ཕི་ལི་པི་ལེའུ་ 4:1 - རྫོང་ཁ་

¹ ངེའི་བྱམས་པའི་སྤུན་ཆ་ཚུ་ ང་གིས་ཁྱེད་ལུ་ཕངས་སེམས་བསྐྱེད་དེ་ ཁྱེད་དང་འཕྱད་དགོ་མནོ་བའི་སེམས་ཡོད་ ཁྱེད་ངེ་གི་དགའ་ཚོར་དང་ ང་གིས་དཀའཝ་སྤྱད་པའི་གསོལ་རས་ཨིན་ ངེའི་བྱམས་པའི་སྤུན་ཆ་ཚུ་ ང་གིས་ཁྱེད་ལུ་སྟོན་དོཝ་བཟུམ་སྦེ་རང་ གཙོ་བོ་ནང་དད་པ་སྒྲིང་སྒྲིང་བསྐྱེད་སྡོད།།

ཕི་ལི་པི་ལེའུ་ 4:1 Iomraidhean Croise

མེ་ཐིའུ་ལེའུ་ 10:22

ངེ་གི་དོན་ལས་སྦེ་མི་གིས་ཁྱེད་ལུ་མི་དགའ་ དེ་འབདཝ་ད་ མི་ག་ར་འབད་རུང་ མཐའན་མཇུག་ཚུན་ཚོད་ལུ་དད་པ་ནང་ སྒྲིང་སྒྲིང་སྦེ་སྡོད་མི་འདི་ལུ་སྐྱབས་མཛད་འོང་།

ཡོ་ཧ་ནཱན་ལེའུ་ 8:31

དེ་ལས་ཡེ་ཤུ་གིས་ཁོ་ལུ་དད་པ་བསྐྱེད་མི་ ཡ་ཧུ་ད་པ་ཚུ་ལུ་ ཁྱེད་འཕྲོ་མཐུད་དེ་རང་ ང་གིས་སྟོན་མི་ལུ་ཉན་ཏེ་སྡོད་པ་ཅིན་ ཐད་རི་བ་རི་ངེ་གི་སློབ་མ་ཨིན།

མཛད་པ་ལེའུ་ 11:23

ཁོ་ ཨཱན་ཏི་ཡོག་ལུ་ལྷོད་དེ་ ཁོ་གིས་དཀོན་མཆོག་གི་ཐུགས་རྗེ་འདི་ ཁུངས་དང་བཅསཔ་སྦེ་མཇལ་ཏེ་ གནམ་མེད་ས་མེད་སེམས་སྤྲོཝ་མ་ཚད་ གཙོ་བོ་དཀོན་མཆོག་ལུ་སེམས་ཀྱི་གཏིང་ལས་རང་དམ་ཚིག་བསྟེན་ཏེ་ ན་འཐན་ཏོག་ཏོ་སྦེ་སྡོད་ཚུགས་ནི་གི་དྲན་བསྐུལ་འབད་ནུག

མཛད་པ་ལེའུ་ 14:22

ཁོང་གིས་སློབ་མ་ཚུ་ སྒྲིང་སྒྲིང་བཟོ་ཡི་རང་ དད་པ་བསྐྱེད་དེ་རང་སྡོད་དགོ་ཟེར་སེམས་གསོ་འབད་ནུག་ དེ་ལས་དཀོན་མཆོག་གི་རྒྱལ་སྲིད་ནང་འཛུལ་ནིའི་དོན་ལུ་ སྡུག་བསྔལ་ལེ་ཤ་མྱོང་དགོ་ཟེར་དྲན་བསྐུལ་འབད་ནུག

མཛད་པ་ལེའུ་ 2:42

དེ་ལས་སྐུ་ཚབ་ཚུ་གིས་སྟོན་གནང་མི་ཆོས་དང་ དདཔ་ཅན་གྱི་མཉམ་འབྲེལ་ བཞེས་སྒོ་ཟ་ས་ ཡེ་ཤུ་ལུ་དྲན་ནི་ཚོགས་སྟོན་ནང་བཅའ་མར་བཏོགས་ས་ སྨོན་ལམ་ཞུ་ས་ དདཔ་ཅན་ག་ར་གིས་སེམས་ཁར་བཀལ་ཏེ་ སྒྲིག་ལམ་ཚུ་སྒྲིགས་ནུག

རོམ་མི་ལེའུ་ 2:7

བཟོད་པ་བསྒོམ་ ལཱ་ལེགས་ཤོམ་འབད་དེ་ དཀོན་མཆོག་གིས་གནང་མི་བསྟོད་པ་དང་ གཟི་བརྗིད་དང་ འཆི་བ་མེདཔ་འཚོལ་མི་འདི་ཚུ་ལུ་ ཁོ་གིས་ཚེ་མཐའ་མེདཔ་གནང་འོང་།

ཀོ་རཱིན་ཐི་དང་པ་ལེའུ་ 15:58

དེ་འབདཝ་ལས་ངེ་གི་བྱམས་པའི་སྤུན་ཆ་ཚུ་ དད་པ་ནང་སྒྲིང་སྒྲིང་སྦེ་སྡོད་ གཙོ་བོ་གི་ཕྱག་ཞུ་ནི་ལུ་ རྟག་བུ་རང་ ཡར་རྒྱས་ཐོན་འགྱོ་ ག་ཅི་སྨོ་ཟེར་བ་ཅིན་ གཙོ་བོ་ལུ་ཕྱག་ཞུཝ་ད་ ཁྱེད་ཀྱིས་དཀའཝ་སྤྱད་མི་དེ་ འཕྲོ་བརླག་མི་འགྱོ།།

ཀོ་རཱིན་ཐི་དང་པ་ལེའུ་ 16:13

རིགཔ་བསྒྱིམ་སྟེ་སྡོད་ དད་པ་ནང་སྒྲིང་སྒྲིང་སྦེ་སྡོད་ སྙིང་སྟོབས་དང་སྟོབས་ཤུགས་ཅན་སྦེ་སྡོད།

ཀོ་རཱིན་ཐི་གཉིས་པ་ལེའུ་ 1:14

ད་ལྟོ་ཁྱེད་ཀྱིས་ང་བཅས་ལུ་ ལེགས་ཤོམ་སྦེ་ཧ་མ་གོ་རུང་ ཤུལ་ལས་ཁྱེད་ཀྱིས་ཧ་གོ་འོང་ དེ་ལས་གཙོ་བོ་ཡེ་ཤུ་ལོག་སྟེ་བྱོན་པའི་ཉིནམ་ལུ་ ཁྱེད་ང་བཅས་ལུ་བལྟ་སྟེ་ངལ་རངས་ནི་བཟུམ་སྦེ་ ང་བཅས་ཡང་ཁྱེད་ལུ་བལྟ་སྟེ་ ངལ་རངས་ནི་ཨིན།

ག་ལ་ཏི་ལེའུ་ 5:1

དེ་ལས་ཁིརཱིས་ཀྱིས་ང་བཅས་ཀྱི་རང་དབང་གི་དོན་ལུ་ བཀའ་ཁྲིམས་ལས་ཐར་གནང་སྟེ་ཡོདཔ་ལས་ ད་རུང་ལོག་སྟེ་ བཀའ་ཁྲིམས་ཀྱི་གཡོག་མ་རྒྱུག་པར་ སྒྲིང་སྒྲིང་སྦེ་སྡོད།

ཕི་ལི་པི་ལེའུ་ 1:27

གཙོ་བོ་རང་ ཁྱེད་ཀྱི་བྱ་བ་སྤྱོད་ལམ་དེ་ ཁིརཱིས་ཀྱི་གཏམ་བཟང་དང་མཐུནམ་སྦེ་སྡོད་ ང་ཁྱེད་འབད་ས་འོངས་ཏེ་ ང་རང་གི་མིག་ཏོ་གིས་མཐོང་རུང་རང་ ཡང་ན་འོང་མ་ཚུགས་ཏེ་འབད་རུང་རང་ ཁྱེད་ཀྱིས་ག་ར་སེམས་གཅིག་སྦེ་མཐུན་ཏེ་ གཞན་ཚུ་གིས་ གཏམ་བཟང་ལུ་དད་པ་བསྐྱེད་པའི་དོན་ལུ་ གཅིག་ཁར་སྦེ་ལཱ་དཀའཝ་སྤྱད་དེས་ཟེར་གོ་བཅུག

ཕི་ལི་པི་ལེའུ་ 1:8

ཁིརཱིས་ཡེ་ཤུ་གིས་ཁྱེད་ལུ་ཐུགས་བརྩེ་བ་ཡོད་དོ་བཟུམ་སྦེ་ ང་ཡང་ཁྱེད་ལུ་བརྩེ་བ་བསྐྱེད་དེ་ཡོདཔ་མ་ཚད་ ང་ཨ་རྟག་རང་ཁྱེད་ལུ་བལྟ་དགོ་མནོ་སྟེ་སྡོདཔ་ཨིན་ དེ་ག་ར་དཀོན་མཆོག་གིས་མཁྱེན།

ཕི་ལི་པི་ལེའུ་ 2:16

ཚེ་བྱིན་མིའི་གསུང་དེ་ལུ་ སྒྲིང་སྒྲིང་སྦེ་བཤེད་དེ་བཞག་ དེ་འབདཝ་ལས་ ང་གིས་བང་རྒྱུག་མི་དང་ དཀའཝ་སྤྱད་མི་དེ་ བར་སྟོར་མ་འགྱོ་བར་ ཁིརཱིས་ལོག་བྱོན་པའི་ཉིནམ་ལུ་ ང་དཔའ་ཡག་སྡོད་ནི་ཐོབ་འོང་།

ཕི་ལི་པི་ལེའུ་ 2:26

ཁོ་ལུ་ན་ཚ་ཕོག་ཡོད་པའི་གནས་ཚུལ་དེ་ ཁྱེད་ཀྱིས་རྣ་བ་གོ་ནི་འདི་གིས་ ཁོ་ཁྱེད་ཀྱི་དོན་ལུ་ཚ་གྱང་ལངས་ཏེ་ ཁྱེད་ག་ར་དང་མཉམ་གཅིག་ ཁ་འཕྱད་པ་འོང་ནི་གི་རེ་བ་སྦོམ་བསྐྱེད་དེ་ཡོདཔ་ཨིན་མས།

ཀོ་ལོ་སི་ལེའུ་ 4:12

ཁྱེད་ཀྱི་གྲལ་ལས་ཨིན་མི་ ཁིརཱིས་ཡེ་ཤུ་གི་ཞབས་ཕྱིཔ་ ཨེ་པ་ཕརཱས་ཀྱིས་ ཁྱེད་ལུ་སྐུ་གཟུགས་བཟང་པོ་ཟེར་སླབ་བཏང་དེས་ ཁྱེད་ཆ་ཁྱབ་དད་པ་ནང་ན་ཁུག་སྟེ་ དཀོན་མཆོག་གི་ཐུགས་དགོངས་ ཐད་རི་བ་རི་ཤེས་ནི་གི་དོན་ལུ་ ཁོ་གིས་ཁྱེད་ཀྱི་དོན་ལུ་ རྟག་བུ་རང་དཀའཝ་སྤྱད་དེ་ སྨོན་ལམ་ཞུཝ་ཨིན།

ཐེ་ས་ལོ་ནི་ཀ་དང་པ་ལེའུ་ 3:13

འདི་བཟུམ་སྦེ་རང་ གཙོ་བོ་ཡེ་ཤུ་ཁོ་རང་གི་མི་ཚུ་དང་མཉམ་འབྱོན་པའི་སྐབས་ལུ་ ང་བཅས་ཀྱི་ཡབ་དཀོན་མཆོག་གི་སྐུ་མདུན་ སྐྱོན་ག་ནི་ཡང་མེདཔ་དང་ མི་དམ་པ་སྦེ་སྡོད་ནི་གི་དོན་ལུ་ ཁྱེད་ཀྱི་སེམས་སྒྲིང་སྒྲིང་མཛད་གནང་བཅུག།

ཐེ་ས་ལོ་ནི་ཀ་གཉིས་པ་ལེའུ་ 2:15

དེ་འབདཝ་ལས་ སྤུན་ཆ་ཚུ་ དེ་གི་དོན་ལས་ དད་པ་ནང་སྒྲིང་སྒྲིང་སྦེ་སྡོད་དེ་ ང་བཅས་ཀྱི་ཁ་གིས་སླབ་མི་ཚུ་དང་ ཡི་གུ་གི་ཐོག་ལས་སྟོན་བྱིན་མི་ཆོས་ཚུ་ སེམས་ཁར་དྲན་ཏེ་ ལེགས་ཤོམ་སྦེ་བསྲུང་སྟེ་སྡོད།།

ཏི་མོ་ཐི་གཉིས་པ་ལེའུ་ 2:1

དེ་འབདཝ་ལས་ ངེ་གི་བུ་ ཁིརཱིས་ཡེ་ཤུ་གི་ཐུགས་རྗེ་གི་རྒྱུད་ལས་སྦེ་ སྤོབས་པ་ཅན་དང་ལྡནམ་སྦེ་སྡོད་བཅུག

ཧིབ་རུ་ལེའུ་ 10:23

ང་བཅས་ཀྱིས་ཁས་ལེན་འབད་མི་རེ་བ་དེ་ལུ་ ཐེ་ཚོམ་མེད་པར་ དད་པ་སྒྲིང་སྒྲིང་སྦེ་བསྐྱེད་དེ་སྡོད་དགོ་ ག་ཅི་སྨོ་ཟེར་བ་ཅིན་ ཁས་བླངས་བཞེས་གནང་མི་དེ་ ན་འཐན་ཏོག་ཏོ་ཡོད།

ཧིབ་རུ་ལེའུ་ 3:14

ང་བཅས་ཀྱིས་འགོ་དང་པ་ལས་ བློ་གཏད་དེ་སྡོད་མི་དེ་ནང་ལུ་ མཐའན་མཇུག་ཚུན་ཚོད་ སྒྲིང་སྒྲིང་སྦེ་སྡོད་ཚུགས་པ་ཅིན་ དོན་ལས་རང་ ང་བཅས་ཁིརཱིས་ཀྱི་མཉམ་རོགས་འབད་ནི་ཐོབ།

ཧིབ་རུ་ལེའུ་ 4:14

དེ་ལས་ང་བཅས་ཀྱི་དོན་ལུ་ཞིང་ཁམས་ནང་ན་ལུ་བྱོན་ཏེ་བཞུགས་མི་ དཀོན་མཆོག་གི་སྲས་ཡེ་ཤུ་དེ་ མཁན་ཆེན་ལས་ཡང་ཆེ་ཤོས་ཨིནམ་ལས་ ང་བཅས་ཀྱིས་འཛོམ་དཔང་འབད་མི་དེ་ལུ་ ཐེ་ཚོམ་མེད་པར་ དད་པ་སྒྲིང་སྒྲིང་སྦེ་བསྐྱེད་དེ་སྡོད་དགོ།

པེ་ཏྲོ་གཉིས་པ་ལེའུ་ 3:17

དེ་འབདཝ་ལས་ ངེ་གི་བྱམས་པའི་ཆ་རོགས་ཚུ་ ཨ་ནི་དྲནམ་བཏོན་དགོཔ་འདི་ ཁྱེད་ཀྱིས་ཧེ་མ་ལས་ཤེས་ ཁྲིམས་ནང་མ་གནས་མིའི་མི་ཚུ་བཟུམ་སྦེ་ འཛོལ་བ་གི་དབང་དུ་མ་གཏང་པར་ རང་བརྟན་ཏོག་ཏོ་ ཨིན་མི་དེ་ ཉམས་མ་བཅུག་ནིའི་དོན་ལུ་ དྲནམ་བཏོན་དགོ།