ཕི་ལི་པི་ལེའུ་ 3:6 - རྫོང་ཁ་

⁶ ཡ་ཧུ་ད་པའི་ལུགས་སྲོལ་ གཙོ་བོ་བསྟེན་ནི་གི་སྐོར་ལས་སླབ་པ་ཅིན་ ཆོས་ཚོགས་ལུ་ང་གིས་གནོད་འཚེ་སྐྱེལ་ཏེ་དཀའ་ངལ་བྱིན་མི་དང་ དེ་ལས་བཀའ་ཁྲིམས་དང་འཁྲིལ་ཏེ་ ཁྲིམས་གཅིག་ཡང་མ་ཉམས་པར་ སྲུང་ནི་གི་སྐོར་ལས་སླབ་པ་ཅིན་ ང་སྐྱོན་མེད་མིའི་ མི་གཅིག་ཨིན།

ཕི་ལི་པི་ལེའུ་ 3:6 Iomraidhean Croise

མེ་ཐིའུ་ལེའུ་ 23:25

ཁྱེད་བཀའ་ཁྲིམས་ཀྱི་སློབ་དཔོན་དང་ ཕ་རུ་ཤི་པ་ ཁ་ཆོས་འབད་མི་ཚུ་ ག་དེམ་ཅིག་ལཱ་ཁག་བརྐྱབ་ནི་སྨོ་ ཕྱི་ཁའི་ཧོད་ཆ་དང་ཕོརཔ་དེ་ཚུ་ཁྱེད་ཀྱིས་གཙང་ཏོག་ཏོ་སྦེ་ཆུ་འཁྱུཝ་མས་ དེ་འབདཝ་ད་ དེ་གི་ནང་ན་ ཟ་འདོད་དང་རང་འདོད་ལུ་མཚམས་ཚོད་མ་ཤེསཔ་གིས་གང་སྟེ་འདུག

མེ་ཐིའུ་ལེའུ་ 5:20

དེ་འབདཝ་ལས་བརྟེན་ཏེ་ ང་གིས་ཁྱེད་ལུ་སླབ་དོ་ བཀའ་ཁྲིམས་ཀྱི་སློབ་དཔོན་དང་ ཕ་རུ་ཤི་པ་ལས་ལྷགཔ་སྦེ་ དཀོན་མཆོག་གི་བཀའ་ཁྲིམས་ལུ་ཉན་ཏེ་ མ་འབད་མི་འདི་གིས་ ཞིང་ཁམས་ཀྱི་རྒྱལ་སྲིད་ནང་རྩ་ལས་རང་འཛུལ་མི་ཚུགས།།

ལུ་ཀ་ལེའུ་ 1:6

ཁོང་གཉིས་ དཀོན་མཆོག་གི་གཟིགས་སར་ཆོས་སེམས་ཅན་ཨིནམ་མ་ཚད་ གཙོ་བོ་དཀོན་མཆོག་གི་བཀའ་དང་ཚུལ་ཁྲིམས་ཚུ་མ་ཉམས་པར་སྲུངམ་ཨིན་མས།

མཛད་པ་ལེའུ་ 21:20

ཁོང་གིས་ལོ་རྒྱུས་འདི་ཚུ་ཉན་པའི་ཤུལ་ལས་ དཀོན་མཆོག་ལུ་བསྟོད་པ་གཏང་རག་ཕུལ་ཡི་ དེ་ལས་འགོ་འདྲེན་པ་ཚུ་གིས་ཁོ་ལུ་ དབའེ་ནུ་གཅུང་ ཡ་ཧུ་ད་པ་མི་སྟོང་ཕྲག་ལས་བཅད་དེ་ ཡེ་ཤུ་ལུ་དད་པ་བསྐྱེད་དེ་འོང་རུང་ ཁོང་ཆ་ཁྱབ་ཀྱིས་ མོ་སཱེས་ཀྱི་བཀའ་ཁྲིམས་ཚུ་ གཙོ་བོ་བསྟེན་ཏེ་སྡོདཔ་ཨིན།

མཛད་པ་ལེའུ་ 22:5

དེ་གི་འཛོམ་དཔང་ བླ་ཆེན་དང་ལྷན་ཚོགས་འགོ་དཔོན་ཚུ་ག་ར་ཡོད་ ད་རུང་ང་གིས་ཁོང་ལས་བཀའ་ཤོག་གཅིག་ཞུ་སྟེ་ ཁྲོམ་ ད་མཱས་ཀཱོས་ལུ་སྡོད་མི་ ཡེ་ཤུ་ལུ་དད་པ་བསྐྱེད་མི་སྤུན་ཆ་ ཡ་ཧུ་ད་པ་ཚུ་འཛིན་བཟུང་འབད་དེ་ ཡེ་རུ་ཤ་ལེམ་ལུ་འཁྱིད་འོངས་ཏེ་ ཁྲིམས་གཏང་ནི་སྦེ་ ང་ཁྲོམ་ ད་མཱས་ཀཱོས་ལུ་སོང་ཡི་ཟེར་སླབ་ནུག།

མཛད་པ་ལེའུ་ 26:5

ང་བཅས་ཀྱི་ཆོས་ལུགས་ག་ར་གི་གྲལ་ལས་ སྒྲིགས་ལམ་དམ་ཤོས་དེ་ ཕ་རུ་ཤི་པ་གི་ཆོས་ལུགས་ཨིན་ དེ་ལུ་ང་གིས་སྒྲིག་སྡོད་ཅི་ཟེར་ ཁོང་གིས་ང་ལུ་ཡུན་རིངམ་སྦེ་རང་ངོ་ཤེས་ མ་གཞི་ ཁོང་ལུ་འབད་དགོ་མནོ་བའི་སེམས་ཡོད་པ་ཅིན་ ཁོང་གིས་ངེ་གི་འཛོམ་དཔང་ཡང་འབད་ཚུགསཔ།

མཛད་པ་ལེའུ་ 8:3

དེ་འབདཝ་ད་ སའུལ་གྱིས་ཆོས་ཚོགས་ལུ་མེདཔ་གཏང་ནི་འགོ་བཙུགས་ཏེ་ མི་འདི་ཚུ་གི་ཁྱིམ་ལས་ཁྱིམ་རྒྱུད་དེ་ ཕོ་རྒྱ་དང་ཨམ་སྲུ་འདི་ཚུ་ལུ་དབང་བཙོང་གི་ཐོག་ལས་འདྲུད་དེ་ བཙོན་ཁང་ནང་བཙུགས་དོཝ་ཡོདཔ་ཨིན་མས།།

རོམ་མི་ལེའུ་ 7:9

ང་གིས་བཀའ་ཁྲིམས་ཧ་མ་གོ་བའི་སྐབས་ལུ་ ང་ཀྲིག་ཀྲི་སྦེ་སྡོད་ཅི་ དེ་འབདཝ་ད་ བཀའ་ཁྲིམས་ནང་དེ་སྦེ་མ་འབད་ཟེར་ཧ་གོ་བའི་བསྒང་ལས་ སྡིག་པ་འབད་ནི་གི་སེམས་འོངས་ཏེ་ སྡིག་པའི་དབང་ལུ་གླགས་ཁེལ་མ་ཚུགས་པར་ བཀའ་ཁྲིམས་ཀྱིས་ང་ལུ་ཆདཔ་གཏང་ཡི་ཟེར་ ང་གིས་ཤེས་ཅི།

ཀོ་རཱིན་ཐི་དང་པ་ལེའུ་ 10:32

ཡ་ཧུ་ད་པ་ཨིན་རུང་ ཕྱིའི་མི་རིགས་ཨིན་རུང་ དཀོན་མཆོག་གི་ཆོས་ཚོགས་ཨིན་རུང་ མི་ག་ལུ་ཡང་སེམས་ཁར་ཕོག་པའི་ལཱ་མ་འབད།

ཀོ་རཱིན་ཐི་དང་པ་ལེའུ་ 15:9

ག་ཅི་སྨོ་ཟེར་བ་ཅིན་ ཁོང་སྐུ་ཚབ་ཚུ་གི་གྲལ་ལས་ ང་དམའ་ཤོས་གཅིག་ཨིནམ་མ་ཚད་ ང་གིས་དཀོན་མཆོག་གི་ཆོས་ཚོགས་ལུ་སྡུག་བྱིན་མི་དེ་ལུ་བལྟཝ་ད་ ང་རང་སྐུ་ཚབ་ཨིན་ཟེར་སླབ་ནི་གི་འོས་འབབ་མེད།

ཕི་ལི་པི་ལེའུ་ 2:15

དེ་ལས་སྐྱོན་མེདཔ་དང་ མི་ག་གིས་ཡང་ཁྱེད་ཀྱི་སྐོར་ལས་ སྐྱོན་བཏགས་མ་ཚུགས་མི་ དཀོན་མཆོག་གི་སྲས་དང་སྲསམོ་སྦེ་སྡོད་དེ་ མི་གཡོ་སྒྱུ་དང་ཚུལ་དང་མ་མཐུན་མི་གི་འཇིག་རྟེན་པ་ཚུ་གི་གདོང་ཁ་ལུ་ ཁྱེད་ཀྱི་མི་ཚེ་དེ་འོད་ཟེར་བཟུམ་སྦེ་ཤར་ཏེ།

ཕི་ལི་པི་ལེའུ་ 3:9

ཁོ་གི་མི་སྦེ་རྩིས་གནང་ནི་གི་དོན་ལུ་ ཁྲིམས་གཅིག་ཡང་མ་ཉམས་པར་སྲུང་ནི་འདི་ དོན་དག་མེདཔ་སྦེ་བརྩིས་ཡི་ དེ་ལས་འདི་གི་ཚབ་ལུ་ ཁིརཱིས་ལུ་དད་པ་བསྐྱེདཔ་ལས་བརྟེན་ཏེ་ དཀོན་མཆོག་གིས་ང་ལུ་ ཁོ་རའི་ཐུགས་དང་ལྡན་པའི་ མི་ཕྲངམ་སྦེ་མཛད་ཅི་ ག་ཅི་སྨོ་ཟེར་བ་ཅིན་ དཀོན་མཆོག་གིས་ མི་ཕྲངམ་སྦེ་མཛད་མི་འདི་ དད་པ་ལས་བརྟེན་ཏེ་ཨིན།

ཏི་མོ་ཐི་དང་པ་ལེའུ་ 1:13

ཧེ་མ་ ང་གིས་ཁོ་ལུ་སྐུར་པ་བཏབ་སྟེ་ དདཔ་ཅན་ལུ་གནོད་པ་བཀལ་ཏེ་ ཉེས་སྤྱོད་ཅན་གཅིག་འབད་རུང་ ད་ལྟོ་ཁོ་གིས་ང་ལུ་སྙིང་རྗེ་གཟིགས་ཅི་ ག་ཅི་འབད་ཟེར་བ་ཅིན་ དེ་ཚུ་ག་ར་ང་གིས་ཁོ་ལུ་དད་པ་མ་བསྐྱེད་པར་ ང་རང་འབད་མི་ ང་རང་གིས་མ་ཤེས་པར་སྡོད་པའི་སྐབས་ལུ་ འབད་ནི་འདི་གིས་ཨིན།