ཕི་ལི་པི་ལེའུ་ 4:14 - རྫོང་ཁ་

¹⁴ ཨིན་ཏེ་འབད་རུང་ ང་དཀའ་ངལ་ཐོབ་པའི་དུས་ལུ་ ཁྱེད་ཀྱིས་ཕན་བཏགས་བྱིན་ནི་འདི་གིས་ ལེགས་ཤོམ་སོང་ཡི།

ཕི་ལི་པི་ལེའུ་ 4:14 Iomraidhean Croise

མེ་ཐིའུ་ལེའུ་ 25:21

སྦྱིན་བདག་གིས་ཁོ་ལུ་ ཁྱོད་དྲག་པས་ ཨ་ཙི་གཅིག་ནང་ལུ་ཁྱོད་ཀྱིས་དམ་ཚིག་བསྟེན་ཏེ་ གནམ་མེད་ས་མེད་ལེགས་ཤོམ་སྦེ་འབད་ནུག་ དེ་འབདཝ་ལས་ང་གིས་ཁྱེད་ལུ་ ལཱ་ལེ་ཤ་གི་དབང་ཚད་སྤྲོད་ནི་ཨིན་ ད་ང་དང་གཅིག་ཁར་དགའ་སྤྲོ་འགྱུར་བ་ཤོག་ཟེར་སླབ་ནུག

རོམ་མི་ལེའུ་ 15:27

ཞལ་འདེབས་དེ་ ཁོང་གིས་སེམས་དགའ་སྟེ་བྱིན་ཡི་ དེ་སྦེ་ཨིན་ཏེ་འབད་རུང་ ཁོང་ཕྱིའི་མི་རིགས་ཚུ་ ཡ་ཧུ་ད་པ་ཚུ་ལུ་ དྲིན་ལན་འཇལ་དགོཔ་ཨིན་ ག་ཅི་སྨོ་ཟེར་བ་ཅིན་ ཡ་ཧུ་ད་པ་ཚུ་གི་སེམས་ཉིད་ཀྱི་བྱིན་རླབས་འདི་ ཁོང་ཕྱིའི་མི་རིགས་ཚུ་གིས་ཐོབ་སྟེ་ཡོད་པ་ཅིན་ ཡ་ཧུ་ད་པ་ལུ་འཇིག་རྟེན་གྱི་ཁག་ཆེཝ་དེ་ཚུ་ཡང་བྱིན་ཏེ་ རོགས་རམ་འབད་དགོ།

ག་ལ་ཏི་ལེའུ་ 6:6

དཀོན་མཆོག་གི་གསུང་ལྷབ་མི་ཚུ་གིས་ རང་གི་ནང་ག་ཡོད་མི་དེ་བགོ་བཤའ་རྐྱབ་སྦེ་ སློབ་དཔོན་དེ་ལུ་ཕུལ།

ཕི་ལི་པི་ལེའུ་ 1:7

ང་ཁྱེད་ལུ་སེམས་ཀྱི་གདིང་ལས་རང་དགའ་ནི་འདི་གིས་ ཁྱེད་ག་ར་ལས་སྦེ་དགའ་སྤྲོ་འགྱུར་ནི་དེ་ཀྲིག་ཀྲི་རང་ཨིན་ ག་ཅི་སྨོ་ཟེར་བ་ཅིན་ ང་བཙོན་ནང་སྡོད་རུང་རང་ ཡང་ན་ཕྱི་ཁ་སྡོད་དེ་ གཏམ་བཟང་གི་སྐོར་ལས་བདེན་ཁུངས་བཀལ་རུང་རང་ དཀོན་མཆོག་གིས་ང་བཅས་ལུ་གནང་མི་ལཱ་ནང་ ཁྱེད་ཀྱིས་ང་ལུ་ཆ་རོགས་འབད་བྱིན་ཡི།

ཕི་ལི་པི་ལེའུ་ 4:18

ད་ལྟོ་ང་ལུ་ཁག་ཆེ་མི་ལས་ཡང་ལྷགཔ་སྦེ་ ང་གིས་ཐོབ་ཅི་ ཁྱེད་ཀྱིས་ ཨེ་པ་ཕོརོ་དི་ཏུས་ཀྱི་ལག་པ་སྐྱེལ་བཏང་མི་དེ་གིས་ ང་ལུ་མ་ལང་ལངམ་སྦེ་ཡོད་ ཁྱེད་ཀྱིས་གཏང་མི་དེ་ དཀོན་མཆོག་གི་ཐུགས་དགྱེས་མི་ དྲིམ་ཞིམ་ཏོག་ཏོ་གི་མཆོདཔ་བཟུམ་སྦེ་ཨིན།

ཏི་མོ་ཐི་དང་པ་ལེའུ་ 6:18

ཁོང་ལུ་ལཱ་ལེགས་ཤོམ་འབད་བཅུག་ དེ་ལས་ལཱ་བཟང་པོ་ག་དེ་མང་མང་འབད་ ཁག་ཆེཝ་ཡོད་མི་ཚུ་ལུ་ ལགཔ་དམ་དྲགས་མ་འབད་བར་ བྱིན་ནི་ལུ་དགའ་ཚོར་བསྐྱེད་བཅུག་ རྟག་བུ་རང་དཀོན་མཆོག་གིས་ཁོང་ལུ་ག་གནང་མི་དེ་ གཞན་དང་གཅིག་ཁར་བགོ་བཤའ་རྐྱབས་ཟེར་སྟོན་བྱིན།

ཧིབ་རུ་ལེའུ་ 10:33

རེ་ཅིག་སྐབས་ རོགས་ཀྱི་གདོང་ཁར་ ཁྱེད་ལུ་དམའ་ཕབ་རྐྱབ་ སྡུག་བསྔལ་ཐོབ་སྟེ་ ལྟདམོ་བཟུམ་སྦེ་སྟོན་སྡོད་ཅི་ རེ་ཅིག་སྐབས་ འདི་བཟུམ་གྱི་ དམའ་ཕབ་བཏང་ སྡུག་ཐོབ་སྡོད་མི་ཚུ་དང་འདྲན་འདྲ་སྦེ་ སྡུག་འབག་སྟེ་སྡོད་ཅི།

ཧིབ་རུ་ལེའུ་ 10:34

བཙོན་པ་ཚུ་ལུ་ཁྱེད་ཀྱིས་སྙིང་རྗེ་བསྐྱེད་ཡོདཔ་མ་ཚད་ རང་གི་རྒྱུ་ནོར་ལུ་མི་གཞན་གྱིས་དབང་བཟུང་འབད་དེ་སྦེ་རུང་ དགའ་སྤྲོའི་སྒོ་ལས་ བློ་མ་ཕམ་པར་སྡོད་ཅི་ ག་ཅི་སྨོ་ཟེར་བ་ཅིན་ ཁྱེད་རང་ལུ་ དེ་ལས་ཡང་དྲགཔ་དང་ དུས་རྟག་བུ་རང་སྡོད་མིའི་རྒྱུ་ནོར་ཡོད་ཟེར་ ཁྱེད་ཀྱིས་ཤེསཔ་ལས་བརྟེན་ཏེ་ཨིན།

ཧིབ་རུ་ལེའུ་ 13:16

དེ་ལས་ལེགས་ཤོམ་འབད་ནི་དང་ རང་ལུ་ག་ཡོད་མི་ཚུ་ མི་གཞན་ལུ་བགོ་བཤའ་རྐྱབ་བྱིན་ནི་འདི་མ་བརྗེད་ འདི་བཟུམ་གྱི་མཆོད་པ་ལུ་ དཀོན་མཆོག་གིས་ཐུགས་དགྱེསཔ་ཨིན།

མཐོང་སྣང་ལེའུ་ 1:9

ང་ ཡོ་ཧ་ནཱན་ ཁྱེད་ཀྱི་སྤུན་ཆ་ དཀོན་མཆོག་གི་རྒྱལ་སྲིད་ནང་ ཁྱེད་དང་གཅིག་ཁར་ཨིན་མི་ ཁྱེད་དང་འདྲན་འདྲ་སྦེ་ ཡེ་ཤུ་གི་ཐོག་ལས་སྡུག་བསྔལ་གྱི་ཉམས་མྱོང་ཐོབ་སྟེ་ ཁྱེད་བཟུམ་སྦེ་བཟོད་སྲན་བསྐྱེདཔ་ཨིན་ ང་དཀོན་མཆོག་གི་གསུང་དང་ ཡེ་ཤུ་གི་འཛོམ་དཔང་འབདཝ་ལས་བརྟེན་ཏེ་ ང་ལུ་བདའ་གཏང་སྟེ་ ད་ལྟོ་མཚོ་གླིང་ པཱད་མཱོས་ནང་སྡོད་དགོཔ་ཐལ་སོང་ཡི།