ཕི་ལི་པི་ལེའུ་ 3:20 - རྫོང་ཁ་

²⁰ དེ་འབདཝ་ད་ ང་བཅས་ཀྱི་མི་རྩིས་དེ་ ཡར་ཞིང་ཁམས་ལུ་ཡོད་ དེ་ཁར་ལས་སྐྱབས་མགོན་གཙོ་བོ་ཡེ་ཤུ་ཁིརཱིས་ལུ་ ང་བཅས་སྒུག་སྡོདཔ་ཨིན།

ཕི་ལི་པི་ལེའུ་ 3:20 Iomraidhean Croise

མེ་ཐིའུ་ལེའུ་ 19:21

དེའི་ལན་ལུ་ཡེ་ཤུ་གིས་ ཁྱོད་ལུ་ག་ར་ཕུན་སུམ་ཚོགསཔ་སྦེ་དགོ་པ་ཅིན་ འགྱོ་ཞིནམ་ད་ ཁྱོད་ནང་ཡོད་མི་རྒྱུ་ནོར་ཚུ་ག་ར་བཙོང་སྟེ་ ཏི་རུ་འདི་མི་སྤྱང་ཀ་ཚུ་ལུ་བྱིན་ དེ་གིས་འབད་ ཁྱོད་ཀྱིས་རྒྱུ་ནོར་ཞིང་ཁམས་ལུ་ཐོབ་ནི་ཨིན་ དེ་ལས་ཁྱོད་རང་ངེ་གི་སློབ་མ་སྦེ་ཤོག་ཟེར་གསུངས་ནུག

ལུ་ཀ་ལེའུ་ 12:21

ཡེ་ཤུ་གིས་ ད་དོན་དག་མདོར་བསྡུས་ཏེ་སླབ་པ་ཅིན་ རང་གི་དོན་ལུ་ཞེན་ཆགས་བསྐྱེད་དེ་ རྒྱུ་ནོར་ལོངས་སྤྱོད་བསགས་ཏེ་ ཕྱུགཔ་འགྱོ་མི་འདི་ རང་གི་དོན་ལུ་མ་གཏོགས་དཀོན་མཆོག་གི་གཟིགས་སར་ མི་ཕྱུགཔ་སྦེ་བརྩི་མི་གནང་ཟེར་གསུངས་ནུག།

ལུ་ཀ་ལེའུ་ 14:14

འདི་ཚུ་གིས་ ཁྱོད་ལུ་དྲིན་ལན་འཇལ་མ་ཚུགསཔ་ལས་བརྟེན་ཏེ་ ཁྱོད་ཀྱིས་བྱིན་རླབས་ཐོབ་འོང་ མི་ཆོས་སེམས་ཆེ་ཏོག་ཏོ་དེ་ཚུ་ ཤི་ས་ལས་གསོན་པོ་སྦེ་ལོང་པའི་དུས་ནང་ ཁྱོད་ལུ་གསོལ་རས་གནང་འོང་ཟེར་གསུངས་ནུག།

མཛད་པ་ལེའུ་ 1:11

ཁོང་གཉིས་ཀྱིས་ཁོང་ལུ་ དབའེ་ ག་ལི་ལི་གི་མི་འདི་ཚུ་ ཁྱེད་ཆ་ཁྱབ་ག་ཅི་འབད་རང་ ནཱ་ལུ་ལོང་སྟེ་བལྟ་སྡོདཔ་སྨོ་ ཨ་ནི་ད་ལྟོ་ཁྱེད་ཀྱི་གྲལ་ཁ་ལས་ ཡར་ཞིང་ཁམས་ལུ་འཐུ་བསྣམས་མི་ཡེ་ཤུ་འདི་ ད་ལྟོ་ཁྱེད་ཀྱིས་མཐོང་སར་འབྱོན་དོཝ་བཟུམ་སྦེ་ ད་རུང་ལོག་སྟེ་མར་འབྱོན་ནི་ཨིན་ཟེར་སླབ་ནུག།

ཀོ་རཱིན་ཐི་དང་པ་ལེའུ་ 1:7

དེ་འབདཝ་ལས་ ཁྱེད་ཆ་ཁྱབ་གཙོ་བོ་ཡེ་ཤུ་ཁིརཱིས་ མངོན་སུམ་དུ་མཇལ་བའི་ཉིནམ་འདི་ལུ་ རེ་བ་བསྐྱེད་དེ་བསྒུག་སྡོད་པའི་བར་དུ་ ཁྱེད་ནང་ཐུགས་ཉིད་ཀྱི་གསོལ་རས་འབོལ་མཆིས་ཆི་སྦེ་སྡོད་འོང་།

ཀོ་རཱིན་ཐི་དང་པ་ལེའུ་ 15:48

ས་ལས་བཟོ་བཟོ་བའི་མི་དེ་ཚུ་ འགོ་དང་པ་ས་ལས་བཟོ་བཟོ་བའི་མི་ དེ་བཟུམ་སྦེ་ཨིན་ དེ་འབདཝ་ད་ ཞིང་ཁམས་ལས་ཨིན་མི་དེ་ཚུ་ ཞིང་ཁམས་ཀྱི་མི་བཟུམ་སྦེ་ཨིན།

ཀོ་རཱིན་ཐི་གཉིས་པ་ལེའུ་ 4:18

དེ་འབདཝ་ལས་ མཐོང་ཚུགས་མི་སྙིང་པོ་ཚུ་ལུ་མ་བལྟ་བར་ མིག་གིས་མ་མཐོང་མི་སྙིང་པོ་ཚུ་ལུ་བལྟཝ་ཨིན་ ག་ཅི་སྨོ་ཟེར་བ་ཅིན་ མིག་གིས་མཐོང་ཚུགས་མི་སྙིང་པོ་འདི་ཚུ་ གནས་སྐབས་གཅིག་གི་དོན་ལུ་རྐྱངམ་གཅིག་ཨིན་ དེ་འབདཝ་ད་ མིག་གིས་མ་མཐོང་མི་ སྙིང་པོ་འདི་དུས་རྟག་བུ་རང་སྡོད་འོང་།།

ཀོ་རཱིན་ཐི་གཉིས་པ་ལེའུ་ 5:8

ང་བཅས་ཀྱིས་ཐད་རི་བ་རི་སླབ་ཨིན་ ང་བཅས་ཀྱི་ལུས་དང་ཁ་འབྱལ་ཏེ་ གཙོ་བོ་དང་གཅིག་ཁར་སྡོད་ནི་འདི་ ང་བཅས་ཀྱིས་གདམ་ཁ་རྐྱབ་ཨིན།

ག་ལ་ཏི་ལེའུ་ 4:26

དེ་འབདཝ་ད་ ཨབ་ར་ཧམ་གྱི་ཨམ་སྲུ་ངོ་མ་ རང་དབང་ཡོད་མི་དེ་ ཞིང་ཁམས་ལུ་ཡོད་མི་ ཡེ་རུ་ཤ་ལེམ་གཞན་གྱི་དཔེ་ཨིན་ ཨ་ནི་ ཡེ་རུ་ཤ་ལེམ་འདི་ ང་བཅས་ཀྱི་ཨའི་ཨིནམ་མ་ཚད་ ང་བཅས་མོ་བཟུམ་སྦེ་ རང་དབང་ཅན་ཨིན།

ཨི་ཕི་སིཔ་ལེའུ་ 2:19

ད་ཁྱེད་ཕྱི་ཁར་ལས་འོང་མིའི་མི་དང་ ནམ་ཡང་ངོ་མ་ཤེས་མིའི་མི་མེན་ དེ་འབདཝ་ད་ ཁྱེད་དཀོན་མཆོག་གི་བཟའ་ཚང་ཨིནམ་མ་ཚད་ ཁྱེད་ཀྱི་མི་ཁུངས་ཡང་ དཀོན་མཆོག་ཁོ་རའི་དམ་པའི་མི་དང་གཅིག་ཁར་ཡོདཔ་ཨིན།

ཨི་ཕི་སིཔ་ལེའུ་ 2:6

ཁིརཱིས་གཤགས་ས་ལས་གསོན་པོ་སྦེ་བཞེངས་གནངམ་ད་ ང་བཅས་ལུ་ཡང་ཁོ་དང་གཅིག་ཁར་ལྷོང་གནང་ནུག་ དེ་ལས་ཁིརཱིས་ཡེ་ཤུ་ལས་རྒྱུད་དེ་ ང་བཅས་ལུ་དབང་ཚད་གནང་སྟེ་ ཞིང་ཁམས་ལུ་ཁོ་དང་མཉམ་གཅིག་སྡོད་བཅུག་ཅི།

ཕི་ལི་པི་ལེའུ་ 1:10

དེ་ལས་འདི་གི་ཐོག་ལས་ ཁྱེད་ཀྱི་མི་ཚེ་ནང་ལུ་ དོན་ལས་རང་ཁག་ཆེ་ཤོས་འདི་ག་ཅི་ཨིན་ན་ཧ་གོ་སྟེ་ གཙོ་བོ་ཁིརཱིས་ལོག་སྟེ་མ་བྱོན་ཚུན་ཚོད་ ཁྱེད་གཙང་ཏོག་ཏོ་དང་སྐྱོན་ག་ནི་ཡང་མེདཔ་སྦེ་སྡོད་བཅུག

ཕི་ལི་པི་ལེའུ་ 1:27

གཙོ་བོ་རང་ ཁྱེད་ཀྱི་བྱ་བ་སྤྱོད་ལམ་དེ་ ཁིརཱིས་ཀྱི་གཏམ་བཟང་དང་མཐུནམ་སྦེ་སྡོད་ ང་ཁྱེད་འབད་ས་འོངས་ཏེ་ ང་རང་གི་མིག་ཏོ་གིས་མཐོང་རུང་རང་ ཡང་ན་འོང་མ་ཚུགས་ཏེ་འབད་རུང་རང་ ཁྱེད་ཀྱིས་ག་ར་སེམས་གཅིག་སྦེ་མཐུན་ཏེ་ གཞན་ཚུ་གིས་ གཏམ་བཟང་ལུ་དད་པ་བསྐྱེད་པའི་དོན་ལུ་ གཅིག་ཁར་སྦེ་ལཱ་དཀའཝ་སྤྱད་དེས་ཟེར་གོ་བཅུག

ཀོ་ལོ་སི་ལེའུ་ 1:5

འདི་ཁྱེད་ཀྱི་དོན་ལུ་ ཞིང་ཁམས་ལུ་བཞག་ཡོད་པའི་རེ་བ་དེ་ལུ་བརྟེན་ཏེ་ཨིན་ དེ་གི་སྐོར་ལས་ ཁྱེད་ཆ་ཁྱབ་ཀྱིས་ཧེ་མ་ལས་ བདེན་པའི་གཏམ་བཟང་གི་ཐོག་ལས་སྦེ་རྣ་བ་གོ་ཡི།

ཐེ་ས་ལོ་ནི་ཀ་དང་པ་ལེའུ་ 1:10

དེ་མ་ཚད་ ཞིང་ཁམས་ལས་འབྱོན་ནི་འབད་མི་ དཀོན་མཆོག་གི་སྲས་ཡེ་ཤུ་འདི་ལུ་ ཁྱེད་ཀྱིས་རེ་བ་བསྐྱེད་དེ་སྒུག་སྡོདཔ་ཨིན་མས་ཟེར་ ང་བཅས་ལུ་སླབ་ཨིན་མས་ ཡེ་ཤུ་འདི་ གཤགས་ས་ལས་སྐུ་གསོན་པོ་སྦེ་བཞེངས་གནང་མི་ཨིནམ་མ་ཚད་ ང་བཅས་ལུ་དཀོན་མཆོག་གི་ཁྲིམས་ཕོག་ས་ལས་སྐྱབས་མཛད་དེ་བཞུགསཔ་ཨིན།།

ཐེ་ས་ལོ་ནི་ཀ་དང་པ་ལེའུ་ 4:16

ག་ཅི་སྨོ་ཟེར་བ་ཅིན་ བཀའ་གནང་ཞིནམ་ད་ ཕོ་ཉ་སྦོམ་ཤོས་གཅིག་གིས་སྐད་རྐྱབ་ དཀོན་མཆོག་གི་དུང་ཕུ་སྟེ་ གཙོ་བོ་ཁོ་རང་གནམ་ཁ་ལས་མར་བྱོན་ཏེ་ དང་པ་ ཁིརཱིས་ལུ་དད་པ་བསྐྱེད་དེ་གྱོངས་སོང་མི་དེ་ཚུ་ ག་ར་གསོན་པོ་སྦེ་ལོང་ནི་ཨིན།

ཏི་མོ་ཐི་གཉིས་པ་ལེའུ་ 4:8

ད་མཐའན་མཇུག་གི་ཉིནམ་ནང་ ཁྲིམས་ཕྲང་སྟེ་ཕྱེ་མི་གཙོ་བོ་གིས་ལོག་བྱོན་ཏེ་ ངེ་གི་དོན་ལུ་བཞག་གནང་མི་ དཀོན་མཆོག་ཁོ་རའི་ཐུགས་དང་ལྡན་པའི་མི་ཕྲངམ་གི་གཙུག་རྒྱན་དེ་ ང་ལུ་གནང་འོང་ དེ་འབདཝ་ད་གསོལ་རས་འདི་ ང་རྐྱངམ་གཅིག་ལུ་མེན་ དེ་འབདཝ་ད་ ཁོ་འབྱོན་ནི་འབད་མི་ཉིནམ་དེ་ལུ་བརྩེ་བ་བསྐྱེད་དེ་ རེ་འདོད་ཀྱི་ཐོག་ལས་སྒུག་སྡོད་མི་ག་ར་ལུ་གནང་ནི་ཨིན།།

ཏི་ཏུས་ལེའུ་ 2:13

ད་རུང་བྱིན་རླབས་ཅན་གྱི་ཉིནམ་ལུ་ཐེ་ཚོམ་མེད་པར་ ང་བཅས་རེ་བ་བསྐྱེད་སྡོད་དེ་ཡོད་ ཉིནམ་དེ་ལུ་སྐྱབས་མགོན་ཡེ་ཤུ་ཁིརཱིས་ ང་བཅས་ཀྱི་དཀོན་མཆོག་མཐོ་ཤོས་འདི་ ད་རུང་འཛམ་བུ་གླིང་ལུ་འབྱོནམ་ད་ ཁོ་གི་གཟི་བརྗིད་འདི་གནམ་མེད་ས་མེད་ འོད་ཆེམ་ཆེ་སྦེ་མཐོང་ནི་ཟེར་ང་བཅས་ཀྱིས་ཧ་གོ།

ཧིབ་རུ་ལེའུ་ 12:22

དེ་འབདཝ་ད་ ཁྱེད་ཆ་ཁྱབ་གསོན་པོའི་དཀོན་མཆོག་གི་གངས་རི་ ཟི་ཨཱོན་དང་ ཞིང་ཁམས་ཀྱི་ཁྲོམ་ ཡེ་རུ་ཤ་ལེམ་ དེ་ལས་དེའི་ནང་ གྱངས་ཁ་མ་ཆོད་པའི་ཕོ་ཉ་གི་དགའ་སྤྲོའི་ཚོགས་འཛོམས་ནང་ལྷོད་ཅི།

ཧིབ་རུ་ལེའུ་ 9:28

འདི་བཟུམ་སྦེ་རང་ ཁིརཱིས་ཡང་ མི་ལེ་ཤ་གི་སྡིག་པ་བསྣམས་ནིའི་དོན་ལུ་ ཚར་གཅིག་སྦེ་ ཁོ་རང་དམར་མཆོད་སྦེ་ཕུལ་ནུག་ ད་ཐེངས་གཉིས་པ་ལུ་ ཁོ་མི་སེར་གྱི་སྡིག་པ་བསྣམས་པ་མེན་པར་ ཁོ་ལུ་རེ་ཆ་བསྐྱེད་དེ་སྒུག་སྡོད་མི་ཚུ་ལུ་ཐར་བ་གནང་པ་འབྱོན་ནི་ཨིན།།

མཐོང་སྣང་ལེའུ་ 1:7

བལྟ་ཤིག་ ཁོ་ས་སྨུག་ནང་འབྱོནམ་ད་ མི་ག་ར་གིས་ཁོ་ལུ་མཇལ་འོང་ ཁོ་ལུ་ཀྲིང་ཀ་གསོབ་སྟེ་བཀྲོང་མི་ཚུ་གིས་ཡང་ཁོ་ལུ་མཇལ་འོང་ དེ་མ་ཚད་ འཇིག་རྟེན་ནང་གི་མི་རིགས་ག་ར་གིས་ བློ་འགྱོད་བསྐྱེད་དེ་མྱ་ངན་འབད་འོང་ དེ་བཟུམ་སྦེ་རང་འབྱུང་བཅུག་ ཨ་མཱེན།