ང་བཅས་ཁྱེད་ལུ་ངོ་དྲིན་བཀལ་ནིའི་དོན་ལུ་འོངམ་མེན་ ང་བཅས་རྒྱུ་ནོར་ཐོབ་པའི་རེ་བ་ལུ་ཡང་འོངམ་མེན་ དཀོན་མཆོག་གིས་ང་བཅས་ཀྱི་བློའི་འདོད་པ་མཁྱེན།

ཏི་མོ་ཐི་དང་པ་ལེའུ་ 3:3

ཆང་གིས་མ་འགྲངས་མི་དང་ སུ་ཐག་ཐུང་ཀུ་འབད་མི་མེན་པར་ རོགས་ལུ་མཉམ་ཆུང་འབད་མི་དང་ ཕུང་མ་འཚོལ་མི་ དེ་ལས་རྒྱུ་ཕྱེད་ཀྲམ་ལུ་ཕངས་སེམས་མ་བསྐྱེད་མིའི་ མི་གཅིག་དགོཔ་ཨིན།

ཏི་མོ་ཐི་དང་པ་ལེའུ་ 6:10

ཏི་རུ་ལུ་དགའ་ནི་འདི་ ངན་པ་ག་ར་གི་ར་ཏོ་ཨིན་ མི་ལ་ལུ་ཅིག་ཏི་རུ་གི་འདོད་པ་གིས་ དད་པའི་ལམ་ནང་ལས་འཐོན་འགྱོ་སྟེ་ ཁོ་ཁོ་རང་ སྡུག་བསྔལ་དང་ན་ཟུག་གིས་སྲོབ་བཅུགཔ་ཨིན།།

ཏི་ཏུས་ལེའུ་ 1:7

ག་ཅི་སྨོ་ཟེར་བ་ཅིན་ ཆོས་ཚོགས་ཀྱི་འགོ་འདྲེན་པ་འདི་ལུ་ དཀོན་མཆོག་གི་ཕྱག་ལཱ་གི་འགན་ཁག་ བཀལ་གནང་མི་ཨིནམ་ལས་ ཁོ་ལུ་སྐྱོན་བཏག་མི་ག་ཡང་མེད་མི་དང་ རོ་རྔམ་མེད་མི་དང་ ཙིགཔ་ཟ་ནི་ལུ་མགྱོགས་དྲགས་མེད་མི་དང་ ཆང་མ་འགྲངས་མི་དང་ ཉེས་སྤྱོད་མ་འབད་མི་ དེ་ལས་འབབ་ཁུངས་བཟོ་ནིའི་དོན་ལུ་ངན་ལྷད་ལུ་ཡ་མ་འབད་མི་གཅིག་དགོཔ་ཨིན།

ཏི་ཏུས་ལེའུ་ 3:14

ང་བཅས་ཀྱི་དདཔ་ཅན་ཚུ་གིས་ མི་ཚུ་གི་ཁག་ཆེཝ་ཚུ་སྒྲུབ་ནིའི་དོན་ལུ་ ལཱ་ལེགས་ཤོམ་འབད་ནི་ལུ་ རྩ་འགེངས་ཏེ་ལྷབ་དགོ་ དེ་ལས་ཁོང་ཁུངས་ག་ནི་ཡང་མེདཔ་སྦེ་མི་སྡོད།

ཧིབ་རུ་ལེའུ་ 6:10

དཀོན་མཆོག་འདི་ ཕྲང་སྟེ་མཛད་མི་གཅིག་ཨིན་ ཁྱེད་ཀྱིས་ དཀོན་མཆོག་ཁོ་རའི་མི་ཚུ་ལུ་ ཧེ་མ་དང་ད་ལྟོ་ཡང་ ཕན་ཐོགས་བྱིན་ཡོད་མི་གི་ཐོག་ལས་ ཁོ་ལུ་བྱམས་སེམས་བསྐྱེད་ཡོད་མི་དེ་ དཀོན་མཆོག་གི་ཐུགས་ཁ་ལས་མི་ཡལ།

པེ་ཏྲོ་དང་པ་ལེའུ་ 5:2

ཁྱེད་ཀྱི་སྦུག་ལུ་ཡོད་མི་ཚུ་ དཀོན་མཆོག་གི་ལུག་ཁྱུ་ཨིན་མནོ་སྟེ་ ཁྱེད་ཀྱིས་འདི་ཚུ་ལུ་ ལུག་རྫིཔ་བཟུམ་སྦེ་ལེགས་ཤོམ་སྦེ་བདག་འཛིན་འཐབ་དགོ་ དེ་སྦེ་འབདཝ་ད་ བྱ་ཐབས་མེད་པར་འབད་དགོཔ་བཟུམ་སྦེ་མེན་པར་ སེམས་ཀྱི་གཏིང་ལས་རང་ འདོད་པ་བསྐྱེད་དེ་འབད་དགོ་ ད་རུང་ ཏི་རུ་ལུ་དགོ་འདོད་བསྐྱེད་དེ་མེན་པར་ ཞབས་ཏོག་ཞུ་དགོ་ཟེར་མནོ་སྟེ་འབད་བྱིན།

པེ་ཏྲོ་གཉིས་པ་ལེའུ་ 2:15

ཨ་ནི་སློབ་དཔོན་རྫུས་མ་དེ་ཚུ་ ཕྲང་ལམ་བྱང་སྟེ་ ལམ་རྫུས་མ་བདའ་སྟེ་འགྱོཝ་ཨིན་མས་ ཁོང་ལཱ་ངན་པ་གི་འབྲས་བུ་ལུ་དགའ་མི་ བེ་ཨོར་གྱི་བུ་ བ་ལམ་གྱི་རྟིང་བདའ་འགྱོཝ་ཨིན་མས།

པེ་ཏྲོ་གཉིས་པ་ལེའུ་ 2:3

ཁོང་གིས་དགོ་འདོད་ཀྱི་གཏམ་རྫུན་མ་བཟོ་བཟོཝ་ཚུ་སྟོན་ཏེ་ ཁྱེད་ལས་ཏི་རུ་ལེན་འོང་ དེ་འབདཝ་ད་ ཧེ་མ་ལས་ ཁོང་གི་དོན་ལུ་གྲ་སྒྲིག་སྦེ་ཡོད་མིའི་ཉེས་ཆད་འདི་ ལམ་ཁར་ཡོད་ མགྱོགས་པ་རང་ཁོང་གི་གུ་ཕོག་སྟེ་ བརླག་གཏང་འོང་།

ཡུ་དཱས་ལེའུ་ 1:11

ཁོང་སློབ་དཔོན་རྫུས་མ་ཚུ་ལུ་ ག་དེམ་ཅིག་ལཱ་ཁག་རྐྱབ་ནི་སྨོ་ རང་གི་ནུ་གཅུང་བསད་མི་ ཀཱེན་དེ་གི་ལམ་བདའ་འགྱོཝ་ཨིན་མས་ ལུང་སྟོན་པ་ བ་ལམ་བཟུམ་སྦེ་ ཏི་རུ་བཟོ་ནི་གི་དོན་ལུ་ ག་ཅི་ཡང་འབདཝ་ཨིན་མས་ དེ་ལས་ ཀོ་ར་བཟུམ་སྦེ་ དཀོན་མཆོག་དང་ཁོ་རའི་ཞབས་ཕྱིཔ་ མོ་སཱེས་ཀྱི་ངོ་རྒོལ་འབད་དེ་ རང་ལུ་རྩ་མེད་གཏངམ་ཨིན་མས།