ཕི་ལི་པི་ལེའུ་ 4:15 - རྫོང་ཁ་

¹⁵ འགོ་དང་པ་ཁྱེད་ལུ་ གཏམ་བཟང་བཤད་པ་འོངས་པའི་སྐབས་ལུ་ ང་ལུང་ཕྱོགས་ མ་ཀེ་དོ་ནི་ཡ་ལས་འགྱོཝ་ད་ རོགས་རམ་འབད་དེ་བྱིན་མི་འདི་ ཁྱེད་ ཕི་ལི་པིཔ་ཆ་ཁྱབ་རྐྱངམ་གཅིག་ཨིན་ ཆོས་ཚོགས་གཞན་ ག་གིས་ཡང་ ང་ལུ་ཕན་བཏགས་མ་བྱིན་ཟེར་ཁྱེད་རང་གིས་ཤེས།

ཕི་ལི་པི་ལེའུ་ 4:15 Iomraidhean Croise

མཛད་པ་ལེའུ་ 16:40

དེ་ལས་ཁོང་གཉིས་བཙོན་ཁང་ནང་ལས་ཐོན་སྦེ་ ལི་དི་ཡཱ་གི་ཁྱིམ་ནང་ལུ་སོང་སྟེ་ དདཔ་ཅན་སྤུན་ཆ་ཚུ་དང་འཕྱད་ནུག་ དེ་ལས་ཁོང་ལུ་སེམས་གསོ་འབད་དེ་ ཁོང་གཉིས་ཁྲོམ་དེ་ཁར་ལས་ཐོན་སོང་ནུག།

རོམ་མི་ལེའུ་ 15:26

ག་ཅི་སྨོ་ཟེར་བ་ཅིན་ ཡེ་རུ་ཤ་ལེམ་ནང་ཡོད་མི་ དཀོན་མཆོག་ཁོ་རའི་དམ་པའི་མི་ སྤྱང་ཀ་ཚུ་གི་དོན་ལུ་ ལུང་ཕྱོགས་ མ་ཀེ་དོ་ནི་ཡ་དང་ ཨ་ཀེ་ཡ་གི་ཆོས་ཚོགས་ཀྱིས་ ཁོང་གི་དོན་ལུ་སེམས་དགའ་སྟེ་ཞལ་འདེབས་བྱིན་ཡི།

ཕི་ལི་པི་ལེའུ་ 1:12

ངེ་གི་སྤུན་ཆ་ཚུ་ ང་ལུ་བྱུང་སྟེ་ཡོད་མི་ཚུ་གིས་ གཏམ་བཟང་བཤད་ནི་ནང་ལུ་ ཕན་པ་ལེ་ཤ་ཐོབ་ཡོདཔ་ ཁྱེད་ཆ་ཁྱབ་ལུ་ཤེས་བཅུག་དགོ་མནོ་ཡི།

ཕི་ལི་པི་ལེའུ་ 1:16

ཁོང་ལེགས་སེམས་མནོ་མི་ཚུ་གིས་ ང་ནཱ་ལུ་བཙུགས་དགོ་པའི་དོན་དག་དེ་ གཏམ་བཟང་ལུ་བདེན་ཁུངས་བཀལ་བའི་དོན་ལུ་ཨིན་ཟེར་ ང་ལུ་བྱམས་སེམས་བསྐྱེད་དེ་ ཆོས་བཤདཔ་ཨིན་མས།

ཕི་ལི་པི་ལེའུ་ 1:5

ག་ཅི་སྨོ་ཟེར་བ་ཅིན་ ཁྱེད་ཀྱིས་གཏམ་བཟང་གོ་སྟེ་ དད་པ་བསྐྱེད་པའི་ཉིནམ་འདི་ལས་འགོ་བཙུགས་ཏེ་ ད་ལྟོ་ཚུན་ཚོད་ཀྱི་བར་ན་ གཏམ་བཟང་བཤད་ནི་ལུ་ཆ་རོགས་འབད་བྱིན་ཡི།

ཕི་ལི་པི་ལེའུ་ 1:7

ང་ཁྱེད་ལུ་སེམས་ཀྱི་གདིང་ལས་རང་དགའ་ནི་འདི་གིས་ ཁྱེད་ག་ར་ལས་སྦེ་དགའ་སྤྲོ་འགྱུར་ནི་དེ་ཀྲིག་ཀྲི་རང་ཨིན་ ག་ཅི་སྨོ་ཟེར་བ་ཅིན་ ང་བཙོན་ནང་སྡོད་རུང་རང་ ཡང་ན་ཕྱི་ཁ་སྡོད་དེ་ གཏམ་བཟང་གི་སྐོར་ལས་བདེན་ཁུངས་བཀལ་རུང་རང་ དཀོན་མཆོག་གིས་ང་བཅས་ལུ་གནང་མི་ལཱ་ནང་ ཁྱེད་ཀྱིས་ང་ལུ་ཆ་རོགས་འབད་བྱིན་ཡི།

ཕི་ལི་པི་ལེའུ་ 2:12

དེ་འབདཝ་ལས་བརྟེན་ཏེ་ ངེ་གི་བྱམས་པའི་སྤུན་ཆ་ཚུ་ ང་ཁྱེད་དང་མཉམ་སྡོད་པའི་སྐབས་ལུ་ ཁྱེད་ཀྱིས་ ཨ་རྟག་རང་ ངེ་གི་བསླབ་བྱ་ལུ་ ན་འཐན་སྦེ་ཉན་སྡོད་ཅི་ ད་ལྟོ་ཡང་ ང་ཁྱེད་དང་གཅིག་ཁར་མེདཔ་ད་ དེ་ལས་ཡང་ཐེབས་སྦེ་ དཀོན་མཆོག་བལྟ་སྟེ་འདྲོགས་ཞིནམ་ལས་ ཁོ་གིས་ཁྱེད་ལུ་གནང་མིའི་ཐར་པ་འདི་སྒྲུབ་དགོ།