ཕི་ལི་པི་ལེའུ་ 4:11 - རྫོང་ཁ་

¹¹ ང་རང་ལུ་ཁག་ཆེཝ་ཡོད་ནི་འདི་གིས་ ང་གིས་དེ་སྦེ་སླབ་མེན་ ག་ཅི་སྨོ་ཟེར་བ་ཅིན་ གནས་སྟང་དང་འཁྲིལ་ཏེ་ཡོད་རུང་མེད་རུང་ དེ་ལུ་ག་དེ་སྦེ་ལངམ་སྦེ་སྡོད་དགོཔ་འདི་ ང་གིས་ལྷབ་ཅི།

ཕི་ལི་པི་ལེའུ་ 4:11 Iomraidhean Croise

ལུ་ཀ་ལེའུ་ 3:14

དེ་ལས་ད་རུང་དམག་མི་ཚུ་གིས་ཡང་ ང་བཅས་ག་ཅི་འབད་དགོ་ག་ཟེར་ཁོ་ལུ་འདྲིཝ་ད་ ཁྱེད་ཀྱིས་རོགས་ལུ་ཁྲིམས་ཕོག་ཟེར་སྐྱོན་བཟོ་སྟེ་མ་བཅོམ་ རང་གིས་ག་ཐོབ་མི་གླ་ཆ་འདི་གིས་ལངམ་སྦེ་སྡོད་ཟེར་སླབ་ནུག

ཀོ་རཱིན་ཐི་གཉིས་པ་ལེའུ་ 11:27

དེ་ལས་ འུ་སྡུག་ཐང་ཆད་དེ་ དཀའཝ་སྤྱད་སྡོད་ཅི་ ནུབ་མོ་གཉིད་ཡང་ལོག་ནི་མེད་པར་ མང་རབས་ཅིག་སྡོད་ཅི་ དེ་ལས་ཁ་སྐོམ་ལྟོཝ་བཀྱེས་ཏེ་ ཡང་ན་ བཞེས་སྒོ་མ་ཐོབ་པར་ དཀའ་ངལ་མང་རབས་ཅིག་མྱོང་ཡི་ གནམ་གྱངམ་ད་ བགོ་ལ་མེད་པའི་དཀའ་ངལ་ཡང་ ཐེངས་མང་རབས་ཅིག་བྱུང་ཡི།

ཀོ་རཱིན་ཐི་གཉིས་པ་ལེའུ་ 6:10

ང་བཅས་མྱ་ངན་ཕོག་སྟེ་འབད་རུང་ ང་བཅས་ལུ་རྟག་བུ་རང་ དགའ་སྤྲོ་བྱུངམ་ཨིན་ ང་བཅས་སྤྱང་ཀ་ཨིན་རུང་ མི་ལེ་ཤ་ལུ་བྱིན་རླབས་ཀྱིས་ཕྱུགཔ་བཟོ་བྱིན་ཡི་ དེ་ལས་ང་བཅས་ལུ་ ག་ནི་ཡང་མེད་རུང་ ག་ར་ལངམ་སྦེ་སྡོདཔ་ཨིན།

ཀོ་རཱིན་ཐི་གཉིས་པ་ལེའུ་ 8:9

ག་ཅི་སྨོ་ཟེར་བ་ཅིན་ ང་བཅས་ཀྱི་གཙོ་བོ་ཡེ་ཤུ་ཁིརཱིས་ཀྱིས་ ང་བཅས་ལུ་སྐྱིད་སྡུག་གཟིགས་མི་འདི་ ཁྱེད་ཀྱིས་ཤེས་ ཁོ་ཕྱུགཔ་ཨིན་ཏེ་འབད་རུང་ ཁྱེད་ཀྱི་དོན་ལུ་ ཁོ་རང་སྤྱང་ཀ་ལུ་འགྱུར་ཡི་ དེ་ལས་ དེ་གི་ཐོག་ལས་སྦེ་ ཁྱེད་ཕྱུགཔ་འགྱོ་ནིའི་དོན་ལུ་ཨིན།

ཀོ་རཱིན་ཐི་གཉིས་པ་ལེའུ་ 9:8

དེ་ལས་དཀོན་མཆོག་གིས་ ཁྱེད་ལུ་དགོ་མི་ཚུ་ག་ར་ ཁྱེད་རང་གིས་མནོ་མི་ལས་ཡང་ལྷགཔ་སྦེ་ འབོར་ཆེ་ཏོག་ཏོ་སྦེ་གྲ་སྒྲིག་མཛད་གནང་འོང་ དེ་ལས་ཁྱེད་རང་ལུ་ ལངམ་སྦེ་བཞག་པའི་ཁ་ལས་ གཞན་ལུ་ཡང་ ག་དགོཔ་སྦེ་བྱིན་ཚུགསཔ་ཨིན།

ཕི་ལི་པི་ལེའུ་ 3:8

མ་གཞི་ ངེ་གི་གཙོ་བོ་ཁིརཱིས་ཡེ་ཤུ་ལུ་ངོ་ཤེས་ནི་འདི་ གནམ་མེད་ས་མེད་གལ་ཆེ་ཤོས་ཅིག་འབད་དེ་ གཞན་ག་ཅི་རང་འབད་རུང་ ང་གིས་འདི་ཚུ་ག་ར་རྒུད་བཟུམ་སྦེ་རྩིཝ་ཨིན་ ཁིརཱིས་ཀྱིས་འབད་དེ་ འདི་ཚུ་ག་ར་ངེ་གི་དོན་ལུ་རྒུད་སྦེ་བྱུང་ཡི་ དེ་འབདཝ་ད་ ཁིརཱིས་ཐོབ་ནི་གི་དོན་ལུ་དང་།

ཧིབ་རུ་ལེའུ་ 10:34

བཙོན་པ་ཚུ་ལུ་ཁྱེད་ཀྱིས་སྙིང་རྗེ་བསྐྱེད་ཡོདཔ་མ་ཚད་ རང་གི་རྒྱུ་ནོར་ལུ་མི་གཞན་གྱིས་དབང་བཟུང་འབད་དེ་སྦེ་རུང་ དགའ་སྤྲོའི་སྒོ་ལས་ བློ་མ་ཕམ་པར་སྡོད་ཅི་ ག་ཅི་སྨོ་ཟེར་བ་ཅིན་ ཁྱེད་རང་ལུ་ དེ་ལས་ཡང་དྲགཔ་དང་ དུས་རྟག་བུ་རང་སྡོད་མིའི་རྒྱུ་ནོར་ཡོད་ཟེར་ ཁྱེད་ཀྱིས་ཤེསཔ་ལས་བརྟེན་ཏེ་ཨིན།