ཕི་ལི་པི་ལེའུ་ 3:3 - རྫོང་ཁ་

³ ག་ཅི་སྨོ་ཟེར་བ་ཅིན་ ཕྱི་ཁར་ཤ་ལུས་ལུ་ ཡ་ཧུ་ད་པའི་རྟགས་བཀལ་མི་ལུ་ བློ་མ་གཏད་པར་ ང་བཅས་དཀོན་མཆོག་གི་མི་ངོ་མ་ དམ་པའི་ཐུགས་ཉིད་ནང་ དཀོན་མཆོག་གི་ཕྱག་ཞུ་མི་དང་ ཁིརཱིས་ཡེ་ཤུ་ལུ་བློ་གཏད་མི་ཚུ་ཨིན།

ཕི་ལི་པི་ལེའུ་ 3:3 Iomraidhean Croise

རོམ་མི་ལེའུ་ 1:9

དཀོན་མཆོག་གི་སྲས་ཀྱི་སྐོར་ལས་ གཏམ་བཟང་དེ་གཞན་ལུ་བཤད་པའི་རྒྱུད་ལས་སྦེ་ ངེ་གི་སེམས་ཀྱི་གདིང་ལས་ར་ཕྱག་ཞུ་མི་དཀོན་མཆོག་ལུ་ འཛོམ་དཔང་སྦེ་བཙུགས་ཏེ་ ང་གིས་རྟག་བུ་ར་ཁྱེད་ཀྱི་དོན་ལུ་སྨོན་ལམ་ཞུཝ་ཨིན།

རོམ་མི་ལེའུ་ 15:17

དེ་འབདཝ་ལས་བརྟེན་ཏེ་ ང་གིས་དཀོན་མཆོག་གི་ཕྱག་ཞུ་བའི་ཐོག་ལས་ ཁིརཱིས་ཡེ་ཤུ་གིས་མཛད་མི་ལུ་མཇལཝ་ད་ ང་ལུ་དགའ་ཚོར་བསྐྱེད་ནིའི་དོན་དག་ལེ་ཤ་ཡོད།

རོམ་མི་ལེའུ་ 7:6

དེ་ལས་ཧེ་མ་ང་བཅས་ལུ་ བསྡམས་བཞག་མི་བཀའ་ཁྲིམས་དེ་གི་དོན་ལུ་ ཤི་སོང་མི་བཟུམ་སྦེ་འཐོན་ཏེ་ བཀའ་ཁྲིམས་ལས་ང་བཅས་ཐར་ཡི་ དེ་ལས་ང་བཅས་ལུགས་སྲོལ་རྙིངམ་གི་སྒྲིག་ཁྲིམས་ཀྱི་གཡོགཔོ་འབདཝ་མེན་པར་ དེ་འབདཝ་ད་ ཐུགས་ཉིད་ཀྱི་ལུགས་སྲོལ་གསརཔ་ནང་ དཀོན་མཆོག་གི་ཕྱག་ཞུ་ནི་ཨིན།།

རོམ་མི་ལེའུ་ 8:15

དཀོན་མཆོག་གིས་ཁྱེད་ལུ་གནང་མི་འདི་ རྒྱོབོ་བཟུམ་སྦེ་འདྲོག་ནི་གི་སེམས་གནངམ་མེན་ དེ་འབདཝ་ད་ དཀོན་མཆོག་གིས་ཁྱེད་ལུ་ ཁོ་གི་སྲས་དང་སྲསམོ་མཛད་དེ་ ཁོ་ལུ་ ཨབ་བ་ ཨ་པ་ཟེར་འབོ་ཐག་ཆོད་པའི་དབང་ཚད་གནངམ་ཨིན།

རོམ་མི་ལེའུ་ 8:39

ས་གནས་མཐོ་བ་འབད་རུང་རང་ ས་གནས་དམའ་བ་འབད་རུང་རང་ དཀོན་མཆོག་གིས་མཛད་ཡོད་མི་ ག་འདི་འབད་རུང་རང་ འདི་ཚུ་གིས་ ང་བཅས་ཆ་ཁྱབ་དཀོན་མཆོག་གི་བྱམས་པ་ལས་ཁ་འཕྱལ་མི་ཚུགས་ཟེར་ ང་བཅས་ཀྱིས་ཐད་རི་བ་རི་ཤེས་ ཨ་ནི་བྱམས་པ་འདི་ ང་བཅས་ཀྱི་གཙོ་བོ་ཁིརཱིས་ཡེ་ཤུ་གི་ཐོག་ལས་བཏོན་གནངམ་ཨིན།།

རོམ་མི་ལེའུ་ 9:6

དེ་འབདཝ་ད་ངེ་གི་སྤུན་ཆ་ ཨཱིས་ར་ཨཱེལ་པ་དེ་ཚུ་གིས་ཁིརཱིས་ལུ་ཆ་མ་བཞག་རུང་ དཀོན་མཆོག་གི་ཁས་བླངས་བཞེས་མི་འདི་ཚུ་མ་སྒྲུབ་མིན་འདུག་ ག་ཅི་སྨོ་ཟེར་བ་ཅིན་ཁོང་ ཨཱིས་ར་ཨཱེལ་པ་དེ་ཚུ་ག་ར་ ཡ་ཀོབ་ཀྱི་བུ་བརྒྱུད་ཨིན་རུང་ ཁོང་ལ་ལུ་ཅིག་ དཀོན་མཆོག་གིས་བཙག་འཐུ་གནང་མི་ ཨཱིས་ར་ཨཱེལ་པ་ངོ་མ་མེན་པས།

ཀོ་རཱིན་ཐི་གཉིས་པ་ལེའུ་ 11:18

ད་ མི་ལེ་ཤ་གིས་ འཇིག་རྟེན་པའི་མནོ་བསམ་དང་འཁྲིལ་ཏེ་ ཁོང་རང་གི་སྐོར་ལས་ རང་བསྟོད་བརྐྱབས་ཏེ་སླབ་འདྲཝ་གཅིག་འབད་བ་ཅིན་ ང་ཡང་ ང་རང་གི་སྐོར་ལས་ རང་བསྟོད་བརྐྱབས་ཏེ་ སླབ་ནི་ཨིན།

ག་ལ་ཏི་ལེའུ་ 5:25

ང་བཅས་ཐུགས་ཉིད་ཀྱི་ཐོག་ལས་སྦེ་ གསོན་པོ་སྦེ་སྡོདཔ་ཨིན་པ་ཅིན་ ཐུགས་ཉིད་དང་འཁྲིལ་ཏེ་སྡོད་དགོ།

ག་ལ་ཏི་ལེའུ་ 6:16

ཨ་ནི་བཟུམ་གྱི་ཁྲིམས་གསརཔ་སྲུང་མི་ དཀོན་མཆོག་གི་མི་རིགས་ངོ་མ་ཆ་ཁྱབ་ལུ་ ཞི་བདེ་དང་སྙིང་རྗེ་འབྱུང་བར་ཤོག

ཨི་ཕི་སིཔ་ལེའུ་ 6:18

འདི་གི་དོན་ལུ་ ཐུགས་ཉིད་ཀྱི་རྒྱུད་ལས་སྨོན་ལམ་ཞུ་སྟེ་ དུས་ནམ་རང་འབད་རུང་ གསོལཝ་བཏབ་སྟེ་རང་སྡོད་ གནས་སྟངས་ག་ཅི་རང་འོང་རུང་ བརྟན་ཏོག་ཏོ་དང་ ན་འཐན་ཏོག་ཏོ་སྦེ་སྡོད་དེ་ དཀོན་མཆོག་ཁོ་རའི་དམ་པའི་མི་ག་ར་གི་དོན་ལུ་ རྟག་བུ་རང་རྩ་འགེངས་ཏེ་སྨོན་ལམ་ཞུ།

ཕི་ལི་པི་ལེའུ་ 1:1

ཡེ་ཤུ་ཁིརཱིས་ཀྱི་ཕྱག་ཞུ་མི་ ང་ པའུལ་དང་ ཏི་མོ་ཐི་ལས་ ཕི་ལི་པི་ལུ་ཡོད་མི་ ཁིརཱིས་ཡེ་ཤུ་ལུ་དད་པ་བསྐྱེད་མི་ དཀོན་མཆོག་ཁོ་རའི་དམ་པའི་མི་ག་ར་དང་ ཆོས་ཚོགས་ཀྱི་འགོ་འདྲེན་པ་དང་དྲང་བཞགཔ་དེ་ཚུ་ལུ་ ཡི་གུ་འདི་འབྲི་དོ།

ཕི་ལི་པི་ལེའུ་ 3:12

ང་གིས་མ་པ་ལས་རང་ ཡེ་ཤུ་ཁིརཱིས་བཟུམ་སྦེ་ ཡར་སོང་ཡི་ཟེར་ཁྱབ་སྒྲགས་འབདཝ་མེན་ དེ་མ་ཚད་ ང་མ་པ་ལས་དེ་སྦེ་ཀྲིག་ཀྲི་ཡོད་ཟེར་ཡང་སླབ་མེན་ དེ་འབདཝ་ད་ དོན་ལས་རང་ ཁིརཱིས་ཡེ་ཤུ་གིས་ང་ལུ་ ག་ཅི་གི་དོན་ལུ་བཙག་འཐུ་མཛད་གནང་ཡོད་ག་ དེ་གི་དོན་ལུ་རང་ ང་གིས་ག་དེ་དྲག་དྲག་བརྩོན་ཤུགས་སྦོམ་བསྐྱེདཔ་ཨིན།

ཕི་ལི་པི་ལེའུ་ 3:14

གསོལ་རས་ཀྱི་དོན་ལུ་ འགྲན་བསྡུར་འབད་དོཝ་བཟུམ་སྦེ་ ང་ཡང་ཞིང་ཁམས་ཀྱི་གསོལ་རས་ཀྱི་དོན་ལུ་ དཀོན་མཆོག་གིས་ ཁིརཱིས་ཡེ་ཤུ་གི་ཐོག་ལས་ ང་ལུ་འབོ་མི་དེ་ལུ་ ང་གིས་བརྩོན་ཤུགས་སྦོམ་བསྐྱེད་པའི་བསྒང་ཡོད།

ཀོ་ལོ་སི་ལེའུ་ 2:11

ཁིརཱིས་ལས་རྒྱུད་དེ་ གཙང་པའི་རྟགས་སྐྱེལ་གནངམ་ད་ ཁྱེད་ཆ་ཁྱབ་སྡིག་པའི་རང་བཞིན་སྤང་སྟེ་ གཙངམ་ལུ་འགྱུར་ཡི་ མི་གི་ལག་པ་གིས་སྐྱེལ་མི་རྟགས་མེན་པར་ ཁིརཱིས་ཀྱི་རྟགས་ངོ་མ་ལས་རྒྱུད་དེ་ཨིན།

ཡུ་དཱས་ལེའུ་ 1:20

དེ་འབདཝ་ད་ ངེ་གི་བྱམས་པའི་ཆ་རོགས་ཚུ་ ཁྱེད་ཀྱི་དད་པ་ དོན་ལས་རང་དམ་པ་ཨིན་མི་དེ་ལུ་ ཁྱིམ་གྱི་འགྱམ་བཟུམ་སྦེ་ མར་སྒྲིང་སྒྲིང་སྦེ་བཙུགས་ཏེ་ དེ་ལུ་བརྟེན་ཏེ་སྡོད་དགོ་ དེ་ལས་འཕྲོ་མཐུད་དེ་རང་ དམ་པའི་ཐུགས་ཉིད་ནང་སྨོན་ལམ་བཏབ།